陳儀興飯店 (嘉悅)

营业中

休息中

係將軍澳想食正宗潮州菜，可以去將南呢間潮州菜館，餐廳長期爆滿，想食就記得訂定位!🔺鹵水鵝件 $148用上潮州特產獅頭鵝，鵝肉質地鬆軟而豐腴，鵝味濃，再用以廚師祕製鹵水膽製作的陳年鹵水汁浸泡，充滿香料與肉汁精華，芳香入味。🔺蟲草花雪耳燉雞湯（$68 一碗）好足料，蟲草花補肝益腎，味道甘甜🔺咕嚕焗排骨 $85外面脆口, 內面多汁。咕嚕汁厚薄剛好，肉質鬆化，酸酸甜甜好開胃🔺豉椒炒蟶皇 （$78 一件）食落口啖啖肉，配合蒜蓉、豆豉同辣椒等香料，微辣惹味

今日同男友再次黎到陳儀興吃飯，之前已經試過，覺得好食，今次再光顧😎一坐低見到餐廳搞緊活動，係Google 5星點評就可以有小禮物，我地要左兩支野飲，一個係羅漢果水、一個係薏米，兩支都好飲😌😌我地叫左1️⃣滷水鵝件💰148鵝件數量都多，食到好滿足，滷水味好香濃又唔會好咸，鵝肉香，肥瘦適中，好滿意👍2️⃣老火燉湯💰136（兩盅）老火燉湯好清澈唔油膩，係蟲草花煲瘦肉湯，飲落鹹香，好滋潤🥰3️⃣魚香茄子黃鱔煲💰118呢個煲無骨，啖啖肉，食落去口感紮實，吸收埋魚香茄子嘅味道，好香濃4️⃣潮州蠔餅💰98蠔餅外脆內軟，有兩塊，蠔仔算大粒，同埋好鮮嫩😍😚5️⃣白飯💰126️⃣粥💰127️⃣茶芥💰20（每人💰10）如果大家去食記得book 臺，因為餐廳雖然幾大間，但係都見到好多人食🫣消費價錢：2人💰598，人均💰299結論：（10分為滿分）味道：8/10性價比：8/10回頭指數：8/10餐廳名稱：陳儀興飯店 (嘉悅) (將軍澳)餐廳地址：將軍澳至善街9號嘉悅地下2-3號舖

喺新蒲崗老店嘅陳儀興飯店係將軍澳有分店！？作為潮州打冷愛好者嘅我梗係要去試吓，地點雖然唔同咗，但味道依舊高質，而且價錢仲好經濟實惠，令人食唔停口🤤🍆魚香茄子黃鱔煲 $118 天寒地凍叫個煲仔菜暖吓身都好，新鮮整起嘅魚香茄子黃鱔煲，熱辣辣而且好保溫，食到最尾一嚿黃鱔都仲係熱嘅，而且茄子同黃鱔嘅份量都好多，茄子煮得好香好腍亦都好入味，黃鱔亦都好新鮮，啖啖肉，一條骨都冇，成個煲仔菜好適合餸飯🦑椒鹽鮮魷 $128 新鮮炸嘅椒鹽鮮魷，熱辣辣，非常惹味，金黃色嘅椒鹽鮮魷薄薄嘅脆漿包住，香脆可口，風味十足，魷魚新鮮爽口🍲老火燉湯 $68 係蟲草花燉雞，原盅嘅老火燉湯，健康滋潤又美味，熱辣辣，好適合喺呢排又凍又乾燥嘅日子飲，餐廳應該花咗唔少時間去燉，令到蟲草花同雞嘅精華都融入晒喺碗湯入面，除咗飲湯之外，仲可以食埋湯料，燉到好淋，而且味道都好好🪿滷水鵝件 $148 嚟到潮州打冷舖點可以唔食滷水鵝，滷水嘅味道香氣撲鼻，而且鵝件吸收晒陳年滷水嘅味道。鵝件除左肉嫩之外，肥瘦恰到好處，所以一啲都唔覺得油膩🦐蒜蓉蒸海大蝦 $208 新鮮嘅開邊海大蝦，隻隻都爽口彈牙，新鮮美味，配埋面頭嘅蒜蓉粉絲一齊食，簡直係畫龍點

朋友想食潮州打冷，第一時間就會諗呢間，一嚟坐得幾舒服，二嚟食物質素有保證！每次必食嘅滷水鵝件，皮薄厚肉，肉質嫩滑入味，最鐘意佢個滷水汁濃郁甘甜，調味剛好，唔會死鹹，底下嘅大豆芽及花生吸曬啲滷水汁，真係好好味！點少少辣椒油就更惹味～豉汁蒸白鱔，份量十足，好大碟！白鱔超級新鮮，彈牙又肥美，配上豉汁真係好好味，送飯一流，好好味金黃色嘅椒鹽鮮，十分吸引😍外脆內裏彈牙，好香口，要趁熱食！是日老火燉湯，原盅蟲草花燉瘦肉湯！一打開個蓋已經聞到好香，火候十足，清甜滋補，唔油膩～最後，少不了一碗潮州白粥質素依然唔錯，下次可以再嚟食😋

👧🏻😋👅🍽✨打冷要食鹵水鵝😎-陳儀興飯店🇭🇰 將軍澳至善街9號嘉悅地下2-3號舖 🇭🇰-🥢嘉悅附近有好多屋苑, 有個小food court, 但要食比較decent d既小菜, 陳儀興飯店會係一個好選擇🥢7點左右已經好多枱一家大細食緊飯, 除左潮式鹵水鵝同打冷小菜, 仲有游水海鮮, 食豪d仲有紅燒翅; 有脆卜卜既花生做前菜, 晚茶都係$10/位唔算貴-🐠 凍食黃油烏頭 $188💯餐牌寫時價, 問左$188有咁大條都幾抵食; 烏頭切半飛晒骨超厚肉, 肉質嫩滑有黃油, 點埋普寧豆醬更突出魚鮮鹹香味-🦪 潮州蠔餅 $98✨成塊蠔餅都充滿肥美大粒既蠔肉; 炸得金黃酥脆唔會太乾身, 仲幾juicy但都唔油膩-🕊鹵水鵝片 $168💯啖啖肉既鵝岩晒我地懶人唔lur骨😂 師傅刀功好好, 每塊一樣大細, 份量都多, 冚住晒一大堆芽菜; 隻鵝幾肥仔, 油脂重又多肉汁-🍲 老火燉湯 $68/位✨老火燉湯大大碗, 用雞同瘦肉煲但冇油, 飲落暖胃好滋潤-🌾 白粥/白飯 $12/碗💯白粥比飯更大碗, 所以唔會唔夠飽, 粥底勁綿滑

屋企人話想打冷，OpenRice搵到將軍澳嘅陳儀興飯店，雖然唔太近地鐵站，但我哋住九龍東都算方便，亦勝在環境舒適服務周到，相信下次都會再嚟鹵水鵝有鵝肝、鵝腸、鵝件等等，但我哋揀左鵝片啖啖肉，一塊塊軟滑鵝肉片鋪喺大豆芽上面，鵝汁滲晒落去成碟餸好滋味😋天氣凍叫咗一人一碗老火燉湯，有好多菇菌同烏雞，足料鮮甜，老人家都好滿意👍🏻食打冷當然唔少得煎炸嘢，叫咗椒鹽百花釀大腸同潮州蠔餅。薄脆嘅大腸皮入面釀咗蝦膠，肥膏變左蝦膠即時香好多仲冇咁膩，蠔餅厚身大隻脆卜卜

提起「陳儀興」這個名字，定必聯想到傳統正宗的潮州菜。從新蒲崗老店擴展至今，超過半個世紀，四家飯店分佈於港島、九龍及將軍澳。這家潮州菜館老字號，傳承著家鄉潮菜的老味道，時代在變，但味道依舊不變。今次來到將軍澳分店，實而不華的裝修，加上地道實惠的潮州菜式，所以深受不少區內家庭客的歡迎。滷水鵝件（$148）食潮州菜，滷水鵝是必不可缺，滷水味道愈老愈香醇，這𥚃超過五十年的滷水，香氣撲鼻，馥郁醇厚，鵝件吸收陳年滷水的味道，滋味芳香卻不油膩。老火燉湯（$68）原盅老火燉湯，蟲草花燉雞，滋潤又美味。椒鹽鮮魷（$128）金黃色的椒鹽鮮魷，薄薄的脆漿包裹着彈牙的鮮魷，香脆可口，風味十足。豉汁蒸大鱔（$150）新鮮的大鱔簡單以豉汁蒸已能帶出其鮮味，下層的豆卜索滿了大鱔的鮮甜和惹味的豉汁，味道絕對不遜於主角大鱔。白飯（$12）茶芥（@ $10）StorefrontInteriorMenu

食物質素唔錯，不過員工態度好差。叫外賣自取，話 20分鐘(買蠔仔粥同滷水鵝) ，去到等左 45分鐘。收銀員工已經差，比完錢叫我自己問其他員工有未。問其他員工又黑面，話你見到有就有，冇就繼續等。結果等到40分鐘再問，佢話未有，好彩就下個，唔好彩唔知等幾耐。

6點推住BB車想幫襯，一嚟睇都未睇就同我講BB車唔入得然後先再叫我等一陣等左一陣都話BB車唔入得其實佢地係一見我有BB車就唔想招呼，因為阻左一個位BB又唔食嘢去到7點幾再經過見到都仲係好多位，即是根本唔歡迎父母帶BB入建議有小孩的請勿食呢間服務態度奇差。。

澄海鹵水鵝☺️鹵水鵝肉的烹調方法可以使肉質變得非常鮮嫩多汁。鵝肉本身相對豐脂，所以烹調時需要注意火候，以保持肉質的嫩滑口感，澄海鹵水鵝通常使用特殊的鹵水配料進行調味，例如鹽、醬油、香料等，這些調味料使得鵝肉具有濃郁的鹹香味道，增添了食欲。潮州凍食馬友☺️凍食馬友的特點之一是其彈牙的口感。馬友是一種魚類，肉質相對緊實，經過凍製後，質地更加彈性，咬下去有一種有趣的口感。凍食馬友的魚肉具有鮮甜的風味，這是因為潮州地區的水域環境豐富，魚類生長在這樣的環境下，所以肉質鮮美。小炒王☺️小炒王選用嫩肉或嫩蔬菜作為主要食材，經過高溫快炒後，能夠保持食材的鮮嫩口感，讓人在咀嚼時感受到食材的細膩和彈性。小炒王的烹調技巧通常包括快炒、爆炒、炒煮等多種方法，這使得菜品具有多層次的口感。有些食材可能保持脆嫩，有些則可能具有柔軟和綿密的口感，這種多樣性的組合使得每一口都充滿驚喜。浸蜆肉☺️浸蜆肉在烹調過程中會釋放出豐富的香氣，尤其是蔥和姜的香味。這種香氣能夠增添食慾，使整道菜更加誘人。

侍應十分周到，我們一行11人坐低，便介紹我們叫個6人餐，加一分蠔餅，鵝肝，四分之一鹵鵝上莊，及之後再加了反沙芋，這個手工菜，現在很多潮州餐廳都沒有供應，我們有幸食到感覺很幸福。埋單每人$125沒有加一, 咁嘅質素及份量係連鎖餐廳一定double價錢。

將軍澳區唔算好多潮州打冷選擇，今日聽朋友講呢間都多人食，所以過黎試下我地叫左1️⃣潮州蠔餅💰98蠔餅份量都大，我地四個人食都夠。蠔餅煎得夠香脆，粉漿好薄，蠔仔都足夠，唔會腥，趁熱食好味😋2️⃣滷水鵝片💰168滷水鵝片入味，鵝🦢味濃郁，略嫌份量太少，好快無曬，下面墊底係芽菜，唔係豆腐，想試埋豆腐都唔得🫣3️⃣潮州蠔仔粥💰148蠔仔粥份量多，但係蠔仔再多啲更好，調味恰當，味道鮮美，四個人食，一人可以食到2碗😽😽4️⃣雙麵黃💰108第一次食呢個，佢係用公仔麵煎到好似餅咁，之後點醋同埋白糖，味道都可以5️⃣水煮滑牛肉💰128滑牛份量好多，食極都仲有，唔會鞋口，質感幾好，牛肉味濃，浸係麻辣湯度，令人想一食再食❤️❤️6️⃣黃金鮮魷💰128黃金鮮魷炸得好好，粉漿好薄，表面有好多咸蛋黃醬，好入味，正👍7️⃣潮州傳統反沙芋💰88第一次食反沙芋頭，原來芋頭出面好似糖殼咁，裹滿左砂糖，好脆，裏面係粉糯香軟嘅芋頭，好正🥹🥹8️⃣滷水雙拼💰108叫左墨魚片同紅腸，紅腸普通質素，墨魚片爽口彈牙，份量都係唔算多🥹消費價錢：4人💰1181，人均💰295結論：（10分為滿分）味道：7/10性價比：6/10回頭指數：7/10餐廳名稱：陳儀興飯店餐廳地址：

一家大細去食飯通常都係食中菜，唔想食大集團 今日就試下呢間「打冷」。一早打電話book左枱，所以唔洗等位。我哋食個日係平日夜晚黎，但都見有幾枱客係門口等位，要齊人先入得，大家記得留意返。服務員態度都好有禮貌。不過唔知係佢冷氣壞左，定真係唔多冷氣，就算有幾部風機，都仲係好熱，希望可以整下個冷氣啦。入正題，食物質素真係唔錯，我哋叫左8樣野，全部都好正宗好好食。蠔餅外脆內軟；鹵水嘢（我哋食咗豆腐、鵝片、墨魚）全部都好入味，味道啱啱好，香得嚟唔會太鹹；糖醋麵即叫即整夠晒脆；菜譜煎蛋好有細個嘅味道；韭菜豬紅整得好好；牛肉炒芥蘭d牛肉好腍；咕嚕肉就算有汁都食得出好有肉味。以呢個價錢呢個質素真係唔錯，但如果可以加錢加大就更加好，因為太好食，成家食嘅話就唔夠食。期待下次encore!

平日夜晚估唔到都咁多人，不過訂咗枱所以唔駛等位，食物味道好好，價錢合理，6個人去都只係一千多啲啲。其實出街食飯我最注重係服務質素，呢間舖嘅人冇得彈，好有禮貌，手腳又快，係可以回頭嘅舖頭。如果要彈嘅淨係冷氣唔多夠，其他都好好。

父親節帶左屋企人黎食，當日walk-in 都唔係等得好耐(可以訂座)五個人點左7樣野+兩碗🍚🦪潮州蠔餅$98必點！估唔到份量有兩大塊，每塊都有15cm，每隻蠔都好大隻，絕對唔係蠔仔，基本上點夾都一定有原隻脹卜卜蠔，比例蠔佔左8成～超酥脆好抵食❤️🦢滷水鵝片$168適合2~3個人share，鵝片下層墊住左唔小芽菜，鵝片真係有小小入口即化，成個口腔都充斥住鵝油香🤤🐙滷水拼盤$138有九款滷水食物，最有印象係墨魚片同生腸好爽脆，但相對其他滷水味較淡🦑香脆鮮魷$128 又人必點系列👍🏻👍🏻超級惹味，外皮脆魷魚軟，仲有好多脆脆係面，有小小似避風塘，增加左味道層次，勁岩送酒送飯🍆魚香茄子黃鱔煲$118無骨岩曬懶人，黃鱔口感有小小似魚皮，不過茄子偏油，魚香味唔特出🐷京都骨$88醬汁酸酸甜甜好開胃，肉質唔乾🍲潮州蠔仔粥$72一碗都夠2~3人分，蠔仔同樣每粒脹卜卜，無腥味成個粥都好鮮甜，必食！*另收10%服務費+茶介每位$10埋單$972