長發麵家 (已搬遷) 新店位置

上次黎冇開檔，今次黎終於試到秘製鼓油皇撈麵＄１７：份量唔算大碗，鼓油香甜，麵條爽身彈牙而不會過硬，水準之作，唯一要彈既係豬油落得唔夠，冇乜豬油香味豬手炸醬麵＄２５：炸醬呈啡紅色，香甜而不辣，撈麵食一流，豬手就一般水準啦，比較多毛又冇乜肉牛腩墨魚丸撈粗麵＄３２：牛腩炆得夠淋，而且都幾入味，墨魚丸就有ｄ失色，雖然都有墨魚味但係口感欠奉，粗麵都比較普通，相對地較幼麵失色

朋友介紹呢度大排檔既野間間都好有水準行開呢頭就黎試下叫左個牛丸麵黎到發覺份量算少,但係一飲左一啖湯之後就停唔到口!!!!d湯底真係好好味....麵都好有水準胡椒湯同d麵真係好夾煮麵d時間control得好好.唔會太淋,好爽口有機會一定再黎,下次要試試撈麵

事隔了一段時間，又再回來這裡，為的不是撈麵炸醬，而是上次沒吃到的魚蛋、墨丸、牛筋腩和豬手~天氣轉熱了後，還以為來到這裡會熱至受不了，哈﹗在幾台"大牛角"風扇前面吹著下，也不是那麼熱呢~先來的是牛筋腩河，筋和腩的色水十足，兩者也煮至完全入味了。牛筋腍而口感煙韌有咬口。牛腩入口鬆化，雖然入味但是其牛味依然存在，一口咬下去之後便不再捨得繼續咬下去呢。再來就是魚蛋墨丸河。這裡標榜兩者都是自製的出品，在點菜時看著師傅在旁正炸著一條條雪白的魚蛋片，這情景令我又想起那次長洲的奇遇。魚蛋的魚味頗多，亦甚為彈牙爽口，咸度也是適中的。對比起市面上一般的魚蛋，這兒的出品算得上是上佳之列了，不過其魚肉的鮮味和彈牙程度還是及不上長洲的甘永泰。而墨魚丸咬下去可感到細小粒粒的墨魚碎，這樣的做法增加了口感上的層次，實在是聰明之舉~ 而墨魚的味道雖不濃，但也是有其味道和鮮味的，可以說比一般的墨魚滑更有味道。最後來的一碟豬手，份量十足，還好自己的食量可以鯨吞全部，不然必定要"打包"收場。豬手的皮夾雜著一點點肥肉，味道甘香味美，入口煙韌，口感滑滑的，水準遠遠在合格之上。吃完後在口腔中殘留著一點點的柱侯味道，這份餘韻不下於好

見到以下仁兄ge食評，忍唔住，一定要立即試吓。剛巧阿媽去開o個頭，梗係叫佢外賣一盒豉油撈面啦！回到家時，豉油已倒瀉晒。不過唔緊要，一打開個蓋，嘩！d 面還是一條條，沒有黐埋一齊。d面已吸晒豉油，條條都條深啡色。即刻試吓味先...d面真係好彈牙爽口，又無鹼水，讚！豉油味濃，甜甜的卻不咸，好好味！食後亦不會頸渴！$17 一大盒，而且咁好質素，實在正，真係怕會上癮啊！！！下次等我試埋炸醬同雲吞啦！

今晚來到這裡是因為南瓜兄的一篇食評，在那食評內他提及到兩個字 - "豬油"。也就因為這兩個字，令我想起在佛誕那天的一件事。那天剛在長發對面的蘇記茶檔吃完了午餐，在離開時看到長發的舖位外有一位嬸嬸正在用猛火燒著一隻非常大的鑊，在鑊上面放滿了大大塊的肥豬油。我趨前細問那位嬸嬸，她說：這些豬油是用來作調味之用的。亦因此，這食店便加入了我日後必試食店的行列之內。所以我們今晚特地從家步行過來，看看這店有沒有甚麼驚喜。在沒有看過關於這店的食評之下，一切選擇都是"估估o下"。要了的有：炸醬麵、秘製豉油至撈麵和淨雲吞。先來的是炸醬麵，麵身非常爽口，一口一口咬下去"嗦嗦聲"，沒甚梘水味。炸醬帶少辣、味道濃而微甜、肉絲已經跟醬汁合而為一。雲吞跟在鴨記的"感動雲吞"味道差不了多少，唯一分別是這裡的包得比較實，其中一粒中間部份未完全煮熟。材料方面也同樣用上了芝麻糠和大地魚粉，宗於地道的做法味道不會有太大分別，真的要比較的話，祥興的價錢較低和多出一粒雲吞，食物選擇亦較多。雖然如此，這店還有留著客人的食物的.......通常我放在最後介紹的也是味道最好的食物，這個"秘撈"味道實在好﹗不是一般的好，而是非常的好﹗原

綠色的帳篷, 街邊檔, 露天的廚房, 熱天時汗流浹背...種種皆是兒時的回憶.最正係牛腩河...湯底跟本就係一碗牛腩煨出來的精華, 牛腩夠林, 河粉吸收了湯的味道, 令到成件事正晒! 即使成身大汗也要全部吃下.

2008年3月13日晚上7:00 無意中click下click下搵到呢檔o野, 見之前有人post左豬手d相上去, 幾對辦喎! 馬上, 即刻, 立即打比沙牛男友約佢放工飛奔去長沙灣, 我就灣仔放工急急腳去”覓食”ru! 最鬼鐘意呢d排檔, 見到呢d格局我心面o既OS就係”平! 靚! 正!”最後係…史無前例地兩個人食排檔埋單140蚊, 勁痴線!1) 淨豬手($45) –幾好食! 值得一試, 個豬手夠肥, 但係食落又唔會油淋淋, 有屋企FEEL2) 古法鼓油撈麵–我覺得好鹹, 但係沙牛男友話幾好食, 我叫左佢幾次”鹹得禁緊要唔好食啦!”佢話:”食落都幾好食呀!”無得救! 我地兩個都唔知古法做出黎咩味, 唔知點比較3) 炸醬麵–呢個就真係古法啦! 同我細個食D味一樣, 佢個麵好爽, 無鹼水味, 但係你話佢好有麵味咩?! 佢又唔係o羅! 不過呢個整體黎講都好好食.4) 淨魚蛋–我已經唔記得左細個食o既魚蛋係咪o禁樣, 淋淋地, 唔似依家d魚蛋禁…硬! (當然你可以話彈牙啦!) 呢個都可以試o下!5) 淨墨丸–我覺得唔好食! 無咩墨魚味, 又淋bad bad其實所有o野都多味

牛腩夠淋又夠入味腩汁真係好得,河粉薄滑麵夠爽口,炸魚皮大小o岩o岩好又夠熱氣,墨魚丸彈口有墨魚味,又有支裝汽水啤酒,每樣食物都有一定水準.

墨丸雖然係手打,,但好明顯冇魚蛋咁好味..好多地方食到既牛肋都係硬,,唔淋..呢度絕對冇呢d問題...見到好多人叫豉油皇撈麵..下次我都要試試先!!=]

這裏實在可以找回昔日大牌檔的味道。自從有人提過魚蛋要彈牙後，好像全香港的魚彈都在鬥彈牙，結果大家都只有食到彈到如橡皮波一樣的魚蛋，邊食邊驚，好像食了一大堆化合物，更慘的是魚蛋連魚味都失去。但估不到然能在這裏再找到仍然持的食府。這裏的魚蛋彈牙度恰當，最重要是那豐富的魚味，實在很珍貴。不可不提的當然是他們的秘制豉油皇撈麵。秘制鼓油咸甜適中，己有同道分享過。筆者想提的是這裏的蛋麵，聿者覺得蛋麵的彈牙度十分重要，另一樣重要的是麵的透明度，這也是現在再難找到的，這裏卻找到非常彈牙又一定透明的蛋麵。這裏卻讓筆者再嘗昔日大牌檔粉麵的風味，回味無窮。這裏不但有昔日大牌檔的環境，還有昔日大牌檔的味道。

睇番之前响呢度嘅食評，發覺已經有年多冇嚟，今日下晝趁有空，天氣又凉凉哋，撻對凉鞋坐响大牌檔，實屬最佳享受...客仍舊多，坐低後馬上叫碗牛根魚蛋河...未食先一嗅，有陣陣柱候醬味，錯不了...依舊食到八角香味，同上次一樣，錯不了...牛根雖未及同區漢發般炆至"起膠"，但都夠淰亦夠入味...今次遇到嘅新朋友係魚蛋，形狀扁圓，應該係手揑出嚟，咬入口，軟軟糯糯，口感跟夏銘記嘅極相似，有淡淡魚味，讚....食個碗底朝天....

黎開呢頭都係去附近買豬扒同油器，今次終於有機會試佢地既魚蛋喇。因為個個都話好食所以我都有D expectation 咖。同出面食開個D好唔同，呢度D魚蛋係好軟好淋，口感一流。不過味道唔岩我，因為佢地D魚蛋好有魚味（好”腥？”），我唔食魚，所以吞唔落！

9/9(日) 1pm悠悠的星期天,第N次入深井前,我倆先到長發填填肚子.假日的長發,人氣零舍份外旺盛!我倆縮於菜檔旁的小圓桌;依照老闆背誦的餐牌,要了豬手牛腩河$22,墨丸魚蛋麵$22,灼菜心$10.豬手牛腩河--牛腩湯底味道濃郁,河粉薄滑通透;而豬手炆得尚入味軟腍;牛腩口感佳,具咬勁,牛味挺強!墨丸魚蛋麵--幼麵沒不應有的梘水味,質地蠻爽口的!墨丸則未如理想,削口沒質感!手打魚蛋爽口卻不彈牙!魚香淡薄.灼菜心加腩汁--菜心清甜無渣.於此等平民大排檔吃一碗$22的雙拼麵,可謂索價不菲,欲嚐的食友建議吃牛腩,粉麵皆宜!

中午時份無咩胃口叫左碗淨雲吞回家食...以為佢地既魚旦好正, 估計雲吞都會係大大粒好鬼正至岩...點知回家一打開個湯就已經好大既蝦殼味..雲吞又細粒唔算美味...好多宜家$10一碗既雲吞麵都好味過佢, 所以下次要去此店都係叫回魚旦比較好d.

始終自己都係唔捨得石硤尾,於是放學之後又去行下,影下相...影影下,肚餓了,記得耀東街除左有蘇記外,仲有強記,烘發同長發...今次我選了長發...六點二,呢度開始多人...唔知食咩好,就求其叫左碗牛腩麵...食之前我都唔抱太大期望,但食落就覺得,我冇叫錯野食...牛腩麵份量唔算多,麵食落爽口有咬口,可惜含鹼水味...至於牛腩就好淋,唔'un',好入味...牛筋入口即溶...腩汁都好好味,雖麵有鹼水味,但食落都含香濃腩汁味,有小小鹼水味都無乜所謂...$15,唔算平,但卻令我滿足...再見了,石硤尾村七層大廈...