阿里山 (逸酒店) (已結業)

近排開左愈黎愈多古早味蛋糕，次次經過都聞到好香嘅蛋糕味😍今日就係紅磡試左呢間黃店，係由幾個年輕人開架，經過一定要支持下💛 全部古早味蛋糕都係採用低糖、低鹽方法製作，而且仲唔會加任何防腐劑，食得都健康啲👍店鋪都好注重衛生，一去到嘅時候見到店員喺度洗雞蛋🥚原來所有雞蛋都會經過清洗先用，抵讚！🥳日本柚子蜂蜜蛋糕（$95）蛋糕表面鋪滿日本柚子，味道酸酸甜甜又帶點苦澀，感覺好清新🥰 蛋糕仲加左黎自台灣嘅龍眼蜜，食落甜甜地，而且充滿蛋香味，味道勁夾😋 濃郁朱古力蛋糕（$85）蛋糕表面有好多朱古力粒🍫熱辣辣，食落去仲係流心架！夠曬邪惡😈 朱古力味好香濃‼️十分推介💯 蛋糕濕潤鬆軟，口感綿蜜，屋企人秒清！😆P.S 夜晚八點後買有半價！🤩🤩🤩#大大力懲罰黃店💛 -阿里山 (紅磡)📍紅磡蕪湖街83號逸酒店地下5A號舖抵食指數：😚😚😚😚😚😚😚😚/10舔舔脷指數：😚😚😚😚😚😚😚😚😚/10

紅磡漫遊，見到都真係好多新店開左，古早味蛋糕簡直係我最近嘅新寵蛋糕香味唔再講，佢半開放式嘅working space﹐睇到師傅認真嘅製作咁岩可以望到一大底嘅蛋糕出爐，好療癒...每一刀都一絲不苟我揀左兩隻味，分別係「至尊海苔肉鬆」同「日本柚子蜂蜜」由離開鋪頭到食第一啖，大概隔咗半個鐘 想由淡食到濃，所以先試「柚子」柚子皮分量適中，食落微甘，一啲都唔會酸(which is我細妹本身最擔心嘅事) 蛋味當然係非常之濃郁..然後到「紫菜肉鬆」~~Wow啲topping完全保持到鬆(肉鬆) 脆(海苔)﹐同軟綿綿嘅蛋糕形成對比，卻又結合得天衣無縫lol 食開原味、芝士味嘅我覺得unlock左新味道，個人覺得兩隻味都冇揀錯，值得返啅師傅話佢地嘅用黎做蛋糕嘅蛋蛋，每粒都洗過which係我都幾impressed! tbh﹐我冇諗過整蛋糕嘅蛋啲Bakery係會唔會洗...佢咁講完都幾肯定出面冇咁有心機逐粒洗...所以好欣賞「阿里山」 師傅又好人，好禮貌，真係好似去似去左台灣咁鋪頭仲要係好環保的.. 裝蛋糕嘅紙盒用咗大豆油墨，就連個膠袋都係可降解嘅又厚身，下次必定拎返個膠袋返去返啅

古早味蛋糕近年係香港非常流行，每次大板蛋糕出爐時散發出濃郁香氣，真係忍唔住買返一件，今日經過紅磡又聞到蛋糕香味，循住香味來到「阿里山」。舖頭門窗都係透明玻璃，客人可以睇到店員整由清洗每隻雞蛋至蛋糕製成嘅全個過程。蛋糕有十四款口味選擇，有鹹有甜，連榴槤味都有，可惜本人唔好榴槤，唔係一定要試下；而值得一讚嘅係可以選擇買半件，咁就可以試多d唔同味道啦，最後揀左原味及柚子蜂蜜味。原味蛋糕有濃郁蛋香味，質感非常鬆軟，簡單得黎最能夠食到蛋糕嘅香甜味。柚子蜂蜜味蛋糕係店員主力推介味道，蛋糕表面有柚子皮，令鬆軟嘅蛋糕更有口感，入口時柚子皮苦味帶出蜂蜜甜味，感覺好特別。由於舖頭地方有限，每次出爐蛋糕只能夠出幾款口味，所以見到想食嘅味道，就記得快手買左先喇。

每次同阿仔坐巴士經過阿里山，阿仔都話想食呢度的蛋糕，於是今日突燈走出黎買比佢，比個驚喜佢🤩阿里山呢度雖然麻雀雖少，但五臟俱全，而且係玻璃窗廚房，顧客可以睇哂師傅整蛋糕的過程，令顧客對呢度嘅品質信心會大d，而我岩岩就見到師傅打忌廉，好利害👍當我正想要原味蛋糕之時，撞正柚子味出爐，我又怕食唔哂，放落雪櫃無新鮮咁好食，店員就話可以半個半個買，實在太好喇，可以試到兩隻味道。阿里山原味道：蛋香濃厚，質地鬆軟，帶濕潤，又唔會太甜，好食。日本柚子蜂蜜：日本柚子加上台灣蜂蜜，的確食得出同原味多左一點蜂蜜味，真係好岩用黎做蛋糕，而柚子味香濃，只是略嫌柚子有少許烘燶，可以更好。呢度始終都係住宅多，主要做街坊生意，店員仲話晚上會做優惠，益街坊，等阿仔放學，多d黎睇下先。

住在紅磡想搵間古早味蛋糕食下，紅磡有不少古早蛋糕舖頭，花多眼亂，一於就揀最近自己屋企嗰間啦！入到舖頭見到職員洗緊雞蛋，老闆好熱情咁叫我埋去睇吓，我揀蛋糕個陣職員又走來介紹佢呢度最人氣嘅口味（柚子蜂蜜味），不過我就揀咗老公最鍾意食嘅原味同朱古力味原味：清清地，少甜，做早餐就最岩，幾個鐘後蛋糕塌左，諗起返職員話蛋糕會塌因為佢地無添加物所以塌左正常朱古力味：朱古力味濃郁，蛋糕面有朱古力粒，裡面有朱古力醬，岩哂朱古力愛好者

朋友推薦呢間古早味蛋糕，而且又係公司附近，就買返公司同同事分享啦。朋友要濃郁朱古力，我要日本柚子蜂蜜，甘就可以食到今日新鮮出爐既兩種口味啦。呢度既蛋糕都係每日由師傅現場新鮮製造，客人可以透過玻璃睇到製造和包裝過程。日本柚子蜂蜜：蛋糕質地鬆軟Q彈又濕潤，蛋味香濃。蛋糕表面仲有柚子絲，食落好香柚子味。濃郁朱古力：香軟富彈性，朱古力味好突出，除左係朱古力味蛋糕，蛋糕內仲會有粒粒既朱古力。蛋糕的用料講究：用左湖北蛋，特別有香味；日本既麵粉；韓國既糖，少糖少鹽製成。店主都好注重環保，包裝盒上既字係用大豆油印製的，膠袋係生物可降解，可重複使用。

呢一排唔知點解特別興台灣古早味蛋糕，開到成行成市，淨係紅磡區都可能超過10間。古早味即係懷舊嘅味道，講到懷舊咁呀梗係要食原味蛋糕才看到水準高低。呢間舖頭有個櫥窗可以睇到師傅點樣整蛋糕，反而收銀櫃檯放喺入面，佢地都有好多唔同味道嘅選擇，不過今次都要返原味，因為係想買來做早餐，早餐都唔想食咁濃口味嘅蛋糕。基本上都保持到古早味蛋糕嘅鬆軟口感，而佢哋原味蛋糕嘅顏色比其他更深黃，我估係代表用嘅雞蛋顏色咁深色，味道唔會好甜，淡淡然嘅蛋香更加吸引人。呢個份量足夠我哋一家三口做早餐，每人約25元，算係富貴家常早餐。

古早味蛋糕開到成行成市就連紅磡都至少有三間之前試左近地鐵站既一間，今次試依間看看價錢牌，似付比前一間略貴今次試左柚子蜂蜜蛋糕因為太早其他未有貨....但唔緊要，好食既點都會再食既入正題，size好似比較細蛋糕面有柚子皮，食到有點甘甘地，不錯但蜂蜜味唔明顯，試唔到應有既甜味質地比較厚實，可能因為加左蜂蜜既關係整體黎講也算不錯總括黎講略貴，$95蚊真係要諗諗，味道正常以上食評只反映本人立場，如有雷同，實屬不幸

全部雞蛋選用中國湖北店員表示嘗試過不同雞蛋😂😂😂但呢款最好最岩柚子蜂蜜蛋糕🍰用咗高知縣嘅柚子皮加台灣龍眼蜜較為清甜朱古力蛋糕🍰暫時最好賣係芝士原味同朱古力🍫用咗流心/軟心效果衛生清潔做得非常好👍🏻雞蛋用之前消毒/清洗紙盒係食用油墨，安全！膠袋雖然唔環保但揀咗可降解以及加厚，方便大家重用！！食落蛋味真係最香！！我自己就鍾意朱古力多啲❤️❤️❤️❤️上面仲有啲朱古力碎粒係上面！勁開心🥳

之前見到ig 好多人介紹呢間古早蛋糕今日放假就打算去買d 蛋糕番屋企做tea 慢慢食門面係open kitchen 一目了然  感覺好乾淨一入店已經聞到好香的蛋糕味好多味 有選擇困難的我 真係唔知點擇咁岩老闆有個熟客來左叫佢話原味好食 成日來買同埋可以預早幾個鐘打來留蛋糕 都幾方便老闆仲話佢地用日本麵粉 所以成本高d 但食落香d最後買左一個原味一個朱古力味原味真係超香 好濃的雞蛋味平時好少食到咁出的蛋味好鬆軟 加杯咖啡真係一流朱古力味 都好好食有唔少朱古力粒 味道都好濃唔係好假的朱古力味食落唔係好甜 就岩配一杯牛奶簡簡單單一個tea 已經好完美啦

📍 阿里山 (紅磡) #cteateat_高質推介認真好食！！！識我嘅都知我勁食古早味蛋糕，今次又一好味推薦低調高手啊！用咗低糖、低鹽、日本麵粉整，無落防腐劑。呢個口感超棉密！！！超級推薦朱古力🍫味，好濃郁，軟棉棉。啲朱古力好似唔駛錢咁落咗勁多😂幾十蚊就有大大件，正，今日仲試咗好特別嘅柚子味，都不錯，好濃香！店員仲好友善，師傅用心製作！真心可以支持下🤤🤤我曰拎住呢三個蛋糕行咗一日都仲keep到！

平日乘搭紅磡火車都必經蕪湖街，在特定時間經過《古早味蛋糕 — 阿里山》即逸酒店地下5A號舖，經常傳來一股香噴噴古早味蛋糕🤩 🍰 ！ 剛好日本柚子蜂蜜蛋 及 四重芝士味 出爐 並聽老闆說其中銷售量不錯之一便立即買了各半！ 面層灑上一棵棵柚子，除了軟綿綿蛋糕外還添加口感 😋～ 而四重芝士分佈在蛋糕內，入口有濃濃芝士 ～ 岩哂芝士控啦😎老闆有善地分享了自己是台灣人，剛開業不久，家人傳受了制作古味蛋糕食譜後再加以改良👍🏼👍🏼 這裡用上 50-60隻雞蛋所以特別口感幼滑，蛋味較濃 😱這裡特別之處在於使用台灣及外地材料，給人一種crossover 感覺~~ 其他味道也大眾化，小朋友/大人都很易接受

古早味蛋糕大行其道，是日朋友話落樓下買蛋糕，原來佢屋企附近開左阿里山，朋友評價唔錯，咁橫掂陪佢黎，咁自己都整返份先。阿里山呢個名……remind小時候唱的兒歌，有無人都唱過？店家剛剛出新蛋糕，唔知咩味呢？旁邊有店員整緊另一底蛋糕，個樣似係芝士，落左好多芝士呀，正喎。店員態度好好，加上朋友慫恿下揀左三款口味，為左方便拎，會將兩盒放入膠袋。紫色同粉紅色盒又幾靚喎，個盒都幾硬身，唔怕個蛋糕熱到倒汗水墜底。先來個基本款先啦，原味蛋糕～仲四重芝士同柚子蜂蜜，呢度可以要半份，價錢就係全件嘅一半，好均真。咁幾好，可以一次試多幾款味，呵呵。先來三款味都試下先，整個厚切～面頭呢件已經見到芝士流出黎，正喎。呢件係原味，拎上手軟綿綿，好有蛋香。咬落鬆軟濕潤，非常新鮮，濃郁的蛋香好好味。再黎試下柚子先，拎上手同樣軟綿，食落同原味差不多，但上面多了份柚子香，食到淡淡的蜂蜜味，而且上面有些柚子皮帶點苦澀，口感同味道都更豐富，好味！最後試埋芝士先，離遠都聞到芝士味啦，下層有芝士的部份帶點鹹香，上面灑滿芝士粉，芝味不錯，但會掉落黎，食得有點髒，哈哈。三款中暫時覺得柚子最好味，但呢間古早味蛋糕確實出色，有回購的欲望，下

次次經過古早蛋糕店🍰都忍唔住買一個黎試下🤣試試下就可以搵到一間最中意既蛋糕店推薦比大家🤗今次去左黃埔依間蛋糕點😋有一塊好開揚既落地大玻璃窗睇到佢地好專心甘整蛋糕🤪傾傾下發現原來可以兩隻味都要一半🙈岩晒我依啲三心兩意既人😋.🌰榛子果仁 $85果仁係我媽既最愛❤️加上眼見果仁鋪滿蛋糕面🤤呀媽一定中意既姐🤣蛋糕🍰好濕潤，榛子粒都好有榛子味🤩美中不足既係⚠️如果中間果層會夾住榛子醬🌰會更好😍.🍯日本柚子蜂蜜 $95蛋糕面層都鋪滿左柚子😇師傅仲同我講用左龍眼蜜去整😍食落都唔叫太甜，都你中間夾住啲柚子層，口感會更豐富🥰

好耐以前喺台灣第一次食古早味蛋糕之後就好鍾意，但當時返到黎香港之後都冇乜地方有古早味蛋糕食，一路都好掛住。好彩近年香港越開越多古早味蛋糕店，我每次見到都會忍唔住買，暫時仲搵緊邊間先最貼近喺台灣食到嘅味道。今次去開黃埔呢邊，經過見到呢間古早味蛋糕，見到有啲幾特別嘅味道可以揀，一於就試下。老闆見我企喺到望住個餐牌掙扎咗咁耐，就同我講其實可以半份半份咁買，咁我就可以試多幾隻味。今次就買左日本蜂蜜柚子味同阿里山原味道。🍊日本蜂蜜柚子味（半條）$50蛋糕表面有柚子皮，食落去幾重柚子味。另外始終有蜂蜜，所以會比較甜少少，但呢個甜度唔會令人抗拒。咬落去都幾鬆軟，拎上手又唔會太油，幾好。🍰阿里山原味道（半條）$40第一次試呢間古早味蛋糕，冇理由唔試吓個原味嘅。原味蛋香十足，帶有微微嘅甜味。我個人鍾意呢個原味多過個柚子味。老闆都話舖頭最受歡迎嘅係原味、朱古力味同埋芝士味。走嗰陣見到師傅咁啱整緊四重芝士味，見到佢逐層逐層芝士加上去，勁吸引，超想買呢隻味，可惜未夠鐘出爐，唯有下次撞啱時間再黎買啦。雖然餐牌上有好多款揀，但老闆話因為每底蛋糕都要用1.5個鐘整，所以每個時間可能只有四五款可以揀，所以如果大家撞啱