雲來軒 (已結業)

屋企人一向鍾意睇保哥教煮餸知道佢自己開咗間餐廳就帶埋佢哋一齊嚟捧場一嚟到見到佢嘅獎項同埋訪問令人更加期待佢主理嘅菜式名廚亞保靚湯 $168 四位用靚湯足料 啖啖都飲到食材精華一共有螺頭雞腳瘦肉紅蘿蔔等呢啲天氣飲更加可以消暑而且不定時會更新湯種 領獎水芙蓉蒸明蝦球 $148呢個就係佢嘅得獎招牌菜式蒸蛋白非常滑 入口即溶 明蝦球亦都非常新鮮食落爽口彈牙海鮮兩面黃 $148炸到好香脆嘅兩面黃配上加咗䇜汁嘅海鮮分別由帶子 斑肉同蝦球非常豐富

1行8人～每月都會專誠選擇到特式或美味料理的餐廳食飯今晚大姐姐推薦大家到雲來軒飯聚顧名思義「雲來軒」～有客似雲來的意思～主打創意料理第1次光顧，不想費煞思量，叫咗 2 sets $1488四人套餐～試試運氣這個拼盤皮蛋還可以！句號黑豚叉燒～肥的部分，咬唔開即碗仔翅新鮮、爽彈、不韌，有陳皮香蝦球細，酸甜汁太濃，粟米酪粉多忌廉湯太濃，用魚湯會更好飯粒分明夠乾身陳皮香、起沙、冇渣、不太甜唔難食，冇味冇道啫！唔食冇損失由於冇機會叫喱到嘅招牌菜，期望下次再來，會有另一番味道

中菜自己去得多就係大牌檔，貪鑊氣夠香，反而酒樓唔多試過，今次屋企人介紹呢間高檔既粵菜餐廳，話好多菜色都好值得試。屋企平時食飯前都會飲碗湯先，出黎食飯都想飲多啲湯水補補，唔會咁dry，名廚阿寶靚湯煲得好鮮甜，最正既係佢會俾埋湯料你享用，認真真材實料！ 乳鴿炸到表皮香脆，肉質嫩滑，一啲都唔霉，想叫完一隻又一隻。金磚豆腐係今日既MVP，雖然好似樣樣野都係炸物，但呢個真係唔可以錯過。薄薄既外層脆漿，內層既豆腐滑溜溜，一啲都唔會老同嚡，好似豆腐花既texture 咁。自己本身對陳皮都幾抗拒，但屋企人係咁推薦新會陳皮香酥骨，炸粉唔厚唔會太油，佢蘸既陳皮醬係一個大大既加分位，佢係可以解炸物既油膩感，陳皮香出奇地同香酥骨好夾。最後都係要啲菜黎中和下我呢隻食肉獸，杞子花膠濃湯浸時蔬既湯底係精華，白菜仔吸哂個湯既味道，非常鮮甜。

間中同朋友聚餐会令人心情开朗点，尤其最近嘅事情发生之后，好多人也産生了負能量，所以星期一有人發起同学聚会咁我當然出席今次為方便大家回家所以相约向尖沙咀！食物還算可以，但👇🏻“水芙蓉蒸明蝦球” - 蝦球爽口而蛋蒸得剛好嫰滑！“秘製日本黑蒜醬鮮露筍紅皮炒飯” - 飯炒得粒粒分明及黑蒜醬好香！

睇流行都市成日見到保哥估唔到係佢嘅餐廳一想佢嘅手藝餐廳內都可以見到關於保哥嘅報道一邊食飯仲可以睇到佢親自烹調美食嘅片段架領獎水芙蓉蒸明蝦球 $148一場嚟到一定要試佢嘅招牌得獎菜式蒸蛋白既火候捏得非常恰到好處 入口幼滑無比䇜汁稠身濃郁 再加上鮮蝦球絕對係一道風味十足嘅菜式亞保脆皮三黃雞$198 半隻脆皮雞即點即燒雞皮脆卜卜非常香口雞肉亦都鮮嫩多汁海鮮兩面黃 $148配料非常豐富 分別有帶子 斑球同蝦各款海鮮都非常新鮮 個麵炸得非常香脆 配上紅醋風味十足

媽媽聽朋友介紹，話tst有間中菜，係成日上電視果個大廚開既——「黃亞保」，今晚就一於同媽媽過黎撐枱腳啦。🎈環境係k11商場附近，有條棉登徑，雲來軒就係呢條路啦。餐廳有d似私房菜既感覺，唔會有好奢華既裝修，反而裝修簡樸溫暖。🎈Menu我地今次黎係食晚市既，有散叫有套餐，不過套餐就for4個人起。餐牌選擇好多，我地想食既都好多，但我地得2個人，今次唯有叫住3樣菜式先啦🍴🍴🍴🍴✨得獎水芙蓉蒸明蝦球 ($148)本身超級中意食蒸水蛋既我，真係唔洗諗，即刻order。有6粒大大粒既虎蝦球，肉質彈牙爽口，下面唔係一般加水蒸，而係加左魚湯，蒸蛋白入面有好有魚湯鮮味。仲有魚湯+甘荀汁煮既芡汁，同蒸蛋白一齊食，更香更滑。✨海鮮兩面黃 ($188)兩面黃其實好似廣東菜既炒麵，都係會先炸過麵餅，再加湯汁食。呢度既兩面黃炸得幾通透，每一條都脆卜卜。咁個湯汁都有好多料，有魚肉、帶子、蝦仁，仲有菇菌，好鮮味，仲可以加醋落去，酸酸地好似碗仔翅咁，幾好味。✨亞保脆皮三黃雞 半隻 ($148)呢個份量應該for 3-4人 share食至岩，但我地2個又好想好想食，咁就照叫啦。好彩有叫埋咋，呢個三黃雞好香雞味，係新鮮雞黎

很久沒有和飲食界資深人士團長吃飯，今次他帶我來到位於尖沙咀棉登徑的雲來軒。無他，因為這裹明星雲集，主廚黃亞寶師傅也經常被邀請到電視台參與烹飪節目。餐廳以粵菜為主，出品種繁多，用料上乘。我們選了一湯五菜一甜品，每款每類也點選一些來嚐嚐。日本花菇雞腳燉螺頭師傅以中式陶瓷壺盛湯，湯頭淺金清澈，雞腳熬製至更鮮甜，花菇螺頭等正氣滋陰補賢，男女老少咸宜。金磚豆腐金磚豆腐整塊大而勻稱，皮薄而酥脆，內里熱燙滑溜軟心。奇香粉絲蟹煲意想不到是湯煲類非乾煲，顏色通紅湯汁鮮香帶酸辣，稠度介於湯汁及醬汁中間。蟹肉肉質結實，蟹味濃郁鮮味，酸辣香中帶甜讓蟹鮮味更為突出。粉絲彈牙有韌性，帶有蟹香微辣，飽肚又開胃。水煮安格斯牛肉四川式水煮牛肉，以香麻辣湯底配乾椒花椒等，顏色鮮豔紅亮。蔥花灑在厚嫩牛肉片上，牛肉片口感柔軟彈牙，味道麻辣惹味，配飯吃開胃可口。生煎牛肉蓮藕餅師傅以美國有機生牛肉調味再釀入藕片，以芝麻、泰式海鮮醬配搭，口感香口爽脆中帶肉的柔軟，味道香口惹味。甜酸陳皮有機牛肉獅子頭師傅以新鮮有機牛肉肥瘦均雜再剁碎，加薑、蔥、雞蛋等整在圓滾滾的肉泥。口感鬆軟有彈性卻不鬆散，味道牛肉香豐富，帶甜酸陳皮香。整體來說，

同朋友一行三人嚟到棉登徑這間粵菜出名的食店吃午飯，午市有個套餐，每位$98免茶、免芥、免加一。先來每人一個中式湯，紅蘿蔔甜，好大碗。前菜陳醋青瓜，夠爽口。兩個點心，蝦餃彈牙，燒賣也美味。脆卜卜春卷，餡料有芋頭，新鮮炸起，香脆可口。蒜蓉炒油麥菜，比較多油。翠玉瓜紫洋蔥炒鮮魷，魷魚炒得有口感得嚟唔會韌。揚州炒飯，蝦粒夠爽，但係三個人食，份量可以多一點。最後有個甜品，材料豐富嘅喳咋，唔會太甜，其實呢度老闆出名嘅係陳皮，相信晚飯應該會有陳皮紅豆沙。

好幾年前，雲來軒這名字其實已經聽聞過，朋友最近又推介，於是平日好少食中菜嘅我，聽到朋友的話當然又心思思想去食啦，今日終於有機會一嘗朋友口中的美食。甫坐下侍應便奉上前菜一碟及茶水， 並遞上餐牌，同時盡力推介餐館的名菜，我們溝通了一輪，便依侍應建議點了幾款菜式。新會陳皮香酥骨  ($ 188)這碟菜的靈魂一定是落在那一小碟用上十年陳皮而製作的醬 ，那股陳皮獨有的香味配合炸過的香酥骨，味道叫人難忘。醒胃話梅雞半隻 ($188)餐館供應全隻或半隻份量，我們叫了半隻，但份量也挺多。雞嫩肉滑，配以用話梅所造的酸酸甜甜醬汁，十分醒胃，偶而還可在石鍋底找到已差不多煮溶的原粒話梅肉，簡直醒胃佳品。杞子花膠濃湯浸時蔬 ( $148) 由白菜仔、杞子、羊肚菌、花膠及濃湯組合之成 ，花膠爽口彈牙，羊肚菌口感柔嫩，聽聞營養豐富有防癌功効；同白菜仔一樣充份吸收了濃湯，味道鮮甜。下次真係要叫多幾個人來一齊食，因為每碟的份量都不少，而且我對好多款推介名菜都十分有興趣，奈何眼闊肚窄，惟有留待下一次吧。

以往已在網上看過介紹這高級粵菜廳的食評，老闆兼行政總廚便是常出現電視螢光幕的黃亞保師傅。今天特意到此店嚐嚐其得奬菜。這店非常光猛，擺設潔凈，卡位雅座給人舒適的感覺。看過精美豐富的餐牌後，熱茶和前菜亦已奉上。今天的前菜是微辣的脆花生伴脆南瓜片。~領奬水芙蓉蒸明蝦球 ($148)很多到來的食客都點上這得奬名菜，我們亦是為此而來。一上枱見賣相已經覺得無得輸了！顏色配搭悅目，增添食慾。水芙蓉便是蒸蛋白，配了梭羅魚湯和甘筍汁，入口極之滑溜，可見師傅控制火喉的工夫。橙紅色的晶瑩鮮蝦球大隻兼彈牙爽口，面上還放了絲絲的藏紅花。整碟菜鮮味盡出、一滑一爽，味覺層次豐富。份量對二人來説是有點大了，但我倆最後也難抵引誘，把美食全都收納到肚子裡。😋 ~海鮮兩面黃（$148）為免炸麵過早變腍，這麵與配料和芡汁是分開上的，可見店家的細心。蛋麵兩面煎炸得脆口，淋上清淡味鮮的芡汁和紅醋來吃，口感變得多元化。芡汁內的蝦球、帶子和斑球等同樣鮮甜爽口。～新會陳皮香酥骨 （$188）賣相不俗，擺設得像幅畫。小香酥骨炸得酥脆但亦能保留嫰滑的口感，不肥不膩，沾上陳皮醬來吃，有微微陳皮味滲出。酥骨上的幼陳皮絲味香濃有𡁻口，也是這菜式

七月第四個星期四晚上，尖沙咀。很久沒有跟這群朋友飯聚，下班後就跟他們到了位於尖沙咀的粵菜館用膳。餐廳的菜品全由星級名廚主理，入口處已能看見主廚的招牌，很多古色古香的酒瓶，上去後看見客人挺多，看來是附近一家蠻受歡迎的餐廳。燈光柔和簡潔，我們被安排在一個寧靜的卡位，整體環境舒適。先來一客湯品日本花菇雞腳燉螺頭，服務生呈上的時候還以為是茶，原來是以紫砂茶壺盛著燉湯，讓客人可以像品茶一樣細細品嘗鮮美甘甜，倒出來，還真有幾分像濃茶。打開茶壺，裡面大有乾坤，有雞肉，燉得軟腍的雞腳和螺頭，而且份量很足，滿滿的滋補。蜜汁黑豚肉，個人很愛吃叉燒，叉燒以厚切上桌，蜜汁泛著閃閃亮澤，為半肥瘦位置，爽嫩多汁有咬口，鬆軟又透著焦香，這道不愧為必點菜品。金瑤賽螃蟹，本來屬於京菜，改良後成為上海菜經典之一，表面打了一隻鮮蛋黃，把蛋黃拌勻以增加蛋白的滑溜口感，蛋白炒得細碎，模仿蟹肉碎的口感和形態，混合薑絲和乾魚脆，增加爽脆度，賽螃蟹製法千百種，卻仍是百吃不厭的菜式。海鮮兩面黃，其實是乾煎麵，源自上海、蘇州兩地的一種傳統麵食，有「麵中天子」的美譽。麵的兩面煎得金黃酥脆，上桌時已經幫我們預先分切好四份，然後淋上足料的帶子

雲來軒這食店，已幫襯了一些日子，久不久都會過來熱鬧一下，位於尖沙咀棉登徑，屬於旺中帶靜，雖然偏角一點，但這裡也屬於傾計見客的一個好地方。門口大大個總㕑寶哥生招牌，相當吸引⋯⋯一入門口，在牆上看到衆多群星合照，還記得筆者初次到來晚飯，巧遇寶哥坐鎮，筆者像小粉絲要求寶哥合照，他很親民，還建議由他親自揸手機影合照，除發哥外，又一親民動作，令食客陪感親切。今天四位大人，預早訂定枱，就是喜歡這裡有個大卡位。平日一至五$98 位，免加一茶芥，在尖沙咀咀區，這個價錢，商務套餐唔使煩，乜都唔使選，落單後，便專心和朋友聊天或商務會議，相當方便。菜單天天不同，曾試過與同事們生日飯，一桌份量之多，足夠包走再番公司下午茶。牛展切粒/沙拉芥末秋葵~前菜兩款小吃，牛展切粒有𡁻頭，芥末秋葵帶點點水汪汪⋯⋯蒜蓉唐生菜/ 勝瓜雲耳炒鮮魷~味道本身是不錯，建議落單時要求小油就更完美了。點心三款~三款點心分別是蝦餃、春卷、潮州粉菓，同樣做得出色，就是喜歡它夠薄皮，終於明白鄰桌有兩三枱都是老外的原因。保哥燉湯~每人一小盅燉湯分開上，今天是陳腎菜干燉瘦肉。XO 醬炒露荀雞柳~金桔炒飯~朋友初時覺得炒飯有陣陣甜品怪怪的，一問之下

今日約左幾個朋友食飯，其中朋友介紹呢度的食物有水準，所以就訂左呢度食飯。入到去環境光猛，簡潔，寛敞，我們被安排坐在卡位的最後位置，比較清靜，侍應放下小食，小食入面，除左有花生外，我見個小食有啲一片片的東西，食落應該係南瓜片，食落都幾得意，又脆，又甜甜的。一路食就一路睇下餐牌的小菜，餐牌入面好多小菜賣相都相當吸引，唔知食落又會點呢？我地太多小菜想點了，好在個侍應好nice咁推介左幾款小菜給我們，跟著加多幾碟就搞掂！第一味上枱係侍應推介的金磚豆腐，全碟金黃色，炸得好靚，賣相真係相常吸引，所以忍唔住立即拎起筷子夾黎食，面頭炸得好靚，好薄，入面豆腐好滑好滑，沾埋喼汁真係冇得頂！唔怪得係推介小菜啦！真係好正！第二味係杞子花膠濃湯浸時蔬，我們選了用白菜仔，入面濃湯令到白菜仔好甜，花膠都唔少，面頭除左有花膠，我們食到一塊塊爽口的東西，幾好食的，一問之下，原來係名貴的羊肚菌，羊肚菌對身體好好的，口感又好，令到成個菜生色不少！第二味侍應推介的係新會陳皮香酥骨，香酥骨炸得好好，唔油膩，細細件一口一件，面頭好香好鬆脆，沾上十五年陳皮製造的陳皮醬，真係不得之了，個陳皮醬好香，陳皮味好出，同個香酥骨簡直係絕配，

呢間雲來軒已經係我第二次黎食之前得2個人黎食，叫得唔多野，但見到隔離檯啲菜式超吸引今次就約多啲人一齊食首先每人黎一個燉湯先日本花菇雞腳燉螺頭用茶壺燉湯，好特別所有精華係個湯度，個湯好夠清，味道又夠濃拖地蜜汁黑豚肉呢個「叉燒」肉質好軟稔，燒到外層有少少香口但又唔會有燒焦既味道，師傅控制火候岩岩好呢個真係必食之選金磚豆腐我好鍾意食椒鹽豆腐，但要食到一間好食既一啲都唔容易，因為平時經常都食到啲豆腐好「鞋」但呢間令我有期望呀外層的炸漿完美地包裹住豆腐，一啲都唔厚粉，咬開時又唔會散開而重點係豆腐係超滑四川水煮魚呢個水煮魚既魚塊好厚肉，肉質又好結實味道岩哂我，因為辣得黎又唔會太辣只是美中不足的是麻味不足，但對於嗜辣既我完全唔介意的

餐廳位於棉登徑，位置雖然不太顯眼，但由於是星級米芝連食府，所以人流非常多。店鋪環境不算太大，但空間感十足，光缐充足明亮。餐牌菜式比較少見，煮法創新。日本花菇雞腳燉螺頭用中式茶壺棒上，等客人可以用品茶方式細味品嚐，燉湯濃郁芳香，味道鮮甜，飲到各款食材的原味，清心潤肺。金磚豆腐外皮酥脆而且粉漿非常薄，入口外脆內軟，豆腐滑溜溜，非常好吃！領獎水芙蓉蒸明蝦球蝦球晶瑩剔透，入口鮮甜爽彈，底層蒸滑蛋滑溜又富蛋香，淋上用濃湯煮成的醬汁，配搭香濃鮮美，令人食不停口。獅子頭第一次見用牛肉整成的獅子頭，食落鮮嫩多汁，有陣陣陳皮香味，配上酸酸甜甜的醬汁，非常醒胃，菜式創新又好吃。日本黑蒜紅皮炒飯金字塔外型非常討好型格，用上日本黑蒜，蘆筍，燒肉粒等等炒成，味道香濃又不油膩，飯粒乾爽而且每粒都沾上醬油顏色，獨特香味令人一試愛上。