阿爺燒鵝餐室 (已結業)

今日好懶，懶得煮餸，咁斬料就最適合嘞，較早前聽朋友提過西灣河既阿爺燒鵝餐室既燒味吾錯，咁啱又經過附近，咁就更係要一試啦，行到門口，見到堂食既座位幾乎全滿，亦有吾少人外賣斬料加餸。鍾意食雞既我，見到玫瑰油雞、貴妃雞都好肥大，心思思都想食，特別喜愛既油雞就要了一隻，另外貴妃雞都吾想放過（因家人喜歡😁）咁買了小小（上庄）即1/4隻既雞翼部分比家人滿足下，雞肉肉質嫩滑，加埋佢地獨有味道既薑蓉，我喜歡💕，淨薑蓉撈飯都吾錯。

今晚嚟到西灣河附近食野，見呢間 阿爺燒鵝好似幾多野揀就去左啦！餐廳都係主打燒味、常餐咁，一個人食都唔怕個d燒味舖，我地就揀左個2人餐啦！半肥瘦义燒肉質鬆軟，黐牙，肥瘦比例均匀，蜜味剛剛好，不會偏甜，味道惹味，值得品嘗。例湯是日例湯是青紅蘿蔔煲豬骨 很足料 没有味精而且好大碗 食埋湯渣已經飽了一半邪惡金蛋 其實就是咸蛋炒滑蛋很有趣的搭配 初初吃是很不錯的 但到後期就覺得有點咸&膩邪惡金蛋真係邪惡到,佢究竟用左幾多咸蛋炒落去，啖啖都食到咸蛋味,超香口。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民。

去到西灣河,肚仔餓。見到間主打燒鵝既鋪頭,就入去試下啦。在外面見到掛住既燒味,感覺非常吸引叫左個二人餐($168),好快黎到,都幾豐富。尤其是那碟邪惡黃金蛋,本來以為是普通的炒蛋,原來是加了咸蛋黃,配起來十分之好食。燒腩仔好食,皮幾脆,肉質唔錯,咸味適中。來到了主角燒鵝,不知是否來自兩隻不同的鵝,第一層冇咩肥膏,不過肉質幾好。第二層則太肥,感覺還好。加左5蚊將其中一碗飯換左做鵝油撈麵,好食,值得一換。

能夠稱之為靚燒鵝,一定要皮夠薄,肉嫩香但奈何不少食肆的燒鵝都厚肥膏無肉味如果山長水遠去深井食又似乎太誇張好彩係西灣河就有間出名食靚燒鵝的店舖食店取名為「阿爺燒鵝」好多人都衝着他們的招牌古法燒鵝而來單睇櫥窗掛滿一隻又一隻的燒鵝已經令人流晒口水店舖唔算大, 裝潢設計走茶餐廳風格半開放式廚房可讓食客見到師傅如何炮製食物阿姐見我們兩位特別推薦二人餐有雙併有菜有蛋....都算幾抵食我們選了燒鵝及燒腩雙拼鵝皮超薄身又脆脆地,表面好有光澤食入口感就覺得肉質嫩滑富彈性,肥而不膩 燒肉外皮夠脆,肉亦唔會過咸肥瘦肉均勻適中,一啖肉配一啖飯,簡直絕配套餐本來是包兩碗飯, 但如果加5蚊就可以轉鵝油撈麵鵝油就是燒鵝時所滴下的美味油脂用來撈粗麵別有一番滋味而炸蒜配菜芯當然亦美味可口不過最驚喜的反而是邪惡金蛋因為加入了咸蛋在炒蔥蛋之上真的很邪惡但又超級好食,食到停不了口我見隔離檯的叉燒同油雞亦賣相不錯下次再來幫襯時試試先

阿爺燒鵝餐室 獨特古法煙熏燒鵝 鵝肉嫩香肉滑 西灣河美食攻略 港島東區 斬料斬大舊叉燒  有人話一生人難找一個陪你食老麥既女朋友我話,搵一個陪你捱燒味飯既女朋友更難不過,燒味係香港美食代表絕對係美食,只係感覺好老唔夠年青當年太興走得出黎都係靠包裝同味道今日有另一間叫阿爺燒鵝餐室 佢既燒味做得唔錯幾乎每日都排長龍我間中去開西灣河都會行過去買飯盒或斬料每日賣近百隻鵝第一次食已經比佢個份散發既煙熏味吸引係好獨特既味道 除了鵝肉有燒腩,燒排骨,叉燒,油雞,白切雞地方細細,茶餐廳格局,仲有常餐快餐,下午茶 30幾度唔想等位,買外賣返屋企食 單款燒味飯$45,雙拼$50份量都幾足,質素合格燒肉外皮夠脆口,肉唔會過咸叉燒夠嫩,有淡淡甜味,肉都幾嫩不過水準唔夠穩定,買2盒叉燒有一盒比較乾身油雞夠濃夠入味,皮夠薄肉夠嫩滑配埋菜一條,油蔥拌飯一流  主角煙燻燒鵝$50燒鵝比較貴,但都比得足,有八件佢既鵝皮超薄身,少少肥,同陳記個種大不同皮薄少油肉嫩,但唔係用肥鵝,食起來肉無咁多外賣叉燒半斤$55,2個人食岩岩好,加個飯就夠

這天來西灣河送禮，回程途中，發現這間「阿爺燒鵝餐室」。從門外玻璃窗往內望，見燒鵝同幾款燒味，賣相唔錯，尤其是燒鵝，隻隻都脹卜卜，肥美又有光澤，非常吸引，反正晚餐還沒想到吃甚麼，就一於入內試試。 由於進店時只是 5:30pm，剛剛過了下午茶時間，所以店內食客不多，兩個人可以佔據一張四人檯，坐得鬆動又舒服 。先打開餐牌看看，原來燒味選擇都幾多，除了有多款不同組合嘅燒臘飯之外，另外還有自選孖寶麵餐、常餐、蔥花黃金炒蛋餐、各式多士、三文治餐、豬骨湯等供應。燒鵝是餐廳名物，當然不可以錯過，一於食豪啲。點了阿爺燒鵝髀飯 ($105) 配凍奶茶 (+$3) 及常餐：叉燒湯意粉、火腿炒蛋及牛油多士 ($38) 配凍檸茶 (+$3)。燒鵝新鮮出爐，鵝髀大大隻，上桌時仍熱辣辣。鵝皮色澤均勻，油亮脆口，咬下入味甘香。鵝肉實淨，入口富肉汁，鵝味濃郁。酸梅醬酸味溫和開胃，可中和油膩感。飯粒鬆軟，食落重米味又具飯香。至於叉燒湯意粉、火腿炒蛋及牛油多士，水準亦不俗。麵包鬆化新鮮，而且烘得外脆內軟，入口暖笠笠，加上牛油滲入多士中，啖啖都有牛脂香。炒蛋呈淺黃色，蛋味突出，炒得有鑊氣，部分更留有滑溜蛋汁。叉燒呈半肥瘦，微

難得早放工就決定四圍覓食，見到港島東竟然有主打食燒鵝嘅鋪頭，門面又幾靚，就決定試下。餐牌有好多唔同選擇，除左燒味同燒味飯，仲有Ｄ套餐可以揀。但既然燒鵝出名，我就梗係點燒鵝髀飯，朋友就點咗叉燒油雞飯。燒鵝髀飯一嚟到，望到都口水流，大大隻脾又好有肉汁。一咬落去，鵝油好香之餘仲有啲煙燻味，個皮都幾脆，肉厚得黎肉質嫩而不柴。朋友望望下都忍唔住偷咗我一舊嚟食😂😂餐廳環境算唔錯，唔同一般街坊燒味店，一啲都唔污糟，牆上仲掛有啲好得意嘅鵝畫。後尾食完先睇到貼係門上嘅剪報，原來鋪頭係用上100日嘅鵝煙燻而成，唔怪得咁嫩又有汁。

再來搵阿爺，上次因為收工時間吾早，去到時已經好晚，想食的脆皮腩仔，玫瑰油雞都售罄了，不過被其他燒味吸引到。最後外賣左阿爺义燒（半斤）蜜汁燒排骨（半斤）貴妃雞（下庄）樣樣都吾錯，加埋都係$150，好質素這價錢，相當超值。今次收工早了，唸起燒味，又想斬料加餸，再去阿爺燒鵝，入到餐廳，坐滿晒人，見到還有想食的脆皮腩仔、玫瑰油雞（下庄），即刻落單外賣，個人覺得腩仔咸味適中，油雞好肥美，雞大隻、肉嫩滑，配合埋他們的薑蓉，好正。

After finishing my appointment at Sai Wan Ho, it was already lunch time thus i decided to have my lunch nearby. In the end I chose Grandpa Roast Goose Restaurant as i have a craving for it. It was located at Shau Kei Wan Road, near Sai Wan Ho MTR.They offered several types of meat such as roasted meat, BBQ pork, chicken, roasted goose and suckling pig etc. Besides that, they served light snacks and drink too. Coke with lemon - It was gassy and refreshing, with strong lemon taste too. Soup of the

身為東區友，曾經都聽聞過哩間阿爺燒味係幾有料的，難得今日早放工，一於去斬料加餸係門口已經見到一排排立立靚嘅燒鵝，望落好肥美價錢中規中矩，主打都係做熟客仔架喇樣樣燒味望落都好靚色水，搞到人心大心細。員工好熱情，一入門口就問我外賣定堂食，落單快手乾脆既然哩度最出名就燒鵝，一於叫份燒鵝下庄+油雞下庄番屋企。油雞下庄 （$40）油雞望落色澤好靚，肶位漲卜卜咁，睇見都流晒口水食落雞肉果然好滑好嫩，就連唔係肶位都好滑溜，咸度適中，雞皮薄薄地忍唔到口都食左幾塊。好豐滿嘅雞肶肉，好有雞味招牌燒鵝下庄 （$138）燒鵝皮望落立立靚，充滿油份，係搭車番屋企嘅途中不時都聞到陣鵝味肥瘦比例剛好，食落皮仲有啲脆，咀嚼期間仲會聞到淡淡煙熏味，比我之前食過好出名燒鵝個間嘅分店仲好食！（可參閱之前小妹一篇燒鵝食評🙈🙈🙈）果然名不虛傳點埋醬汁，睇下幾靚好快我地就清晒。好在屋企人都好滿意，仲讚口不絕，不枉我早落車幾個站買番黎原來離我屋企咁近已經有間咁靚嘅燒味舖，以後一定會多啲幫襯！

行完書展都唔想煮XD 是是旦旦係屋企樓下食!呢間真係好鬼死抵食，除左抵仲要好好食!我呢尐唔鍾意食肉既都會想食落去XD不過我地見到隔離枱個常餐，下次會叫黎試下架啦XD

今日到阿姨家食晚飯，雖然有工人姐姐煮餸，但因為阿姨好想食燒鵝的關係，所以就叫我去阿爺燒鵝斬料加餸。在門口見到成排燒鵝掛起，已經流哂口水，好想食啊燒鵝外賣一隻$438,半隻$225,上庒$120,下庒$138,阿姨叫我買下庒就得，因為得我地2個人食飯入到舖內落單時，見到仲有好靚嘅义燒，油雞，乳豬在呼唤我好啦！買多$30义燒la!趁住等緊外賣時，睇下呢篇貼在門上的新聞稿，原來呢度係用100日的「處女鵝」，用花椒，八角，淮盬，芫荽和唐芹放進鵝肚，最後用3種木材打碎後混入糖再煙燻而成。雖然不是堂食，但打開盒蓋仍然聞到陣陣煙燻香味，皮薄且脆，肉質嫩滑富彈性，肉汁豐盛，下庒鵝脾位置肉質更是滑溜，好美味半肥瘦义燒肉質鬆軟，黐牙，肥瘦比例均匀，蜜味剛剛好，不會偏甜，阿姨讚絕口餐廳乾淨整齊，下次一定要試下堂食，要試下熱騰騰，皮更脆的燒鵝

這天想吃燒味，特意來了這間阿爺燒鵝餐室，餐廳燒味種類也不少，而最出名的是古法製的煙燻燒鵝。我們一行3人點了個2人套餐和乳豬燒腩雙拼飯。2人套餐非常豐富，包括燒味雙拼(我們選了燒鵝拼叉燒)、邪惡金蛋、油菜、白飯、例湯/飲品。燒鵝的確不錯，皮脆肉嫩，啖啖鵝香，而且帶有陣陣的煙燻香氣。叉燒肥瘦適中，乳豬和燒腩外皮燒得香脆。咸蛋炒蛋炒得非常嫩滑，不錯。值得一提的是白飯可轉鵝油撈麵，啖啖油香，卻不會感覺過於肥膩，實為邪惡之選。

反正去到西灣河，就係呢度買埋呢度馳名嘅燒鵝返屋企孝敬家人。呢間阿爺燒鵝餐室喺西灣河都幾出名。知道阿媽未食晚餐，咁我就買咗一碗燒鵝瀨（$50）比佢。另外買咗$60燒叉骨同埋$40嘅油雞。呢度非常之好服務，燒鵝瀨個湯同埋啲粉係分開裝嘅，所以啲粉唔會浸係湯到發漲晒。燒鵝係髀位，肉質嫩滑，仲漂來陣陣煙熏味。一打開盒燒叉骨，啲蜜糖香味即刻漂晒出嚟，個樣燒得好靚，望到都流晒口水。呢盒油雞性價比都幾高， $40來講真係超大盒，係下莊所以都係非常鮮嫩嘅雞髀。

我個人本身好少食茶餐廳啊，燒味等等。但最近去西灣河揾我朋友，佢就帶左我去呢間佢屋企附近、新開（算係）既阿爺燒鵝餐室。因爲主打燒鵝、我地當然就叫左燒鵝三拼啦。燒鵝拼叉燒同紅腸河粉、燒鵝拼油雞同燒腩仔飯（各$66）所有燒味都唔會過咸，但好入味！燒鵝香甜多汁，皮仲有少少脆。叉燒肥瘦均匀、燒腩仔皮脆，唔肥。河粉湯都好夠味道，不過湯底有少少油，而飯就濕左少少。以呢個價錢可以食到燒鵝~整體算係非常非常唔錯，連飲品，兩個人$150有找！