鐵牛台灣牛肉麵 (翡翠中心)

营业中

休息中

基本上食過鐡牛之後已經返唔到轉頭原因只有一個，就係好味，抵食，即係正😂Lunch menu選擇多，有十幾款，有飲，湯麵同撈麵，價錢亦只係六十零蚊，加6/9蚊有飲品，另外亦可加配小食，例如鹽酥雞，二三一十蚊一份。🥳除左牛肉麵之外，最鐘意係佢哋個豬軟骨擔擔撈麵，鐘意濃味嘅朋友一定鐘意！花生味香濃，少少麻辣，肉碎夠份量，麵條粗幼適中且煙韌，簡直一絕！😍😍 豬軟骨都入味，不過未夠「林」，無翠華炆到啲軟骨變哂膠質咁好味。 凍珍珠奶茶加$9，唔算好出色。七十蚊唔使就食到咁豐富嘅台式料理，中環真係唔知邊到搵！

行完大館，因為有5個小朋友，擔心嘈到人，所以沒留在大館的餐廳午餐。沿著中環扶手電梯下去，看見有一間未食過的台灣麵店，加上我很喜歡飲珍珠奶茶，所以就入來試試。員工服務好，沒嫌棄我們多小朋友。每人叫自己喜歡的餐，我很想試地瓜飯，地瓜不是太甜，個飯好似沒什麼特別。我的餐牛肉不多。反而我老公的牛肉伴麵有很多牛筋。麵很彈牙，醬汁是一般的牛肉湯麵汁。另一邊叫了3碗蕃茄豬軟骨麵的女孩們讚不絕口，差不多整碗吃掉。下次有機會一定再來。

去食嗰日係星期二嚟，夜晚8:00去到唔洗等位。哩度最出名係牛肉麵，所以就叫咗碗紅燒牛肉麵同一杯珍珠奶茶。講下牛肉麵先：個湯底係敗筆，飲落好重豉油味，偏鹹，完全冇紅燒牛肉麵應有嘅香、濃牛肉味湯底。小弟唔太鍾意食榨菜（唔知嗰啲係咪叫榨菜，有錯請指正），如果餐牌寫明有榨菜會比較方便唔食榨菜嘅客人。牛肉夠淋、唔黏牙，但有啲筋位難咬開。牛肉味道唔差。麵質有咬口、個人比較鍾意少少硬身嘅麵。珍珠奶茶：有驚喜，唔太甜，好多連鎖奶茶鋪嘅奶茶都好甜，呢度唔會。奶同茶比例啱啱好，因為茶太多會偏澀、奶太多會膩。珍珠有咬口，亦唔會黏埋一嚿，抵讚！總結：店員服務態度幾好、有禮貌。招牌牛肉麵都做得唔好，唔會再食。

基於有位朋友強烈地推介鐵牛個麻辣新竹米粉，事不宜遲即刻約左幾位好友去嚐一嚐。我地大約中午十二點半到達，一出lift 門，只見長長人龍。等了大約二十分鐘，終於被安排入座。餐廳空間算大，但冷氣不夠凍。 滷肉香酥排骨便當不過不失的便當。排骨味道剛好，但不夠酥脆。滷肉飯的份量略算大份，味道還可以。鮮蕃茄牛筋腩湯麵蕃茄味道不夠濃郁，麵條也不沒有口感。牛筋腩也是中規中舉，毫不突出。台式麻辣金肚湯麵 （轉新竹米粉）因為朋友推薦，所以特別期待。可惜，期望愈大，失望愈大。新竹米粉的確把湯汁都吸收，可是湯底只有麻香味，辣度不高，而且偏咸和偏油。份量是飽肚的，但由於冷氣不夠，我地幾個邊吃邊流汗，想盡快完成之後離開。總括而言，這餐廳是普普通通，沒有驚喜。

因為價錢唔貴，位置都方便既關係，鐵牛係午市時間長期都好旺，要第大約15分鐘先有位，亦都一定要齊人先入得。4個人有卡位坐，望出窗係中環上soho區既長電梯，有微微陽光照到入黎，感覺都好舒適😊食物方面，招牌紅燒牛肉麵，麵既份量唔多，牛肉就好大塊都炆得好林，湯底都好濃郁。牛頭沙茶貢丸新竹米粉就失色d, 雖然佢既米粉份量真係好多，但係就痴埋一餅野咁，令到食起上黎有d麻煩，而貢丸好dry可能係用比較瘦既豬肉黎整健康d, 不過始終都係覺得有d juicy既肥膏會好味好多。另外，個set跟野飲既，覺得佢地個奶茶好有茶味，唔會太過奶!

日日中環地區食晏，要唔貴又要好食，真係好難諗食乜好，同事介紹一間天橋附近的台灣食店，主打台灣牛肉面食。一上到餐廳拎位，已經廿三十人在等位中，我地一行人只好等著，都等了20分鐘才可以入座，原來入座前已經要付錢買飯票才安排入座呢！ 我地點了鐵牛招牌紅燒牛肉面， 冰洛神鮮花茶，鹽酥鷄滷肉便當，鹽酥排骨滷肉便當。招牌紅燒牛肉面湯味似肉骨茶，牛肉口感幾好，較淋身且入味; 鹽酥鷄滷肉便當，前菜買相很不吸引，無什特別，鹽酥鷄及鹽酥排骨，很香口，炸粉不多，肉汁味濃。 飯後冰洛神鮮花茶的倒是不錯的，甜酸的能舒緩炸物的油膩感！

第一次試鐵牛嘅下午茶其實得個平字個炸雞真係得個炸雞味檸檬茶就真係算吧啦滷蛋冇味完全得個汁肉操飯仲離譜完全唔似肉操食落去完全都唔知台灣野最後係個前菜十分給不吸引辣味only

平日午飯時間要係中環搵到一間同時滿足“環境唔太侷促“、“唔太遠“、“唔太貴“、“唔太熱氣”、“有少少名氣可以post IG交功課”、“一個人去食排隊有優勢”六個條件嘅餐廳，我R爆頭諗左廿分鐘，終於揀左哩度。【戴頭盔：我本身極其抗拒紅燒牛肉麵，所以以下評論帶有強烈主觀色彩】回頭率：🌕🌕🌗🌑🌑環境：🌕🌕🌕🌑🌑服務：🌕🌕🌕🌑🌑份量：🌕🌕🌕🌑🌑味道：🌕🌕🌗🌑🌑等待時間：15min價錢：HKD60/Pal◆Summary◇座位多，但要排好耐隊，牛肉出色，湯底同麵都普通———————————————————————— ◆招牌台式紅燒牛肉麵◇HKD60 🙃牛筋腩👉🏻 手指長，1.5cm粗，共三條。煮得軟腍入味，肥瘦適中，最滿意嘅地方係唔黏牙。湯底👉🏻冇咩油花，入口甜，可惜之後鹹味過於突出，最後飲落得個醬油嘅鹹味，連我唔中意嘅紅燒汁味(可能來自滷包？八角？)都好淡，唔知係咪反而反映出唔夠濃？麵👉🏻微曲的圓麵，煮得略硬，但完全唔彈牙。唔彈牙又冇口感的硬麵，全無靈魂可言。💁🏻‍♀️其實今日或多或少有啲掛住茶木嘅手作麵，先會諗到試下鐵牛嘅紅燒牛肉麵，畢竟朋友之前話過好出名，點知個麵反而係最令我失望嘅地方

午市實在太多人排隊等位等左半個鐘不過值得一提就係上菜勁快入座前會先埋單。。一有位坐唔洗2分鐘就開始有野食呢個速度簡直經典不過味道認真不錯個定食好多配菜地瓜飯係甜左d牛牛真係好入味個沙茶貢丸都好正實淨得黎又彈牙仲跟埋有檸茶檸水加6蚊仲有珍珠奶茶添

鐵牛勢不可擋，分店已經漸漸增長，星期五晚就黎到中環分店～坐低前店員表示係先付款後送餐，可惜我地落6樣野漏左兩樣還好送到黎無感失望，招牌紅燒牛肉麵，深褐色湯底，濃濃肉味，牛肉唔算好腍～但好入味～朋友試左牛筋腩撈麵，牛筋比牛腩出色呢～撈麵一般因為有醬料所以有少少油～之後再黎燒雞腿排便當～好豐富呢！燒汁惹味～肉質不錯～本人鐘意食菜甫，所以見到小碟時好開心～各自都叫左啲飲品，桂花烏龍泡菜賣相懷舊又有啲文青感～唔太甜，配搭下可以作中和角色珍珠奶茶的小黑珍珠彈牙有趙口～5人同行重叫左啲小食～茄子好味呢反而炸雞我覺得皮不夠脆～最後漏單之一嘅蕃茄豬軟骨湯麵，每件豬軟骨都林腍無比肉與肉之間個條白白嘅軟骨先最正～好少食店每一件都係哩個部位呢～不過麵質普遍偏硬～好快就飽

Happy Friday 又到，約埋三五同事 lunch @ 鐵牛，看其名，以為是日式鐵板，查實不是，原來是台灣牛肉麵店 🤣😂🤣.之前，聽聞 每每 lunchtime 呢到都好多人，但想試，就無辦法排隊都要等下，好彩地，我們只等了三張枱 😁 就可以入座。 食店安排 有位先購票 order 食物，跟著才入坐。.我哋分別點咗 ........鐵牛招牌牛肉麵 🐂 麵條煙靭適中，濃湯底 👍逢甲鹽酥雞鹵肉便當 🍱 鹽酥雞 可以咸番一點，就更好味 😁香蔥麻辣擔擔軟骨拌麵 🥢 麻辣味好夠，同事食到滴汗 😅午餐有餐茶奉送，不妨試試 台式奶茶😌 大家食飽飽 😋 都覺得真棒 👍 睇隻碗 都知 😂

難得年三十 lunch 想食好一點, 行過鐵牛見有位就入去, 因為之前食過旺角及尖沙咀分店其實對佢都幾有信心的。但好可惜中環店令人大失所望。碗麵一上枱時個份量少到令我呆左, 麵煮得硬, 而且麵的份量是只得一注, 這碗麵由上菜到我吃完只用了5分鐘, 不是我吃得快, 而是份量真的太少夾兩次就沒有了。對比其他人之前上載的相片, 份量真係少得可憐! 這樣一碗就 $63, 一點飽的感覺也沒有。 雖然說中環的午餐時間不愁無生意, 但都唔係咁求其是但呀嘛!

今日到中環辦事後，見Openrice上這家店好評幾多，而且剛好沒有排隊人龍，決定入去一試。餐廳用膳環境都唔錯，唔會太逼，亦有沙發位可坐。我們2人叫了牛肉麵，燒雞腿肉燥乾拌麵，鹽酥雞以及香芋珍奶。牛肉麵湯底算濃，牛筋腩亦夠淋，麵亦夠彈牙，質素算係唔錯。鹽酥雞的份量就有啲太少，差唔多$40得5-6小舊。香芋珍奶我地叫左半糖，所以唔會太甜，但珍珠就略嫌太硬。比起牛肉麵，燒雞腿肉燥乾拌麵算係有啲失色。首先拌麵用的肉燥不夠多，燒雞肉亦唔夠入味，只係得表面有醬汁味，食左一半就已經覺得有啲厭，有改善的空間。

I went there for dine in. First, you need to order and pay at the counter before getting served. a bit unusual for a "premium" noodle place.I took the spicy (大麻辣 - Big ma spicy) beef soup noodle. I was not very spicy. I would say:- soup is way too oily, I think it would be good to de-oil it a bit as it made drinking the soup not of the best experience (- -)- beef was tender (+)- soup was quite bland, mainly salty taste (- -)- noodles were on the hard side and great (+ +)- small quantity (esp on

排隊排成半個鐘…攞左位先發現，原來剔完野食就去俾錢，張單先叫做落左…下次可以差不多有位既時候就去俾錢因為俾錢又係要排隊…不停地排排排…先有野食…哈又幾好味wor.. 唔怪得咁多人不過通風很差，坐左一陣已經流曬汗沙茶醬幾濃郁，貢丸彈牙番茄湯都好味，幾足料跟餐有飲品，暖入心，岩曬大冷天額外加左個油菜，22蚊未免太細碟，仲差過酒樓