金牌小龍 (已結業)

今日同阿媽去左尖沙咀shopping，雖然堅係超多人，但好彩好快就買完野。呢個時候梗係要搵野食！阿媽麻麻地西餐，所以就搵中式野。望見呢間鋪有小籠包，又有台灣野食，應該岩阿媽食。雞絲粉皮，青瓜仲好新鮮，粉皮都好幼滑，而麻醬又唔會太多，味道又香又唔算濃。元盅雞湯，飲落清得黎好重雞味，亦都唔喊，飲唔出有味精。醉雞，全部都只係得肉無骨，酒味甚濃，冰涼得黎又帶有酒香。台灣甜不辣，其實係炸魚片，新鮮炸出黎面仲脆脆地，啲醬酸酸甜甜的。台式擔擔撈麵，麻醬好香， 無太多既湯，撈完後有啲似麻醬撈麵， 香而不溜，只係稍為辣左少少。蝦肉蒸餃，入面包左蝦同豬肉做餡，有肉味就唔會剩係得蝦味咁寡，而且會更有口感。爆汁牛肉餡餅，入面有飽滿既牛肉餡，同埋仲有好多肉汁喺到，所以食嗰時要小心～酥炸黃花魚，薄薄既一層脆皮食落有如炸魚皮一樣，魚肉一樣照舊鮮甜滑溜。皮唔算薄，但就可以夾上黎唔會串，可以飲返哂入面啲湯，蟹黃味唔太濃烈，味道恰到好處。

小籠包一直都係我最愛🥰 同朋友係isquare揀緊有咩食既時候，見到金牌小龍就決定好今晚既晚餐😆即刻整翻2籠小籠包食下先。叫咗金牌小籠包 ($38)同蟹黃小籠包 ($48) 金牌小籠包個肉味好鮮甜，個湯好濃，皮薄餡靚。朋友就鍾意食原味，而我自己就鍾意蟹黃小籠包多啲🤤 蟹黃味道好濃，但係亦都唔會蓋過小籠包原來既鮮味。菜肉餛飩湯 ($42) 呢個湯入邊係有蛋花榨菜等等嘅材料，飲落去味道都偏濃，但係雲吞食落去就唔係好吸收到湯既味，餡料都新鮮。蟹黃瑤柱扒西蘭花 ($88) 呢碟西蘭花擺得超靚~ 蟹黃味道都食得出，揀呢碟做今晚既蔬菜係冇揀錯👍🏻糖醋排骨 ($72) 其實味道同外觀都係咕嚕肉，只不過係有骨既版本。酸酸甜甜，外脆內軟，食落好好味😆蝦仁肉絲蛋炒飯 ($62) 蝦仁好爽口彈牙，但係炒飯略嫌小小唔夠火喉同味道，個人都係鍾意鼎泰豐既蛋炒飯。呢度炒飯用既飯粒都係煙韌既不過~整體來講呢度既野食算都幾好🤤

今天原本想去美麗華的鼎泰豐，怎知年尾周關門不做生意，冇辦法，走去了尖沙咀iSquare看看有什麼可吃，見到金牌小籠包，未試過，看看價錢，的確是平宜，以為遇到價廉物美的食店，於是點了小籠包，醉雞，牛筋麵等。嘩！啲味道跟鼎泰豐差幾條街，最好食只是鍋貼，其他的真係好普通，食食吓重有小强走上枱面，當堂冇哂胃口。講真啲質素真係麻麻，食到滯咗，急急食完俾錢走人，真係唔會有下次！這樣好的位置，但是食物唔配合，真係唔知可以做幾耐。

今天想吃小笼包，之前就收藏了这家，一直都没有去，今天就去试试吧，到了店点了小龙，还可以吧，48元五个，然后黄金虾，说实话有点淡，但是还可以，烤麸一般般啦，太硬了，还有个狮子头，没有咸蛋黄和图片不一样，有点失望

好多朋友知道我轉咗工喺尖沙咀，返工最大嘅幸福就係多國菜色雲集，雖然價錢未必度度都好平，但喺當中總會有啲好抵食高CP。. 呢間❇️金牌小龍就係我轉咗新工之後，食得最多嘅一間飯堂。午餐晚餐夾埋已經嚟超過六次，今次再嚟，有部分菜式係重複再食，有部分菜式係一啲新嘅嚐試，係依然驚喜，保持水準，價錢繼續親民貼地。. 👉🏻原盅雞湯 原盅茶樹菇排骨湯熱到出煙嘅燉湯，味道清甜，雖然落咗排骨同埋雞肉，但係一啲都唔會油，冬天飲暖笠笠。. 👉🏻翡翠瑤柱小籠包早幾次都係叫原味嘅，今次試下特別啲；肉汁依然濃郁，中心發出淡淡嘅瑤柱香味，兩個人食一份，五隻絕對滿足！. 👉🏻齊菜餛飩湯雲吞皮薄餡靚，湯底清甜，齊菜口感爽口，係一樣幾好嘅小食。. 👉🏻台式麻醬撈麵上次食午餐都推介咗朋友嚟食，真係好鍾意食呢個撈麵，麵質彈牙，麵粉味唔會好重，芝麻醬份量適中，絕對足夠，但係又唔會過份地多，可以配啱啱一碗嘅麵量。. 餐廳地方大，冇驅趕壓力，食完自己攞張單出去，結帳都幾方便，上菜速度超級快快，約唔使十分鐘，所有嘅菜式已經上齊，而且仲熱辣辣👍

一要我諗食咩我個腦次次都會想食中菜，中菜真係好好味。我搵左哩間喺isquare 既食小籠包、上海野，幾好味呀樣樣菜色都，而且坐得舒服。門面係咁既，喺3樓。入到餐廳都好大間，空間感十足，每張台擺得唔密。打開第一版見到小籠包已經好興奮，好中意食呀。有多款粉麵同飯揀，好多選擇。原盅雞湯 $52屋企少飲湯所以出街都中意叫湯飲，見到雞湯好似幾正咁，飲到好濃雞味，足料靚湯，唔多油，但可以淡少少。金牌小籠包 $38/5隻$38有5隻好抵，食過都係尖沙咀其他店$38得3隻。小籠包包住好多湯，仲要係皮簿唔易穿，夾起打個卡都冇難度。瑤柱菜粒蛋炒飯 $68哩個炒飯又係好足料，落左好多瑤柱，好咸香，飯粒炒得好乾身而且唔油，好好味。豆沙鍋餅 $45酥皮好鬆脆，夾有好多紅豆含，襯熱食口感更佳！

入到去睇menu 好耐都落唔到單 原因係太多菜式 揀唔落手 最後就揀左蟹黃小籠包 水煮牛肉 豬肉白菜餃 鹽蘇雞同埋牛肉面。 小籠包 個汁唔夠多同香 皮都厚左小小 水煮牛肉就不過不失 如果切得大塊啲會更好鹽蘇雞 新鮮炸 幾有誠意 不過落漏左鹽 牛肉面都係普通水準 全晚最欣賞就係豬肉白菜餃 好香 好好食。服務態度幾好 坐得都幾舒服 不過食物有進步空間。

朋友介紹尖沙咀I Square 開咗一間精緻的上海菜餐廳，而且好抵食，今晚就訂座來食晚餐。餐廳位置方便易搵，環境寬落舒適，好在一早訂咗位，一來到就可以入座。食上海菜必點的小籠包，金牌小籠包，$38/份，即整熱辣辣，皮薄餡多，一咬開流出满满的湯汁，味道清甜嫩滑，煙韌可口。黃金大蝦，$98,蝦好大隻，外殼沾满香濃的流沙蛋黃去炸，味道惹味，炸得蝦殼香脆，蝦肉嫩滑鮮甜。黃魚麵，$62, 麵汁偏爽滑，食得出係手工拉麵，精心之作，黃魚魚肉嫩滑鮮甜，魚皮煎得香脆入味，湯係鮮甜的魚湯味，鮮甜美味。鮮蝦餛飩湯，$48,份量多，皮薄而爽滑，蝦肉彈牙爽口。尖椒皮蛋，$32,皮蛋切開一尖角，賣相吸引，辣醬味道濃郁，味道偏辣，皮蛋中間流心香甜，入口爽滑。

剛與朋友們在isquare看電影，於是便到了這間中式精品餐廳-金牌小龍🐉，去品嚐是否「真龍」？冷盤叫了台式皮蛋肉鬆豆腐，豆腐滑嫩，皮蛋香口，十分好吃。之後叫了菜粒瑤柱炒飯，味道不錯，但份量只夠一人食用。朋友愛好點心，於是叫了小籠包、煎餃子和生煎包，味道不過不失，欠缺特色。朋友看見餐廳推薦粉蒸排骨，但一上枱，賣相很差，味道欠佳，完全不知道自己在吃排骨還是肉餅！☹️朋友吃了一口已經不想再吃了，失望。最後叫了一個甜糕點，希望能為這餐增添一點色彩，赤豆鬆糕賞相確實繽紛，但味道就很一般，不試可也。整體來說，「金牌」小龍真的名過其實，有很大進步空間。

可能你會覺得來得尖沙咀iSquare食飯, 預左唔會平, 但呢種觀念需要改變，講緊既係呢間上海餐館「金牌小龍」，價錢相宜。餐廳位於商場既3樓，裡面其實都算幾大，座位多，裝修都唔錯，有特色。當晚入座時大約有八成坐滿，留意到其實都有不少遊客光顧。餐廳選擇其實都算多，一看店名就知主打小籠包，當然係必點。選擇比較多款，我地就叫左金牌小籠包。一籠五個，唔需要四十蚊就有一籠, 抵食！小籠包皮薄餡靚，裏面好多湯汁，配合薑絲和黑醋，味道一流，不比外面有名的差。我地叫左個元盅雞湯。湯最重要當然夠熱，上檯時已經感受到那種熱度。湯既味道清甜唔油膩，飲落覺得好滋養。而雞肉唔算滑，可能煲得太久了。紅燒牛肉麵既湯底非常濃郁，份量也不少，足足四大片，食落有牛味而且有口感。而麵質唔算好彈牙煙韌，屬於正常水平，若彈牙些會更吸引。乾拌薺菜餛飩既皮薄，饀料也算豐富，配上豉油醬汁再拌一拌，不過略嫌味道有點淡。醉雞花雕既酒味比我想像中濃，再加上人參既清香，味道出乎意料地好，而雞肉也入晒酒味。月頭去台灣品嘗了永康既粉蒸排骨，返到香港見到自然想找回那種感覺。我覺得排骨和薯仔味道還好，不過排骨似乎有點粉，有待改善。餐廳新品推介，當然

其實 我還蠻喜歡吃中菜尤其上海菜女生們聚餐很少挑中式 通常食西餐也許 是因為有種既定的老土印象吧意外地在Isquare見到間靚靚上海菜相約好友來聚舊 小清新木頭系裝修配上大草牆大梳化 簡直像靚靚cafe明顯與我們兩位文青好合襯（大誤)-🥟金牌小籠包 $38/5隻招牌要試試 湯汁使包下墜可見皮薄豬肉內餡不大但多汁 夠味可惜略咸-🍄手撕杏鮑菇 $38 看起來不像手撕似刀切 但沒有深究吃起來帶點台灣味 開胃的醋酸與辣🐖上海風味肉 $52 其實就是肴肉 肉比例很少而肉凍多較失色的一道 不平衡而且不溶於口-🐟水煮魚 $88魚塊沒骨頭很方便食用 份量也很多魚下方是薯粉 香辣煙韌之餘很飽肚超吸味所以勁辣 本大貓有點吃不消-🥦蟹黃瑤柱扒西蘭花 $88女生總愛叫蔬菜 選了這款較特別的茨汁濃郁瑤柱絲很多 味道恰到好處健康之餘又好味 成為我們今晚最愛-🐓元盅雞湯 $52不似港式濃郁 是台灣清燉雞湯味道足料 雞件很多而且燉到骨頭也化開-🥂House white wine @ $40 正常吃中菜配茶 這裡卻有不少酒類我們兩個怪人 不 不 文人 選擇配酒文人在文青店 吃著小籠包摸酒杯底有種異樣的反差萌 聊到店家

間唔中lunch 都會黎食既，不過近排發覺除左食物質素 下降，服務質素都大大下降，甩單嚴重。同同事黎呢間食，試過叫一個set 等左廿分鐘都未黎就問 侍應話睇下結果話整緊架啦， 過左5分鐘再問另外一個之後話整緊，而且都答得唔好老脾咁算啦。。。不過等多5分鐘未有再問另一個高級，兼我地開始不滿 佢先認真睇，原來甩左單，所以服務真係好差好垃圾。黎過唔少次不過甩單唔止一次架啦，追都追到火。食物方面，呢個炸雞脾還可以的，口感還可以，不過配菜少d同飯份量比較少。食過lunch set， 海鮮麵，不過海鮮得幾粒，魷魚得兩粒，近乎無咁濟，質量非常差了。總結服務質素非常差，食物就睇下你叫左咩食啦。

呢日同屋企人嚟到尖沙咀 iSQUARE 3/F 嘅金牌小龍食飯。餐廳裝修感覺清新，座位闊落坐得舒服。金牌小籠包 ($38) - 皮薄得嚟帶點煙韌，入邊包住鮮嫩嘅豬肉餡及肉湯，一啖一隻，滋味好食。牛肉小籠包 ($42) - 自己第一次食牛肉做嘅小籠包，牛肉腍滑；肉湯鮮甜，原來以牛肉做小籠包餡都好好食。梅菜鍋貼 ($38) - 以甜梅菜及豬肉做餡料，鍋貼皮十分薄，底部煎得香脆，有創意又好食。鹵大腸 ($45) - 炆得夠腍仍然保持到大腸嘅鮮味，鹵得入味十分唔錯。尖椒皮蛋 ($32) - 浸喺紅油汁入面嘅皮蛋上面鋪滿青紅椒、生蒜粒及花生，各種味道鮮明得嚟又十分夾，口感都豐富，好食。菜肉紅油抄手 ($38) - 抄手嘅餡料味道鮮甜，配上香辣嘅紅油醬汁，夠晒惹味。台灣紅燒牛肉麵 ($52) - 厚切牛腱炆得十分腍，湯底牛味香濃中帶點辣，麵條口感滑溜，在索滿鮮味湯底後就更加好食！酸湯肥牛麵 ($38) - 湯底顏色清澈，味道辣中帶酸嘅湯底令肥牛更加鮮甜，麵條口感滑溜，十分唔錯。香糟豬尾 ($32) - 香糟汁帶少少鹹味及酒香味，豬尾肉質爽口，索滿香糟味後就更滋味。手撕杏鮑菇 ($32) - 香辣爽

在isquare 看電影前，最適合在商場即場搵食。Isquare 三樓大部都是食肆，食小籠包子興致勃勃，就選了金牌小龍。看到餐牌，每樣食品不是太貴，和男朋友瘋狂地叫了。元盅雞湯及茶樹菇排骨湯，前者濃郁雞湯鮮味，後者清甜滋潤，飲完之後都無口渴，無味精抵讚。金牌小籠包及蟹黃小籠包，我自己還是覺得原味的金牌小籠包最好，蟹黃的咸蛋王味出眾，蓋過了蟹皇的鮮味，但整體還是多湯美味。我們叫了多款小食，水晶蛋，醉雞，韭菜鍋貼。水晶蛋蛋黃還流著，醉雞有著花雕酒及甜甜地，鍋貼雖然賣相有點煎燶了，但還是鎖著肉汁，配上辣椒醬就更佳。酥炸黃花魚，不會因為炸過後破壞了魚肉的嫩滑，點千島沙律醬會減輕油膩感。台式擔擔撈麵，這個好辣而且有點麻，連食得辣的男朋友也頂不住。最後要拍一拍全枱野食的情景，是次消費450元兩個人。

放工來了尖沙咀晚飯，因為朋友說想食小籠包，所以我們來了金牌小籠，因為大家都未試過這間。 Isqure的這間店環境好大，夜晚仲唔使等位，幾好。我們以為這邊遊客多，價錢會係遊客價，但又唔係喎，這裏的價錢也很實惠。餐紙上的選擇也多。因為我們都餓，所以都點得不留手。先來的牛肉湯，看上去很清，但味道夠濃，大大塊牛肉在內，夠熱又夠味，好飲!! 水晶蛋雖然有流心的效果，但半熟的蛋黃想不到咁好食，加入的黑松露令其味道提升，絕對值得一試的小食。金錢肚帶點麻辣，但夠爽口；豬脷夠爽帶酒香，而且份量多。紅燒豬手大大隻，炆得好稔，入口啲骨肉自動分離，滿滿的膠質，我喜歡。 到了招牌的小籠包，熱辣辣的上枱，這裏的小籠包，皮比其他的厚一點，但亦做到汁的效果，食時要小心燙口，質素黎講都幾滿意。 蝦仁燒賣是我點的，口感較扎實，有別於失們平常食開的燒賣，造型肥肥地，但入面包著糯米，所以食完幾飽肚。朋友問我薺菜係咩黎，我只能說薺菜餃好食!!! 這裏的醉雞很特別，它是經過處理的雞肉，扎成一片片，免卻了吐骨的麻煩。啱啲懶人如我。甜品滿心期待食燉奶，可惜暫停供應，所以我們點了豆沙鍋餅。這個鍋餅做得酥香鬆化，熱辣辣之餘豆沙不會過甜，