釜之魂釜飯專門店 (淘大商場) (已結業)

金魂(極) $108 配套餐+$18金魂是蒲燒鰻魚釜飯，分三個價位。最貴的贅沢最厚肉、用魚腩位置的極油分最高用魚、尾位置的特最焦香。鰻魚用蒲燒方式處理，因蒲燒汁中有醬油和糖，令鰻魚燒過後味道較甜和香口（如選擇魚尾部位可能更香口）。而蒲燒汁流進釜飯中，能令飯更濕潤可口。店家亦提供免費添加蒲燒汁，適合重口味人士😆套餐包括前菜、面豉湯、和飲品。今次選了蘋果蜜，清甜解渴。銀魂(極) $108 配茶漬飯+$18銀魂是白燒鰻魚釜飯，相對金魂而言沒了蒲燒汁，使整體味道較純粹。白燒能令顧客輕易食出鰻魚本身的魚香，但銀魂亦有少量鰻魚汁調味。個人認為白燒鰻魚應選魚腩部位，因最能食出魚油香😊釜飯中其實亦包括其他蔬菜和一條鰻魚骨，而鰻魚骨偏硬身。配茶漬飯會有一碟山葵紫菜和七味粉。請店員加湯後，焗兩分鐘就可以加入配料。這時再加入硬身的鰻魚骨浸腍，會比較好吃。

自己係叫左個汁燒牛肉釜嘅牛肉係幾足料 只不過就韌左啲 所以咬到都幾攰下反而饅魚就幾正 肥美 魚油香出哂泥所以推介饅魚多啲啲飯係唔錯架 粒粒分明 有啲咬口同埋都幾大兜下 食完係會夠飽架同埋而家食完po任何一個social media再tag返佢地餐廳有得減$10

成日去九龍灣食飯，真係第一次食呢間野我同朋友本身都鐘意食鰻魚，所以決定一試！去到都吾洗等位：）環境都吾算寬闊，同隔離枱都幾近，講咩都會比人聽到🤣建議談心就未必適合啦～我同朋友一人叫左一個金同銀。金我試左啖都幾好食，感覺比銀好食吾知係咪隔離飯香銀都ok Ge 不過少食呢種燒法！飯既份量都ok~都夠飽既仲有少少飯焦飯係用日本買，口感同一般香港米吾同！有機會都會再黎食！推介比愛鰻魚既朋友黎試都值得一試既！！

落雨濕濕，同朋友係九龍灣買完野就食晚餐，四圍睇左一陣，最後朋友揀左黎哩度食鰻魚飯，哩度鰻魚飯有分金魂同銀魂兩種燒法(即汁燒同白燒)，仲有三個唔同部位比客人選擇，最後朋友選擇叫魚尾位置，加$18可以有埋飲品、麵豉湯和前菜，我就要了個蕃茄牛肉稻庭烏冬，另外見到沖繩苦瓜餃子都幾特別同平時少食到，一於叫埋先。套餐的前菜係醃泡菜，當中有大豆芽、紅蘿蔔絲和炸菜，甜甜辣辣，食到好開胃，我的蕃茄牛肉稻庭烏冬送到了，先飲一口湯底，湯很結身，濃濃的蕃茄味道中帶小小微辣，稻庭烏冬比較扁身的，與平時所見到的一般烏冬唔同，口感滑Du Du，浸耐左都唔會湖，肥牛既份量都算多仲有些蔬菜配搭。沖繩苦瓜餃子: 外皮煎到金黃色，一咬落去巳食到苦瓜既味道。朋友期待的金魂到了，朋友急不及待起筷享用，他邊吃邊說鰻魚咬落肉質好鬆脆香滑，不油不膩，廚師烹飪火候控制得很好 ，所以先會令到皮與肉之間的脂肪沒有被燒乾餐廳的佈置光猛寛落，四圍都掛了招牌食物的相片，令人增加食慾，仲有些攪笑卡通棒棒，比喜歡拍照的人拎黎影下相增添氣氛。

又到星期二，即是又係去九龍灣睇中醫的日子，其實都有一段時間沒有去，因為去了旅行，掛住玩連醫生都唔睇，真係.....幸好今晚有老媽捉住我才x起心肝去。去開九龍灣，當然乘機在這裏覓食。淘大是個好選擇，這裏美食雲集，今晚我倆就揀了一間釜飯專門店，門面金碧輝煌，仲有一大條立體的鰻魚，好生猛咁，的確好吸睛。內裏裝潢滿有和風色彩，木材傢具、木吊燈、木餐具等等，簡約優雅，感覺舒適。還有牆上的菜式相片和一個個釜飯碗的擺設，具代表性。地方都算寬敞，分兩區，先有兩排靠牆的舒適沙發座配二至四人枱。落幾級，同樣有多排靠牆的沙發座配二至四人枱，還有幾張四人圓枱，座位不少。用點菜紙下單，講明是釜飯專門店，當然有多款釜飯選擇，另有沙律、小食、人氣推介、是日推介、是日人氣、甜品和特飲，仲有幾款烏冬。******************必點釜飯，共有十多款，我第一時間當然看中鰻魚，但鰻魚都分兩大類，分別是蒲燒的金魂和白燒的銀魂，而兩者都各分最厚肉的<贅沢>、油份最高的<極>和最焦香的<特>，真係好難揀，最後選了特金魂（$88）。嘩！看着那大大件亮麗的鰻魚，不禁垂涏，周邊伴

金魂 蒲燒釜飯，出名釜飯，但係啲飯好普通，好似平時煲嘅白飯放入去咁…最失望就係個飯底…金魂嘅鰻魚係油分最高，大條得黎亦都無骨！又燒得幾香！呢樣野抵讚！原條汁煮豬軟骨釜飯，同鰻魚釜飯一樣，個飯係令人失望嘅…作為釜飯，如果可以比客人自己控製焗啲飯幾耐會好啲！豬軟骨好入味，好淋，好好味！淨係食佢都值返

剛剛去完日本沖繩之旅，返到嚟對日本菜仍然好有cravings。釜之魂喺淘大開店將近一年了，仍然屹立不倒，證明它有一定質素和忠實支持者。一場來到，必定要是他的招牌菜式鰻魚飯。想不到他的鰻魚飯有多個不同價錢和厚度的鰻魚供選擇，真的如傳統日式餐廳般非常講究。汁煮鰻魚肝$23，我是魚肝愛好者，見到餐牌上有魚肝菜式必定會試。回想起來還真未試過鰻魚魚肝，魚肝本身份量不多腥味重，用上甜豉油和薑汁煮，正好蓋過腥味，是適合下適的小菜。金魂鰻魚釜飯$138，最期待的頂級鰻魚飯來了！飯剛熟仍在噴煙，珍珠米果然煙韌香軟，鰻魚非常肥美厚身，口感豐盈，即燒鰻魚肉鋪天蓋地充斥在口裏，加上一口白飯，真是滿足感爆燈！美味份量夠且價錢合理，性價比很高！五花豚肉釜飯$78，有驚喜。價錢便宜，但質素一點都不輸蝕！有半隻入味糖心蛋置於中央，賣相吸引。一片片五花肉如滿瀉般重疊在一起，五花豚肉一吃便知是上等貨式，每片豚肉脂肪比例夠均勻，燒得很香，調味精準，實在是窮人吃好西的恩物！必推。首次來訪的經驗印象超乎想像中好，相信很快會再來幫襯！

有陣時行過啲大型商場覺得想食好啲一係就會好貴，一係就要去到好遠，有時都幾深灰。好耐冇行過九龍灣咁啱同太太去買模型嘅時候見到有一間裝橫好似好靚嘅餐廳，就咁睇上去以為一定會好貴，點知行近少少睇再上網做下research，見到人人都話又平又抵食於是實行入去試下啦。入到去有個好親切嘅姐姐招呼我哋，然後我哋睇下個餐牌見到價錢真係好實惠喎！於是點咗個牛肉飯同埋一份鰻魚呢食👍特別係佢嗰份金魂(鰻魚)係佢哋嘅招牌菜。 啲鰻魚咬落口又軟又甜口感一流特別係佢哋連啲米飯都做得好有心機， 連啲飯都感覺到好香。為食嘅我哋另外在order咗兩份小食， 雞翼同埋玉子燒一樣咁香口👍 呢一間確實係一間價錢實惠但係有高質食物嘅食店值得推介畀大家！

係九龍灣收工 又想食日本野 行過淘大就見到依間食釜飯既日本餐廳 又唔洗等位🕺🏻🕺🏻我地就嗌左一個金魂既鰻魚釜飯，汁燒牛肉釜飯同雞翼鰻魚飯不錯，都幾大份 鰻魚都幾大條🤔仲可以叫佢無限添加鰻魚汁🤪 汁燒牛肉飯就比較遜色，有啲乾，食到後期侍應先講話可以加燒汁 加左之後好味好多🤔雞翼方面就比較失望😕同普通炸雞翼冇咩分別 仲諗住會有驚喜添😕不過!!係社交媒體分享可以減HK$10 仲以人頭計🤪 我地2人一共減左HK$20 正正😛

星期五放工同一班同事去九龍灣食飯大約六點幾去到，無咩人唔洗等位我地7個人叫左4個釜飯同2個小食因為釜飯的飯份量幾多同偏乾，啲餸唔夠送飯，要加鰻魚汁撈飯，最後竟然食淨少少飯😥*係社交媒體分享可以減$10，人頭計，我地7個人分享7次總共減$70🤩金魂 - 贅沢 $138我地揀左最厚肉的蒲燒鰻魚釜飯鰻魚的確肉厚啖啖肉，而且無咩骨，不過就會缺乏油脂的香味鰻魚汁唔會好鹹，送飯食一流釜飯基本上都會有少量的蔬菜同蛋絲(左上) 黑豚釜 $98黑豚釜採用豬腩肉製成，脂肪同肉的比例大約50:50豬肉肥美又嫩滑，亦都煮到非常入味👍🏻溏心蛋的蛋黃呈半固體狀態，生熟恰當 (下) 汁煮豬軟骨釜 $78豬軟骨同黑豚一樣，煮到好入味好淋食到咁上下就無影相🙊古味塩麴牛舌盛釜 $98牛舌厚度適中，爽口唔韌，燒得好香加上少少鹹味，眾同事都一致認為好食👍🏻日式炸雞 $38炸雞一份有六小件，配上一個唔知咩汁炸雞新鮮炸起，皮脆肉嫩吉列紫薯餅 (2件)因為無甘露甜薯，所以轉食吉列紫薯餅應該係直接將紫薯蓉沾上麵包糠再炸一整舊都係紫薯蓉，十分足料.衛生方面就一般...釜之魂選用木餐具，摸上手感覺有濕氣唔乾爽，需自行清洗一次侍應後期換上

今日6點黎到食個early晚餐🤣🤣環境好舒適 岩曬同朋友輕鬆閒聊🤣🤣🤣即刻睇下佢主打既釜飯🤪🤪好多選擇!! 鰻魚都有六款揀🤤🤤睇完一輪 決定要依個 金魂 超特大肉厚 鰻魚🤤🤤塊鰻魚 真係唔係浪得虛名🤣🤣 超級大塊!!亦都非常厚身🤤食落好冧 同埋個饅魚汁真係好濃味🤤配埋個飯好好食😋😋另外叫左一個鐵板燒雞魂釜飯😋塊雞扒大到🤣🤣 個雞燒得好香 肉質都好juicy🤤沖繩苦瓜餃子🥟叫左依個特別有苦瓜餡既餃子🤪食落幾重苦瓜味 幾特別😗😗餐廳既人氣特色小食🤣髒髒炸香蕉🍌好新奇既菜式🤣🤣熱辣辣炸起既香蕉配外邊既朱古力🤪黑炎蕨餅😗係一個凍既甜點😋煙煙un un 咁 好香黑芝麻味🤤🤤

澱粉愛好者如我，最喜歡吃米飯麵包類食物。這家以釜飯作主打的店，就不能錯過要來試一試！周六中午來到，午市定食餐牌看起來不錯，價錢亦相宜。首先，五花叉燒盛釜，賣相還算不錯，叉燒份量也足料！但奈何叉燒味道過咸，肥脂亦偏多，食到第三四片就受不了。幸好，米飯的質素是好吃的，選用的日本米帶黏糯口感，值得一讚芝士汁漢堡扒飯，一上菜賣相已不太討好，芝士汁太漏，而且不是好吃的芝士味道。漢堡扒亦只是急凍食品貨色，並非日式手工漢堡扒，好失望！整體來說，這次用餐都不是太滿意。釜飯是不錯啦，但餸菜品質有待改善。

淘大呢間釜飯專門店都開左一段時間，終於有機會可以黎食下，餐廳裝修日式，枱與枱之間比想像中闊落，坐得幾舒服，適合同朋友傾下計。金魂(特) $88人地餐廳專做鰻魚釜飯，當然要叫個黎試一試，我地點左金魂(特)，鰻魚厚肉，啖啖肉又滿足，熱辣辣，鰻魚汁濃味，不過，金魂(特) 鰻魚屬於魚尾位置就會有少少骨，所以，其他朋友仔點既時候就要留意。另外，飯既份量又真係幾多，去到釜底既飯變得好乾，所以，食唔晒d飯。汁燒牛肉釜 $68牛肉既分量多，醬汁比較杰身，牛肉煮得香濃，但肉質就有點硬。溏心蛋反而整得好好，中間流心，旁邊半膏狀。好出眾既小食，真係不得不提，小食餐牌用左一張特別手寫出黎，有好多野都想點好吸引。本身想點焦糖蕃薯，但我地可能8點幾先去食，太晏賣哂。吉列牛舌 $36一串有兩舊，又彈又爽，好正，好出色。汁煮鰻魚肝 $23朋友超鍾意食內臟食物，見到就話一定要點，因為，唔多地方會有鰻魚肝小食，質感軟滑，味道很甘甜，不過就唔係個個人接受到佢獨有既味道 。櫻花蝦炸豆腐 $22整個豆腐外皮都黏滿櫻花蝦，炸到好鬆脆，入面豆腐非常嫩滑，完全係外脆內軟。必食!!!

喺觀塘放工於是約咗朋友喺呢度食飯，平日6:30嚟到，唔使排隊，即刻有得坐。店舖環境舒適，店員有禮，燈光適中，由於唔係好多人，所以店員有我哋隨便揀位坐，呢樣野我好鍾意。每個位都好闊落，枱同枱中間都有好多位，唔會話背脊貼背脊。食物選擇都好多，我哋睇咗一陣間先至揀到食乜嘢，叫咗個店員埋黎先發現原來要自己畫紙仔，但店員都十分有禮貌，主動話幫我地畫。呢度嘅鰻魚飯有分幾種，首先係有唔同嘅鰻魚，但我唔識分，而每一種鰻魚都有分唔同嘅部位，唔同價錢。我呢個係中間價錢嘅，腩位，鰻魚汁好香好夠，鰻魚肉好林好香，啲骨唔會話吉住個口，我覺得唔錯。朋友叫咗個雞扒飯，覺得一般般，正常水準。另外叫咗個炸雞翼，同一般其他日式餐廳食到嘅炸雞翼有少少唔同，呢個嗰個七味粉味好重，都幾得意，可以一試。另外加$18就可以升級做套餐，有麵豉湯，前菜，飲品。食到底原來仲有啲飯焦，不過唔係港式煲仔飯嗰隻，都幾得意。

今日，同朋友去淘大睇戲，睇完戲見到附近有間食釜飯既店，就入左去食午餐。呢間店位於淘大商場，做街坊生意，所以價錢合理，而且水準仲好高添！呢度有中午同下午茶menu，非常抵食！佢既套餐係包埋前菜、湯同飲品，好豐富！一坐低就即刻比左前菜同湯我地人我叫左份汁煮豬軟骨釜，豬軟骨好大條，而且煮得好入味同埋腍，豬軟骨入口即溶，好正！釜飯仲配有蔬菜同埋溏心蛋！朋友叫左洋風牛扒釜，入面既牛排都算厚身，而且煮得幾嫩滑！飲品方面，我叫左九洲鮮牛奶，奶味好濃郁，感覺好健康！特飲方面，朋友點左紫薯香蕉藍莓特飲，呢個特飲整得好靚，係夢幻既紫色，而且唔會太甜。杯野飲香蕉味非常濃郁，將上面既忌廉撈匀黎飲就更rich,高度推介！