金船長餐廳 (已結業)

今天在大角咀附近工作，放工約了老公在附近吃晚飯。大角咀大全街有很多食肆，隨便挑選一間，看到金船長門外佈滿雜誌的訪問，便選它首先叫了一份香煎鵝肝沙律，鵝肝是我最愛的食物，它切的很厚，外皮脆內軟，食落很creamy,好味，還叫了廚師推介裡的美國豬鞍，分量真的很大，肥美肉質軟，食落有很香的味道，配上什菌汁一起吃，錦上添花還叫了個軟殼蟹，炸得夠乾身，夠脆，配上蟹子沙律醬，更提鮮老公叫了杯檸檬什飲，我就飲泡沫咖啡，味道一般最後叫了個原味疏乎里，很大味道也不錯環境也很有情調，牆上的畫好像是人手畫的，總括來說這裏的食物份量十分足夠，可算大分夾抵食

位於大角咀嘅呢一間西餐廳，雖然外表唔係10分出眾，不過每次經過總會見到佢滿座，即使唔係周末，無論係咩時段成間餐廳都總會坐滿客人！如果唔係啲嘢特別好食，又點會吸引咁多人留低呢？最鍾意佢呢度嘅黑松露菌醬意式薄餅，完全係出邊食唔到嘅味道！超級豐滿嘅黑松露醬，夾係外脆內軟嘅Pizza裏面，面頭鋪們碎芝士，嗰種口感難以形容！呢個誠意推介真係一定要試。太太點左白酒忌廉汁配三文魚比目魚，一個主菜食晒兩種魚，完全滿足晒鍾意食魚嘅太太！金船長梳乎里亦都係每次太太最鍾意點嘅甜品，呢度有新款口味可以選擇，薑味，橙味，原味！橙味係特別好食嘅！一啲都唔會有飽飽仔仔嘅感覺。蜜糖慢煮烤豬手，今次第一次叫，一上枱果下真係俾佢嚇親，豬手嘅份量帶到難以形容，可以話係三個人share食都OK，慢煮豬手煮到軟林林，非常之咁入味！你一餐真係好飽好豐富。

本身book左7點上去食 聽人講個黑松露pizza 好好食睇完戲之後發現時間仲有好多 直接摸上去 早左成個鐘都比我地入去 仲要服務態度都幾好 幾驚冇位坐 其實間野都幾有間調 岩哂啲相機食先既人 帶埋女友黎都吾錯 每張枱上面都有個小擺設 蠟燭台 野食方面當然要試下個黑松露pizza 一送上黎 成間餐廳都勁香黑松露既味道 有味道控既人真係岩哂 呢個pizza份量好足 我地兩個人都食吾哂 味道又夠濃郁 完全抗拒吾到 佢有三種食法 第一就原味咁食 第二就係配新解農場既有機菜食 第三種 亦都係我最中意既一種 配提子sauce 酸酸地 配番個pizza一流 又可以消除到個pizza膩既感覺 吾錯吾錯之後再order左個龍蝦汁比目魚配蝦既意粉相比起岩岩果個 呢個都幾出色 原來龍蝦汁同比目魚都幾夾 岩岩果個味濃 呢個反而岩啲中意清淡味道既人 隻蝦都好juicy 同新鮮 啖啖肉 最後order左個朱古力cake配香草雪糕個cake好重朱古力味 岩哂我🤤 襯埋個雪糕 飽度岩岩好

重遊舊地大角咀以前係度返學，有時都會行到過黎哩邊食lunch今日經過哩邊做野，專登搵間餐廳食晚飯食物選擇非常多，連意粉都有車仔麵方式自由配搭，有選擇困難真係唔知點算😂先黎個前菜 香煎吞拿魚田園沙津 吞拿魚幾鮮味，值得一試，但個人認為佢唔似沙津因為得好少菜haha南瓜愛好者見到有蟹肉素魚趐南瓜湯😍😍好香濃的南瓜味，偏咸但我好鍾意，配既蒜蓉包都好味！黑松露菌醬意式馬斯餐廳招牌菜！非常特別！外層好鬆化，黑松露味道容易入口，即使我本身唔太鍾意黑松露，亦接受得到。但重點係自家製提子果醋，完全不一樣的味道 令菜式有兩種食法。試左一次已經返唔到轉頭，果醋真係好好味，同黑松露味道又好配合！美國肉眼扒12oz肉質不錯，配菜全部煎香有心思，薯蓉味道也很好。今餐好豐富，服務很好，試到特別既食物令人好開心❤️

Truffle Pizza and pasta were very tasty even though it looked normal. Pork knuckles were good as well. Restaurant decent sized with around 10 tables so be sure to book. Good number of staff on hand to take orders and serve quickly which is always good.

每次去到金船長餐廳目的都只係一個就係食佢哋嘅黑松露醬pizza黑松露菌醬意式馬斯卡普芝士夾心pizza $108因為人數不多只叫了6吋size個pizza由廚房拎出嚟已經散發住極濃烈的黑松露香味而且這個pizza外表非一般pizza 的外表先將外表pizza加馬斯卡普芝士煎香形成超級香脆的外皮內裏包住creamy 軟滑而濃香的黑松露菌醬及班馬臣芝士而且這pizza有三個食法第一種必定是原味直接食感受一下芝士同黑松露菌醬夾擊下的味蕾感受第二種便可以沾一下金船長自製的提子汁酸酸甜甜的味道可以令人減少油感第三種可以夾住新鮮有機豆芽菜立即令成個感覺清新無比一種菜式三種食法三種感受果然獲獎無數到主菜叫了12安士澳洲肉眼扒$298餐廳說他們對牛扒質數滿有信心所以要求了medium rare果然不負眾望切開後依然見到marble red而且肉汁飽滿食起來冇渣而且牛味滿溢而且配菜亦都不容忽視燒南瓜及茄子再配合埋薯蓉因為每一款都吸收晒牛肉雞肉汁及香味淨係食個配菜亦都令到人哋停唔到口

幾年前來到大角咀當時大角咀還是一條舊區附近冇依家咁充滿晒新式嘅住宅包住晒嗰時已經食過呢間金船長餐廳雖然餐廳唔係大大間但記得裏面嘅食物非常出色今日經過大角咀所以特登去返搵返呢間餐廳入到黎發覺佢哋裝修咗已經改成新潮的壁報而且食物方面除咗有佢哋10分出名嘅黑松露醬pizza而且仲多咗好多其他特別食品一坐低就梗係點左佢哋最出名嘅黑松露醬芝士pizza呢款Pizza好食之處就係佢哋係你一落order先至開始製作所以保證一放上枱嘅時候只係剛剛好製作完成所以Pizza個底係熱辣辣仲脆卜卜而且入面嘅芝士已經溶化晒再加上超級多嘅黑松露醬淨係一放上枱漂來嗰陣味亦都令到人流晒口水一食落口黑松露將個未到已經先聲奪人充滿整個口腔再食多陣芝士霸道嘅味道就會開始出嚟而且再配合埋脆卜卜嘅餅底簡直會令人一件又一件超級快速咁清晒成碟之後叫咗一款自選車仔麵意粉呢度嘅意粉選擇非常之多而且可以根據佢唔同嘅口味選擇自己唔同嘅特色有今晚就選擇左墨魚汁麵配龍蝦汁再加上香草雞肉及煙三文魚起初都怕這個選擇不會太夾但係食物上枱之後就完全無咗呢個疑慮了意粉煮得剛剛好唔會煮得過火太諗亦都唔會煮得太生太硬而且個龍蝦汁鮮甜無比簡直係將一個濃郁嘅龍

首先要讚下餐廳嘅服務態度，真係令你有賓至如歸嘅感覺，個個都好專業地教導點樣正宗咁享用意大利美食，介紹每一道菜，本身一頓晚餐即刻升左成呢，可惜只有一個人冇辦法品嚐其他菜式，下次一定會帶朋友來試美國特級肉眼牛扒12安士的肉質，公認是市面上最鮮嫩多汁的牛肉烹調時肉中間的油花化開，肉理細緻，脂肪如大理石紋般分布其上與周圍的牛肉融合起來，可以感受到肉汁的甜美，份量十足質素高嘆多杯紅酒，充滿了傳統貴族酒應有的李子，在口中感覽柔合和，香氣更加複雜、強勁，耐人回味士多啤梨蛋白脆脆拌豆腐竹炭蛋糕賣相黑白相間，型！ 有層次感，淡淡的竹炭味蛋糕鬆軟配上豆腐更清新，士多啤梨蛋白有點似山楂味，酸甜不膩，甜品推薦之一

個個都話呢個黑松露pizza好好食，專登黎試試看，有下午茶也不叫，就是要點它。誰知道期望過高了，有點兒失望，完全不好吃，無論是哪種吃法我都覺得不好吃，還是傳統pizza好吃多了而且這個價錢我覺得一點也不值得啊另外點了肉醬千層麵這個比較黑松露芝士pizza好吃，可是我覺得也是很普通，沒有什麼驚喜。肉醬屬於偏甜，適合香港人的口味。整個千層麵主要是肉醬和芝士為主，沒有多少麵，味道其實還好，可是我還是有點失望，因為千層麵偏油，肉醬又很普通，這個價錢有更好的選擇吧😶😶

趁住週年紀念日，同老公回到以前居住的大角咀，一嚐金船長餐廳的晚餐。估唔到行日夜晚都係要等位，好在店員好快就安排到一張四人枱畀我哋，仲好熱心咁介紹，佢哋嘅招牌菜: 黑松露芝士夾心pizza。我哋見每一枱都有一份當然唔執輸要，試下啦! 食物izza來到嘅時候，店員哥哥仲教我哋話有三種唔同嘅食法: 第一種就係乜嘢醬料都唔落，就咁食; 第二種就係將佢嘅提子醬淋喺邊度食; 第三種就係淋提子醬，再包住一種神秘嘅菜嚟食。老公最鍾意第一種食法，覺得鹹鹹嘅芝士香 好配合香脆又鬆軟嘅pizza。我就最鍾意有提子醬又有沙律菜，食落冇咁肥膩。三種口味各有優勢，都幾得意。來到主菜，老公例牌揀咗西冷牛扒，走汁，佢話要食得真啲嘢好唔好食，一定係要走汁，講到好似好勁咁。西冷上枱嘅時候，店員哥哥仲好好咁樣放低咗一支海鹽畀我哋，真係好貼心。 半生熟嘅牛扒， 老公話好似失咗手，熟得滯，有啲失落... 不過咁樣，反而啱我，最後大半塊西冷都落咗我個肚。另外，我叫咗炸軟殼蟹意大利飯，意大利飯 用好香濃嘅南瓜湯煮，非常入味。小小黏口嘅意大利飯，加上脆卜卜嘅軟殼蟹，口感十分之配合，正! 呢個無論係飯定係軟殼蟹都好夠份量，食完真係好飽

近年大角咀除了火鍋出名外，還有很多新開食店，不過我很少到這區搵食，但今晚朋友想食意大利菜上網揀左這間金船長，門口沒有特別吸引覺得較暗，入內坐下靜靜觀看了一會，簡單裝修與船有關，天花頂更有捕魚網及救生圈，玻璃有簡單文字及圖案形容餐廳。看看餐牌，有好多特別推介圖片亦吸引！黑松露醬意式馬斯卡譜芝士夾心比薩一款兩食，首先賣相好特別同其他Pizza唔同，黑松露味好香醇，氣味非常特殊散發神秘芳香配以淡淡的芝士非常清新，餅底香脆不散充滿蛋味。另一種食法將自家沙律及提子醋加入，整個Pizza味道更豐富更有層次，我人比較喜歡第二個食法。誠意推介香煎鮮吞拿魚田園沙律呢個食法比平時刺身有零一番風味，吞拿魚外層剛熟，內裏保持半生熟狀態，肉質細緻嫩滑鮮甜香煎泰國老虎蝦拼日式帆立貝伴龍蝦汁天使麵，老虎蝦肉多Q彈，浸有牛油香味，帆立貝煎得金黃帶出原有的鮮味，天使麵Angel Hair，意粉中最幼细麵條，纖細如髮絲，非常秀色可餐，條條分明兼且晶瑩剔透，質感彈牙煙韌，比我想像中好食紅桑子希臘乳酪蛋糕配法式蛋白，是好靚真係好靚，紅桑子酸酸甜甜配乳酪的甜膩,清清淡淡加法式蛋白的清新非常㚒，粉紅色馬卡龍伴碟靚又唔過甜仲有水！

我和朋友每人叫了一個dinner set, 平均一個dinner set $165:1個湯，1個主菜，1個餐飲我們額外要了一個金船長小食拼盤（$108），盤很大，食物很細小又普通（極不推薦）！主餐要了一個芝士黑松露pizza, 我們起初滿懷歡喜去試試，吃後有點失望，不過不失吧。還是沒有希望便沒有失望。終於來到甜點它是我們這餐飯認為最好吃的，可是可只能比個pass個人認為此餐廳收費過高，或許它是值錢於它的老香港歷史吧。

呢排生日，當然要繼續生日飯之旅infinity啦！今次約左朋友去少D黎嘅大角嘴食個靚飯！雖然餐廳裝修一般，但食品都算有水準，可以有下次下次！今次叫嘅野唔多，純粹食餐飯聚一聚！黑松露醬意式pizza $108雖然價錢唔平，但呢個pizza比較特別，唔貼一般pizza嘅感覺。其實好似食多士咁，但傳舊多士入面都有好多好多嘅黑松露醬。如果覺得太漏，可以沾D提子汁同加D沙律菜落去一齊入口，咁就可以減輕個油膩感。海鮮鮮果沙律 $98呢個沙律入部都係生果黎，配埋個千島醬，係好易幾個女仔就食哂嘅！同埋佢都唔慳架。落左唔少海鮮落去，有青口、蟹棒、大蝦等等，同D生果幾夾咁啦！心太軟朱古力布甸$58朱古力心太軟入面好似火山爆發咁流哂出黎，舊雪糕一食就個係牛奶公司個類雪糕黎。如果可以用H記雪糕，口感會更好。

大角咀一向都係多隱世美食的地方，而且好多都係平民價錢但質素一啲都唔平民。而今次黎到呢間西餐廳，原來已經係大角咀開業多年。可以開到咁多年，證明有返咁上下的功力。而我同朋友就係特登為左佢地招牌 pizza而黎，希望唔好令我地失望啦~先黎餐湯：  蟹肉素翅南瓜湯非常香濃的南瓜湯，南瓜味好香味道好甜，仲有好多素翅, 好飲！  凱撒沙律沙律菜新鮮爽脆，麵包粒好脆口。如沙律醬放少些少的話，感覺會更健康美味。  黑松露菌醬意式馬斯卡普芝士夾心Pizza終於食到呢個必試的餐廳招牌得獎作品, 外形望落好似冇咩特別咁，但一咬落去就果然有驚喜。外層酥脆可口，而內層就軟軟綿綿咁，黑松露香味好搶，再同芝士混合埋，香得黎又有淡淡芝士味。pizza有三種食法，除左單食pizza外, 仲可以配上餐廳自製的提子醋，有淡淡的提子果香又酸咪咪咁。最後一種食法就係夾埋啲沙律菜再配提子醋，清新得黎又酸酸地。  美國肉眼扒12oz體積好大的一块牛扒，外層燒至微微焦香，肉質粉紅而口感軟腍而無渣，肉味好濃厚，就算沒有多餘的調味料已經非常之好味。如喜歡食濃味少少的話，可以配上特製的紅酒汁，味道就會更加豐富惹味。 虎蝦併帆

朋友生日飯話想食西餐，之前我地都試過金船長覺得好好味，所以今次就一致決定去食返餐更船長。一早book好左位，平日嘅晚飯時間都唔算太多人，不過都見到陸續有客人入座。餐廳得獎既主打推介係黑松露pizza，店員都建議我地要一試心大心細唔知食邊款好，最後都決定咗食肉眼扒。餐飲我地揀左檸檬雜飲同鮮橙雜飲，本人飲既檸檬雜飲覺得味道啱啱好，唔會太甜太酸海鮮鮮果沙律配千島汁，材料豐富而且新鮮，比預料中要多海鮮，好味法式焗田螺，田螺配麵包好夾黑松露pizza，松露醬好濃郁，加埋配製既提子汁味道好夾12安士肉眼扒配薯蓉，肉質鮮嫩份量夠多燒羊架，完全唔覺得有酥味，而且肉質好嫩滑，有驚喜哦最後點少得甜品，心太軟朱古力布甸，心太軟整得非常流心，而且味道唔會太甜，正梳乎厘，外脆內軟好好味最後埋單三個人食左1千蚊，食物質素高而且店員服務態度非常好，希望一直保持水準啦