陳儀興飯店 (嘉悅)

营业中

休息中

陳儀興而家越來越多分店，食慣其中一間，地點非常就我地腳，就係朋友屋苑附近樓下既潮州打冷野。就算唔係住附近，答地鐵都非常方便，就好似我之前介紹過，o係將軍澳站A2出口右邊過馬路再直行，第一個街口右轉，住宅嘉悅隔離就係，5分鍾就行到。食完仲可以行下商場連住既商場。餐廳有樓底非常高，裝修簡單乾淨，坐得舒服就算滿地座都唔會好嘈。如一貫有親切既服務態度，一入座職員會好細心問要飲咩茶，唔使介紹都記得要點必食既滷水鵝同蠔餅！必食推介！滷水鵝片 鹵水拼盤份量非常多，鵝肉中間帶有少少透明根腱腱，鹵水味道有層次，鵝皮油潤香濃，鵝肉嫩滑细腻，仲有芽菜墊底，份量十足。拼盤有墨魚，生腸，豬耳等等。淡淡滷水香味，送飯都一流。潮州蠔餅即炸蠔餅，仲有粒粒拇指咁大既蠔，炸漿唔厚薄，炸漿鬆脆，充滿蛋香，一行四人，一碟都食唔晒。避風塘黃鱔食黃鱔最梗要就係佢既有咬口紋紋路清晰既texture，雖然避風塘炒係用脆粉包左既黃鱔，但依然食到黃鱔既新鮮同埋至愛既黃鱔口感。避風塘炒唔會太辣，材料十足，推介。蠔仔粥 蠔仔肥美鮮甜，好多蠔仔，湯底鮮甜，份量夠！黃金鴨舌咸蛋黃非常勻均，香味溢出，外賣番屋企一路食一路煲劇一流。脆盞拔絲咕嚕肉嗌

陳儀興，相信無乜人未聽過呢個名，勁老字號既潮州打冷店。帶屋企老人家去食，應該滿意，穩陣之選😎將軍澳有間好光鮮既分店，將軍澳站A2出口右轉，就係嘉悅附近。好多時d出名既老字號食肆，好似唔休做咁，店員未必好好禮貌，不過呢間又唔會喎！店員服務都殷勤有禮！一坐低就問飲咩茶，老媽子揀左鐵觀音。🥢鹵水鵝片 $168👍💯必點之選！潮州打冷經典菜， 冇理由唔嗌啦！份量非常多，陳儀興個鹵水汁好味！唔會太杰身、唔會太咸，花椒、八角、南薑、桂皮、小茴香等等香料既香氣清香，鹵水味道有層次，濃、香、甘、咸、清配搭得宜。鵝片鹵得好入味，細膩口感豐盈，片片厚身，啖啖肉鵝皮油潤香濃，鵝肉質滑细腻，鮮嫩多汁，咸香入味！仲有吸晒鹵水既芽菜墊底。🥢鹵水拼盤 $138鹵水拼盤係冇鵝片嘅😆但係都好多嘢食，有蛋,紅腸,腩肉,墨魚,生腸, 豬耳,豬頸肉,豆腐，樣樣都吸滿滷水香味，入晒味，正！墨魚口感爽彈，好味到停唔到口。🥢潮州蠔餅$93又係另一必點之選！陳儀興既蠔餅，比其他蠔餅優勝一籌既地方在於，佢用既蠔真係好足料！隻隻蠔都超級飽滿鮮甜大隻！另外佢個炸漿好薄，充滿蛋香之餘，亦超級鬆脆！🥢蠔仔粥 $148同蠔餅一樣，蠔仔肥美鮮甜，分

會令人食上癮既醃海鮮·你試過未？位於將軍澳的陳儀興飯店主打傳統特式潮洲菜屹立香港足足有半個世紀· 絕對有實力既潮州菜館！♡霸王醃膏蟹（$538衝住會令人食上癮既醃膏蟹而黎一上枱係嘩嘩嘩· 連隔離枱都忍唔住望過黎真係極度極度吸引呀！完美既爆膏畫面· 非常誘人濃郁甘香既蟹膏·在口腔久久不散蟹肉輕輕一吸就殼肉分離·肉質鮮甜綿密膏蟹醃得夠入味·醬汁香辣帶醬香慾罷不能的好味道！♡潮州蠔仔粥（$72)潮洲菜必點之一· 食完生冷野要飲啲暖野保護下腸胃粥底鮮甜·米飯咬感剛好唔好睇蠔肉細細粒但非常飽滿偷偷拌入醃蟹蟹膏 · 突然覺得自己真是個吃貨！♡鹵水鵝片（$168)選用澄海獅頭鵝 ·獅頭鵝鵝肉肥美而鵝香十足鵝片份量幾多 · 肉質軟腍富彈性下面仲有滷豆腐舖底不過滷汁會濃味少少· 剛醋蒜汁就岩岩好♡韭菜豬紅（$70)豬紅爽嫩無異味 · 韭菜唔老仲好嫩身♡綠豆清心丸 ($48)用黎清清喉嚨·解解熱氣清心丸煙煙韌韌幾得意♡茶芥 ($10)

媽媽話想食潮州菜，又想媽媽坐得舒服同食正宗潮州菜，記得之前有食過陳儀興蛋卷，就帶媽媽試下將軍澳既陳儀興，地點都算就腳，响將軍澳地鐵站一出直行5分鐘就到，一點都唔遠👍✨️滷水拼盤有齊潮州特色滷水味道，而且份量又十分之多，最重要想食既滷水食物都有齊，大概有9款：豬耳，腩肉，墨魚片，大腸，紅腸，蛋，豆腐，生腸，豬頭肉所有食物充分淫浸左滷水當中✨️濠餅正宗潮州食物一定要叫蠔餅，份量大大份，兩大塊蠔餅，完全不是只有炸醬，落足了蛋同脹卜卜的蠔，佐酒一配🍻✨️涼瓜炆大鱔爽脆大鱔配涼瓜，涼瓜帶點苦，對，涼瓜就是苦，但煮法配豆鼓，令苦瓜味道由苦帶甜，大鱔炒起再配涼瓜豆鼓，也能令肉質鮮嫩👍✨️黃金海蝦8隻大大海蝦，炸過再伴咸蛋炒起，食既時候，如果得都唔好用手剝蝦，直接放口✨️綠豆清心丸甜得來够天然，綠豆有咬口👍

很久沒吃潮洲打冷、特地跟家人相約到將軍澳南的陳儀興飯店回味一下。想不到週一晚上都已經座無虛席、幸好我們早到還有少量座位。媽媽指定要點這個鑊氣小炒皇 $105，原本對小炒皇沒甚興趣的我也覺得好惹味、裡面有韮皇、蝦乾、腰果、菜莆粒等、蠻有咬口、口感豐富、不過比較濃味、跟潮洲白粥一起吃就剛好。潮洲炒麵線 $78 雖然麵線顏色偏淡、但味道好夠、肉絲韮皇芽菜一齊炒好爽口。第一次吃避風塘黃鱔 $98 好脆口、外脆內軟、口感幾特別、辣辣地配白飯吃較好。買了他們的自家製蛋卷、香蔥味幾香脆。

今日同仔仔去左一間好出名嘅潮州飯店「陳儀興」，應該鍾意食打冷嘅朋友仔都一定有聽過呢個名🤣✨佢而家係將軍澳開咗分店，新店裝修好新潮，門口仲有兩隻好可愛嘅獅頭鵝比你影相打卡🤣不過我地7點去到果陣已經好多人，建議去之前要book枱呀~入到去就梗係要叫鹵水鵝食啦！我地仲叫左好多個餸，款款都好惹味好好食😋一齊嚟睇下我地食左啲咩啦！🦪潮州蠔餅🦪必食之選！嚟到食潮州菜就緊係要食蠔餅啦！外面炸到脆卜卜，入面有勁多蠔仔！配埋魚露一齊食，鮮味出晒嚟！超惹味😍🪿鹵水鵝片🪿打冷一定要食埋鹵水鵝先食到間餐廳嘅質素去到邊，呢個鵝片超淋，小朋友同老人家食都咬到，鵝味好出，而且滷得好入味，高質！👍🏻🐟避風塘黃鱔🐟鍾意食辣嘅朋友一定要試下佢地嘅避風塘菜式，因為真係炒得好夠辣，又夠咸香，黃鱔已經起晒骨，炸到香脆之後先再炒，好味😍🦪潮州蠔仔粥🦪呢個蠔仔粥真係圓圓大愛😍食左差唔多兩碗仔！入面有好多蠔，而且好大隻！所以啲飯好鮮甜，入面仲好足料，每啖都有蠔味，正😋🐸醬爆田雞🐸田雞唔會炒到好老，食落一啲都唔柴，配埋西蘭花，食落唔會好漏。🍡綠豆清心丸🍡呢個係經典嘅潮州糖水，而家已經買小見小，估唔到仲有機會比我食到😍清心丸個口感真係好

🇭🇰將軍澳- 陳儀興飯店成日見到打冷都勁想食～～前排見好多朋友都推介佢就去咗食🤭當日雖然我地得兩個人 但見到開大餐咁😆～～⍗ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈ ┈⍗☑️整體方面：空間不算好大，平日夜晚食都好多人等位，需要另收茶介每位$10，餐具整潔，亦會俾個盤你(可以好似酒樓咁洗餐具)～～食物種類都算多 另外有生醃海鮮食係亮點之一😍👅 脆盞拔絲咕嚕肉(⭐9/10) $108呢個咕嚕肉係世一，份量都算多，酸酸甜甜，味道足夠之餘又入味，再加埋拔絲做底 打卡好靚㗎☺️👅 避風塘黃鱔(⭐8/10) $98黃鱔炸得夠香口，脆卜卜～～加埋避風塘更加惹味，而且佢嘅避風塘有少少辣椒，令到個味道更加昇華🫶🏻份量好多 好夠食🤣👅 醬爆田雞(⭐8/10)$98田雞肉好嫩口，味道適中，不會太鹹👍🏻而且有西蘭花圍住，西蘭花亦都炒得淋而爽口，食落配搭得幾好，有菜又有肉，唔會太油膩😽👅 醃螄蚶(⭐7/10) $98佢好少地方有得食嘅醃螄蚶，佢有晒工具俾你打開佢，唔會整到手指甲都爛晒🤗下次仲想試埋醃生蟹🤫👅 豉椒炒活蜆(⭐8/10) $95呢碟豉椒炒蜆超正，炒得超入味，每隻蜆都充滿

50幾年老店 出名潮州打冷 新蒲崗總店之後有三間分店 將軍澳呢一間都幾多人 未到七點已經坐滿八成人 埋單時更座無虛席 出菜好快先點茶 再點餐 喝個靚湯 點個滷水 小菜 甜品 大滿足店員親切有善 ♥︎五指毛桃無花果燉烏雞 $68 好足料 好香嘅五指毛桃 椰香味熱辣辣 原個燉湯 呢個價錢都幾經濟♥︎滷水拼盤 $138 豆腐 魷魚 🦑 雞蛋 豬腩肉 薄切紅腸 每一樣都好入味 又唔會太咸 非常滿意 必點菜式 ♥︎黃金雞軟骨 $118 非常鬆脆 充滿鹹蛋香 大大份 ♥︎脆棧拔絲咕嚕肉 $108 送飯嘅好菜式 用咗蜜桃作為生果做嘅咕嚕肉 酸酸甜甜 大人小朋友都鍾意食♥︎韭黃炒黃鱔 $85 唔係好多謝返有得叫鑊氣好夠 黃鱔分量都好多我就鍾意加埋一啲潮州辣椒油食 特別嘢未♥︎綠豆清心丸 $48 係潮州手工甜品 綠豆去皮 淡淡清甜 有清心丸Q彈 一粒一粒停不了口

收工係將軍澳搵食， 經過見到潮州菜館#陳儀興飯店 ，想食下潮州鹵水，早到就未有咁多人，於是便進入開餐囉☺️。首先點左食潮州菜一定要的滷水鵝片，食材滷得入味，肉質軟稔容易咀嚼，鹹度適中, 點埋酸醋更開胃，墊底芽菜好爽口。涼瓜炆大鱔， 🧆涼瓜略有苦味，大鱔一併炆煮得入味，魚皮充滿油香，肉質結實新鮮。潮州蠔仔🦪粥，🍲粥底味鮮甜，又係必定要食之選，蠔仔粒粒肥美飽滿，啖啖都食到蠔仔肉。醬爆田雞，肉酥脆爽滑，咸鮮香口，仲有西蘭花🥦墊底，令人食指大動。潮州春菜，菜🥬煮得很淋，吸收同煮的豬肉汁，啱晒喜愛食豬肉的老友。清心丸綠豆爽，綠豆份量多，糖水唔會好甜，清心丸爽煙韌很透心涼。原來星期日至四仲有優惠，於21:00全單9折👍。

其實真係聽咗陳儀興呢個名好多次，終於有機會食到🥹🥹之前個個同事食完都大讚！🐰滷水拼盤 $138✨話明潮州嘢食，點可以唔要滷水拼盤？入面包括：墨魚片、腩肉、大腸、紅腸、生腸、豬耳、豬頭肉、滷水蛋同豆腐😂真係超級多樣嘢食，個人覺得佢嘅生腸好爽口，墨魚片都係😍特別係豆腐，已經索晒滷汁，超級入味😋🐰醬爆田雞 $98✨對田雞真係有鋪癮😂其實呢一間嘅價錢比較親民，唔算好貴😽田雞份量都幾多，唔會有異味，底下有大量西蘭花襯托（西蘭花本身都有味，食食吓都食得晒）🐰鑊氣小炒王 $105✨入面嘅韭菜炒得好甜，加埋有腰果同魚仔，仲有少少辣菜脯～不論係就咁食定係配飯，都好有鑊氣，又係成碟清晒🐰豆豉鯪魚油麥菜 $78✨其實叫呢個係有少少失策😂不過佢個味又炒得幾好喎！油麥菜係好爽，加埋豆豉鯪魚獨特嘅香味，送飯一流😽🐰潮州炒麵線 $78✨好耐之前係屋企樓下食過，今次試吓呢度嘅～炒麵線係用咗魚麵，加咗少少鹹豬肉去炒，食落麵幾香😽🐰傳統反沙芋 $88✨呢樣真係我期待咗好耐嘅食物！應該可以話係重點！反沙芋點解可以咁好食？🥹🥹🥹本人覺得一啲都唔甜，被白糖包圍嘅芋頭，入面仲係好粉糯🐰綠豆清心丸 $48✨又係潮州菜嘅重點，呢度嘅

以前大學嘅時候好鍾意一大班人一齊食潮州打冷🤪可以叫勁多小菜大家一齊食😋呢晚提早幫👦🏻慶生，同屋企人一齊食呢間人氣潮州打冷店🤩呢間野成日都聽到佢個名，但一直都未試過😬舖面唔算大，星期六晚去都好full！大家嚟食建議book位呀🥺🌟潮式凍蟹🦀 $550/$500 (3.56/5)我哋叫咗兩隻凍蟹😋兩隻都算大隻，仲要好多膏😍廚房會幫我哋將蟹斬件，每件都好多蟹肉💖蟹肉同蟹膏都好鮮甜🥰最正係打開中間嘅蟹殼發現超級多膏！💛正到傻呀🥰🌟滷水拼盤 $138 (4/5)拼盤大大碟，有好多款唔同嘅滷味💖生腸、紅腸、大腸、魷魚、雞蛋…❤️我最鍾意係滷豆腐💖🤩大大舊，仲要吸哂啲滷汁，超好味😋😋🌟潮州蠔餅 $93 (4/5)其實不嬲識我嘅都知我唔食蠔😳但呢個蠔餅連我都覺得好食！首先佢炸得金黃色超級脆，入面嘅蠔大大粒超足料💛而且啲蠔完全冇腥味！點埋自家醬汁覺得好好味🤤🌟脆盞拔絲咕嚕肉 $108 (4/5)脆盞拔絲嘅意思係咕嚕肉下面有一層炸得香脆嘅網，兜住啲咕嚕肉，令到擺盤好似好靚咁🤣但質素的確唔差！出面食嘅咕嚕肉成日都勁細舊，仲要炸皮又厚，骨又多，冇乜肉咁🫤但呢間嘅咕嚕肉份量好多，而且每件都大大舊啖啖肉😍食得好開心

經過幾次這間地鋪都無幫襯過，今日終於有機會試下喇，排隊只需要等幾張枱。店內裝潢似大排檔而且夠哂光猛。韭菜豬紅用沙嗲醬調理的醬汁，味道好特別，豬紅同韭菜都非常入味，同埋份量都算大碗！蠔仔粥柴魚湯底就係頂呱呱！潮式蠔仔粥呢個就係靈魂，淨係飲個粥底已經夠哂鮮，加上蠔仔又多又大隻，每一啖都係鮮味，呢個十分推薦！滷水拼盤墨魚片、豬耳、豬頭肉。絕對合格嘅打冷拼盤。呢樣基本上都係打冷嘅指定動作，十分之多嘅配菜墊底，好飽肚滷水鵝片入哂味！但鵝肉又唔老，肥瘦適中，以味道份量比嚟講，算係抵食嘅三杯雞煲好耐無食，所以叫一叫嚟食下。煲仔上夠哂熱，一上檯個香氣已經制霸左

如果想食打冷，陳儀興都係一個信心嘅選擇，新蒲崗老店都幫襯咗好多年，知道將軍澳開咗新店，梗係過嚟試吓。當行入一間裝修雅緻咁新淨嘅舖頭時，雖然佢個招牌係寫住陳儀興，但內心不免都會有一絲懷疑，但當我將個韭菜豬紅放入口嘅時候，我就知道呢一間同老店係無分別，依然食到老店嘅水準同埋味道。#鹵水鵝粉肝 $178除咗法國嘅鵝肝出名，潮州其實都有一味鹵水鵝肝，鵝肝吸足鹵水汁，口感柔嫩，甘香鮮味，入口即化。#鹵水拼盤 $138比出面打冷大碟，有墨魚片、腩肉、大腸、紅腸、生腸、豬耳、豬頭肉、鹵蛋及豆腐墊底。每間店嘅鹵水汁都唔同味，有啲偏甜或有啲重鹹，呢度鹵水汁係屬於鹹香濃郁，全部鹵得入味，而且能保留食物原本嘅味道，沾上潮州辣椒油加蒜蓉白醋一流。#潮州蠔餅 $93新鮮炸起兩大塊，上枱時熱辣辣，炸得酥脆但唔油膩，唔會話一咬落去就標晒油出嚟，外脆內軟，一定要用鴨蛋先可以炸到呢個效果，蠔仔飽滿足料，充滿蛋香，加埋蔥粒，沾埋魚露更惹味。#韭菜豬紅 $70食打冷必點韭菜豬紅，醬汁味濃複雜，用咗唔同調味料去熬製，豬紅處理得好好無腥味，吸晒醬汁好入味，韭菜好嫩無渣，份量都幾大碗，不過豬紅就鹹咗啲，應該送潮州粥食味道就剛剛好

自從搬左黎將軍澳區之後就好少食打冷 無乜聽過邊間好食 通常都係出去區外食新蒲崗間陳儀興不嬲都出名 不過就未食過見佢將軍澳分店開左就黎幫襯下星期五夜晚7pm黎到都幾full 不過我地兩個人食好彩無預約都攝到有位我地叫左生醃蟹、蠔仔粥、黃油烏頭原本想叫瀨尿蝦 不過原來要提早預訂食物潮式生醃膏蟹  時價:$538侍應話隻蟹重十至十二兩 果然真係好大份 蟹蓋好多軟膏 隻蟹啖啖肉 好正不過分量太多我地兩個人勉強先食曬 蠔仔粥  $72蠔仔粥好多蠔仔 粒粒都好飽滿 好鮮味粥入面仲有冬菜方魚凍食元朗黃油烏頭  時價:$188烏頭同平時一樣都唔係好重魚味 有少少黃色油 要點普寧豆醬吊味特別既係條魚有標誌識別來自本地元朗魚場今次真係喜出望外 雖然價錢貴左些少 但所有野都好食!有機會一定會再返黎encore!

如果鍾意食潮州嘢嘅一定會聽過陳儀興，以前佢喺土瓜灣，之後開咗分店喺將軍澳，咁近自己梗係要來試吓嗌咗個招牌滷水拼盤，蠔餅佢個滷水拼盤拼左墨魚生腸，冇乜特別，都係正正常常嘅滷水拼盤，冇乜味但唔會話太韌咬唔到蠔餅就有啲驚喜，香脆，啲蠔好多好新鮮豉汁炒蜆，都幾多幾大隻，豉汁味好香滷水鵝冇乜特別有少少鞋，冇乜味另外仲有好多特色嘢，但係因為太少人所以食唔到，希望下次再嚟嘅時候可以試到更加多嘅嘢見到隔籬枱有魚都好似好好食咁