金源燒腊茶餐廳

营业中

休息中

Randomly walked by this place as my friend was explaining to me the history of this restaurant. As it is a Family owned business, you can somewhat feel it from the vibe there. While this place is more expensive than nearby shops, but i think their roasted pork is the best. Crispy skin with succulent meat. Pair it with mustard and you get the perfect bite. If you order take away, they will puncture a hole in the take away box so that the skin stays crispy. I also appreciate how there's never been

天氣一凍個腦即刻諗返起啲煲仔飯🍲🥶🤤如果住喺紅磡或者經過呢頭附近食嘢嘅朋友，一定會見到黃埔街大部分都比發展商收購重建，周圍都係鐵架，唯獨是有一間舖頭仍然開晒燈做緊生意，就係呢一間經營超過30年嘅燒臘茶餐廳💁🏻‍♀️因為業權問題，茶餐廳門口貼住「自置物業還有多年為街坊服務」，老闆有咁多業權，收購發展賺到嘅錢一定比茶餐廳多好多，或者中間好多細節我只係一個路人唔清楚啦，不過都幾欣賞呢個老闆🥸好啦都係講返野食，其實話說我係俾佢門口既火爐瓦煲吸引咗過嚟，行到埋去仲係見到用傳統方法整煲仔飯，真係買少見少😋👅北菇滑雞煲仔飯 煲仔飯上到嚟照舊要熱辣辣勁驚咁開蓋🌝淋個老抽極速冚返蓋，等一陣再開返就食得！😛超級香，撩到落底勁多飯焦🤩飯粒乾身粒粒分明👏🏻滑雞數量多，仲要又嫩仲有啲雞油出🤤菇都係大大舊有汁💦整體黎講呢個價錢仲想點💯👅臘腸潤腸煲仔飯 鍾意孖腸既朋友可以試下，孖腸味滲哂入飯🤤咬條臘腸仲咇到啲油，咁邪惡架咩🤤兩條腸料足，腸皮唔un，口感亦唔錯👏🏻吖，呢間啲燒臘下次可以試下，見好多街坊排隊買🥸

由細到大住係紅磡既朋友話我知呢間燒腊檔既燒味出名唔錯，仲平靚正，叫我過黎試下。✨燒肉飯燒肉肥瘦適中，肉質唔會硬柴柴，個皮燒到脆卜卜，而且份量都多，唔錯，只係個例湯比較咸。🏠 金源燒腊茶餐廳🛤️ 紅磡黃埔街20號地下📍 港鐵站B1出口，步行約6分鐘-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining

今晚加料做完facial, 去黃埔街金源燒腊茶餐廳買燒肉呢間出名，以前在紅磡返工，收工經過好多人買燒味燒肉唔貴，唔使100蚊一斤下次買兩條骨，嗰款，貴啲，仲好味係好味的

今日同老公又出黎行街， 幫屋企走左既仙人問少少野， 之後就去左食燒味飯。 諗唔到多食評既金源有不少棒場客， 由我地坐低到走，都不停有客人入黎堂食同外賣， 可想而知， lee到既燒味質數唔差。叉燒併油雞飯：油雞食唔到有雪味，d雞肉鬆軟， 唔會過老。叉燒半肥瘦，唔算鬆軟，我最愛既叉燒都係深水埗金華， 但金源叉燒算唔錯。燒肉併燒鴨飯：燒肉係脆唔會過咸， 但皮同肉分離左， 少少失望。燒鴨冇so味，皮脆而且醬料入味。44蚊有雙併飯跟餐有例湯，加3蚊有奶茶咖啡。老公話既奶茶出色， 確實係有茶味又唔會太澀。係抵食。

今日去開紅磡就嚟左我最愛既 👉🏻 金源燒腊茶餐廳👈🏻 食燒味，連我屋企人都會專門去買嚟食㗎👅..點左個”乳豬” 上枱熱辣辣，份量都多，表面仍然好有光澤🌟 外皮脆卜卜，脆皮下有薄薄嘅一層脂肪，下層係嫩滑嘅豬肉，真係吃多幾件都唔會膩，正呀💯 ..“蜜汁叉燒” 係傳說中好好食嘅3粒叉燒呀😍 果然食落肉質鬆化，而且燒得入味👍🏻 一層肥膏一層肉，有齊油香和肉香，味道帶甜又唔覺肥膩，不論餸食定瀨粉都好好食呢➰..PS : 留意返💁🏻‍♀️雖然成條街都被收左，但呢間茶餐廳仲有開㗎‼️ 大家快啲去食下喇🤩

今早來紅磡，見到金源燒臘茶餐廳。當然一試啦！不過依傢就算舊式茶記都唔會平。但我都幾喜歡這類型舊式茶記。一入來就有個一班食開客人，好似朋友咁同樓面姐姐仔吹水。好親切！我叫左個叉燒面配腸仔蛋牛油方包。飲熱奶茶。就要$32！正常早餐價錢。但叉燒就燒得好靚。唔知係唔係早上即燒。面冇吸晒水，仲爽口！環境一定係又舊，台都舊舊，非常有歷史感覺。但人不數太多，可能比較早關係。地下都好干淨，所以坐得好舒服！如有機會大家可以來一試。

每次都係隔離舖位食燒味飯，首次早餐到訪。細閱餐牌一下，鼓油皇咩黎架，豉油麻？楊州邊度黎架，揚州麻？有趣有趣。菜牌寫住脾類，我見到都覺得好疲累呢。雞髀個髀，唔係脾氣個脾，唔係脾胃個脾。這年頭物價騰貴跟不合理租金，合記及金源售價已上調不少，當然明白的。落雨連火車都塞，慢到死？話知佢遲到咪遲到，最緊要食飽先！對對個鐘已經 09:10，民以食為天，當然嘆埋個早餐晨早鋸個扒先開始工作。這邊廂內籠古色古香，食客不多，茶記來說算寧靜，坐得舒服，最好坐係卡位，長檯就有點迫夾。嬸嬸姐姐哥哥叔叔服務都周到，只係環境比不上合記。舖位始終較殘舊感覺衛生程度偏低，合記空氣流通又開揚，地方光猛乾淨，雖然無卡位都坐得舒服既。丁麵都只加 $2 蚊勁抵食。比合記平 $2 蚊大大份，扒麵餐平 $10 蚊，食物質素還要更好。快狠準平靚正大大份，抵食過合記好很多多聲。嬸嬸親切招待感覺溫暖，已計劃想試公司出前一丁多時，機會黎喇 ﹗不過侍應嬸嬸問我點解要食公司麵 $33 蚊無餐飲，而不選擇早晨套餐呢？散叫杯凍飲加個麵要 $50 蚊，不化算喎。公司麵大慨都是餐腿蛋腸叉燒煙肉之麻，不如食個扒麵或叉燒麵，仲有餐腿蛋多士選擇，送埋餐飲添

原本今日係去街尾某間特色既餐廳既，但係去到，似乎已經執咗啦，因為好似成棟樓既鋪頭都冇開。講返金源燒腊茶餐廳啦，因為似乎佢已經冇乜對手啦(起碼呢條街啦)！睇睇餐牌，又唔想食燒腊，於是就將眼球投向啲中式炒飯麵啦，因為原本今日個胃唔係諗住裝燒腊嘛。結果揀了香橙雞扒飯啦…等了一陣，在我後面叫燒腊既都開始食得啦，我叫既都未到。無他既，我自己傻啫！重點到了，香橙雞扒飯到了，碟飯未放上張枱，已經聞到強烈既橙酸味，睇清楚，佢真係有橙，一粒粒既橙，個廚真係好心機，我明白為何要等啦，心機野，又要搣橙皮，又要切，仲要難搵呀嘛，如果唔係新鮮橙，係唔會酸既。我相信佢地已經落返好多糖黎戥返衡，但都係好酸，如果啲汁少返啲，我一定會食晒既，可惜，結果我…都係冇依食啦。除了汁(多同埋酸)之外，雞扒呢…係…抵讚既，佢唔係燒，佢唔係煎，佢係炸，仲要係炸鹽酥雞喎，真係估佢唔到啦！係 Good 既，唔油膩，夠香脆。服務方面，呢到係做街坊生意既，個姨姨同啲人客閒話家常，又好有禮貌咁問我：「要唔要湯呀？」40零蚊既午餐，可以接受呀。

A very local eatery. They have two stores on the same road so when we went to the main store and they had no seats we were asked to go two shops down where there was more seats. We ordered a bitter melon and fish rice. The fish had a nice batter to it and together with the sauce and bitter melon it was a delight. The chinese vegetables tasted great too. The tofu and fish rice tasted unfortunately very bland Both dishes came with free soup which was nice

琴日收工莉莉子去左紅磡附近覓食，凍冰冰既天氣梗係要試下傳統燒味店既煲仔飯啦原本諗住係寶石戲院附近既燒味店食飯，但門口太多人關係，莉莉子唯有失望甘沿黃埔街慢慢行，竟然俾我見到呢間金源燒腊茶餐廳入座後當然要點左個腊腸雞煲仔飯啦，等左10分鐘終於上枱，熱辣辣既沙鍋煲一開蓋已經有好香既飯焦味，再倒上老抽，「渣」一聲，莉莉子聽到都好想食啦呢間茶餐廳既白飯口感較硬身同乾身，配埋白菜仔同腊腸食好香好夠味，最重要係價錢只係$60-70一位，下次莉莉子一定會叫埋朋友一齊試

薰蹄叉燒飯薰蹄幾好食 肥瘦均勻 豬油豬皮部分都好食只係我果碟叉燒比較瘦同硬 燒鴨叉燒飯反而我朋友嗰一碟既叉燒肥瘦岩岩好 燒鴨都幾香口🤗佢會奉送湯 雖然都唔好介意佢冇咩味 但算係咁啦四十蚊

홍함에 택배 물건을 찾으러 가다가 배가 고프길레 먹은 슈욕 까이 판!!!밖에서 봤을때 유리쪽에 걸려있는 슈욕이랑 까이가 무척 먹음직 스러 보여 그냥 시간도 없고 배고프니 먹어보자 생각하고 무작정 슈욕까이 판을 시켜봤습니다. 음식점이 그냥 골목안에 허름하니 그닥 신용이가지 않는 느낌을 줬지만 유리쪽 걸려있는!! 고기때문에 ㅎㅎㅎㅎ 암튼 ..! 일하시는 아주머니께서 아주 시크하게 국물도 먹을레? 라고 하시길레 탱큐라 하며 먼저 통 을 먹었는데!! 뭐!! 이런맛이 할 정도 진한 국맛! 괜찮다 라고 생각 하는 순간 슈욕까이판이 나왔습니다. 두근거리며 먼저 수욕(껍질이 바삭한 삼겹살)을 먹었는데 지금까지 홍콩에 와서 먹어본 수욕중에 몇 손가락 안에 들 정도로! 괜찮은 맛!! 그리고 까이( 삶은 닭) 은 쫌 오버쿡 느낌.. 그리고 같이가는 여자친구의 챠슈(홍콩식 돼지 바비큐)를 뺗어먹어봣는데!!! 진심 레알 정말로 그렇게 맛있는 차슈는 처음이었습니다. 진심 혹시 홍콩에 음식을 먹고싶음분들!!

來到July感覺是平靜, 在這區工作還有一個月時間, 每次由工地點行過來金源都要差不多行10分鍾, 頂頭的太陽雖然曬得燦爛, 但在冷氣間走出來的我又不怎樣覺得熱到受不了, 寫給金源的今年最後一篇食評吧! 05 June乾炒油河 – 例牌充滿油光, 保持水準之作芙蓉蛋飯 – 這裡的人氣產物, 材料豐富, 有蝦(當然係無鮮味的啦), 火腿絲, 洋蔥絲, 青蔥等,紅荳冰 – 跟番時下流行版本, 多奶無乜紅荳, 唔推介!15 June 豉椒牛腩河 – 顏色配搭得好, 牛腩是預先已經中式鹵水汁炆好的牛腩, 當然入晒味啦, 只不過同豉椒無甚關係啫! 多菜多肉之選!25 June 時菜雜燴飯 – 嚟咁多次至差呢個, 雜燴係蝦仔, 鯪魚餅, 义燒, 豬潤, 日本魚蛋片, 打番個無乜味嘅玻璃獻汁, 這亦是不推介之一!02 July 窝蛋牛肉飯 – 牛肉曷醃肉粉的鬆軟味道, 蛋汁夠多但味道沒有太重, 菜則由九王做主角, OK嘅碟頭飯!09 July 黑椒雞扒燴意粉 – 做法非常之港式 雞扒走油斬件, 上淋一個黑椒汁, 可惜的是黑椒汁做得太無內涵, 唔夠香辣, 意粉只是普通囉16 JULY 鳳爪排骨飯 –

自從發現咗佢之後, 我等草根階層, 無帶食物那天好自然嚟呢度或者去老麥, 而呢度比較強的地方係燒味之外其他嘅茶餐廳碟頭野都好似樣, 絕對唔會為咗賺多一兩蚊減料頭,減飯,減麵之類的常見招式, 應該要落的材料都會落晒, 在這兩個月份主要試的是傳統茶記碟頭飯或者蒸餸套餐.14 May 星洲炒米 呢個米粉嘅料頭好足, 洋蔥絲, 蔥青, 火腿絲, 义燒絲, 蛋絲,紅椒粒, 咖哩有色但味不太突出,21 May 乾炒油河, 名乎其實的”油河”, 河粉是闊身那種, 芽菜同牛肉係主角, 醬油少咸帶甜色深,落咗多少油唔清楚但就每條河粉都油光滿面, 叫得呢個河粉就預咗啦! 唔夠油炒嘅牛河真的好難食, 唔食佢好過! 芽菜重還有些爽口, 牛肉片大大片口感就係有醃過嘅不過尚還可以接受啦, 如果蔥青可以多一點的話效果會更好,22 May 油雞燒肉飯, 隨意斬來的居然有雞脾是始料不及的, 雞肉好滑, 醬油色深但不會過咸, 燒肉也是帶點脆皮, 肉不是只有瘦肉帶點脂肪抵讚, 燒汁都啱啱好夠用,26 May 香橙豬扒飯, 豬扒是大量的, 走油後口感仍然Juicy,最令自已覺得佢地夠認真的是個汁, 用上半個橙去做這汁, 雖然