雋太日本料理 (已結業)

四圍媾女媾得多都悶 今日返璞歸真 同正牌女友去食午市放題 午市放題唔係好多地方有食放題一定狂食壽司、刺身 刺身都唔錯 又新鮮又冇雪味 不過當日身體唔係太好 仲有少少發燒 所以唔夠膽食太多生野壽司就幾好食 啲飯唔硬又唔痴牙 最好味就係火炙壽司 啲魚肉炙燒過之後好鮮甜 配埋壽司飯好好食海膽花之戀 真係一口一舊 三文魚又夠肥美 嚿飯又唔太大嚿 好鬼正 真係我嘅至愛芝麻八爪魚 味道甜甜地好開胃 八爪魚唔太硬又冇乜雪氣 好好食 焗蠔 又係我另一心頭好 蠔肉夠大 芝士味道又濃又香 食多幾隻都唔夠炸物 唔算太標青 亦都唔太差 不過炸雞都算幾嫩滑 不過多咗啲油麵豉湯都幾好飲餃子雞亦 脆卜卜 新鮮熱辣 我一個人食四隻當然唔少得食雪糕 有 Movenpick 同 雀巢識揀一定係揀雀巢雪糕！ 食開有感情！

唸住屋企人生日去食，真係差得好緊要，絕冇下次，推出任食生蠔要係facebk tag但係係送比你食個盤都已經夠差，真係唔使叫刺身各樣都唔得，衰過日本餐廳,唯一可以食是黑松露海膽三文魚，其他都差，送既海鮮鍋既海鮮好多沙，真心比人食就唔好咁差

與女兒的男朋友吃放題聚餐, 他喜歡這間是因為那些包裝哇沙比比較好吃, 看見他一件壽司吃一包哇沙比, 呵呵真趣怪。飲品自助, 款式多。加錢升級, 價錢有低至$28的阿根廷赤海蝦(任吃), 日本廣島生蠔$38(任吃),日本松葉蟹腳$58(任吃),不過留意升級便要全檯一起升級。韓式蒸海鮮 ... 現在只要是一檯四位, 兼且於訂位時提出要韓式蒸海鮮, 雋太才會送出...這三層包括有頂層的帶子、中層的鮮蝦、象拔蚌、三文魚、底層的排骨蕃薯粥, 侍應生說因為海產是即日購買所以一定要訂位時講明。蒸好後要襯熱吃。日本廣島生蠔已被清洗得乾淨, 體型大, 入口無沙, 肉質鮮甜, 可以點多兩三轉。阿根廷赤海蝦有手掌般長, 色澤橙紅, 除殼後吃是肉質帶膠兼爽滑, 味道鮮甜, 又可以點多兩三轉。回歸吃基本刺身, 北海道帶子、油甘魚、甜蝦、象拔蚌等都沒有雪味, 切出來的刺身厚薄適中。壽司飯是頗為黏口, 幸好做出來的壽司是沒有太大件, 照片是黑松露海膽花之卷, 黑松露的香味籠罩口腔。哇沙比為甚麼會這般好味, 可以令一個男孩子用壽司來送, 是 ... 是哇沙比做主, 壽司為次, 原來轉用了 S&B牌, 寫明是Produ

一行四人到南生圍遊玩後便提議食放題，於是到了此日本料理。放題食材豐富，L選了最愛的燒菠蘿同埋煮青口。仲有Movenpick士多啤梨雪糕食！燒物都唔錯生蠔很肥美同新鮮，海水味足。

諗住上嚟望下食評先去試，見到成百個好評諗住冇死啦，點知試完先知中伏忍唔住要開返個ac嚟寫食評首先，門口劃位店員態度不友善。我冇book枱臨時興起，咁去到book枱入先，好正常。但係book枱嘅入晒後，開始叫冇book枱嘅時候塊面黑晒，把聲又悔氣，完全理解唔到。跟住入去叫嘢食，見到佢有個新出嘅黑松露海膽花之戀，咁叫咗2舊諗住試下先，點知一來到，個樣同普通花之戀係冇分別，咁以為佢收埋啲料咁鬼馬，點知1咬落去，真係普通花之戀嚟喎😂😂😂😂咁同個店員講啦，佢話廚房整漏咗啲料上去喎，但係重點係點菜紙上面係冇普通花之戀喎😑😑😑😑再嚟，我唔係好明點解佢啲飲品有果肉點解唔預備粗飲管？飲2啖就俾啲果肉塞住條飲管嗰種感覺真係冇得頂跟住店員攞碟壽司嚟，賣相係唔錯嘅，但係一入口，點解係熱嘅？😑都算喇，可能係火炙所以熱啦，咁但係點解啲飯唔熟嘅，咬落去一粒粒硬㗎成餐唯一最好食嘅竟然係牛油粟米😂相冇乜點影，因為已經冇晒moodp.s 我開始對開飯嘅正評有所保留😑

同朋友行完街去左呢間餐廳食放題。宵夜時段，10點左右，198/1位。首先要講下佢d服務員，態度好差，叫極都唔應，好似睇你唔到咁。然後係刺身，賣相都可以既，但係味道真係麻麻地，食落好似擺左好耐，唔新鮮（特別係甜蝦），唔知係咪宵夜時段既關係。仲有就係燒蠔，我睇到人地d食評話燒蠔好正，我地點左3隻，黎到既時候賣相真係唔錯，食落口都覺得好香芝士味，但係食極都食唔到隻蠔，咁我地就撩開1隻d芝士望下，點知發現原來隻蠔既size仲細過我隻手指公，好似蠔屎咁，失望到連相都唔想影。另外小食都一樣，擺到連d汁都乾晒，見到都唔係太想食。呢間放題連宵夜時段都收198/1位，但係d質素就完全唔值，唔會再幫襯！見到咁多好評諗住試下，點知令我咁失望，都唔知d食評係咪假既，定還是我既好食標準同人地唔一樣？

難得放假 , 岩岩好夾到時間可以同朋友聚一聚 ,咁耐冇見 , 大家實好多野傾 , 咁就要搵間可以食耐 D ,又多野食既地方 , 咁就去左食日本放題啦 !雋太日本料理 Shun Ta Japanese Restaurant位於 :元朗西裕街達輝徑1號足彬大廈1號地舖唔同時段有唔同收費 , 而且款式都幾多下 ,我地就揀左午市放題 , 12 - 3pm , 3 小時 .環境都幾寬闊 , 加上一開門 , 我地就入去 ,時間稍早 , 唔太多人 , 岩晒我地慢慢食 , 慢慢傾 !坐低就梗係第一時間晝紙點野食啦 ,有刺生 , 壽司 , 手卷 , 申燒 , 鐵板等等 .再睇多陣 , 原來仲有upgrade 放題 ,有生蠔 , 松葉蟹腳同阿根廷赤海蝦食 ,真係好吸引丫 !前菜當然唔少得墨魚仔 , 螺肉 , 沙律啦 ,開定胃等一陣食多D 先 !之後就到鐵板燒 , 樣樣都熱辣辣上枱 ,有炒姑類 , 什菜 , 牛柳粒同白酒蜆等 ,味道岩岩好, 而且炒得仲好入味添 !終於到至愛既刺生啦 ,刺身有 10 多款選擇 , 全部新鮮即切 ,有三文魚 , 帶子 , 甜蝦 , 八爪魚 , 象拔蚌等等 ,刺生入口夠新鮮同鮮甜

其實小弟真係好鐘意食放題，貪佢多選擇，仲要任食！呢日機原巧合黎到元朗，梗係要食埋飯先走啦。老實講，平時真係冇乜幾何黎，不過都聽聞呢區多野食，仲要好多日本餐廳都平靚正。不過朋友住呢區，所以book左屋企附近呢間。一坐底已經俾佢既upgrade 放題吸引住。放題都有生蠔，松葉蟹腳同阿根廷赤海蝦食？！我地只upgrade 左食生蠔同蟹腳，都要留肚食其他野架~~生蠔每人每次只可叫三隻，食完可再叫。中等size,海水味唔算好重，肉地夠厚身，都算ok。我地食左勁多round! 蟹腳有小驚喜，多肉，有鮮味，我地每次叫一客，食完再叫，keep住唔會攤到變暖丫麻。4個人送左個蒸海鮮鍋，扇貝好大粒，蒸完都有成隻湯匙咁大！重點係真係好鮮美！我地連d汁都全部飲晒！唔好浪費。蒸三文魚就不過不失，不過個人就喜愛三文魚就咁刺身食。蒸大蝦，肉身夠爽，不過如果蒸海鮮黎計，小弟都係喜歡貝殼類海產。就好似呢個大蜆，其實海鮮夠新鮮就一定好食，我地當然唔會放過d精華啦XD 粥底仲有兩大舊豬肋骨去煲，唔怪得咁夠味啦。雖然生蠔同蟹腳已經食左好多，但放題點少得刺身，三文魚肉眼睇已經好肥美！油金魚同劍魚腩同樣鮮味，d魚油充滿成個口腔！

早前入左元朗參觀朋友新居，之後就一齊食 DINNER。一早BOOK 左食呢間 - 雋太日本料理放題，所以事先大家都留定肚=]我地 BOOK 左 6:15 PM 時段，每位 $228 +10%。先黎刺身，每樣都切到細細件，可能餐廳驚我地浪費 ><不過刺身黎講，都算新鮮，最中意帶子、三文魚！ 　 之後就黎芝士燒蠔，d 芝士好流，不過掩蓋唔到蠔既鮮甜！　 雋太有多款壽司：芥辣八爪魚、螺肉、鰻魚、海膽黑松露花之戀 =]朋友超中意食海膽，所以係咁 encore 個海膽黑松露花之戀！蝦肉天婦羅炸得好脆口，係有d 熱氣，不過最梗要食得開心！　 　 之後就黎我最愛既串燒， 全部都燒得剛好，調味唔會過咸 / 淡味 。 　 另外，呢度最特別係有個韓式蒸多層活海鮮鍋！一共有 3 層，有帶子、蜆、蝦、南瓜、豬骨湯！最正係個豬骨湯，超濃味，而且都筆到滿滿既 4 碗，份量岩岩好 =] 　 　最後仲有MOVENPICK 雪糕食TIM =]不過每人只限一杯，要多都冇 ! 　　

我最愛食日式放題，因食物選擇多，而且任點任食感覺特別Happy。早前同朋友到元朗的雋太食放題，刺身、壽司用心製作，款式選擇亦多，價錢合理，最重要係上菜速度快，而且零漏單，一個字爽!!我地5:45pm到達，排了大約15分鐘隊就能準時入場。枱上放好了落單紙，由刺身、壽司、軍艦、手卷、串燒、小食、炸物、鐵板燒、甜品等，冷熱食物俱備，而且種類繁多，任叫任飲，另外這裡還有優惠價$28加生蠔任食放題。食日式放題當然係要食新鮮厚切刺身、三文魚、吞拿魚、北海道帶子、甜蝦、八爪魚、象拔蚌等等。所有既刺身都非常新鮮，冇雪藏味。特別推介北海道帶子及象拔蚌刺身。帶子肉厚圓潤，象拔蚌口感爽脆鮮甜。串燒烤物種類都算多，汁燒翠肉瓜燒得微脆軟身非常惹味。黃金燒生蠔有濃濃既芝士香味，外脆內滑，好好食。海鹽燒海蝦的蝦肉燒得香口，肉質爽口彈牙。七味烤雞翼的雞翼皮燒烤得非常香脆，雞肉都好滑。海蝦天婦羅，將鮮甜爽口的原隻海蝦炸得鬆脆，完全冇令人有油膩既感覺。我地仲加錢點了韓式多層活海鮮鍋。第一層既清蒸元貝平時都有食，但佢依隻好林好鮮甜唔會咬極都咬唔開，連埋啲汁食更鮮味。第二層既海蝦都大隻，而且好新鮮，啲肉唔會梅梅地既，肉質係爽

想左成個星期食放題，終於今日行完街捉到男朋友陪我食198一位再加1 呢個價係21:40分後入座，好似有d貴，不過睇睇點餐紙，都幾多野食揀，仲要有m字頭的雪糕，都算值回票價啦刺身方面都有十多款，都夠新鮮，但就比較出面食既細件再黎就係天婦羅啦，我地叫左三款，蝦同南瓜同茄子，蝦就一般般，南瓜好甜，茄子係壤左肉既，蝦同南瓜既脆醬都唔太厚，食落都鬆脆跟住就係我最鐘意既枝豆，非常之一般，鹽都唔多粒，冇味既到左熟食喇，牛柳粒，都唔錯既，唔會太乾，肉汁都鮮味炸物我就推介紫薯香芋波，皮夠脆，內裡夠香甜，呢個我有再翻點甜品就食左m字頭雪糕啦，士多啤梨味，唔會太甜，食落其實似乳酪

街完街成10點，想食放題，上黎open rice 睇睇，呢間有收11:30就去食啦1981位再加1，時段係9:40-11:30既市，去到人唔多，得番兩3枱客首先叫刺身，賣相都ok, 但比較細件，都算新鮮既跟住就叫左沙律同炒菜，沙律係蕃茄沙律，菜同蕃茄食落都唔係好新鮮咁，沙律醬起哂水，炒菜都麻麻炒到好似過左火咁，味道都係一般枝豆冇味同埋好似擺左好耐咁，d皮有d發黃壽司就叫左幾款，韓式牛肉，本身牛肉就幾好味，但佢上面加左d橙橙地色既韓式唔知咩汁，食落去好似酸酸地辣辣地咁，加埋個味道好似怪怪地，馬刀貝，冇咩特別，但好似唔係好新鮮咁，火炙三文魚，火炙味夠香，三文魚都夠大件，呢個普通野就幾好味天婦羅食左蝦同南瓜，脆醬唔太厚，南瓜件好甜，口感外脆內軟，唔錯小食叫左螺肉同八爪魚仔，呢d其實都好難唔好食，但係可能擺左太耐，唔好食總括黎講198呢種質素就真係麻麻，如果唔係太夜冇得揀，就唔會再去喇

是次家人聚餐在元朗放題因為一行7人，我們有預先訂座訂座至餐廳都要排隊等候安排入座但秩序良好，5分鐘後即可入座一坐低，家人當然係向刺身埋手啦例排都係三文魚，呑拿魚，甜蝦，赤貝，北海道帶子但係大部分剌身可能解凍解數切，有雪味冇鮮味甜蝦較為好一點而帶子係好細粒既到火炙壽司既部分有鰻魚，蟹棒，三文魚3種蟹棒係最正常既一道菜因為鰻魚同三文魚食落唔係好新鮮(可能唔新鮮就唔會拎黎火炙啦)小食--叫左芝麻八爪魚同埋辦味螺肉2個都已經解好凍，所以好食熟食方面會比較好食同（其他放題店比較）推薦以下幾個菜清酒煮蜆冇沙，淡淡酒香，肉都有鮮味（叫左好多客）雞骨腸，味道唔錯，但建議一人一條淺嘗豬軟骨湯鳥冬面夠彈牙，豬軟骨好入味，好食沙律醬焗蠔（蠔好細隻，要叫多2隻黎食）但炸蠔就麻麻地，冇咩蠔味臨走之前一人食一個movenpick雪糕，好滿足特別一提待應見到我填緊落單紙我寫左1客海膽手卷佢只係經過望到，已經禮貌地同我講個個賣晒服務真係唔錯，同埋值得一讚全晚冇留單不過假日去要248一位加一，我覺得太貴因為佢食物唔算好好食呢個價錢有好多選擇

話說同朋友放飯，我朋友話要食饅魚，咁我又不熟路只好帶佢過黎食呢間，因為之前同朋友黎過食放題不差我冇咩胃口，咁就同朋友2個人share 一個鏝魚午餐⋯$58（即係瑋個人30蚊哈哈）先講啲鏝魚⋯其實本人不愛吃，覺得好腥⋯⋯⋯我朋友話ok 既，但有一兩條骨？食既時候要小心點啦⋯⋯⋯⋯⋯⋯但個鏝魚汁ok 壽司：鏝魚一般，蟹子壽司好食！夠新鮮五腥！蟹棒都ok既，如果咁都難食可以執笠了！不停飲佢杯茶飲到飽⋯⋯⋯總括黎講都係放題好食啲⋯⋯⋯午餐一般但$58都可以接受啦，旺角果啲都要7x蚊啦

一家人本身開開心心食放題，最後不快收埸。事源是這間日本料理標榜有Movenpick雪糕，無的話會由Dryers代替，誰知今日到我們點雪糕時，有位白色衣服的職員說沒有了，只有雀巢雪糕，我們話她們的那張甜品點餐紙寫明，如果沒Movenpick雪糕，會由Dryers代替，她們現在兩者也沒有，這樣由雀巢代替是沒有說明下是誤導顧客，此外，沽清表也沒有說明，我們追問他們，最後先在門口貼上張手寫紙寫上「Movenpick雪糕暫停供應」，但沒有寫沒有Dryers，真是十分氣憤！氣難下！