錦麗 (MOSTown新港城中心(4期))

营业中

休息中

平靜的下午走上馬鞍山一個人所共稱食物沙漠的地區, 二話不說還是走入冷氣連連的商場內、曾幾何時對面這間(錦麗)有個一份(不良好)的感覺，之前某處的分店由於湯底(死咸)故以深深印在腦海內、今次再跨區另一分店，希望不同師傅會有不同表現~店鋪坐位佈局比(apm)好座，雖則全店職員不算多、但只要客人舉手，行動上絕無甩拖、飯市期間全場滿座.午市套餐大部份都是六十餘元~當日自己就要上一個生熟牛肉河粉這碗河粉HK$63並不列於午市套餐之內，且並沒有包任何餐飲~生牛肉來者粉嫩,把湯快速溶入在牛肉身上、肉質很薄並沒有多餘的脂肪但咬在口中亦沒有嚡口之感，至於其餘熟牛肉由於明顯較瘦、所以有點韌，不過這分店要讚一讚還有湯底濃而清澈、較之前去過之某分店(一味死咸)來得不錯~ 整體來說以這個價錢亦沒有加一次服務個人覺得收費與食品合理，絕對值得有返轉頭、當日就眼見身旁另一位客人要了咖喱雞飯看來甚為不錯,下次倒要認真試試。

陪母親大人去馬鞍山買嘢，佢就叫我陪佢去食錦麗。好耐以前喺銅鑼灣食過，估唔到開咗喺馬鞍山。同媽咪一人叫咗一碗牛肉粉，今次真係麻麻哋。全間店都係只有牛肉選擇，你想揀其他肉類嘅粉麵都無，但係佢哋嘅牛肉又唔算特別好食。尤其是個牛根，超硬根本咬唔開。牛肉亦都唔算特別有牛味，真係好普通。佢哋而家做緊promotion，買一送一。所以我同媽咪最後買單$68兩碗面，佢仲另外叫咗個滴漏咖啡，都係普通貨色。講真係因為佢做買一送一，再加上媽咪堅持我先會食，如果係正價真係不了。

因為一段日子冇去食越南粉，所以今日特登嚟錦麗食， 個錦麗招牌綜合粉依然好味，有牛丸生牛肉同熟牛肉，三樣都好正。 另外特別叫多一碗生牛肉粉，因為另一半鐘意食生牛肉粉。比起出面嗰啲，啲牛肉真係特別林，而小食就叫咗個馬拉盞時菜同埋個蒜香雞翼，馬拉盞時菜個馬拉盞醬就好濃，但係個菜就好清，所以撈埋嚟食好夾，不鹹不淡，另外個蒜香雞翼個蒜香粒每隻雞翼上面都有，如果鍾意食蒜蓉嘅朋友都會覺得呢款蒜香雞翼好味。講真如果喺香港食越南粉錦麗都可以話係數一數二嘅連鎖店之一

因工作關係去到馬鞍山，做完嘢不如填飽個肚先回家。見錦麗門口不多人排隊，不如試試它的晚餐。唔知幾時開始錦麗提供小菜，加$25元有越式馬拉盞芽菜丶一碗白飯及餐飮。我們叫了越式酸子骨（$78）及鮮茄濃湯海鮮鍋（$88）。好快芽菜及越式酸子骨便上枱，芽菜只是灼熟，然後加了馬拉盞醬，無乜特別。酸子骨望落與中式菜館的話梅骨很相似，排骨煑得軟腍，咬落啖啖肉。而酸甜汁調製得啱啱好，不過酸或甜，兼且稀稠度剛好，沒有多餘芡汁留在碟。味道唔錯，亦好送飯。😋鮮茄濃湯海鮮窩望落去已經麻麻地，見咁多湯，飲一啖試試，咸到不得了。海鮮數量很少，只有2隻青口及蝦，散開的微形蟹腳，揾件似樣的魚柳都無。把它當做湯窩，佢又太咸；當佢係餸，又太無料。👎🏻👎🏻👎🏻餐飲叫了青檸咸檸檬梳打，不過不失。整體而言，以太興集團之名及它收的價錢，有點失望。

相信對好多住喺馬鞍山嘅居民，你地一定會認同馬鞍山係一個美食沙漠。但近年來，有好多知名嘅連鎖食肆紛紛駐入新港城，而好多間食肆都會經常大排長龍，今日就比我發現到呢一間開喺敏華冰廳側邊嘅一間越南餐廳—錦麗。如果你係越南菜嘅忠實fans，你絕對唔會唔認識錦麗～今日星期六晏晝兩點幾閒來無事就入左黎食個late lunch！餐廳入面望落都十分空曠，每枱之間都不會太過擠迫，坐得都尚算舒適。侍應們都十分有禮貌，遞上餐牌後亦主動比多張木凳我放下手袋，十分貼心！望望餐牌，便決定叫錦麗最出色之一嘅生牛肉粉，跟餐連飲品都係$63，非常經濟實惠！下單後侍應會先放下一杯入面裝有芽菜，青檸等等嘅標準越式配菜，讓每位食客可以根據自己嘅喜好進行唔同嘅配搭。等咗數分鐘後，生牛肉粉黎喇，湯底雖然有點油但充滿香氣，食落口依然係熟悉嘅味道，牛肉很淋，粉很滑而且唔會好容易斷開。再飲埋杯凍薏米水，消暑去濕又可以美白養顏。錦麗生牛肉粉HKD 63 跟餐 送凍薏米水以後馬鞍山人又可以多個選擇喇～

原本很抗拒大集團食市，週二的起心肝試下以越南色彩作主打的錦麗，點了幾樣東西，食感右下:我叫了錦麗综合粉，很多越式河粉店如李錦基會叫呢D做火車頭河，即咩都有包括牛肚但錦麗的只有生熟牛肉及牛丸。湯不錯，熟牛腩好淋又不油膩，係非常出色!牛丸也爽口有牛味，香草金不换芽菜也洗得乾淨，但個份量扣分，最敗筆。牛油鷄翼很香口但畧油脂過多，但食材選了细隻的雞翼所以有啲乾。蝦/札肉粉卷很好，很清新。香矛豬扒飯，蝦膏蒸蛋也不錯。也叫了一客庶蝦，庶虾一定要試，香茜調味，蝦肉弹牙而不實，但庶欠一點庶汁及庶香，大蝦札肉撈檬一般，中規中舉。埋單三百多元，算合理。

馬鞍山錦麗係一間唔錯嘅越南餐廳，通常排隊排到hi hi，所以有陣時都係要預鬆啲時間先可以落嚟。今日叫咗個生牛肉河粉，有陣時食生牛肉河粉或者一些越南野可以好地獄同埋好災難😊而呢度則完全唔同會，咬落去嘅牛肉也好鮮味。同埋啲粉同埋粉同湯底都唔會係感覺成口味精再加上佢哋嗰啲嘢飲都好有誠意，我叫咗一個玫瑰龍眼茶味道好好👍而且服務態度都ok，環境就一般可能始終都係新港城租金比較貴，所以都唔算話十分闊落但我覺得仍可以接受。整體嚟講係可以嘅😉

呢一間越南嘢外表光鮮整齊，見每一次都好多人排隊，所以的起心肝搵一日早少少落去試下係咪真係咁好味。😊叫咗出嚟之後發現無論係賣相丶抬頭丶擺設定係入面嘅味道都相當唔錯，在設計方面肯定有落功夫👍特別係佢啲咖哩真係香到不得了。其他食物絕對算得上係中上嘅級數，不過我特別鍾意呢一款加喱😎因為佢哋整嘅咖哩真係好好食😍😍😍所以建議大家都可以去試一試，我就一定會返轉頭再幫襯。不過提示大家如果真係想去食又係喺星期六日或假期的話，請你盡量預早一點時間因為排隊真係好多人你要有心理準備唔會係15至20分鐘之內可以攞得到位。

今次搵食搵到馬鞍山， 由於唔熟路， 又想輕食碗粉， 問朋友之下， 介紹左我黎Phole 錦麗越南🐂牛肉粉專門店食。 餐廳內部裝修都企理， 乾淨， 坐落都舒服嘅⭐️⭐️⭐️。menu 唔算好多選擇， 但都有越南粉🍜， 檬粉🍜， 飯🍚， 小食， 仲有特飲添👍🏻。 我心大心細唔知叫咩好， 於是就叫左碗錦麗綜合粉， 個名好攪笑， 但啱晒我呢d 心多多又唔知食咩好嘅人。。。 裡面其實有。。。🐂生牛肉， 🐂熟牛肉 同埋🐂牛肉丸， 🍜湯都濃味， 不錯不錯。我仲叫埋杯熱咸檸檬青檸水， 滿足呀！⭐️⭐️⭐️⭐️

Tried this famous pho shop with my family, we ordered the Pho with Mixed Beef, Vermicelli in Shrimp Paste and Tomato Seafood Soup as main, and the Garlic Butter Chicken Wing, Shrimp and Vietnamese Sausage Rice Paper Roll as snacks.The beef pho was in very good quality, the beef soup base is very rich and flavourful, with the pho absorbing the soup tasted superb. The bowl also include medium rare beef, well done beef and meat ball. The medium rare beef was juicy and fresh, no hard tendon at all.

朋友話馬鞍山開了幾間新食肆，叫我入來試試。本來想試另一間，但太多人了，見錦麗只等一枱，即刻轉軚。［註：照片是離開時影，無咁多人。］這間錦麗的裝修同其他店舖類似，簡單丶雅緻而舒服，喜歡它獨特的翠藍色，中間圓枱與兩邊的枱分隔較開，不會太嘈。一坐低，侍應會以人頭計放下用玻璃杯裝的芽菜、九層塔香葉丶青檸及紅椒，是越式湯河的最佳伴料。餐牌選擇不多，我叫了錦麗綜合河（$66-），而朋友叫了越式咖哩牛筋腩飯（$66-），每人再加一杯越式咖啡（$28-）。綜合河其實是牛肉丶牛腩加牛丸，很快變上枱，望落很正宗。枱面貼有溫馨提示，建議先喝一口湯，味道鮮甜，唔重味精。之後倒入玻璃杯內的伴菜，已有另一種香味。河粉很幼滑，牛腩充滿牛肉味兼好「淋」，十分之好味。牛肉亦是新鮮牛肉，肉質厚身又幼嫩，不是街邊薄切牛肉可比，好味！👍🏻👍🏻👍🏻咖哩牛筋腩同樣一看便知有水凖，咖哩汁濃稠度啱啱好，唔會太稀。咖哩汁很香椰汁味，唔辣，牛筋同牛腩都炆得好「淋」，吸收了椰汁及咖哩香味，雖然有點邪惡，但都忍不住好快就KO曬。😋😋😋咖啡也很正宗，用滴漏壼上，味道香濃，好有越南咖啡feel! 👍🏻👍🏻👍🏻 錦麗絕對是值得推薦的越南餐廳。

之前聽同事講過「錦麗」好出名，竟然佢在馬鞍山開分店，於是趁今日放假同老公來撐枱腳。黎都已經一點幾，所以唔洗等位，直入即坐，裝修都有點越南風，用好多竹/騰既元素。中間有大枱(6-8)、旁邊有4人枱、同埋另一邊係幾張二人枱，沒有BB椅提供，家長們自行選擇。睇睇餐牌，款式唔算好多，第一次黎當然想試招牌菜，但同時又想試其他的，仲試埋杯越南咖啡添。之前係網上睇左呢間錦麗的廣告，特別有講點食法，而每張枱上面都同樣有指示教你最正宗食法！其實我地一坐位，侍應已經放低兩杯配料比我地！配料仲可以無限供應！錦麗綜合粉($66)送到啦！雖然有生牛肉，但上枱時都唔係好生，而且當你影完相、再跟佢食法又飲湯又落配料，搞完已經熟左了！不過就剛剛好，唔會韌，粉既份量OK，有3個半粒的牛丸(彈牙！)、2大片牛肉及2大2細牛腩(剛好！)，湯係幾清甜！加埋配料香草就好香！(真係味道唔同左的)牛肉佢都有教你用甜醬同拉差辣醬，一試無妨！跟住仲有個蕃茄蝦膏海鮮濃湯檬($68)，一上枱就聞到好香！份量都OK，不過得2隻蝦、一塊札肉、3-4舊豆卜，都見唔到有其他海鮮...隻蝦雖然細隻不過就好新鮮，湯就真係好濃味！咁我都有落配料，所以更

餐廳新開幾個月都未同老公黎食過，緊係同佢一齊去試下。餐廳新裝修一定光猛潔淨，不過坐2人卡位如果點得太多嘢食會唔夠位擺。一坐低店員會擺低一人一杯伴菜，有香葉，辣椒同芽菜。錦麗綜合粉($66)。湯頭都算清甜，有牛丸，牛肉片同牛腩。河粉係偏幼類型，都掛到湯汁。連埋越南特有嘅芽菜食就好滿足。越式咖哩牛筋腩飯($66)。份量超多，咖哩好香椰汁味，唔算太辣。除咗牛筋牛腩，仲有車厘茄，薯條，菠蘿同洋蔥。所有食物切到一口大細，方便食用。越式炸春捲($38)。春捲皮煙煙韌韌口感好特別。入面有粉絲肉碎木耳絲等， 用生菜包住食可以減低油膩感。熱玫瑰龍眼茶($20)。超足料，有好多龍眼肉響底，不過甜得滯，加水沖多一杯都得。總結係，都算大件夾抵食。

同朋友去馬鞍山，路過商場見到錦麗就食Phloe，即越南粉。先叫过厨師推介综合錦麗粉，包括有生牛肉、熟牛肉和牛丸，牛肉夠霖，有肉味，一口一口河粉食，好似食拉麵食出聲，爽！當然重点是个湯底夠味，食前加入九層塔、青檸、 辣椒、芽菜等配料，配料也可以再加，吾好忘記加少許越南醬，會更好味👍另一碗是香芧豬扒撈檬、酸辣汁用小杯分開上，可以再添，我嫌酸辣汁太淡，不酸不辣，整體變得太淡，豬扒炸得脆，但我咬下欠肉汁，差了少少。再叫多个咖哩牛筋腩飯，咖哩汁不辣，正常，牛筋夠霖，幾好，可惜牛腩比較韌，麻麻地。越南菜當然要点小食啦，叫了一份炸蝦餅和小米糕。蝦餅正常啦，至於小米糕，帶咸的肉鬆和冇味的米糕一齊食，不錯。忘記還有一碟馬拉盞時菜，全碟精髓就是馬拉盞，吾識形容，味道剛好，連菜一齊，带出了菜的鲜味。整體環境不錯，侍應有禮，雖然有些菜式失準，每人平均$90，我應該會再來。

本身想去敏華冰室，但係竟然夜晚都要排隊，我地又肚餓，就試試隔離嘅越南菜。我地係兩人卡位就坐，不過檯面比較細。水係自助嘅，可以去後面用紙杯裝水飲。餐牌簡單易明，兩頁主食，一頁小食，一頁飲品。我地叫左兩個主食同一個小食，蒜蓉牛柳粒冇貨（大概九點）第一樣到嘅食物係熟牛肉河，配菜係自助嘅，有九層塔、香菜、芽菜、辣椒、青檸。唔鍾意香菜嘅我幫手用手滅完之後揮之不去...首先講湯底，濃濃嘅牛肉味，夠熱，牛肉反而有驚喜！平時嘅越南牛肉河無論生或熟牛肉，都只係牛肉片，但係！哩度嘅熟牛肉竟然係一舊舊嘅牛腩！超級足料！不過大家記住趁熱食，因為凍左個湯就有d鹹，冇熱食時候咁舒服。第二樣到嘅食物係越式炸卷，一共4件，配上酸紅蘿蔔絲同生菜。炸春卷嘅餡有粉絲、豬肉、筍、木耳，味道較辣，因為有重重嘅胡椒味。生菜非常爽脆，$38抵食！第三樣到嘅食物係越式三色飯，包括有香茅豬扒、炸扎肉、蝦膏蒸蛋。首先講個飯，夠熱，加上特調嘅豉油，唔錯唔錯！味道頗豐富，唔係普通鹹味，有少量蔥粒。到豬扒，非常厚！所以邊邊位有d呈粉紅，切開都比較難因為佢冇切到底，味道可以，香茅味較淡，但係適合我因為我唔係好好香料味。到炸扎肉，好味好味！厚切菱