開飯主義

营业中

休息中

大埔墟近公園仔附近有一間餐廳，平時都見好多人等位，今次就入去試吓晚餐。餐廳燈光耀目，而且招牌大大隻字寫住開飯主羨，容易搵到之餘，而且入面座位非常舒適，更有卡位選擇。店員隨即比左餐牌我哋選擇，餐牌中嘅食物非常吸引，而且圖文並茂。首先就叫咗幾款小食，分別係法式燒蠔、蒜香蜜糖雞翼、韓式炸雞翼、煎餃子、小丸子同埋蒜燒茄子等。燒蠔中，有芝士同埋蒜蓉味道選擇，即叫即整新鮮出爐，生蠔有我手板咁大隻，而且非常香，特別係蒜蓉味嘅燒蠔，食落去除咗味道Creamy新鮮之外，亦好滋味。煎餃子一份有四隻，外皮煎得非常香脆可口，而且皮薄餡靚，每一啖都係新鮮嘅豬肉味道。同樣地鍾意食蒜蓉嘅我，蒜香茄子面頭鋪滿厚厚嘅蒜蓉粒同埋蔥花粒，食落去茄子質感好林，非常入味。主菜方面，分別叫咗肉醬雞扒焗意粉同埋忌廉汁軟殼蟹焗海鮮飯，兩款賣相非常吸引。飲品方面，叫咗凍檸茶同埋熱柚子蜜，凍檸茶茶味香濃，而且好大杯，好抵飲。總括而言，餐廳食物款式多選擇，屬於平民化嘅餐廳，主要以焗飯、焗意粉為主，食物味道新鮮美味，仲要係即叫即整，難怪經常滿座，門口多人等位。

今日同家人食飯，去d簡簡單單又有d家庭感覺，親民的地方食飯就最岩媽咪叫左佢最中意既鳳梨沙冰多多，菠蘿味好清新，係夏天飲呢啲有少少酸甜嘅水果打成嘅沙冰就最好不過。鳳梨🍍本身味道平易近人，唔會太酸又唔會太甜，恰到好處，難怪媽咪咁鍾意。而我都飲咗杯好新潮嘅飲品，一上枱已經比呢杯飲品吸引着我嘅眼球，佢係藍桔果味檸檬沙冰梳打，一大杯時好似深海嘅海藍色，寧靜之中帶點憂鬱感覺，已經叫人好迷戀。仲要配埋一支梳打喺上邊，超級有假日感覺，外表100分。味道都係同佢嘅外表一樣飲落去好舒服藍桔嘅味道怡人加埋梳有少少刺激，真係覺得好似放完一個大假咁。主菜就叫左呢個又係媽咪好鍾意食嘅牛扒，其實係出邊大多數餐廳食到嘅牛扒都係不外如是通常都搭緊唔可以稱得上好好味嘅鐵板牛扒但係今日呢個紐西蘭香煎A級榖飼西冷10oz牛扒非常之濃郁嘅牛奶香味陪埋好惹味嘅黑椒汁，牛肉係要配合這汁先至係絕配美味，兩者都可以相得益彰。其實一上碟見到牛肉本身肉色好深，覺得肉味應該都好濃，係靚牛扒。配埋餐廳嘅黑椒汁，都係好濃郁。兩隻本身質素都高所以食落真係好好味，叫咗八成熟，感覺啱啱好，因為唔太習慣用食肉食得太生，但一啲都唔會覺得好韌好難咬，反而非

下雨天不想走太遠，便到屋企附近的餐廳晚餐。之前這個舖面都在裝修，真的不小心就會MISS掉的一家餐廳。因為剛好見到有食客離開，便入內一試。餐廳裝修以工業風格為主，多為卡檯，讓人坐得很舒服。MENU上的照片好多都很吸引，全部都是令人抗拒的邪惡食品。軟殼蟹泡菜腩肉焗飯($85)軟殼蟹份量不少，稍為焗脆過的外皮令食落更香口。腩肉同樣足樣，醃至入味。飯再用上菜和千島醬的調味，所以焗出來的飯味道很吸引。整個焗飯份量都很足，就連寶寶都覺得很夠飽。野菜軟殼蟹海鮮炒烏冬($85)沒有發覺我也同樣點軟殼蟹。加上青口﹑蝦﹑帶子等外鮮炒香，令每啖都食到不同種類的海鮮。加上椰菜絲和燒汁，令味道和口感都得以提升。只是略稍炒烏冬有點油膩。蒜燒茄子($28)大大條茄子上舖滿了燒香過的蒜蓉，十分惹味。燒過的茄子整條都變得軟淋，小食一流。巨峰提子梳打($22)飲品方面點了巨峰提子梳打，基本上是很安全的選擇，勝在飲品也夠大杯。餐廳晚上10:30關門，但見到LAST ORDER 10點稍過，還是食客一個又一個走進來，可見在大埔的受歡迎程度。

同朋友踩完單車，咁身為大埔人既我當然要一盡地主之誼帶朋友去食好西...相比大埔中心，小弟覺得大埔墟既食肆比較吸引多元化。7點幾鐘，基本上每間餐廳都大排長龍，特別係呢間《開飯主義》點解？你睇下佢個餐牌就知，焗飯、意粉、咖哩、扒類...應有盡有，如果你有選擇困難症既朋友就更加唔駛驚，因為呢度總會有一款岩佢口味。大大杯巨峰堤子沙冰多多都只係24蚊，飲左成餐飯都飲唔哂10oz穀飼西冷牛扒（5成熟）由出餐到上檯全程都咋咋聲，而且一般普通餐廳叫5成熟就會煎到7成或過熟，但呢塊扒火候岩岩好，加上食唔出有落過任何鬆肉粉韓式雞翼配上辣醬汁軟殼蟹骰仔牛柳粒焗飯，一整隻軟殼蟹加濃濃厚芝士，牛柳粒大細適中再配埋炒飯底

今日同朋友去大埔墟晚餐，在四里內見到有間餐廳外有很多人等候，心想這間開飯主義餐廳應該都不會太差，我們就取票等一下，約十五分鐘後就安排入座卡位，座位都算闊，坐得舒服，餐牌非常厚，種類非常多，差不多有兩吋厚，有焗飯、扒類、芝士麵等...... 有選擇困難症的我結果選了十分鐘才決定到吃什麼，餐牌都被我翻了幾次，如果有晚餐精選會好一點，我們二人點了穀飼西冷、軟殻蟹牛仔粒焗飯、蒜香蜜糖雞翼、菠蘿沙冰。軟殻蟹牛仔粒焗飯 - 芝士味重，牛肉粒夠多，軟殻蟹夠脆穀飼西冷 - 叫了五成熟，有10oz，肉味濃，不太鞋。蒜香蜜糖雞翼 - 雞翼夠大隻，蜜糖略有不足菠蘿沙冰 - 極力推介，$24超大杯，底飲總結：整體都不錯，下次會再來！

難得星期五晚放工就去大埔搵個朋友食飯，住喺大埔嘅朋友介紹去食呢間餐廳，由地鐵站行去大概10分鐘左右，餐廳裝修都唔錯，有好多梳化卡位，幾有私人空間餐廳門口貼晒餐牌，可以見到有好多選擇，無論係日式、西式、咖喱等等都一應俱全另外仲有晚市套餐可以選擇，價錢相宜我哋見到有好多溶岩芝士拉絲系列嘅食品，賣相好吸引，而且好特別，所以揀咗個意大利蕃茄肉醬焗大蝦炸蝦麵包果然冇令我地失望，除咗份量好大之外，仲有埋沙律🥗同薯角，芝士熱辣辣真係可以拉得起，當芝士同炸蝦🍤配埋麵包一齊食，味道真係好好，而且仲有蕃茄肉醬調配，值得一試另外在叫咗份印式咖喱羊扒仔焗飯，上面層芝士亦都好厚身，羊扒整得好鬆軟，完全冇騷味，最出色嘅係個咖喱🍛，香辣嘅口味好適合香港人食，抵讚本身好鍾意食軟殻蟹嘅我就叫左份軟殻蟹霜降牛肉石鍋飯，熱辣辣嘅石鍋飯配上雞蛋同菜，層次好豐富，而且有飯焦食，而軟殼蟹同牛肉都唔錯，喜愛韓國食物嘅朋友可以試下肚餓嘅我哋仲叫咗個香蒜焗茄子🍆，味道正常，茄子好軟身，蒜蓉份量好充足當然唔少得要兩杯特飲啦，我揀咗青蘋果薄荷檸檬沙冰梳打，賣相好靚，影相呃like 一流朋友就叫咗一杯藍柑果味檸檬沙冰梳打，夏天飲就最啱啦餐廳

小週末同朋友黎大埔親親大自然，踏下單車睇下風景休閒下。動力運動完左，肚仔開始要上班，黎到大埔墟街市附近覓食，超多野食，唔知食邊間好🤔睇左幾間覺得依間唔錯，食物款色都幾多。而且餐廳環境唔錯，坐位都坐得舒服。時間介乎於下午茶完結同晚餐開始，店員都主動問我地要唔要食晚餐，可以等一陣先落單，由於有點餓意我地都係叫左下午茶，朋友叫左羅宋濃湯螺絲粉配吞拿魚籽子熱狗，我揀左big breakfast,類似All day breakfast😊上餐速度都算正常，碗羅宋湯螺絲粉都好大碗一下,蕃茄味好濃,味道酸酸甜甜好開胃,吞拿魚蟹籽熱狗超級大份，餡料超多超級足料，一啖咬落去會多到爆出嚟，可以兩個人分享嚟食。到Big Breakfast 喇，我揀左蜂蜜板煎雞扒，配料豐富，有3.6牛乳炒滑蛋、焗豆、沙律、煙肉、雞肉腸、炸芝士仲有半個奶油脆豬，真係好big😆蜂蜜雞扒味道岩岩好，唔會好咸，甜甜地好好味，炒粉蛋好滑好香，沙律超醒胃，奶油脆豬超脆，食落好香口😋兩個餐份量都好多，食完係超飽，仲要有野飲，所以係好抵食👍🏻

心血來潮事件簿(14)🤤今日上午工作完，下午和朋友一齊黎到依間餐廳食野，一見依間野嘅野食都好抵，午餐$40-$60不等係一個好合理的價錢😎我同朋友就各自點左一個All Day Breakfast同埋一個焗芝士黑椒牛肉意粉😎依到嘅嘢不論點咩都好抵食同好個All Day Breakfast朋友話都唔錯，個餐夠大份之餘仲要食到好飽，特別個炸芝士真係好好食✨✨✨雞同其他都唔錯，沙律都相當開胃🌟個焗芝士黑椒牛肉意粉都係好大份同飽肚，連大食的本尊我都差D食唔落🤤 依個餐本身係一個新奇的配搭，牛肉份量剛好，融入左芝士入面，而意粉就比較多份量，食落都唔錯😎跟餐仲送左個奶油豬，我同朋友都覺得個奶油豬相當唔錯👍好值得推薦俾大家 夠脆之餘，不論牛油定煉奶都好，D料都好足😎野飲方面我地都加左少少錢要左凍檸蜜同檸茶，只係加$3🌟如果Lunch唔知想食咩又想食得飽同平就可以黎依間食啦，多啦😋

平時食開午餐。今日係度食晚飯，先發現晚餐特別多選擇。有芝士包，焗飯，石窩飯，扒等等。搞到唔知食咩好。揀左好耐終於揀到個水牛芝士忌廉軟殼蟹海鮮焗飯。軟殼蟹霸氣企係芝士上，芝士下邊埋左好多海鮮。見到拉絲既芝士已經好興奮。芝士落足料，好香。海鮮包括有章魚，蝦仁，青口，魚，蟹柳。海鮮新鮮，芝士味香濃。這個海鮮焗飯真係好味。軟殼蟹上邊有芝士粉，咬落食到芝士香味同軟殼蟹既鮮味。口感脆口又夠熱，炸完都咁多汁。鍾意食濃味野既時候叫杯熱檸蜜。清下個胃，之後再食。蒜香蜜糖雞翼。雞翼皮脆，上層乾身爽口 i，蜜糖甜味入左雞皮。好好食。蒜粒又脆又香，增加左個口感。欣女食緊呢個小食既時候係好熱好香，真係好好食。好開心呢間餐廳永遠都咁多野食又整得好食。

今天可以同大埔老友兩個人好好撑枱腳，去咗大明里揾下午茶醫下肚，吹下水！路過見到有間叫開飯主義，門口有人排隊等位，係這個原因之下，大家就做排隊族，等下啦，等咗10分鐘左右，就已經有位，店內有好多卡位，環境都好舒適！餐廳提供好多款食物選擇，例如有咖哩，厚吐司，全日早餐之類老友就選擇咗一個全日餐all day breakfast ，包括有炸魚柳，雞塊，炒蛋，茄汁焗豆，沙律和脆奶油豬仔包，好豐富呀！炸物炸得夠脆，炒蛋炒得滑，最欣賞個脆奶油豬仔包，勁脆口呀！餐飲叫咗凍咖啡，多奶少冰，好飲！我就叫咗一個羅宋湯螺絲粉配雞扒包，個羅宋湯好夠味，好好飲呀！雞扒包好大個，好抵食，配上日式燒汁醬，味道好夾！餐飲叫咗杯熱柚子蜜，好甜！餐廳食物價錢好合理，食物質素又好，下次再係大明里搵食，開飯主義必定係首選醫肚的好地方！

難得一家人一齊食飯，我哋就揀選咗大埔墟比較有名嘅平民歐陸式西餐廳。隨即我哋就叫左以下嘅食物 : 凱撒沙律🥗作為前菜，蔬菜新鮮美味，而且爽口，配以粟米粒同埋番茄仔，酸酸甜甜嘅味道好開胃。小食方面，當然揀選左我最鍾意食嘅雞翼，而且雞翼味道有兩款口味選擇。當中嘅蒜香蜜糖雞翼炸得非常香脆可口，蜜糖鋪滿雞翼表面，咬落去肉質鮮嫩，非常滋味。茄子好大條，而且燒得好香，蒜蓉粒鋪滿茄子肉上面，食落去有少少辣嘅味道，非常入味。燒汁雞骨腸，平時好少係餐廳食到，估唔到佢整得幾好食，雞骨腸外皮燒得香脆之餘，入面嘅雞骨份量都比較多，所以食落去好有口感。五目野菜泉蛋炒烏冬炒得好有鑊氣，烏冬上面有燒汁，仲有椰菜、蘿蔔絲、紫菜同埋西蘭花等等配菜，非常豐富，而且烏冬好入味。除此之外，咖喱羊扒焗麵包嘅咖喱味道非常香，麵包外脆內軟，食落去口感軟綿綿，羊扒一啲都唔騷，而且質感好林。除此之外，仲叫咗韓式雞翼、蒜香燒茄子同埋小丸子等食物 ，非常豐富。最後四個人埋單都只係$1300左右，每人平均消費只係$300左右，就可以飲到特色嘅飲品之外，小食、主菜多款式，非常滿足。

大埔墟近公園仔附近有一間餐廳，平時都見好多人等位，今次就入去試吓晚餐。餐廳燈光耀目，而且招牌大大隻字寫住開飯主羨，容易搵到之餘，而且入面座位非常舒適，更有卡位選擇。店員隨即比左餐牌我哋選擇，餐牌中嘅食物非常吸引，而且圖文並茂。首先就叫咗幾款小食，分別係法式燒蠔、蒜香蜜糖雞翼、韓式炸雞翼、煎餃子、小丸子同埋蒜燒茄子等。燒蠔中，有芝士同埋蒜蓉味道選擇，即叫即整新鮮出爐，生蠔有我手板咁大隻，而且非常香，特別係蒜蓉味嘅燒蠔，食落去除咗味道Creamy新鮮之外，亦好滋味。煎餃子一份有四隻，外皮煎得非常香脆可口，而且皮薄餡靚，每一啖都係新鮮嘅豬肉味道。同樣地鍾意食蒜蓉嘅我，蒜香茄子面頭鋪滿厚厚嘅蒜蓉粒同埋蔥花粒，食落去茄子質感好林，非常入味。主菜方面，分別叫咗肉醬雞扒焗意粉同埋忌廉汁軟殼蟹焗海鮮飯，兩款賣相非常吸引。飲品方面，叫咗凍檸茶同埋熱柚子蜜，凍檸茶茶味香濃，而且好大杯，好抵飲。總括而言，餐廳食物款式多選擇，屬於平民化嘅餐廳，主要以焗飯、焗意粉為主，食物味道新鮮美味，仲要係即叫即整，難怪經常滿座，門口多人等位。

從外面看來這間餐廳毫不起眼，好幾次經過都在搭棚。但見好像蠻多人去吃，只想簡單吃個港式西餐的晚上便選了這間小店開飯去。其實菜單有非常多的選擇，也有現在火紅的芝士溶岩，不過現在正減肥中，唯有只點兩個普通晚餐。結果...一上菜便也發現是日節食失敗...因為的確份量十足！其中一個鐵板燒牛仔骨玉子鐵板飯，牛仔骨夠入味及夠淋，熱辣辣地上菜十分惹味。加上荷包蛋拌飯無論賣相及味道都不俗。另一個叫了什扒腸仔飯黑椒汁，上菜時我們都被它的份量嚇呆了，無論肉或飯都似兩人份量！當然，我不會要求它的扒是如何的高級；但肉夠大件、夠厚，也完全不韌，性價比完勝大XX那些連鎖店！Dinner set還有餐湯、餐包和飲品，最驚喜是的牛角包（好食）和冷熱飲同價！在炎夏天氣有杯冷飲即時大加分！記得以前這個鋪位是茶記，現在這間餐廳裝修更舒服，但仍保留着親民價格，實在一讚！

有時行落大埔陪阿媽買餸，見到呢間「開飯主義」都覺得個名怪怪地又好特別😆又唔知佢食中式定西餐😅🤣咁啱今晚阿媽話罷工，我地就諗住放工集合去呢間度試下食晚飯🥣門口雖然搭左棚，令到唔熟既人冇留意呢間cafe，但一入到去原來坐滿人😲7點未夠就爆哂！好彩剛剛卡位有人走左咋🤗🤗跟住阿媽話、估唔到呢間野成日咁多人，佢跟住先講開話朝早買餸見到有人排隊等位食早餐！😮有冇咁誇呀？🙈😂坐低就叫野食啦、不過阿媽一野就幫我地決定左，佢話見個晚餐set既什扒好抵！佢同老豆都話要食呢個🤓🤣我就揀左個鐵板牛仔骨飯，大家鬥做食肉獸😂其實仲有好又多好野食，但你知啦阿媽喺度要食最抵既🙈🤦🏼‍♀️🤷🏼‍♀️😂先黎左啲餐包同餐湯、呢個晚餐都幾不得了，60-70蚊包湯加餐包加餐飲，凍飲🍹仲要唔收錢！會唔會太良心左啲😖而且佢既質素同份量都唔會hea你，完全係交足功課👍🏼個羅宋湯仲要超多料！💯😋跟住就嚇死人啦，個什扒餐超大！係巨！係激巨呀！😅😂🤣一塊扒都大過我手掌🖐️有多，佢仲要有三塊！係三塊！有1-2cm厚不等！天呀!😝😝淨係大係冇用既、佢既什飯都真係有心去煎，調既汁都唔係求其既。起碼個雞扒嫩、豬扒香😚😋牛扒雖然相比下冇咩特別，但起碼一啲

開飯主義如其名，字面上日常開飯黎食就最好不過。套餐價錢公道，早茶市三十餘玩，晚餐則五十至八十不等。平日較常吃它的下午茶，外賣焗意粉也會有圓錫紙盤攜帶。這天第一次晚餐時間到訪。餐廳擁大量卡位，二人坐四人座不搭枱，保證坐得舒適。晚餐套餐連餐湯，餐包，冷熱同價的飲品。餐包為牛角酥，雖然不會是頂級酥皮，但牛油味都不弱配湯好夾。紅湯比白湯更佳，粒粒蔬菜幾有咬口。凍檸茶大杯，有3塊比較厚的檸檬片，茶味不苦澀。另一杯柚子檸檬梳打跟餐要補錢，柚子果蓉沉左係底，記得拌勻先好飲呀。父親這晚不想吃麵飯，怎料扒餐份量更甚。menu上註明這款牛排為店內大熱，用鐵板上的紐西蘭西冷買少見少。平時10oz輕易食完，今餐爸爸要分比我食兩人先成功k.o.一個餐。牛排可以揀熟度，又可以從3款醬汁再揀，再揀薯菜/飯/意粉，自由度高。值得提是牛肉紋理清楚，肉質軟嫩非常容易咀嚼，不像經過化學處理。另加既跟餐小食，好味到飽都要食。蒜香蜜糖雞翼多肉有肉汁，甜甜蜜蜜味小朋友一定喜歡。炸芝士同放題一樣味道，芝士味極濃無得頂。我的羊扒焗意粉芝士漏出碗邊好邪惡，mozzarella帶來拉絲效果，亦混合其他芝士帶出奶的味道。羊扒有兩件肉厚冧滑