金凡潮汕菜

营业中

休息中

新開潮州菜餐館，樓底好高，環境好舒適寬敞，裝修充滿懷舊風格亦不失氣派，係聚會好選擇。今晚同老公兩個人撐枱腳，人少少就叫左個人氣魚翅撈飯辣蟹餐，都已經非常夠飽。✨金凡辣蟹可以揀唔同辣度，我地揀咗小辣。辣蟹大大隻啖啖肉蟹肉鮮甜。避風塘口味嘅辣椒同炒蒜惹味得黎唔會好鹹。✨金凡魚翅撈飯一疏疏嘅魚翅配上芽菜，加上濃郁上湯，忍唔住撈咗成碗白飯。✨豬油渣生炒菜心以豬油渣炒嘅菜心，再加上蒜片，好香口。菜心嫩綠爽脆。

男朋友雖然唔係潮州人但都鐘意打冷今日行經尖沙咀就試下新開嘅金凡潮汕菜⼀入門口已見到大大個凍櫃放滿各式潮式凍蟹凍烏頭可惜我地今日人少😮‍💨餐牌都好多選擇仲有唔少套餐有個令我地兩個都好有衝動試嘅係佢地嘅人氣二人魚翅撈飯辣蟹餐🤤🤤糧尾都可豪食魚翅撈飯我真係第一次🥇大大煲魚翅砂窩上翅湯濃稠翅群都真係睇得到嘅有料👍用魚翅撈飯原來係咁滋味嘅～招牌避風塘炒蟹有得揀少辣成隻蟹都好入味！大肉蟹夠肉地仲有蟹膏添🤤🤤🤤真係令人忍唔住想連手指都食埋！黃金豬脊仁炒時蔬呢個又係⼀絕菜芯香鮮爽口👍加上豬油勁勁勁香但白飯已撈完魚翅唯有多點⼀碗😂經理超好客見我地食得咁滋味仲送上潮州特色綠豆清心丸糖水食物味道好又好服務下次⼀定要再黎魚翅撈飯！

今晚與友人想試食潮菜, 又不想打冷, 在老尖上樓食潮菜應該價錢不菲, 路過見到這間地舖新店個招牌很吸晴, 價錢也合理, 一於食豪少少, 叫個魚翅撈飯套餐, 老實講可能價錢未夠貴, D翅都唔係好多也不算大梳, 叫做試過啦, 而避風塘炒蟹, 蟹唔算大隻, 但都做得幾有風味, 肉質也新鮮, 鮮蝦水瓜烙, 水準之作, 砂鍋朱油渣炒芥蘭, 就夠特色和有鑊氣。整體連埋鋪面金漆招牌的裝飾, 在尖沙咀遊客區, 如繼續保持侍客之道, 應該可以打出條營商之道。

舖面的招牌很吸晴, 金漆招牌外, 玻璃窗掛滿各式打冷美食, 例如：獅頭鵝、墨魚、凍蟹、凍魚等, 全都睇到令人垂涎欲滴, 再望清楚價錢, 也不是一般樓上店的嚇人, 即管入內一試, 前舖樓底頗高, 掛了金凡的金漆招牌, 座位也算寬敞開揚, 原來更有一些二人及四人餐, 所以無謂多諗就試了他的最貴那個二人餐, 就是魚翅撈飯、避風塘炒蟹、黃金豬脊仁炒芥蘭, 上枱才知道原來就即是豬油渣, 這個推介二人餐,目前又免加一免茶位, 而食物份量也不少, 怪不得也頗多客人點名享用。

估唔到而家尖沙咀有間新嘅魚翅撈飯！記得之前喺泰國都食過一次魚翅撈飯！估唔到依家香港竟然有間魚翅撈飯專門店!就一定要去食吓啦！餐廳裝修充滿香港風味、音樂見證住香港傳統嘅歌曲、呢度嘅小菜都幾豐富，仲有出名嘅潮汕菜！鍾意食潮汕菜嘅，你一定要過嚟食吓！我哋今次比較簡單，淨係叫咗魚翅撈飯同埋兩個小菜嘅套餐！ 。首先碗魚翅撈飯、建議大家食咗魚翅湯之後先再撈飯咁就可以品嚐到佢、自然嘅味道！再加上魚翅嘅質地都幾滑！湯係利用雞湯長時間熬製！時間嘅感覺！小菜我哋叫咗青椒炆雞、同埋蕃茄牛肉！我會比較建議食青椒炆雞，因為幾香雞都滑！蕃茄牛肉就見仁見智！因為牛肉味比較奇怪！金帆潮汕菜尖沙咀加連威老道46-48號恆隆銀行尖沙咀分行大廈

如果喜歡食潮州菜嘅朋友有好選擇了。呢間新開業嘅餐館不論打冷、滷水，還是海鮮菜式都唔錯，價錢亦唔算貴，值得一試。今日就試試個魚翅撈飯辣蟹餐，七百零蚊有蟹又有翅。金凡魚翅撈飯 - 以砂窩上盡量保持溫度，不過都要快啲食。一梳梳魚翅配上芽菜，配上濃湯，撈白飯食好滋味。金凡辣蟹 - 喜歡香口濃味嘅我當然揀避風塘口味，炸蒜粒同辣味非常誘人。隻蟹都幾多肉，蟹肉鮮甜。豬油渣生炒菜心 - 自家製豬油渣，既邪惡又香口，用黎炒菜，寧舍甘香。

魚翅撈飯套餐價格親民， HKD88就有得食仲送熱飲， 轉凍飲加HKD3, 特飲加HKD8, 加多HKD30可以叫埋迷你小菜， 未食見到餐牌都覺得好豐富呀🫶🏻為咗打卡效果靚啲， 我同朋友將沉咗係底嘅魚翅搵出黎，經我地一番努力終於將2碗嘅翅全部收集齊係呢一匙度，大部分都屬於無骨翅邊， 我連讀碩士都揀photography真係無揀錯科❕涼瓜炒雞柳真心好食， 味道濃郁夠晒入味，連平時唔會食涼瓜嘅我都可以食到！ 蕃茄牛肉炒蛋最令我印象深刻， 未食已經聞到濃郁嘅味道尤如擦身而過嘅路人飄出嘅體味， 擺入口咬咗一啖忍唔住獲利回吐，味道同餵豬嘅不相百仲真係好震撼，所以邀請店員一齊品嚐， 但店員話餐廳選用嘅雪牛味道絕對唔可以同鮮牛比較而拒絕品嚐。最後叫咗2杯熱菜蜜， 其中一杯等咗半個鐘就黎到啦， 係呢度絕對可以享受無拘無束自由奔放嘅慢活生活態度✨

今晚去的餐廳位於尖沙咀，主打潮汕菜，滷味、打冷和小菜都應有盡有。餐廳以白色為主調，十分之光猛，店員服務亦加分。避風塘炒蟹🦀蟹用了避風塘方式去炒，蒜香與辣味互相輝映，味道濃郁，蟹肉鮮甜，十分惹味。魚翅撈飯 🍚魚翅用了瓦煲，保持其溫度，亦令魚翅更美味。魚翅是一梳梳的，鮮甜矜貴，配上爽口牙菜和上湯，撈飯一流。豬油喳炒菜 🥬用了炸到十分香口的豬油喳加上蒜頭🧄來炒菜心，火喉控制得宜，令翠綠的菜心爽脆可口。

放假去開尖沙咀，咁岩想食潮州野，就去左「金凡潮州菜」，估唔到食落係好正宗嘅潮州美食。魚翅撈飯，這道菜以魚翅為主角，配以鮮嫩多汁的精選的食材。魚翅的質地細嫩，搭配飯的口感，有極豐富的層次和口感。每一口都充滿了魚翅的鮮味。小菜分別有迷你蔥爆豆豉雞和迷你滷水拼盤。迷你蔥爆豆豉雞是一道潮州經典菜式，嫩滑的雞肉搭配蔥和豆豉的香氣，帶來了一種獨特的風味。而迷你滷水拼盤則結合了各種滷水的小吃，每一款小吃都入味鮮美。

今晚同朋友不約而同想食潮州野，經過金凡，唔使等位，又見裝修得古色古香，於是就入去試下。人氣魚翅撈飯辣蟹餐 套餐當然係有魚翅啦😛份量好大，夠4個人食👍🏻朋友唔係好食得辣，辣蟹我哋叫左BB辣，蟹好大隻，特別要讚一讚避風塘炒蟹啲蒜炒好好香又唔油，送飯一流🤤豬油渣炒菜心，好香口😋大大份都清晒，仲要唔記得影相😆我哋另外單點左九肚魚蠔仔餅，炸得香口，九肚魚好滑，好好味😋食潮州野唔少得滷水，我哋叫左鵝肝拼滷水蛋。平時女仔gathering好少食潮州野，侍應一般比較有性格😆要讚一讚金凡服務好好，同埋菜式選擇好多👍🏻

🍽 金凡潮汕菜同女去打冷，估唔到打冷都有魚翅撈飯食，又幾富貴哦，仲有避風塘炒蟹添，你哋以為好貴添，實際係普通價錢就可以食到呢個餐，真係平靚正👍➰➰➰➰➰➰➰➰➰➰➰🔱魚翅撈飯辣蟹餐 $750🍒招牌避風塘炒蟹 避風塘炒蟹蒜香味濃郁，隻蟹好大，夠新鮮，喜歡食炒蟹嘅人你呢度都可以試到啦。🍒金凡魚翅撈飯魚翅撈飯清淡得來又幾爽口，好大排嘅魚翅加上豆芽呢個泡飯唔使餸都好好食😋🍒家鄉炒魚麵魚麵好似炒麵一樣，加啲配菜食落好似魚片一樣彈牙鍾意食辣嘅可以加啲辣椒醬食嗰日去都見幾多人食㗎，裝修亦都光猛舒服

今晚同老婆去了這間新開不久的潮州菜館，平時中午經過見到都幾多款式的小菜，價錢亦都不算貴，小菜都是$60起，比集團式經營的茶餐廳還要便宜，所以今晚專呈幫襯一下。避風塘炒蟹：原隻肉蟹以避風塘方式爆炒，表面舖滿了炸蒜及辣椒，十分香口又惹味，蟹肉鮮甜又新鮮。豬油渣生炒菜心：菜心炒至翠綠爽口，而且完全無渣，細心去掉近菜頭部份，只留嫩位，所以十分爽脆。金凡魚翅撈飯：一大煲魚翅湯，紅燒翅味香濃，下面有大量的芽菜，豐富骨膠原，撈飯好味。

🐽 魚翅撈飯佢哋嘅魚翅好多，質感好豐富。魚翅湯底嘅味道濃郁，金華火腿味好出。撈埋飯一齊食 ，增添咗層次同口感。最重要係儀式感滿滿🐽 避風塘炒辣蟹辣蟹新鮮又大隻，炒得香辣味十足。辣蟹個殼薄身肥，肉質飽滿，入口滑嫩，每一口都能夠品嚐到蟹肉嘅鮮甜。避風塘炒辣蟹嘅辣蒜亦都好惹味，有獨特嘅蒜香辣椒味道，撈飯一流。如果你鍾意辣味同海鮮，呢款菜一定係你嘅首選🐽 豬油渣生炒菜心以新鮮嘅菜心同香脆嘅豬油渣炒製而成。豬油渣炒菜心嘅特色係菜心保持咗脆嫩嘅口感，同時豬油渣嘅香脆質地帶出咗濃厚嘅豬油味道。食落去，豬油渣嘅獨特風味同菜心嘅清爽口感完美結合

🚩金凡潮汕菜魚翅撈飯聽就聽得多啦｜你哋又食過未呢😌今次推薦一間超抵食魚翅撈飯套而且絕對係貨真價實｜真材實料‼️體驗一回富貴人家的感覺～〰️〰️〰️〰️〰️〰️〰️〰️〰️〰️〰️〰️〰️🌈魚翅撈飯辣蟹餐 $750✨招牌避風塘炒蟹 估唔到呢個價錢又食蟹又食翅🫣避風塘最緊要個炸蒜香脆而不焦黑味苦🧄每啖蟹肉都夾帶着少少蒜香味｜完全唔會搶風頭隻蟹手掌咁大隻｜殼薄肉厚✨金凡魚翅撈飯主角來了‼️肉眼可見的翅塊湯底鮮甜帶點膠原的黏性每粒飯粒都可以裹滿湯汁🦈工作那麼累｜呢一啖完全滿足晒✨家鄉炒魚麵初嘗魚麵😎口感比較似長條型嘅魚腐軟淋得黎又略帶點彈性店員推薦配搭辣椒醬食｜又是另一番風味

放工約朋友食餐飯，朋友介紹尖沙咀一間潮洲菜館 "金凡”。一入餐廳見到裝修別緻，地方寬敞舒適。坐低先黎一個金凡魚翅撈飯，金黃色的濃湯，一疏疏魚翅，魚翅浸滿上湯好入味， 咸度剛剛好，啖啖魚翅好好味，撈飯更加一流。第二度菜係金凡招牌辣蟹，上菜時睇到大大隻蟹鋪滿金黄色炸蒜，風味十足，味道似避風塘炒蟹。食了一口，就想繼續食，蟹肉鮮甜，食得出係新鮮蟹，加上炸蒜同香蔥，味道豐富。最後食埋豬油渣炒龍鬚菜，現時講求健康，有豬油渣嘅地方買少見少。難得見到有得食，即刻點左。見到一舊舊油渣加上翠綠龍鬚菜，賣相吸引配搭新鮮。油渣鬆脆肥而不膩，搭上青菜爽脆可口，油香味濃。絕對係一間優質潮州菜館，值得推介。