阿爺燒鵝餐室 (已結業)

有日同朋友講開上次去太安樓食左D咩好野~佢話西灣河除左太安樓之外仲有間餐廳食燒鵝好正~勁愛燒鵝既老公聽到即刻話要去試下~係地鐵站行過黎好近，好易就搵到!我地6點去到入面都差唔多坐滿人!睇見真係檯檯都叫燒鵝咁滯，望下MENU二人餐都係百幾蚊，有飯有菜有燒味雙拼、有碟邪惡金蛋仲送野飲添!咁抵就即刻落單叫個二人餐!燒味雙併揀左必食既燒鵝再加叉燒~預岩燒鵝新鮮出爐~~超LUCKY!!!一試之下只係想講燒鵝果然係招牌菜!!燒鵝皮燒得皮薄且脆，鵝肉味道突出冇蘇味!表面油潤，皮下脂肪唔多，可以話係真材實料啖啖肉!老公食得超滿足!而鋪係底下既叉燒份量都好多，肥瘦均稱肉質軟淋唔會好似食柴皮咁!超讚油菜油菜除左蠔油之外仲加左炸蒜去增加香味~食落去唔會好似食草咁覺得好寡邪惡金蛋名乎其實的邪惡~而眾所周知通常邪惡既野就係最美味的~邪惡金蛋就係用左咸蛋黃黎炒雞蛋!諗都知有幾好味~咸蛋黃一粒粒同炒蛋混埋一齊~好香好惹味，撈飯食一流!邪惡得好滿足~~野飲我地叫左兩杯凍檸茶，一杯走甜一杯少甜，就當係稍稍降低我地既罪惡感吧~

今日同朋友去開西灣河。途經這間叫阿爺燒鵝餐室。一向喜歡食燒鵝的我。就當然會入內進食啦。入內冷氣充足。店員很友善。看完餐牌。很多選擇，最後叫咗燒鵝脾飯和义燒和鹅油撈麵。首先值得一讚是燒鹅脾，顏色十分吸引，燒鹅脾味道很好食。好新鲜，皮又有少許脆。非常好食，不算太肥。個人認為水準很高，是必食的食物。瀨粉份量又多又足，而且都十分彈牙，口感一流。湯底味道也很香，真係覺得好有水準的燒鹅脾濑粉。朋友則叫咗义燒和鹅油捞麵，义燒賣相也很吸引。好入味道，顏色又吸引。燒鹅同樣也有水準，好好食。再配捞麵。食法又特別又好味道。致於飲品，叫咗凍奶茶，奶茶來好濃。綜合各方面，價錢，食物質素，店員態度，店內環境。我個人絕對會再光顧的。

阿媽教落上人地屋企食飯無理由帶兩梳蕉，於是在呢間阿爺燒鵝餐室斬料加餸。店舖細細，位置不多，但樣樣都齊，我好欣賞佢員工很殷勤和有禮貌，做嘢又爽手，我企係度等外賣短短幾分鐘，已經人流不絕，可想而知應該質素唔錯，所以先咁好生意。我買左隻燒鵝脾同半斤叉燒，環保L更係要求「走塑」，佢都好好配合我，員工仲幫忙將飯盒入埋環保袋！讚！估唔到係隔住個飯盒都聞到燒鵝脾的香味，垂涎欲滴！返到去打開個飯盒，嘩，隻脾都唔細喎，而且打開飯盒更加香氣撲鼻，我唔知佢用炭燒/木燒定咩燒，但聞落去好像炭燒味，而且我鍾意佢無乜肥膏，唔會油lum lum，食落仲有好多肉汁，好正呀！至於叉燒，都一樣好食，我無特別要求要肥定瘦， 但整體瘦得黎略帶丁點肥膏，所以唔會太乾和韌，比例剛好！

行過西灣河，見到呢間食燒鵝既好多人排隊，晚餐時間又到，就試試佢啦。餐牌除左燒味都有常餐，而我地就見2人餐($168)都幾抵食就叫左!主打燒味二人套餐叫左必食燒鵝同燒腩加凍飲兩杯（唔使加錢好抵）我地好好彩遇到燒鵝新鮮出爐！燒鵝有好獨特既煙薰味，d皮燒到脆卜卜，夾住小小油脂食真係好邪惡！因為岩岩出爐，肉質好滑！燒肉方面，肥瘦平均，個皮都係整到好香口！另外跟餐既其他餸都唔錯。有咸蛋炒蛋（相機無save到張相）：蛋夠滑，加上少少蔥花，咸蛋味都好濃。油菜加左炸蒜，有心思。最出奇係跟餐粉麵竟然有得揀瀨粉，配燒味一流！

個個都介紹話依間好食啊！去到依間排隊燒味店，門口已經掛住左一隻隻燒得令立立嘅燒鵝，店裏面坐滿左人，大家都喺度食緊馳名嘅燒鵝或者叉燒，我哋叫咗個二人餐，百幾蚊有燒味雙拼有「阿爺叉燒」「阿爺燒鵝」我哋揀咗叉燒同埋燒鵝，但係雙拼就唔可以要鵝脾啦！「邪惡金蛋」佢個餐跟咗呢個炒蛋，嫩滑香口個餐仲有碟油菜跟埋，食起嚟比較健康比較擠迫人貼人坐一個食完，就有另外一個客人入座。一定要搭枱。阿姐反應快，唔使叫多聲就會安排好一切。呢個我有撈麵要加$5，但係非常好食值得加

屋企適逢有喜事, 當然要斬料慶祝慶祝呢間阿爺燒鵝餐室相比起街市既燒味店更衛生同乾淨而且明碼實價, 唔怕比人呃午市堂食都爆哂棚, 我叫外賣都要等20分鐘先拎到不過係值得既玫瑰油雞半隻拎起上身都幾重手, 返到屋企一打開哇!! 足足有成個盒咁多既份量, 而且好香既油雞味燒腩仔燒腩仔既價錢唔算貴, 最重要係可以選擇要肥要瘦還是半肥瘦識揀一定係半肥瘦, 咁樣先係最好味我叫左一斤既份量, 都係有成個盒咁多既份量唔算貴但係味道一等一的!!

在北角有邊個唔識得阿爺每次屋企要斬料都要去呢間好食之餘仲要係性價比高好過D平但唔好食既餐廳燒乳豬大家都知燒乳豬貴 但係屋企長老鐘意食就買半斤返去比佢淺嘗一番每一塊都燒到好平均燒乳豬既香味真係冇得頂燒乳豬最緊要唔係肉, 而係個乳豬皮, 雖然肥就肥, 但係肉質同口感真係令人無法忘記!!!皮薄而香脆, 我諗全北角都冇邊間可以同呢間相比半斤既份量都唔少, 因為乳豬食得多都會濟乳豬肉份量唔算多, 但係都幾好味, 唔會燒到太過柴淨食同餸飯都一流!

常常經過都看到好多人排隊趁好朋友生日 午餐就來豪食一下我們點了二人餐$168有雙併燒味 例湯x2 邪惡金蛋 油菜 (白飯x2 我們+$5 轉了鵝油撈粗&瀨粉)全部上齊後多到放滿一張二人枱!!每樣份量都很足!足夠3個女生吃了!🧡雙併燒味 我們點了燒鵝併燒腩燒鵝不愧是招牌 好好吃!皮薄又脆 肥膏也不多 超滿足😋😋燒腩中規中矩 皮也很脆 但稍為硬了一點🧡例湯是日例湯是青紅蘿蔔煲豬骨 很足料 没有味精而且好大碗 食埋湯渣已經飽了一半🧡邪惡金蛋 其實就是咸蛋炒滑蛋很有趣的搭配 初初吃是很不錯的 但到後期就覺得有點咸&膩🧡鵝油撈粗(+$5)有點小失望 太咸了 連附送的上湯也是極咸加上邪惡金蛋本身也有一定咸度 配著吃真的咸上加咸😖如果點二人餐的話 除非你是重口味人士 不然就不建議大家+$5轉了🧡油菜菜心上面灑滿了金蒜 很惹味總結這個二人餐真的好豐盛又抵食!我們倆吃完後飽到晚餐也吃不下🤭🤭唯一缺點是入面位置比較迫 坐得不太舒服不過以性價比來說算是超高了!

上星期同事叫個tea set, 望落好好味。今次阿媽話有親友黎屋企，叫我買多樣小食同一個飯盒，以防唔夠食。於是我終於有機會試下d燒味。放工時間人山人海呀，我就叫左個燒鵝紅腸飯。燒鵝肉嫰，肥膏勁香，夾埋一齊食好有層次呀。而個紅睇厚薄剛好，食落冇大肥膏，我就好滿意喇。d飯份量勁多，又有菜同鼓油，食哂一份輕而易舉。另外，我買左50蚊瘦叉燒同50蚊燒骨俾佢地食。我都試左舊燒骨，好juicy，燒到好香口呀。d叉燒瘦瘦地，岩哂佢地口味。總結： 店員好做到野，有個阿婆買油雞上莊，店員同佢講清楚上莊係冇下莊咁多架，係咪肯定要呀。原來個阿婆係想買下莊但講錯左上莊。令我覺得店員做事認真。

行過傳來陣陣燒鵝香味😍😍，忍唔住停低腳步睇下，原來係間主打燒鵝嘅茶餐廳，最近都有唔少呢類型嘅餐廳，呢度嘅燒鵝係古法煙燻嘅，於是就買番屋企同家人一齊分享，嚐嚐味道🥰🥰外賣燒鵝嘅話，店員會將個汁分開裝，返到屋企食時先淋上去，好處係唔會另令到燒鵝皮嘅脆度受影響，因為如果一早淋左落去，個皮就會唔脆㗎啦，咬落去，皮依然非常脆，肉嫩而多汁，仲有濃濃嘅煙勲味道，好特別，有自家特色，家人都讚好味道👍🏻👍🏻

這天，星期六，返完西灣河工聯會的興趣班之後，已是時近中午，肚子都有點餓了。便沿著筲箕灣道一路走，不到兩分鐘便看到這裡有間餐室，門口掛著很多燒鵝、油雞、切雞、燒肉、叉燒等美食，甚為吸引。向店內張望一下，客人甚多，相信好味程度一定有保證。店員熱情地問我幾位? 我道一位。幸好，還有位，店員便引我入內。選了一個一人套餐，有雙拼燒味、一碟油菜、一碗麵或白飯和一杯熱飲，我選了燒肉拼叉燒、生麵和熱咖啡。整個套餐只是98元，價錢絕對合理。先試試咖啡，香濃，提醒。燒肉叉燒雙拼份量多。燒肉皮脆肉腍，又入味。叉燒有蜜汁，燒得外層有少許焦香，而肉質非常軟腍。兩款燒味十分可口，有水準。拌碟還有青瓜，幾青爽。生麵亦是爽口彈牙。全個餐豐富價錢不貴，又好吃。

行過西灣河見到一個紅噹噹，好sharp既招牌，立刻吸引我望下，原來係一間以燒鵝作招牌菜既餐廳😆 見入面坐滿食客，感覺良好，於是就決定斬料返屋企加餸🤩燒鵝 （半隻）首先就算拎到返屋企擺到夜晚先食唔會油淋淋👍🏻 肥膏唔多，肉質都夠軟嫩😍 仲有肉汁添😆 另外，燒鵝有陣陣既煙燻味，好香！脆皮腩仔名符其實，個皮超脆😋肥瘦均匀，咬落去唔會得肥膏，係一層層，正🥳 而且好有肉汁，又無話偏鹹。個人覺得脆皮腩仔絕對不比燒鵝遜色😎

平時自己都鍾意食燒味飯，通常都係叉燒飯，一直都冇食過燒鵝髀飯，因為價錢一定過$100。今日心血來潮，去咗屋企樓下既阿爺燒鵝餐室。一去到已經滿座，所以叫咗外賣。即使叫外賣，燒鵝髀飯整體賣相仍然吸引。見到棗紅色嘅鵝皮已經流晒口水。透過先燻後烤既方式，鵝肉做到皮酥簿脆嘅口感，鵝肉更有風味，但煙燻味唔會蓋過鵝本身既味道。肉質方面細膩潤軟帶甜味。汁亦唔會過多而遮蓋鵝肉嘅風采。飯粒非常鬆軟，淋上豉油汁亦唔會過鹹。燒腩仔肥瘦均勻，可以見到脂肪及瘦肉層層相間。入口鬆化唔油膩，外皮仲要脆卜卜，非常出色。最後仲飲咗杯凍奶茶，香滑而不苦澀。試完佢哋燒鵝髀飯後真係不得不佩服「阿爺」，過$100都覺得值，下星期再食！

朋友話今日要帶我去食好西 佢推介我食呢間燒鵝脾 咁就一於去食佢嘅招牌菜啦門口一望入去掛滿左各式各樣嘅燒味分別有燒鵝 叉燒 腩仔等等 望落十分之吸引坐低左之後我朋友極力推介我食燒鵝髀 咁就聽佢講喇 叫左個燒鵝髀湯瀨 同埋燒鵝雙拼河粉燒鵝髀湯瀨 燒鵝髀皮脆肉嫩 油脂分布得十分平均 食落去齒頰留香 點埋啲汁食落去酸酸甜甜 令到個肉味更加出而個湯瀨粉都幾彈牙 啲鵝油汁滴左落碗湯面為要碗麵加添左更多嘅鵝香味 朋友叫咗個燒鵝拼腩仔河粉燒鵝已經咁正喇 估唔到腩仔都唔差喎🤤芝麻皮卜卜脆 咬落去勁脆口仲有好清脆嘅聲音 而且好鬆化 啲肉同埋脂肪嘅分布比例啱啱好 就同五花腩嘅黃金比例一樣 個湯河粉比較索湯汁 就可以完美咁樣索晒啲肉汁啦👍🏻

下午茶時段經過呢間專賣燒鵝既餐廳，見到佢啲燒腩仔好似個樣幾靚，所以就入左去買$40燒腩仔黎過下口癮。燒腩仔燒得好脆，脂肪和肉層次分明，比例岩岩好。可惜我叫外賣，到食個陣已經凍左啲，如果熱食相信會更加正。