雲來軒 (已結業)

今日又同幾個朋友出嚟食飯，好少食中菜 今日就試試佢，今日試呢間叫雲來軒，聽佢個名好似好普通中菜咁，但又不只呀！個胡麻醬淮山一流，出邊好似好少有得咁樣食淮山呢個係絕對推介因為我本身好鍾意食淮山乳鴿水準以上！我本身都係好鍾意食乳鴿，呢個價錢呢個水準好好！不得不提個蒸蛋白好好食！呢個餸係我最驚喜嘅！仲叫咗個椒鹽玉子豆腐，脆香可口，炸得啱啱好！仲有個菜都新鮮嫩綠！ 最後叫了一個黑蒜炒飯，黑蒜食得多但黑蒜炒飯真係第一次食，個炒飯有少少甜甜，係比較特別。

寶哥的出品，保持一向水準，約朋友到這裡，一定滿意。最可惜，因為生意外，要分兩段時間，頭段六點，第二段是八點半。怕太夜吃飯，只好選擇六點，六個人到，給我們一張卡位枱，好迫，不舒服，大家説話又不方便，下次都不會再到了。

媽媽最愛中菜，平時唔鐘意出街食既佢，難得母親節終於肯出去食返餐，所以要帶佢去一嚐由星級明廚主理既雲來軒！金磚豆腐看肉普普通通既炸豆腐，一入口真係好驚喜！外表炸成金黃，賣相唔錯，皮非常薄，入口外脆內軟，入口即溶，口感好滑，豆腐上面加了椒鹽，超級惹味！領獎水芙蓉蒸明蝦球之後點左餐廳得獎菜式 - 水芙蓉蒸明蝦球，唔好睇佢外表普普通通，其實係大有來頭！ 首先有幾隻鮮蝦，都幾大隻架，食落去真係幾新鮮，鮮甜又爽口！亮點就係呢個用梭羅魚湯蒸既蛋白，真係超級細嫩滑溜，仲好香魚同蛋香味，不愧係得獎菜式，下次黎都要encore！香港懷舊雜菜煲同媽媽食飯，必定要叫個菜，所以就叫左個雜菜煲，估唔到呢個雜菜煲咁多料，內有蝦乾、冬菇、乾瑤柱、粉絲、西蘭花、小棠菜等，菜煮得好淋，岩晒我！鮑魚粒福建飯福建炒飯就食得多，但真係炒得好食既真係好少！呢個炒飯炒得好香，料又足，就咁睇已見到好多肉、蝦肉、冬菇等，食落去啖啖都有餸，同埋啲汁好夠，絕唔會乾，媽媽都話正！總體黎講，雲來軒食物質素高，服務又好，下次再帶媽媽黎食先！

位於尖沙咀棉登徑的雲來軒，地點旺中帶靜，想約齊三五知己，避免人多擠迫，靜靜地食餐飯聚聚腳，這裏是不錯的選擇。雲來軒主打fusion 中菜，款款有特色。平日吃得太多平凡的中菜，想嘗試新派中菜，不妨來這裡試試。冰荷濃醬脆皮安格斯牛仔腩牛仔腩的肉質非常腍，脂肪位和筋位經酥炸過之後，質感有點像凝膠，軟軟滑滑的。脆皮炸得非常鬆脆，跟濃香的牛腩非常合拍。醬汁中帶有洋蔥碎，令口感更有層次。脆皮牛仔腩上另外再灑上薄片脆脆，讓鬆脆的口感更上一層樓。香江懷舊雜菜煲雜菜煲的用料非常豐富，除了有西蘭花、小棠菜、蜜豆和小白菜等蔬菜外，還有粉絲、冬菇和瑤柱，最驚喜的是有花膠。各款配料都盡情吸收了上湯精華，味道出色。漁家濃湯野菌斑粒稻庭烏冬石斑粒經過走油，肉質比較乾身結實，但又不失嫩滑。野菌加上魚湯，味道非常鮮味。幼幼的稻庭烏冬，滑不溜口，充分吸收了魚湯精華，味覺一大享受。這裏的菜色都偏向大碟，比較適合大夥兒聚會。兩人共點了三道菜，足夠捧腹而回了。

上一層樓梯，餐廳的裝修古色古香聽說這裡最有名的是遠年陳皮紅豆沙，所以我們預先點了一個主菜吃了兩款，分別是雪山花之戀窩粑士多啤梨骨酸甜的士多啤梨醬加上香脆的排骨十分美味各排骨下面配有一塊香脆的窩粑，吸收着多餘士多啤梨醬，中和味道然而，雪山花之戀賣相吸引，由許多魷魚片及炒蛋白和數顆西蘭花形成花的形狀蛋白滑嫩、魷魚彈牙，配上少許蒜蓉炒的西蘭花，是健康之選遠年陳皮紅豆沙，入口不太甜，紅豆沙起沙配有一絲一絲陳皮，聞到陣陣的陳皮香

今晚同男友係尖咀睇戲，今晚想食中菜就搵到依間餐廳。今日唔係太肚餓既關係，我地只係叫左一個湯、一個小菜同一個炒粉面。日本花菇雞腳燉螺頭 -用上紫砂燉盅，保溫力更強， 喝一口清甜的燉湯，感覺滋潤。極品長壽伊麵 - 有鮑魚絲、海參絲、花膠絲，材料十足，份量夠大。伊麵咸淡適中，而且唔會太淋。脆皮安格斯牛仔腩 - 外層薄薄的脆漿包著入口非常鬆軟的安格斯牛腩，牛味濃郁，其實單吃已經很美味，不過配上咖哩汁就更惹味。

又有同事last day，咁大班人緊係食中菜啦🤗呢間人稱tvb飯堂嘅中菜非常高汁👍🏻叉燒一入口就食到蜜糖味而且少少肥，仲好juicy🤤牛仔腩外面脆卜卜，好香牛味又勁腍，配埋咖哩汁好夾呀😆其實全部都好好食，嚟緊父親節可以帶爸爸嚟試下👨🏻.👍🏻推介：脆皮安格斯牛仔腩，金磚豆腐，拖地蜜汁黑豚肉，奇香粉絲蟹煲😋指數：7.5/10

相約一位閨蜜晚飯，找間近尖東站的方便大家，想起棉登徑的食肆，但咳嗽未痊癒，想吃些菜，就試試這間。日本黑蒜鮮露筍紅皮炒飯$148大大個的金字塔形狀，很特別，雖然顏色黑沉沉，怎知一入口已被那酸酸甜甜的味道吸引著，我和友人也大讚，而且不知不覺竟然吃清整個飯，比我們平時吃飯的份量多一倍呢，金字塔外有幾粒黑蒜瓣，味道及質感也相當好，而紅皮是指燒豬皮。這個飯的味道令我回味無窮😋香江懷舊雜菜煲$138份量十足，有蜜豆丶西蘭花🥦丶菜膽丶冬菇丶瑤柱丶粉絲，還有燜得非常軟腍的花膠，這個菜也令人喜出望外👍無花果海底椰燉螺頭$78/位非常清潤的感覺，用紫砂茶壺盛著以保持溫度，高尚又雅緻，材料除了湯名提及的，還有豬肉及雞腳，雞腳也是燜得非常軟腍，有入口即溶化的感覺😋結賬時經理遞上她的名片，我才赫然發現原來這間是法國藍帶指定食肆，論口味實在當之無愧👍但價錢卻沒有因此而抬得高高，非常物有所值~

今日同豬媽尖咀行街見到呢間餐廳去好多明星相同報道睇黎依度大廚好有經驗值得一試涼拌青瓜青瓜夠爽口加上特製嘅陳醋，酸酸甜甜好開胃炸春捲好脆卜卜，做前菜岩岩好蟹肉粟米羹因為加咗蟹肉，成個湯好清甜而且仲有淡淡蛋花味銀牙煮鴨胸銀牙時間啱啱好唔會淋又爽口，但又吸到醬汁味鴨胸肉質滑同醬汁味道夾上湯浸小棠菜呢度嘅上湯值得贊無味精 最簡單既菜吸晒啲味令簡單食材都變得不一樣潮州粉果同餃做到好皮夠薄 夠足料餃既蝦肉彈牙炒飯夠乾身粒粒分明，又唔會油綠豆沙煮到全部起曬沙仲入左香草，令綠豆沙的味道增加到更高層次食左咁多野只係每人$98蚊就可以品嚐咗高質嘅私房菜午餐

今天去尖沙咀上完堂落堂男朋友來接我吃晚飯兩個人都想吃中菜選了這一家挺有名的— 雲來軒被安排了坐卡位座位寬敞舒適 適合慢慢吃一頓飯旁邊看見也要包廂飯 同事同學長輩聚會最合適日本花菇雞腳燉螺頭一個茶壺上桌 好可愛壺內有瘦肉、日花菇、雞腳和螺頭燉出來的湯 鹹鹹香香 醒胃話梅雞點了半隻 份量也挺多的雞肉嫩滑 底下有話梅和洋蔥面上加上了青椒和紅椒 味道挺特別 不錯靈芝野菌燒豆腐一咬下去 豆腐滑了出來 十分細滑好味道面上加上了茄子和紅蘿蔔旁邊還有菜心 挺有心機的一道菜式

係尖沙咀行完街，男朋友話想食中菜，於是上openrice search到呢間評價唔錯嘅中菜，即試！一去到餐廳，空間唔算大，好彩時間尚早唔洗等位～點左幾碟小菜，首先係推介的拖地蜜汁黑豚肉，半肥瘦的叉燒鮮嫰多汁，份量好足，男朋友大讚好食～之後就到醒胃話梅雞，雞肉非常入味帶一點話梅酸味，岩岩中和左頭先叉燒的油膩感～好味！ 之後就四季豆炒班塊，魚肉新鮮煎到帶小小香味，再配合上鮮甜的四季豆，最後甜品點左三十年新皮紅豆沙..紅豆煮到起沙再加上濃郁的陳皮味，好味！可惜忘記影相～下次一定會再黎！

喺尖沙咀放工，突然間想食中菜，諗起有一間水準好穩定，叫運來軒，同朋友想去walk in睇吓先，好好彩仲有位，展開左今晚嘅中式晚餐日本花菇雞腳燉螺頭$68呢碗湯，應該叫呢壺湯先啦，外形好特別，以紫砂茶壺盛上，飲落特別熱，餐廳仲好細心，驚大家熱親，比定個隔熱墊大家打開個蓋個湯非常足料，飲落有冬菇的香，亦有螺頭嘅鮮甜，雖然落咗雞腳，但個湯一啲都唔肥，好清。飲完湯，記得食埋啲湯渣，螺頭煲得好淋，份量都唔少，每一啖都係甘香鮮味金磚豆腐$78呢個餸好考廚師功夫，豆腐嘅外層炸得香脆可口，但係咬開之後，裏便嘅豆腐卻滑溜非常，外層嘅調味做得好足，有好香嘅蒜味，豆腐帶香濃嘅大豆味道水芙蓉蒸明蝦球$148賣相討好，紅黃綠顏色鮮艷，六隻大大隻嘅蝦仁，咬落爽口彈牙，鮮味十足。而滑溜嘅蛋白，撈飯一流醒胃話梅雞半隻$188之後再叫咗一隻招牌菜，係味道酸酸甜甜，以話梅炮製嘅呢隻鮮雞以石鍋盛載，所以上枱時候特別熱辣辣，酸甜嘅話梅中和左肉類嘅飽的感覺，令人越食越想食脆皮安格斯牛仔腩$178用上安格斯嘅牛腩，肉味比一般牛腩更香濃。外皮香脆，內裏嘅肉質卻保持鮮嫩，仲有肉汁，配上冰荷濃醬，食不停口呢間餐廳，食物水準每次都能夠保

素來愛吃中菜的我，知道好多明星都會來幫襯呢間餐廳，當然要來試試啦。雲來軒個名好有詩意，令我更期待呢餐飯。原來仲攞過咁多獎，質素應該有保證。首先來了碟冰荷濃醬脆皮安格斯牛仔腩，果然無令我失望。炸過既牛仔腩外皮好鬆化，安格斯牛肉質淋得來又有牛味，配埋秘製咖哩醬更惹味。燉湯周圍都有，用功夫茶壺燉既湯就真係比較少見，細細既功夫茶杯更能鎖住湯既溫度。呢個日本花菇雞腳燉螺頭好足料，飲完好滋潤同滿足。金磚豆腐：炸過既豆腐表皮好香脆，入面既豆腐就好嫩滑，一次過有兩個口感👍🏻水芙蓉蒸明蝦球：呢個得獎菜式真係齋睇個樣都知好食，蝦球夠大隻好爽口，配上滑嘟嘟既蛋白去蒸好夾。醒胃話梅雞(半隻): 用石鍋上枱，夠晒熱辣辣，話梅汁好開胃三十年新會陳皮紅豆沙: 一上枱就聞到好香既陳皮味，碗紅豆沙夠滑！

一向都好鍾意食中菜，如果遇到出色嘅中菜廳更加開心。因為佢真係會展現晒食物嘅色、香、味、美出黎💪🏻第一次食用牛肉整嘅獅子頭，比起用豬肉整嘅肉質更好，唔會「鞋」口，加埋陳淡淡地嘅陳皮味，食落唔會太膩。我地見9成嘅人都會點金磚豆腐，我地當然唔執輸啦，炸豆腐其實好難整，外面又要脆，入面又要滑，呢度完全做到，而且調味唔會太濃，仲食得返豆腐嘅清新感覺。但食晒就發現唔記得影相😂😂而我覺得最最最特別係個湯，好別緻甘用茶壺上，就算慢慢飲，放耐左，都仲keep到個溫度，日本花菇燉螺頭雞腳湯，只要足料，味道一定冇得輸🙈反而覺得唔夠喉🙈唔好話唔提大家，陳皮紅豆沙一定要試埋😌😌

今日股市跌到七個一皮,好彩我同靚仔同事獨具慧眼,買咗熊證賺咗一筆,梗係去食下啲高質餸菜慶祝下啦!聽朋友講過話棉登徑嘅雲來軒屬於高級嘅中菜，一去到裝修的確唔錯，仲俾咗一個非常之舒適嘅卡位俾我哋!呢個日本花菇雞腳燉螺湯，賣相一百分都嫌少，開頭以為啲湯渣去晒邊啦,原來喺一個精美嘅紫砂茶壺入面，話啲螺頭都非常之好食添頭盤嗌金磚豆腐食，香脆無比啲!豆腐仲滑過我靚仔同事隻手仔成晚最驚喜嘅應該係XO醬別不同安格斯牛肉河，通常以為無啦啦個名咁長命把鬼咩，但係呢個真係冇呃你呀，真係XO醬同埋安格斯牛啊，好好味! 食埋個香江懷舊雜菜煲，真係飽到上心口, 所以我決定將牛河打包返屋企比屋企人食, 個紙袋中幾鬼靚添❤️