釜之魂釜飯專門店 (淘大商場) (已結業)

同friend係九龍灣淘大戲院睇完戲後經過附近一間釜之魂釜日本料理，門面招牌有條好有威氣的鰻魚，也有很多不同種類又別緻的爐頭，menu 價錢相宜，吸引了我們入去試試。店內裝潢充滿一片日本氣氛，同一般日本料理餐廳一樣也有個開放式廚房，師父們忙著製造食物。叫咗三款（是日人氣），有日式大阪燒48hkd，餡料有芝士和野菜，上面舖滿柴魚，香噴噴口感creamy ！鰻魚芝士玉子燒68hkd,鮮甜鰻魚被嫩滑玉子包捲著，入口嫩滑香甜！塩燒日本花魚88hkd 原來只是半邊，雖然嫩滑，不過味道比較淡口。（是日推介）灑上芝麻的金菇牛肉串燒28hdk，別有滋味！整體來說除日本花魚價錢昂貴些，其他幾款小食都相宜。

黎到九龍灣睇戲，睇完戲就周圍搵野食。見到係淘大入面既呢間日本野幾得意，就入去試試先!! 一坐低見到個餐牌已經好興奮!! 款款都好似好好味，花多眼亂... 最後我地要一個滑蛋蠔同芝士汁豚肉飯D釜飯夠熱! 用鍋上果然保持到食物既溫度! 滑蛋蠔: 一般! 好多蠔，不過就細細粒，有d腥，而滑蛋亦唔夠滑，似係水咁。芝士豚肉: 有驚喜! 真芝士，勁香!! 撈落d飯度真係一流!! 而豚肉就一般，正常豚肉正常味道。D飯黎之前，會送一碗麵豉湯同一份配菜，有驚喜! 😍😍😍一個五六十蚊既日式set lunch, 不過不失!

好開心呀今日嚟到淘大商場唔知食咩好然後上網睇發現好多人都揀呢間嘅鰻魚飯所以我同男朋友都黎試吓，終於一試鰻魚飯。個鰻魚都唔錯幾好食下次會再嚟。價錢都比較親密同埋有好多唔同嘅小食揀。

今晚去左好耐冇去嘅淘大花園，搵到間 食鰻魚飯嘅...睇到大家推介 一於去試吓入到去 唔使點等位 就坐低左我地嘅目標緊係食鰻魚啦⋯⋯叫左碗 金釜$138叫左碗 銀釜$88叫左個焦糖番薯 同一杯 椰汁紅豆冰金釜 鰻魚肉質厚身，配上飯 同飯焦 加埋蒲燒汁銀釜 簡左個 香口啲 銀釜嘅鰻魚係鹽燒整體都唔錯 番薯🍠 就唔係太大驚喜椰汁紅豆冰 就有啲甜 不過紅豆量夠足整體唔錯 值得一試

上次去大阪旅行最後悔係無食釜飯（因為太多人排隊），今日決定彌補當日既遺憾，去左九龍灣淘大既釜之魂。入面空間幾大，坐得幾舒服。座位旁邊有的啲表情牌，唔知食完會唔會係呢個表情呢😘一落單之後就有小食同麵鼓湯，麵鼓湯好大碗不過有啲太咸。我一生鰻魚魂，所以叫左金魂釜飯。上菜嗰下有啲驚喜因為鰻魚幾厚身，入口幾軟腍肥美。飯幾煙煙韌韌，而且粒粒分明。醬汁甜甜地，份量亦足夠撈飯。金魂仲有大量健康配料包括蛋絲同紅蘿白。女友叫左龍蝦湯稻庭烏冬，湯底幾鮮甜，稻庭烏冬特別彈牙，浸左好耐都唔會太腍，蝦有三、四隻非常公道。串燒玉子好大支，蛋味超香。食完非常滿足，終於可以一嘗釜飯😘

九龍灣人氣爆登的日本釜飯店，終於有機會來試，原以為有很多人排隊，沒想到可以即時進店😂原條豬軟骨釜飯 $78豬軟骨肉質和軟骨超級軟腍，筷子一夾就可輕易分開😍打算夾起拍照都跌回碗中🤣名乎其實的豬軟骨！釜飯當中有些綠豆，蛋絲和粟米仔，底下是滿滿的白飯，略兼豬軟骨醬汁不太足夠。對於女生來說分量有點多，建議分著吃喔～加$18有套餐包括前菜微辣豆芽，味噌湯和熱飲～有點兒失望是熱飲竟然是用紙杯😯‼️要要要留意每位最低消費$88！店外沒有寫，進店後點餐紙才寫有這句。感覺有點差🌝❤️mylittle評分：6❣️mylittle回頭率：60%

其實這間餐廳開張後一直都有留意著，但週未往往都很多人所以就放棄了去吃別的餐廳，今日約了朋友在附近買東西看到並沒有很多人在排隊就決定試一下。餐廳是以釜飯為主打的，有著各式不同類型的釜飯，除此之外也有其他日式料理及串燒，種類也是很多元化，最後我們兩個女生怕釜飯會太大吃不下，所以只點一個然後再加其他小吃，幸好我們有做這一個決定，不然這麼大的釜飯真的會吃不下。首先來的是鰻魚釜飯，我們點了特大肉厚那一款，果然實物的肉真的非常厚，可算是我在香港吃過最大件的，而且又美味又沒有骨頭，鰻魚汁更可以無限添加，真的是很貼心。飯量是我們每人分一大碗都還有剩，整體來說性價比很高。其他小食也是很高質，我們點了一個苦瓜餃子，真是非常特別，雖然是苦瓜做但並不會很苦，配上店裡的特製醬汁真是有點愛上了，還有明太子玉子燒，兩者的搭配完全是絕配，以及金菇牛肉串，牛肉也是肉厚大份，一點都不馬虎。我個人覺得這樣很滿意，下次絕對會再來。

朋友九龍灣翻工，就他方便，故相約淘大食飯。到了餐廳，環境帶和風設計，裝潢好日式。由於我地keep fit，所以今餐嚐試走澱粉質以保持身型😎🔸️黑松露玉子燒$36 黑松露味香噴噴的，玉子蛋味淡淡的，陪埋黑松露味就好理想。🔸️櫻花蝦炸豆腐$22賣相靚仔，蝦炸豆腐好香酥脆豆腐滑值得encall最緊要即上菜時即食，服務員細心提我地記得趁熱吃。🔸️梅子手羽先雞翼×2$56雞肉帶梅子酸，表層脆脆地🔸️日式炸雞$38炸得挺香的，皮脆肉滑🔸️沖繩苦瓜餃子$22苦瓜有點兒甘咁地🔸️博多餃子$22兩種餃子味道唔錯，皮薄餡料夠🔸️鹽燒鯖魚$78魚肉唔會腥，燒得熟度剛好，保持肉嫰整體而言，服務佳，食物不錯，下次可以試鰻魚飯

淘大好多都係快餐連鎖店，而難得有間日本野，就試下啦！一打開餐牌，e?日文？睇唔明嘅，其實金魂同銀魂分別係蒲燒同白燒嘅唔同，而唔同價位就係唔到部位，今次我地揀咗108,油脂會比較多，更香首先登場嘅有金魂鰻魚釜飯，一食落，啖啖油香，魚腩不愧係魚腩，配埋d汁，好好味呀！再嚟一個釜之豚，好吸睛呀，一大舊五花腩，打卡一流，你以為會好肥？咁你就錯，因為舊肉好腍，食落香而不膩，入口即溶，加埋配菜，好味！飯仲加咗蟲草花，絕不馬夫然後到茶漬飯環節，枱上有教學只要加18蚊，就可以請店員為你注湯入飯，係另一種食法蓋上蓋等幾分鐘，可以按個人喜好加入柴菜，wasabi,七味粉我地仲叫咗個玉子燒不得不提，e間餐廳嘅獨特之處係佢會有影相道具比你打卡，好得意

辛苦工作完，放工同同事去附近九龍灣搵下好野食先，我地見到哩間日式餐廳既野食都幾吸引，加上價錢唔系好貴，所以一於入去食下，我想食清淡D, 於是揀左個五目釜魂，另加$18轉做套餐，有埋前菜、湯和飲品，我揀左飲蘋果蜜，再要多個黑松露玉子燒，朋友話好想食是日推介的日式霜燒牛肉，加多份梅干手羽先。蘋果蜜好快速便送到，裡面有好多蘋果果粒，唔算太甜，跟住前菜(豆芽)和麵豉湯，五目釜魂飯隨後都送上，所謂五目即係雜錦既意思，當中有蛋絲、荷蘭豆、香菇、筍片、黑目耳、紅蘿蔔和粟米芯，味道清清淡淡，岩哂我，當我食下食下時先發現原來當中仲有蟲草花，感覺好似搵到寶物甘。接住黑松露玉子燒送到，忍唔住即刻食，黑松露係面頭沙律醬中，放入口先感覺到。這時朋友的梅干手羽都來了(手羽先即係雞全翼)，朋友食左一啖告訴我:裡面酸酸地，好特別。朋友期待的霜燒牛肉出場了，店員提醒我地要同蒲在下面底層的洋蔥一齊食先好味，朋友請我一起品嚐一片，食落洋蔥係生既凍凍地，雖然牛肉好似半生未完全熟哂，但食落完全唔覺有血腥味，仲幾有牛味。我地食完仲叫多左個焦糖蕃薯食，面頭脆薄薄的焦糖，裡面有烤過既味道，好甜，好似冬天食到的薈蕃薯既味道一樣，好味。

這次在看電影夜場前吃個宵夜，剛好戲院附近有一間睇落好有質感的日式餐廳，咁就入左去⋯釜之魂這個名字都幾開宗明義，就是要吃釜飯！事實上，這裡的選擇很多，光是牛豬都有好幾款部位可供選擇。不過這次我們都是以海鮮為主，食豪D!所有釜飯加$18會包括前菜、麵豉（味噌）湯和飲品。朋友仔有加錢，飲品選了蘋果蜜，攪拌完後味道也是偏淡，大概是果汁水的味道。味噌湯正常，前菜是剁碎的醃青瓜，很明顯不是用來當沙律吃。後來把它拌飯吃，還滿開胃可口的說～朋友仔點了金魂鰻魚釜飯，果真大塊厚肉，肥美油香，雖然這種蒲燒比較普通並非有炭火燒香，但這已是水準之作！而我則更奢侈，點了幾乎是最貴的宮城牡蠣釜。一上桌看到蠔身飽滿，有十隻八隻，絕不偷工減料～整體味道鮮甜，只是不太習慣蠔汁欠芡太多。這樣一吃埋單～$380，聽起來不太便宜，那是因為我們都點了比較貴價的食材，不然也有不少6、70元的選擇，賣相也很不錯👍🏻再來九龍灣這邊的話也會考慮再次光顧。

如題，飯又硬，又乾，相信急速猛火煮起，配料用上荷蘭豆加玉米條，超級地唔夾，饅魚尚算肥美，可惜燶左，整個飯最靈魂嘅饅魚汁，竟然出奇地咸，以130嘅價錢，我期望地會有唔差嘅口感味道，可惜只得到咁嘅質素，一句講哂，唔會有下次

中午過黎食個釜飯，個裝潢好日式，幾十蚊可以食到釜飯，仲要有野飲，估唔到咁抵仲有驚喜，個staff好有心，有介紹要點食同埋啲食材既來源，雖然唔記得佢講咩，總之係用日本米xd。推薦，下次會再黎～

釜飯是日本一種傳統鍋飯，即是日本人的煲仔飯。這間餐廳有很多種釜飯選擇呢！一直是鰻魚的超級粉絲，今天來到這間出名鰻魚飯的餐廳，當然要點招牌飯金魂蒲燒釜飯（$138） 🤩🤩這款金魂蒲燒的特點是鰻魚是超級厚肉，燒得外表焦脆，肉和油脂的分佈平均，配合熱辣辣的飯真是令人吃得很滿足🥳另外還點了汁燒牛肉釜飯（$68），想不到除了鰻魚飯，牛肉飯也做得挺出色。牛肉煮得剛剛好，肉質不會太乾或硬，而且牛味香濃，值得一讚！飯的調味也不馬虎，有點香辣，很惹味。😍追加了黑松露玉子燒（$18/一串），兩個人share淺嘗剛剛好！😋😋餐廳環境舒適，食物上菜速度有效率。此外，服務生很細心，飯後我漏了一把傘在座位，是他們提醒我的！

放工個陣心思思想食日本野 朋友提議去德福個頭嘅呢間釜飯到試下 聽講呢到比較出名嘅係燒鰻魚 所以一於揀個金魂試下啦！ 同埋加咗$25 就可以有個前菜 麵豉湯同埋一杯野飲 個前菜係鰻魚配青瓜片 食落都唔錯 到主菜鰻魚黎啦 第一下覺得熱辣辣都唔錯 飯嘅份量都算多 會食得飽 鰻魚都幾大份 份量唔姑寒 仲有條鰻魚骨插係到幾過癮 食落覺得都ok 夠味既 不過略嫌啲飯有啲濕唔夠乾身 同埋食落鰻魚會有細條嘅骨仔 又唔算係平時食魚個啲好大條個啲 不過可能期望太大所以有少少失望既 覺得食過一次就夠了