長發麵家 (已搬遷) 新店位置

早上工作完畢, 上午擇錯, 中午搵陣D, 去食呢間野. 其實都唔係第一次食, 但以前好貴窮, 同區貴5蚊都好少幫襯. 今日環境好番D, 又所以辛苦搵來自在食, 就來長發坐下. 二個人, 一個食墨魚面, 一個食魚蛋河, 加埋支裝汽水, 食得鬼咁開世, 無味精, 辣油正, 魚蛋有魚香, 墨丸加入小許西芹, 兩款都彈牙. 我地都未算食得開心, 眼看對面兩男一女, 每人一碗面, 加一碗剩魚蛋, 再加一碗剩雲吞, 一碟油菜, 一碟豬手, 每人一罐汽水... 你就知, 呢到D野食幾受歡迎. 呵呵... 以後貴少少都來番呢間食, 真係好味好多

近排成為"麵怪"，一日到黑都食麵。今日又到深水埗食晏，聽到呢度各方嘅好評，就嚟試吓...叫咗牛腩豬手麵加碟腐乳通菜。湯底好濃，黑掹掹咁嘅色，應該係落咗八角、薑及香葉(因為我响個湯入面揾到)；麵有少少鹼味，麻麻地；牛腩係典型嘅柱候牛腩，味濃且香，亦夠腍身，豬手南乳味夠，亦夠腍，皮特別好食，好膠口。菜幾新鮮，可惜係明符其實嘅"油菜"，太多油la；腐乳亦落得太重手，攪到我要將部份嘅菜撥埋一邊。近排食咗好多清湯腩，轉吓口味都好ge...

同家姐行街之前黎食個tea2個人叫左碗牛腩魚片麵,埋豬手魚蛋麵加2支可樂牛腩望落去黑黑實實,但原來好淋,估佢唔到魚片食落口有一股好特別既魚香味豬水炆得好淋好入味,重好香南乳味魚蛋都彈牙,但相比魚片就無咁出色麵好爽口,無0麥鹼水味湯底濃郁,但味精重左小小單拼$15,雙拼$20,可樂$6今日天氣好熱,食得有d辛苦~雖然唔肚餓,但食完重有d意猶未盡~哈哈~下次再食

也有一段日子沒有來了，早前忽然又想起，便再來食。我們叫了兩碗墨魚和魚丸河和一碟豬手。墨魚和魚丸河- 很香魚肉香味，又爽口彈牙；今次墨丸比上次好味了很多，很香墨魚肉味，可能係今次比較新鮮吧！河粉都好滑，又唔會太腍，可惜都係比較幼身了點。豬手- 很有膠質感，炆得又很入味，豬手又腍；雖然肉少皮多，相信係豬腳多一點，但都值得推介。可惜環境真係唔多得，人少少食還可以。

中學年代,除左長沙灣外,石硤尾的耀東街,亦係我的熱點之一,除左蘇記烘發強記外,長發麵檔.都係昔日之"舊朋友".超過十年無來,來到即叫最拿手的牛腩河,柱侯系黎講,係佢同陳南記做得最好,牛腩稔熟,柱侯入晒味.係個湯淡左少少.另一味豉油王撈麵,呢度隻豉油王已經調得咸甜適中,最感動係最後加埋豬油先上桌.就算麵本身缺點多多,但當搭上豬油,即刻點石成金.而且長發本身用的幼麵,爽口彈牙無甚鹼水味,加埋豬油直頭完美勝利.當全世界都話要吃得健康之大氣候下,我就一於話之你.學長發老細話齋,撈麵唔落豬油,點會好食呀?!PS:今個係小弟之第400個食評.復出寫食評半年,已經寫左差不多170個食評,連我都覺得有點不可思議.丟空左四年幾,回看當年自己寫果批食評,由第一個Stonegrill到最後的黃色門,睇番都有點面紅.幸好,當年比OR專訪果篇稿,一早消失,否則真係要改名再戰江湖.不過,而家都幾好,眾食友叫我Pumkins或南瓜兄,聽落又幾順耳.黃色門之後,仲諗住封筆,結果重寫半年,竟收鑊甚豐,多謝各位!

大部份都比其他網友講完不過我想強調佢O既墨魚丸同魚片真係好好味不過要注意一點如果你同時冇食牛腩的話你要食左墨魚丸先因為牛腩味好濃如果你食左牛腩再食墨魚丸就會覺墨魚丸冇味我覺得魚片好味過魚蛋但魚蛋都好好味而且唔係勁大胡淑味好得!!

真係見想不到地好.. 雖然位置唔係幾就腳同環境都唔係幾好..但都係果句..最緊要好食...個人覺得有兩樣野不可不試..豉油撈面..同魚蛋河...魚蛋就唔洗講啦..好多人都知..但佢d 河粉都唔錯..好滑...佢個撈面整得好平均..好香但又唔咸...試試吧.^^

看門面真係唔係好得,但係{長發麵家}的雲吞、魚旦、牛腩好很正,特別要講豉油王撈麵,豉油好特別,麵質好彈牙又爽,最重要冇梘水味！

踢完波路過尼食,食個牛腩麵.牛腩賣相不佳,比較黑,好似好硬咁.但食落係極之腍,而且分量十足,碗麵食完仲有剩牛腩.牛腩汁超農,勁正!麵極爽口彈牙,幼身,全無鹼水味.見肚餓即時encore一碗,$15一碗,超值!

天氣差但帶點涼，不用那麼熱焗，吃完蘇記，在這條街逛了一會兒，看見「大煲粥」、數輛靚「大包圍」、靚車．．．見長發這邊高朋滿座，粉麵幾時都是佔一重要席位。不變的，來個牛腩麵，見店小二在另一個煲撈上牛腩跟汁放麵上，熱切期待喝了一口，腩汁好味道，牛腩夠腍，麵也不太鹼水，加上香辣辣椒油，真是一絕。還是較為喜歡她們的辣椒油．．．外賣一兜炸醬麵給太上老君，偷吃一大半，也是另一佳選，建議下少滴辣椒油，更加香，更開胃。

﹝豬手撈系列之一﹞踢左一場，中場休息，下晝仲有一場，一班波友齊齊放飯。人人有不同心水，有人仍然堅持麥當奴，有人話要過心癮去搵肥佬上校，行番落大埔道的只得四個人，咁不如又食大排檔。但行入耀華街，一樣有人食粥大人食即食麵，正是陽關路獨木橋各自修行。我就見到兜南乳豬手色水好足，就坐低叫左碟豬手撈要少少腩汁。碟麵份量不算多，幼麵同豬手各據一方。炆豬手夠色，都算大隻，不過好似係豬腳，皮多肉少。炆得腍但又不失咬口，好入味，南乳味香濃，都幾有水準。南乳汁正好用來撈麵，同濃膩腩汁雙劍合璧，正好掩蓋了麵的鹼水味。呢碟撈麵，都算有水準。加多一支細支裝可樂，好滿足。埋單30蚊，經濟抵食。路經附近的話，天氣唔熱，都值得一試的，話晒在政府班食塞米好心的「取締」晒這些本地飲食遺產前，吃一次，就算一次的。題外話：四個不同的食友寫了五篇食評，分別評五款食物，墨丸、魚蛋、雲吞、牛筋腩同豬手，下次來吃時，可以自己對號入座。

昨晚又在家飲酒食飯，辣椒女忽然話想食魚蛋和墨丸，便想到這食店的魚蛋好好，所以來買。我叫了兩碗外賣，淨魚蛋和淨墨丸。魚蛋- 好有魚香味，又彈牙，真係唔錯。墨丸- 相比下就唔多得了，雖然都好彈牙，但就沒有墨魚味，普普通通。

上次去對面時，見到呢度有好大兜牛筋。入得咁多貨，自然係多人食啦。所以，都未坐底就叫「牛筋麵」。睇住伙頭一應完，取舊麵，碌幾碌，拋兩下個網，咁就搞掂，放入碗。淋上牛筋、上湯。一碗彈牙靚麵就送上我面前。檯面上仲有麵檔雙寶：辣椒醬同辣油。辣醬呢樣野，家陣好多人都唔用，難得呢個麵檔仲有。牛筋牛腩，其實點辣醬食係好過辣油既。因為辣醬除辣外，仲有一點甜味，正好豐富左牛筋腩。而牛筋，果然有料到，炆到好淋好淋。入口即溶。雖然天氣微熱，又無冷氣，但都值得幫趁。低食價麵由$15起，油菜$10。

路經此處,其實不餓, 但被懷舊色彩濃厚的檔子吸引著,就被那一股誘力拉了過去, 此處是地踎大牌檔式, 環境可以想像, 跨過濕漉漉路肩巳是對一眾女士的一個考驗, 眼見全場是男兒, 也懶理得環境如何, 為的是要尋回惜日好吃的雲吞麵, 此店並沒有巨無霸雲吞粒, 是屬於一口雲吞, 味道不錯, 很怕吃到那些發水蝦作餡料,蝦雖少但真, 麵也爽口不過仍吃到丁點兒的水味, 湯就一般, 有點兒味精湯的味道, 但喝後不口渴也不去作深究了。

這裡沒有什麼好選擇,但魚蛋河就真係唔錯,魚蛋好彈牙,好有魚香味,河粉也算不錯.如有空經過,也是值得考慮考慮的.可惜地方環境唔多得.