隨變火鍋

营业中

休息中

上次經過這幢大廈已經見到這一間火鍋店，感覺好多選擇，而且同出邊有些不同，他們可以先吃乾鍋再喜歡的湯底打邊爐。好特別。今晚同同事叫了喜歡的魚魚，先吃乾鍋！再再要先酸菜湯底，用嚟打邊爐。乾鍋龍躉背翅388這個非常有驚喜，因為這個龍躉外面炸了，都非常之考功夫。然後食落啖啖肉，肉汁非常之白色代表非常新鮮而且份量也不少裏面最少有六至八件。相裏面配以薑蔥蔥頭一起煮味道非常入味。酸菜湯底：我哋兩個都唔太吃得辣，但係又應該要有少少辣才好味，所以叫了微辣。而今次打邊爐的食材選擇了。四寶餃包括有雲吞，水餃，菜肉餃等等….另外亦有𧐢，大大隻，而且非常新鮮！啖啖肉肥嘟嘟。另外就少不了就是那個羊肉，羊肉望上去色澤非常之鮮美，食落口同買相一樣，滋味十足。

🐾隨變火鍋🐈諗住捉緊冬天的尾巴，趁天氣仲係涼涼哋去打邊爐~餐廳裝修新穎，雖然係打邊爐，但係完全冇咩油煙感覺，行高檔路線坐得舒服😉醬汁配料除咗一般配料之外仲有比較少見的沙茶醬及花生醬~🐈覺得幾特別✨麻辣湯底小辣淨係湯底都已經好多選擇，而且有雞煲蟹煲等等令人眼花撩亂每樣都想試~不過因為今次🐈想主攻打邊爐，所以淨係叫咗個麻辣湯底😆湯底有蔥，洋蔥，辣椒等等非常足料，辣得來唔會攻喉，係令人食得舒服回味的辣~✨新鮮滑牛紅肉脂肪均勻，一碟份量都頗多，嫩滑食感吸收咗辣汁之後更帶出牛香味，正！✨黑豚肉大大塊口感豐富~色澤漂亮非常新鮮，而且唔會嚡口~好食✨四色餃子拼盤餐廳餃子同埋丸類選擇頗多，所以叫個拼盤就最方便~四款都皮薄餡靚，十分足料，🐈認為魚皮餃尤為出色✨稻庭烏冬正常發揮~彈牙可口😆果然打邊爐都係要食烏冬✨娃娃菜每顆都幾大顆，索咗辣汁之後特別入味~口感香脆Overall體驗: 我覺得尤其出色的是服務態度非常優質~服務員會時刻留意每台客人需要並會主動詢問是否需要加湯~而且最後仲有奉上兩個雪糕糯米糍俾我哋解辣十分貼心💓

好多時出名麻辣火鍋或者乾鍋嘅餐廳，我都會懷疑咁重調味，用料可能一般。 今晚嚟到台台都食麻辣，我任性地叫咗清淡嘅雜菌湯底試試。美國安格斯肥牛 ($338)真係新鮮切出嚟，作為打邊爐常客，稍為薄少少或者唔夠味嘅牛已經滿足唔到我，呢度肥牛甘香軟腍有一定厚度，完全滿足到我心目中靚牛嘅要求，份量夠兩個人分，物有所值。西班牙黑豚肉 ($138)比平時食到嘅豬梅肉更加多油花，淥耐啲都仲係咁柔軟，同肥牛嘅滿足度不相伯仲。鮮魷魚 ($88)新鮮就基本，估唔到嘅係好大隻厚肉，睇個橫切面真係接近1cm咁厚，鮮甜彈牙。四寶餃拼盤 ($68)有齊雲吞王、韮菜餃、芹菜木耳餃同魚皮餃，足料似自家製。 尤其鍾意雲吞王大大隻蝦，好似雲吞鋪食到嘅質素，另外魚皮餃我平時麻麻地，但呢度新鮮彈牙，比坊間好食好多。即炸響鈴 ($58)非常鬆化，我鍾意佢夠曬乾爽唔油膩，唔會影響到湯底味道，索晒湯汁又保持到酥脆透薄。白蘿蔔片 ($38)本來預期係普通切開一塊塊，估唔到好似紙咁薄，好處係好快熟同入味，蘿蔔味都幾突出。

餐廳位置燈籠街既新地標V POINT 23樓，鋪頭外圍用左落地玻璃，可以居高臨下咁睇到夜景。鋪面面積大，座位分隔得開坐得舒服，而且有提供包廂比一大班朋友聚會或鍾意私隱既朋友。餐廳主打火鍋雞煲，同時亦有供應串燒及其他餐前小菜，當日就嗌左個雜菌花蛤煲同其他小小火鍋配料。雜菌花蛤煲($288): 湯底帶辣，辣味香而不麻，加入雜菌及花蛤煮成，飲到海鮮同菌類既甜味，食到後段開始有小小辣。花蛤份量幾多，無沙，不過當中有幾隻肉質比較細粒，整體幾香口惹味。即炸響鈴卷($58): 上菜時唔熱，但質地鬆脆，配上湯食索哂D辣味及鮮味好正，打邊爐無得輸。黑松露蝦丸($68/4粒): 手打蝦丸大大粒，食落黑松露味好出，食到粒粒蝦肉，調味適中唔會過咸。隨變粉($28):　食落似粗版賴粉，入口爽滑帶小小煙韌，建議煮耐小小可以索到湯汁食落更惹味。整體味道幾好，而且打邊爐仲可以食到串燒，加上環境好坐得幾舒服，而且店員服務好周到，會主動介紹食物又會主動加水、換碟。

喺銅鑼灣扮完靚，染咗頭髮喺附近搵食😊後面開咗個v point 新商場👍大廈比較高，所以而且近海邊，所以部份嘅餐廳可以望到海景同埋馬場！景觀一流！所以今次特登試吓高級雞煲食雞煲之餘，同時可以食埋個靚景🤣雞煲都有唔同選擇，我哋揀咗麻辣湯雞煲～配菜有紫洋蔥比較濃味，西芹，芫荽調一調味～比較香口配菜方而面嗌咗冬瓜片，可以清清熱👍👍潮州魚蛋魚 魚味濃郁又彈牙新鮮滑牛新鮮，牛肉質地比較滑又不失牛味響鈴比較脆身，浸2秒就食得🤤埋單仲附送有香港好出名嘅雪糕糯米糍，為美味晚餐畫上圓滿句號😁

今日約了朋友到銅鑼灣食飯，去到餐廳時不需要等位就可以入座。我們叫了花甲雜菌煲，兩串燒烤燒鳝和牛舌心，之後再點了一些火鍋料，安格斯肥牛、牛筋丸、蔥爆漿貢丸、随變粉、蟹柳和娃娃菜。首先上的是花甲雜菌煲，花甲的鮮甜與雜菌的香味完美地融合在一起，煲裡的湯汁鮮美可口，讓人一口接一口。在串燒方面，燒鳝的肉質鮮嫩，燒烤後的表皮有著微焦的口感，口感豐富和濃郁鱔香味。牛舌心則是軟嫩多汁，吃起來有著微微的彈性，非常適合作為串燒食材。火鍋料方面，安格斯肥牛和牛筋丸的質量都很好，肉質鮮嫩，牛筋丸的口感也很棒。蔥爆漿貢丸和娃娃菜，蔥爆漿貢丸的內餡鮮美多汁，娃娃菜清爽爽口而且清甜。值得一提的是，随變粉口感有點像薯粉又有點像烏冬。蟹柳的鮮味也十分突出，是火鍋中不可錯過的一道海鮮食材。總的來說，這家火鍋加串燒餐廳提供的食材質量和味道都很不錯，可以滿足各種口味的需求，又可以吃串燒和火鍋。

當日我們2人去到銅鑼灣食飯餐廳剛好有個窗邊的2人位兩邊的玻璃窗可以看到美麗的風景真美呀！💟雞煲的調料很正宗 夠香辣！串燒、炸物也很好吃😋下次要再來試其他的火鍋、乾鍋🔸麻辣湯雞煲（$288）🔸羊肉串（$28）🔸燒韭菜（$28）🔸芝士年糕（$28）🔸雲吞王（$38）🔸韭菜餃（$38）🔸韭菜芝麻餅（$58）🔸椒鹽豆腐（$58）🔸隨變粉（$28）🔸青島（$22）王老吉（$20）🔹用餐位費（$40/位）🔹加一服務費雞煲的雞很滑、很嫩！湯汁充滿香料味，香麻濃郁，也夠辣，雞愈煮愈入味。雲吞王用了大隻鮮蝦，韭菜餃有很香濃的韭菜香，2款都好吃😋。韭菜芝麻餅一定要試！很脆、很有芝麻香，中間是韭菜和肉餡。椒鹽豆腐外脆內嫩，調味比較清淡。.串燒做優惠，order第二串半價，羊肉串燒得香噴噴，是現烤的！點了中辣很惹味。最後加個隨變粉，像是薯粉+老鼠粉的質地，吸收了滿滿雞煲的湯汁，好過癮。

和朋友在銅鑼灣做完gym，晚餐想吃多點疏菜和蛋白質，火鍋可謂上佳選擇。一於到登龍街V Point 的隨變火鍋開餐，邊吃飯邊欣賞優美海景。裝修簇新，以木為主的裝潢感覺時尚而溫暖。座位寬敞舒適，枱面同樣寬敞，有足夠空間擺放多樣食材👍👍火鍋湯底點了酸菜豬肚雞煲，愛其鮮味香濃之餘，更可啖啖鮮雞精華，滋補一返。雞肉鮮嫩，雞有雞味，感覺不是雪藏的。鱸魚片，新鮮嫩滑，沒有其他淡水魚的泥腥味，在湯鍋裏拖一拖即可，火鍋的好食材！即炸響鈴卷，因為是即炸的，鬆脆之餘香味滿滿；湯鍋中滾幾秒，即吸滿湯汁，味道比合裝的真是好太多了，不容錯過。午餐肉，打邊爐必點的心儀配料，雖然邪惡，卻是小妹大愛。要是炸過就更理想！手工韮菜餃，韮菜的獨特香味，配合鮮甜肉餡，美味極了。不多火鍋店有冰菜提供，當然要點一客！灼熟的冰菜不失其嫩滑口感，味道清新鮮甜，打邊爐的蔬菜好選擇。出前一丁，又一邪惡又美味之選。鍋底配料滿滿的桌面，感覺豐盛滿足。結賬後隨即送上甜品，黑芝麻雪米糍。經過一輪火鍋後，來件凍甜品作結，甚是完滿 😋😋

天氣開始回暖，仍然好想打邊爐😆 最近留意到有間火鍋店食物幾多元化，有多款雞煲底揀，而且價錢唔貴，一於約朋友試試先！餐廳地點方便，位於銅鑼灣商廈V point 23樓，落地玻璃窗可以望到維港同高樓大廈景色。用餐環境闊落，乾淨整潔，坐窗口卡位仲可以欣賞景色😍 湯底選擇千變萬化，除左基本雞煲湯底之外，仲多款招牌乾鍋選擇，附送一個精選湯底for打邊爐，真正「隨變火鍋」🥹 餐廳仲提供多款火鍋配料﹑精選小食﹑涼拌小菜﹑風味串燒，唔只打邊爐咁簡單~ 午市價錢更親民，一人火鍋唔洗$100就食到，下次可以再黎試下！♢ 🐓酸湯豬肚雞煲(半隻) $238今日唔想食辣，所以試個清淡少少既雞煲先~ 半隻雞份量都幾多，雞皮滑溜，肉質嫩滑。而豬肚脆嫩爽口，而且無怪味，食得好安心~ 湯底酸辣過癮，唔食辣都覺得OK，香口惹味。食完雞煲仲可以加配料打邊爐，索滿湯汁精華真係好正🤤♢ 🐖西班牙黑豚肉 $138黑豚肉呈粉紅色，一睇就知係靚野😍 黑豚肉肥瘦適中，紋路美觀，輕輕碌下已經食得~ 口感細嫩而唔油膩。♢ 💫招牌手打蟹籽墨魚滑 $98呢個真心好食，推介必點❗️大量蟹籽非常澎湃，見到都想食~ 店員主動過黎幫我地將蟹籽同墨魚滑撈

之前聽朋友介紹 隨變火鍋嘅火鍋，同串燒都好出色今次特登約埋朋友一齊嚟試吓餐廳位置好闊落，而且有落地大玻璃，環境優美餐廳主打雞煲燒烤同埋乾鍋系列首先，我哋叫咗一個乾鍋醬汁雞醬汁雞嘅份量都幾多，而且所有雞肉都被醬汁包裹住，10分惹味而乾鍋醬汁雞嘅配菜，亦都好出色有花椰菜，椰菜，同埋年糕年糕煙煙韌韌，加上少少焦香感，真係食到停唔到口串燒第二件半價，我哋即刻叫咗兩份燒白鱔燒白鱔10分厚身，外皮燒得好香脆，但仍然鎖有肉汁，啖啖肉好滿足❤️因為選購左乾鍋一份，就可以一份湯底我哋就揀咗酸菜湯底酸菜湯底好足料我哋叫咗冬瓜片，秀珍菇，同埋四寶丸拼盤四寶丸裏面嘅黑松露蝦丸同牛筋丸都好出色蝦丸黑松露味十分濃郁而牛筋丸，亦都做到爆汁嘅效果總括而言，餐廳食物種類多元化適合朋友聚會，一齊嚟試吓

同事推介一間位於銅鑼灣登龍街的火鍋店“隨變火鍋”，不但食物質素好，價錢合理，而且店外景觀好靚😍。今日行街經過V Point，我和老婆當然要去試下🥰。店舖裝潢簡約乾淨，座位空間闊落，尤其近窗的梳化位置，可以看到窗外的街景😍，因為是落地玻璃🪟，所以整個夜景盡收眼底🌃。隨變麻辣雞煲 (小辣) $208雞肉🐓新鮮嫩滑，有肉香味，配料有青椒🫑、洋蔥🧅、乾蔥，湯底辣🌶中帶麻，所以越食越香，這個雞煲十分好食😋。美國安格斯肥牛 (小) $218肥牛🐂有牛肉味及油脂香味，用麻辣灼過後肉質依然軟腍😋。黑松露蝦丸 $68一碟有四粒，上枱時已有陣陣的黑松露香味🤤。蝦丸🦐質感軟中帶彈，一口咬下整個口腔都充滿黑松露🍄香味。雲吞皇 $38一碟有四粒，每粒雲吞都非常飽滿，蝦肉🦐餡料新鮮爽彈，鮮甜有蝦味😋。燒牛舌心 $68👅燒得剛剛好，外層焦香，內裏依然軟嫩，充滿肉汁及油香，十分好食😋。燒吊片 $38吊片🦑得乾身香口，充滿魷魚香味😋。總括而言，食材新鮮質素好，價錢合理，環境非常舒適乾淨，窗口位置更加可以俯瞰銅鑼灣，正所謂景靚🌃、料靚😋、心情靚❤️，再加上店員服務細心勤快，非常值得一試再試🥰。

今日收工，相約喺銅鑼灣返工嘅朋友一齊食飯，朋友話近排凍返啲不如打邊爐🍲，上網見到呢間火鍋店環境裝修非常新穎，坐窗口位仲可以望到維港景色，決定一於過嚟試吓✨ 酸燙豬肚雞煲（半隻）$238唔想食咁辣，所以唔想食咁辣，所以酸燙豬肚雞煲係最好嘅選擇，我哋叫咗微辣，湯底酸菜味好重，就算當湯飲都唔會好重味精，湯底仲有大量豬肚，蒜頭，豬肚炆到好淋好入味，主角當然係個雞啦，雞肉嫩滑，唔會有雪藏味，就算滾耐左，雞肉依然咁嫩滑✨新鮮滑牛$118整得滑牛，當然要對牛肉質素好有信心先敢整，牛肉經過醃製，非常嫩滑，比起美國肥牛，鮮牛肉更值得一試✨四色餃子拼盤$68分別有魚皮餃，雲吞，韭菜餃，芹菜木耳餃，全部餐廳新鮮手包，非常足料，韭菜好香，雲吞最矜貴，裏面嘅蝦肉大大粒，爽口彈牙，芹菜餃好特別，木耳好爽脆✨脆晥腩片$78脆肉鯇有分厚切同埋薄片，肉質結實，清爽，脆口，腩片嘅部位油脂感突出，係最好食嘅部份，一啲魚嘅草腥味都冇✨隨變粉$28質感有啲似烏冬加薯粉，滑身又好煙韌，吸收晒湯底嘅味道，一流

二月頭到隨變火鍋係慶祝同事升職，覺得好食，環境又舒服，食物種類多，除了火鍋，還有串燒、小食等。印象最深刻是象拔蚌刺身，好鮮甜。今次再帶男友一齊食，因為得兩個人，所以今次主打火鍋！這裡有多款招牌乾鍋、海鮮鍋和雞煲，可以食完再加湯變火鍋！還有一些比較特別的火鍋湯底，例如花膠雞煲、花甲雜菌煲、酸菜魚煲等。所有煲都可以先飲湯暖暖胃再打邊爐！此外，餐廳有多種醬料和調味，讓顧客可以按照自己的口味來調配火鍋醬汁。酸菜湯底 $138我們最後選擇了酸菜湯底，辣度選擇了微辣！湯底味道酸辣可口，先飲了一碗，好開胃。美國安格斯肥牛(小） $218安格斯肥牛色澤鮮艷，肉質鮮嫩，牛味濃，口感嫩滑，兩個人食份量都幾足夠。美國白毛豬$118白毛豬片相對黑毛豬較瘦，肉質比較緊實，雖然少了油香，但是肉味較濃，適合喜歡少脂肪的人。招牌手打芝士墨魚丸 $68這裏的芝士墨魚丸是這家餐廳招牌菜之一，所以試下。墨魚肉十分爽口彈牙，入面包著芝士，一咬落去芝士爆出黎，口感一流，不過要小心燙親。不可錯過手工雲吞皇& 手工韭菜餃 $38/款雲吞皇好大粒，皮薄餡靚，入面成粒蝦，咬落啖啖肉，十分爽口。韭菜餃的韭菜和豬肉比例好，多菜少肉。棍打牛

開係燈籠街夠哂方便嘅雞煲火鍋，上到去仲發現有大玻璃望住銅鑼灣個景，夠哂開揚，食個日仲見到仲有人包房，同朋友gathering約呢度都夠哂私隱。隨變麻辣雞煲麻辣雞煲一共有兩款，店員介紹另一個饞咀麻辣會更加辣同多藥材，湯底較濃稠，比較接近四川嘅口味。所以我哋最後揀咗比較啱香港人口味嘅隨變麻辣雞煲。第一次嚟揀咗微辣，一開始唔算好辣，但係煲得來越食越有後勁，香麻令人上癮。羊肉串(2串）去到咁岩有買一送一嘅優惠，好抵食，有好濃嘅孜然味，好有東北羊肉串嘅味道。椒鹽豆腐比想像中好大份嘅椒鹽豆腐，外層煎得好香脆，而入面嘅豆腐仲好水潤好滑，$58真係好抵食。羊卷肉擺盤有一百分，羊卷肉望落幾新鮮，唔係雪左好耐深紅色嘅急凍肉，食落唔算太重羊羶味。雲吞皇入面有原隻蝦肉，食落去啖啖肉，因為好大粒又足料，記住要淥耐少少先食，煮熟哂先食。隨變粉見個名好得意就試下，以為好粗要煮好耐，但本身好稔淥一陣已經食得。

如果想吃一些較高級的火鍋，今次我們推介位於銅鑼灣的隨變火鍋。這間餐廳位於銅鑼灣中心地帶，餐廳的裝修非常有格調，座位也很舒適，而且部份座位能夠看到維港海景。我們點了干鍋醬汁蠔煲附送酸菜湯底、黑松露蝦丸、紅薯粉、娃娃菜、涼拌海帶和隨變花甲。干鍋醬汁蠔煲，這是我第一次吃這個菜式，餐廳特製的醬汁配上金蠔，非常美味可口！就連蠔煲內的配菜例如洋蔥乾蔥等也很下飯。另外餐廳的給的份量很足夠，有差不多10隻蠔，每粒都大大隻脹卜卜，非常推介大家來試試！另外餐廳送的酸菜湯，可以用來打邊爐，酸菜湯底酸味和辣度都很適中，很適合香港人口味。我們點了黑松露蝦丸，黑松露味非常濃烈，但也不會遮蓋蝦的鮮味。另外這個蝦丸非常爽口彈牙，十分好吃。另外還點了紅薯粉，紅薯粉在酸菜湯裏煮熟後，吸滿了酸菜湯的味道，而且薯粉煙煙韌韌的，無論是在味道或口感上都非常出色。另外還點了一些新鮮的娃娃菜，同樣的娃娃菜經過酸菜湯泡煮後，非常爽脆也很入味，是吃酸菜湯不可或缺的菜式。另外我們也點了涼拌海帶，餐廳調配的涼拌醬汁非常開胃，酸酸辣辣。而且海帶也很新鮮。作為前菜或開胃菜也很不錯。最後是隨變花甲，想所有花甲都已經開邊，煮熟後再用餐廳特別炮製的涼