金記客棧 (已結業)

平日很少到香港區，難得放假 這個星期日就同男朋友來到數碼港逛逛，探索一下。買了戲飛便找個地方醫醫肚。金記客棧，開左戲院旁，很開揚很方便，見到好多人，便決定入去一試😜原本以為是間普通的茶記，沒甚麼期待，但竟然有驚喜!坐位寬敞及乾淨，服務態度亦不錯。食物款式多，想吃得清淡一點所以叫了個《火腿通粉配炒蛋多士》湯底與普通茶記的不同，竟然有磨菇香味😱太喜歡這湯的味道了，火腿份量亦毫不吝嗇，又大片又多而男友則點了《咸魚雞粒炒飯》，他說不俗，飯粒不會太軟身，有咬口，不過略嫌有咸魚味但沒有咸魚粒，有少許失望～

避風塘？香港仔。薄扶林？香港仔。數碼港？香港仔。避風塘明明就在香港仔，然而位於數碼港商場內的金記客棧卻打正避風塘之味的旗號。沒錯，金記，就是之前一直提起的金記冰室，這次來點新意思，成了客棧。這樣的變化，讓人聯想到另一連鎖店家，就是說某唱片公司那字號。　　不多作比較，反正兩者沒有直接較勁，也無謂特地拿來相比。這邊的金記客棧也算靠近香港仔避風塘，還有，最重要的是近香港仔魚類批發市場。每日選料到貨大概就因此新鮮得多，想一想，在此以避風塘菜式作主打，不無道理。　　客棧店內格局比冰室闊落得多，亦比較有中式茶館的感覺。餐牌不再是乒乓球拍，搖身一變，得出一本美味秘笈，古裝書的造型，依然玩味十足。除了避風塘椒鹽這些意料之中的重口味香口野，小菜當然是少不得的。不過茶餐之選，如西多及炸脾沙律等等，仍然有記載，證明同時保有金記冰室的成分。避風塘蒜香炒辣蟹　時價　　不能保證價位，海鮮價就是這麼一回事，要根據每日的來貨價作調整。不過此海鮮價不同彼「海鮮價」，今次我們點的大堆頭炒蟹是正正常常五百蚊左右。單看份量體形，價位頗公道的，就是未知道味道如何，才能下個定論。濃濃蒜香襲來，但老實說，剝殼，實在太麻煩。然而蟹蓋

同肥髀啲同學仔去數碼港睇戲，之後去醫肚，呢間已改名，入到去格局不變，連最入嘅中式嘅卡位都保存埋，因為一行十人，店員比我哋坐房！房內好大，可以放三張中式酒樓大枱，不過冷氣超凍，最後熄咗冷氣先好啲！豉油王雞髀薯條：肥髀食，雞髀唔算大隻，色水夠，炆得入味，肉質唔嚡，好味，波浪薯條外脆內軟，點茄汁好味！Q版西多士雞翼餐：西多士熱辣辣即做，唔算厚，中央花生醬唔多，味道香甜，加上牛油同糖膠，十級邪惡！雞翼皮脆肉嫩！醃得入味！正！紅豆冰：闊口玻璃杯，方便𢳂紅豆，紅豆大粒炆得透！而且份量多！冰塊唔算太大，不過如果冰碎會更正！花奶唔太甜！撈埋好味！支裝忌廉：肥髀飲，特別喜歡玻璃瓶裝，有風味啲！叉燒燒鵝河粉：朋友食叉燒瀨粉：朋友食迷你叉燒煎蛋飯：朋友食招牌鮮豬潤通粉：朋友食火腿奄列多士：朋友食凍檸茶：朋友飲凍奶茶：朋友飲店員有禮有笑容，小朋友多特別麻煩，攞碗攞工具都無黑面！好包容！睇戲醫肚嘅選擇

好日不外出，一約開會，就被客戶叫到老遠的數碼港。對我來說，數碼港的確是一個遠得很的地方。幸好我有一個不錯的伙伴，願意跟我老早跑來這邊開會，會議完畢，例行的公事就是一大伙兒一同午飯。始終有工作伙伴，拍照也沒平時放肆，所以今次就只拍了幾張照片而已=3=見到熟識的名字，就建議一起去吃吃看，這是金記的其中一家分店「金記客棧」。哈哈，不說也不知道，原來我喜歡的金記在這邊也開設了食肆喔，精神為之一振呀~!!這家客棧也蠻大間的，地方也算寬敞，一家人來這邊吃吃看相信是蠻舒服的啦~叫得客棧，這本Menu也算是交足貨吧。感覺很有味道的，要是這本Menu用的時間更長，懷舊的味道更濃烈~椒鹽一口豆腐 ($78)金黃色的外表是最吸引的~外香脆入面嫩滑。椒鹽份量剛好，其惹味為這個一口豆腐添加了不少分數。蜜汁叉燒 ($88)嗯，對於叉燒，個人偏好比較瘦的，嗯，這是由細到大的一貫食法，一般人來說這是比較怪的，不是說完全不吃脂肪部分，但有得選擇的情況下，我會選擇瘦叉。又其實瘦叉也可以很好吃，就例如這邊的蜜汁叉燒，叉燒瘦之餘也帶點點爽口，叉燒味也算濃郁，而且用上甜而不膩的蜜汁，於瘦叉來說是高水準的。椒鹽九肚魚 ($98)

一心想睇早場、結果全院滿座、一埸來到唯有食過早餐先走。火腿通粉永遠都會受歡迎的、通粉煮得不會過腍、有口感。雙疍配多士、蛋隻流心；　厚切多士夠軟熟。奶茶質感幼滑、茶香濃、有大排檔feel。三十多元一份早餐尚算抵食。

假日駕車同屋企人中午外出食飯😋 買定下午場既戲飛後就先醫飽個肚先一家人食飯特別鍾情中菜於是就黎到金記客棧食番餐一坐低就打開餐牌 多款小菜選擇 當然交俾媽媽發板等左一陣上菜喇 冇野俾上菜哩一刻更加興奮超中意食蟹既我表示好期待 一上枱香味撲鼻 香蒜同乾蔥香到我流晒口水 快快手影完就食喇蟹肉鮮甜 隻蟹咁大隻都幾抵食 啖啖食 蟹控表示滿分蜜汁叉燒又係值得一讚半肥瘦燒到好香 頂部有個火保溫就唔會驚凍左冇咁好食哩碟九肚魚炸到金黃色好靚 但份量就少左d 但味道都十分唔錯豉椒炒海鮮又係香到爆 見到咁肥既聖子好少見好野味 聖子吸晒豉汁好好味連d汁我都撈埋飯食

搭咗好耐車先入到去數碼港，落車見到呢間餐館就入去醫肚先。五個人一人揀一碟餸菜，蜜汁叉燒好味，燒鴨都唔錯(原本想食燒鵝，但太好賣)，蜆聖子同雙腩煲就普通。價錢同大排檔差唔多，但環境靚啲坐得舒服啲，唔錯。食完唔夠飽，再睇一睇餐單，有好多選擇其實不經不覺已經到下午茶時間，於是叫咗份西多士同雞翼薯條一齊分嚟食另外我叫咗杯窩蛋牛肉汁試試(由於未聽過，叫之前問侍應係咩，佢好友善咁答我哋係牛肉汁加蛋，希望佢內心唔係笑我哋咩都唔識，哈哈)。我覺得杯嘢幾特別易入口，不過有朋友試一啖就算。

話說阿P上次終於帶咗阿J 去金記得冰室食第一次的冰室飯後，今日我們又去金記，不過今次唔係去冰室，而係去在數碼港開張無耐嘅金記客棧。這間客棧的裝修簡潔開揚，部分裝飾上與冰室的互相呼應，都是以香港特色作主題。睇到店內有一個燒味專櫃，所以決定試下它們的叉燒($88)同燒鴨($88)。叉燒入味鬆軟，燒鴨亦皮香肉嫰，再叫個上湯瀨粉一齊食，正。這裡的燒味師傅有d 料到，唔錯。友人話今餐想食香口d的小菜，當然冇問題。先來椒鹽一口豆腐($78)。粒粒豆腐夠乾身，炸得香脆香口，椒鹽味亦不會太搶太鹹。嚟多個椒鹽系列海中蝦($168)。香口的椒鹽佈滿在爽口的蝦身上，我食了3大隻。芝麻黑糖醋骨($88)。酸甜的黑糖醋配以香口芝麻，惹味得來又醒胃，排骨入味香甜。我又鍾意食蛋，又鍾意食韭王，又鍾意食蝦仁，滑蛋韭王炒蝦仁($88)這道菜，Bingo哂。蛋炒得夠嫩滑，蝦仁爽口彈牙，唔錯。以往PJ帶小松松來數碼港通常都係食2樓嗰間西餐，因為貪有露天位置可與小松松一起進食，而金記客棧亦醒目地設有幾張戶外座位，以後數碼港友與PJ 同小松松一樣又多一個開餐地㸃喇。

去數碼港看看電影，當然在那裡食午餐最方便，想起早前的金記都唔錯，就選擇這間吧。因趕著食完飯看電影，看完餐牌後，決定叫燒味飯最快，所以叫了杏仁霜、蜜汁叉燒、燒鴨、蒜茸炒菜心及上湯瀬粉。杏仁霜 ～ 味道濃郁，杏仁味香甜，好有當年在台灣飲過杏仁霜的感覺。蜜汁叉燒 ～ 叉燒上枱時，奇怪怎麼隻碟這麼高呢？原來底層放了一個小小的蠟燭，用來保溫，實在只非常細心的設計。最喜愛半肥瘦叉燒，不會太乾身，帶有油香味，更能增加口感及食欲。燒鴨 ～ 雖然唔及燒鵝的香，但肉質鮮嫩，如皮可以再脆一點就更好了。蒜茸炒菜心 ～ 中國人，有肉當然要食番一碟菜來平衡一下，蒜茸炒得好香，菜也新鮮有咬口。上湯瀬粉 ～ 天氣太熱，總是喜歡食些比較濕潤的瀬粉，當前不二之選。上菜速度超快，食飽飽還可以休息一下才起行，休休閒閒看戲去。

這日來開數碼港和朋友看戲行街，當然要先食個飯，就在附近選了這間金記客棧。$561的蒜香避風塘炒辣蟹，很快便被大家瓜分了，來不及影個全相。蟹肉相鮮軟嫩滑，又炸得香。避風塘油鹽水大蜆$98，這道可說是避風塘菜式之主打，油鹽水味道濃郁而鮮甜，大蜆肉質飽滿爽滑蜜汁叉燒$88，叉燒有蠟燭在底以保持暖暖的溫，讓大家慢慢食不怕凍，很細心的設計半肥瘦，口感好軟滑。最好還食了個椒鹽九肚魚$98，九肚魚都大大條，上面就有很多的蒜粒和辣椒，味道都十分香，食落味道惹味，外面爽脆，入面的九肚魚仍然能夠保持到鮮嫩的口感，高質素。

一行幾人假日周圍去飲飲食食，點知突然有人話未去過數碼港，成班人就去左個度啦。那兒是有錢人住的地方，無諗到係附近數碼港附近食市寥寥可數，好似只得金記客棧可以俾我們成班人坐耐D，又可以HEHE HAHA。呢間餐廳應該新開不久，裡面的空間感十足，而且裝修豪華，請原諒我掛住影食...唔記得影境。避風塘炒蟹 ~ 這味是頭盤，蟹肉鮮嫩，配料炸得好香，兩者搭配完美，帶出蟹鮮味，完全沒有浪費隻蟹。有蟹...此刻更應該飲埋香檳就錦上添花，咁先係享受生活。白酒配炒蟹一流，而呢支香檳甜度適中，酒精含量12%，唔算太高。佢地仲有其他酒可以揀，印象中有紅酒。燒鴨~同叉燒一樣，有蠟燭坐底以保持食物溫度，咁樣大家可以慢慢食。~是半肥瘦的，口感軟滑。既然有燒味，又點可以不配瀨粉?瀨粉~不過不失炒聖旨~如圖所見，每隻聖旨都好肥美，咬落去個陣，d汁仲ji左去我朋友件衫上。真係很不好意思...咁我梗係即時賴D聖旨肚裡多汁啦，亦都係事實呀。避風堂油鹽水大蜆~可以食慣鼓汁炒蜆關係，這味不夠入味。豆腐雙腩煲~豆腐爽滑且入味，魚腩新鮮炸起再入煲，外軟內脆，煮的時間恰好。味道唔錯!最後，當然要好好慶祝下我們的相聚。cheers!以及

假日到數碼港，慢活一下。食個飯、睇場戲、行下公園。商場內選擇不多。試一下上月才開的金記客棧。紅豆冰$22天氣熱，先整杯大大杯的紅豆冰。紅豆又軟又香甜，飲落有椰香及紅豆蓉，幾舒適。椒鹽炒鮮魷$88先來椒鹽炒鮮魷。滾熱上桌，鮮魷炸皮薄，但香脆。內裏的魷魚彈牙、咸度適中。脆炸惹味，停不了口、送酒一流。椒鹽九肚魚$98再叫了一樣香囗的椒鹽九肚魚。同樣很薄的炸皮，今次是內裏非常柔軟又滾熱的九肚魚!!!明爐燒鴨$148燒鴨有個小爐子上的，令它可以暖住上桌，很不錯。燒鴨皮脆，多肉又肉味濃，不過乾。避風塘炒辣蟹$561重頭戲是避風塘炒辣蟹。大大隻蟹，多肉少辣，非常入味。食了啖啖肉蟹鉗，好滿足肉質鮮甜。值得推介。幾推介它家小炒，好有鍋氣。但環境當然比大牌檔舒適!

睇完戲肚仔鬼咁餓又未到食飯時間忽然有隻魔鬼話:{梗係嘆件西多士和整杯紅豆冰啦}!!夠邪惡了吧!!,一於聽魔鬼話去金記客棧食個極度邪惡的下午茶嚕^0^{法蘭西多士}$30,多士厚度不俗炸得香口,内有花生作餡,伴以香滑牛油及甜美糖漿,真的令人難以抗拒啊~{紅豆冰}$22,紅豆煮得淋甜,椰奶香味挺出,整體都對版的,邪惡便是岂這樣練成的啊haha~

給金記的情書家住西環嘅我有空檔都會入到來數碼港睇戲, 最主要嘅原因就係因為呢一度比較容易買飛, 且亦都唔算太遠是日約咗朋友過嚟睇電影, 因為已經也段時間冇嚟過啦，呢一度嘅餐廳唔算太多, 正當我好徬徨無助, 諗緊要唔要落去香港仔食下香港仔魚蛋粉嘅時候. 比我見到佢佢就係呢一間我食極唔易每次都有驚喜嘅金記啦，金記平時呢就叫冰室啦，呢一度開咗一間叫做金記客棧，主要呢系售賣小菜同埋明路燒味！裝修同之前嘅分別都唔大，但係呢相比禁忌冰室呢就多咗好多小菜而且店員中極力推薦我一定要食呢一度嘅叉燒是日我地兩位叫咗一個例牌叉燒，仲有椒鹽九肚魚，唔少得嘅當然就係美味紅豆冰啊！一嚟到呢個例牌叉燒果然有驚喜，形容詞: 厚切，口感，蜜味！總結: 正！厚切叉燒，肥瘦適中，juicy 得很，燒得剛好，火力十足，帶微燶，香果撲鼻，蜜味香甜！不會輸的好吃！還有新鮮即叫即做的椒鹽九肚魚，分量十分之大，狗肚魚很滑，外皮鬆脆！呢一度嘅廚真係好勁啊！當然唔少得嘅就係呢度嘅王牌美味紅豆冰啊紅豆每一粒都十分之連而且大粒得很！超正啊！呢度嘅環境舒適坐得十分舒服而且超級大間，金記，似乎你有睇我寫比你嘅情書，總會出現在我需要你的地方啊！下

星期六都要做，去數碼港嘅貝沙灣交收完，但又要等另一單交收，唯有行去數碼港醫肚，咁去平時食開嘅餐廳，照直入揾位坐，坐低後侍應放下餐牌先發現餐廳轉咗名，轉咗做金記客棧，咁咪即係有幾間金記冰室嘅金記？呢度餐牌仲叫美味秘笈，但其他裝修好似無變，原來做室內設計師咁好揾，呃下呃下又一單。其實最後都無睇過餐牌，我見隔離枱食緊薯條，我又想食，咁叫咗雞翼薯條，紅豆冰，最後想睇餐牌幾錢，原來餐牌無雞翼薯條，張單打$34，紅豆冰就$22。雞翼薯條，雞翼是用瑞士汁鹵完才炸的，所以味道與普通炸雞翼更入味香口，薯條又夠脆口，幾好食。紅豆冰，紅豆雖然夠淋，仍好咬口，椰奶沒有太甜，夠冰凍。