雲來軒 (已結業)

係尖沙咀真係一個飲食天堂，都處食肆林立真係行幾步就有一間係左近，就今次來左呢間食肆開飯咁，雖然只係一條街仔但已有多間食肆係度，一到晚市到處排滿人龍等候入去品嚐一餐美食夠晒熱閙今晩又同好友去呢度開飯食番餐Fusion中菜，咁當然有佢吸引之處，尢其係中菜可以煮出多種變化食落耳目一新，點了幾款人氣菜式等一陣就有得吃先來有燒味拖地蜜汁黑豚肉，用左半肥瘦黑豚肉制作，而且厚切上一定有番咁上下質素，肉質香嫩食到啖啖香甜肉汁口感飽滿到另一款有日本花菇雞腳燉螺頭，用左壺上放便飲用，湯底足料保証滿意，飲落滋潤味香濃輪到有冰荷濃醬脆皮安格斯牛仔腩配（咖哩汁），外表真係估唔到呢款就係安格斯牛仔腩，入口食到外層酥脆可口，內裡香軟綿綿嘅牛仔腩，食落啖啖肉油脂香甜味濃厚，再點埋咖哩汁食更惹味食慾大增，眨眼又品嚐左幾款美食再來有甜酸陳皮牛肉獅子球，平時食開都係豚肉做居多，今次係用牛肉食落口感滑溜，加上陳皮味道更香濃，連埋醬汁食更滋味開胃，一餐美味中式小菜又品嚐完。

相信不少愛吃中菜的朋友也聽過「雲來軒」，以名廚王亞保師傅主理，烹煮高級中菜相當富經驗，有著獨到眼光及創新思維，贏得多個烹飪獎章殊榮。店舖環境寬敞、光線充足，裝潢以灰白色為主調，落地玻璃旁設有四張六人寬敞梳化座位，亦另設多間廂房，方便朋友聚會或宴請。領獎水芙蓉蒸明蝦球蝦球原粒大顆而完整，晶瑩剔透帶橙紅，質感彈牙爽口。滑蛋水潤透亮滑溜，湯羮濃香香甜，滑蛋配濃湯，咸度適中，清甜有營又好味。拖地蜜汁黑豚肉店家嚴選優質黑豚肉，肉質結實鬆化，肉味濃郁純粹，再以特製叉燒醬與蜜汁烤製，蜜香甜而不膩，配飯一流。冰荷濃醬脆皮安格斯牛仔腩師傅以獨特手法處理牛仔腩，無論筋肉及脂肪位也沒忽略。肉質口感軟腍，筋位等滑溜富膠質，醬汁清新輕盈又開胃。松露生炒牛肉飯炒飯顏色呈深啡，米粒分明，口感軟硬適中，黑蒜味濃郁平均分佈，炒飯混入露荀及燒腩粒，味道更立體更具層次，份量適中不油膩。尖沙咀地點方便，若未試過王師傅手藝的朋友，大可一試，不會讓你失望。

第一次光顧這間食物質素非常好的中菜餐館，位於尖沙咀K11對面棉登徑，方便易找。非常用心製作每一道菜，今次我是參加謝師宴的，所以包了房間有三圍枱，今次食物真的很好，例如雞蛋下，雞蛋非常滑，又有濃濃的湯味，10分有驚喜。燒鵝，也是非常的出色，其實我是不惜皮的人，但是這個燒鵝廚師是非常用心的把皮和肉中間的肥膏先去掉，在把皮舖上面，令一口考下佢的口感並沒有肥膩的感覺。另外菜的份量也非常的多，所以喜歡吃菜的人也非常滿足。但價錢方面就相對來說比較貴了。

聽左雲來軒餐廳大名好耐!!今日終於下定決心來拜訪一下!!人很多, 建議大家都要訂位!!入到場見到好多老外, 西裝友!!我就心想, 一定是間好餐廳!! 果然一試, 真係遠近馳名, 有質素既餐廳!!今次我地兩人叫多左食物, 原來食物份量非常足夠, 我地低估左!!1. 招牌金磚豆腐!-$78真係好有質素, 難怪每個人都在推薦首先,豆腐好滑又唔會一夾就散, 調味也剛剛好, 不多不少, 不會太咸又不會沒有味道2.柚子脆蝦球-$178柚子醬好好食, 蝦球亦炸得好好, 入口清脆!!沽醬食風味更佳!!3. 冰荷濃醬脆皮安格斯牛仔腩-$178吃到呢到我地已經飽左!! 但係呢個菜, 味道很濃, 份量十分呎夠!!很惹味!4. 鮑魚粒福建炒飯-$148福建炒飯好少機會會中伏, 但呢到既飯, 我只能說係中獎!!猶如仙境的味道!真係唔係講笑, 呢個飯煮得好出色!!份量也是超多!!結果我地要外賣, 無謂暴殄天物!!整體而言, 坐得好舒服, 價錢相宜, 味道出眾!

最近好多飯局應酬🍴，離不開選擇比較有水準嘅中菜廳，加上有特式精心設計嘅餸菜，絕對是最佳享受！這家粵菜由👨🏽‍🍳名總廚打理，開業多年也受人追捧，確實不錯🤡.🥢奇香粉絲蟹煲🦀。沒想到粉絲可以咁入味，索哂蟹嘅鮮味入去，蟹🦀夠大隻啖啖肉🥢醒胃話梅雞🐔。用砵仔滾熱辣上枱，雞嫩滑多汁🥢雞油菌白飯魚煎蛋🍳。蛋滑不過老，白飯魚均勻分布有鍋氣🥢脆皮安格斯牛腩🐮。炸過嘅牛腩仍然嫩滑，配上咖哩汁更加提升味道🤡🥢金磚豆腐。經炸過嘅豆腐一樣滑一滑，夠風味🤭🥢避風塘芙蓉茄子🍆。聽個名就知係正啦，加上芙蓉蛋汁有中和作用🥢蜜汁黑豚肉🐽。呢個直頭前後叫咗兩碟🤣🥢胡麻鮮淮山。淮山有益有營養，爽口清新🥬

當日係補祝家人生日，4個人都好耐無去過雲來軒，一於睇吓過咗幾年後水準是否依舊。去到之後，加茶執枱的姐姐好殷勤，但覺得環境好似舊咗啲，講到底食物最緊要，我哋叫咗一個湯加五個餸。個例湯係烏雞冬瓜紅蘿蔔瑤柱螺頭，好好飲，幾濃，食唔出味精。金磚豆腐熱辣辣，外脆內軟，果然係招牌菜🙌🙌窩粑海斑球，米通好鬆脆，魚係炸的，外層有一啲酸酸甜甜嘅汁好屬於清新型，食到魚嘅鮮味🤩水芙蓉蒸明蝦球咁多年來水準依然，蛋白超級滑，蝦好爽，送飯一流👍新會陳皮香酥骨，我個人非常滿意呢道菜，唔油膩，好鬆化，炸粉又唔會太厚，有一少少陳皮伴住好香，可以多啲陳皮就好，就咁食啲肉已經好好食，我連醬都唔記得咗點🤟最後係話梅雞，用個鐵缽上，夠晒熱，味道不過不失，有啲失望，個汁食唔到梅味，好似冇乜特色。

同朋友食飯，我地都比較老派，兩個女仔選擇去酒樓食中菜夾返朋友放工時間，6點已經入席，半個鐘都唔駛，7點就幾乎爆場，好旺好好生意〜叫咗三道菜，估唔到份量咁多，飽到要打包拎走醒胃話梅雞，聽聞是招牌菜，話梅味好重，鹹鹹酸酸甜甜，真是好開胃，加上雞肉好滑，啖啖肉懷舊雜菜煲，朋友最喜歡呢道，西蘭花、白菜仔等等每款蔬菜好新鮮好清甜，配埋冬菇粉絲一齊煮，好入味，成煲清哂仲要咗個海鮮兩面黃，即是將麵走油，再煎至麵身兩面都變金黃色，澆上煮好的海鮮芡汁一齊食。呢道麵身十分爽脆香口，海鮮足料，加上芡汁濃淡適中，做得非常好

大概有6-7年無黎食....想當年d小菜好有特色好好味，但宜家質素差左好多好多，真係好難食...唔明點解會有咁多好評🤢我想講屋村酒樓都比佢好....食完先記得影...炒牛河河粉無彈性，食緊粉漿咁，亦唔奢求有鑊氣了...係牛肉較軟熟，仲衰過茶記出品話梅雞又係推薦菜式，但完全完全無話梅味，雞亦煮到好老好硬，連雞味都無....水葵蓉蒸明蝦球以為會好鮮甜，但一點都無，蝦用梳打粉醃到變哂咪，令整碟蛋白都充滿奇怪梳打粉味，諗起都想嘔，仲話推介菜式，仲推薦我地加大...其他金磚豆腐，炸茄子就一般，未去到難食但亦不是出色...得兩樣比較好..蜜汁黑豚肉香軟，燒鵝有肉汁..對呢家餐廳真係十分失望，因為7-8年前黎食真係好出色嘅....菜式亦好精緻...但今日食，可能菜式重味精，調味怪，屋企人更事後更食到嘔，成家食完都好口渴.....唔知點解咁多好食評，建議大家諗清楚先好去....以免失望而回...

雲來軒算係老字號，又拎過獎，都想試一排。入到去發覺餐廳主要係上咗年紀嘅客人，睇來應該有返啲水準。所以都冇理哎係得獎菜、馳名菜，直接叫咗自己想食嘅嘢算。$188新會陳皮香酥骨，一咬落人去，凍嘅😂 都唔係新鮮炸，但$188喎...🤷🏻‍♀️ 個炸粉同肉都冇咩特別，唔係咩上乘嘅材料。陳皮醬不過不失，唔算好味。$88蒜泥白肉，肉質偏乾，有小小雪裝味，蒜泥得蒜嘅生澀味，唔惹味同香，衰啲講譚仔都好味過佢，好失望。$148鮑魚粒福建炒飯，最正常係呢邊菜。但講真，邊有唔好食嘅福建炒飯？啲鮑魚細過蝦米，仲要放喺個menu當賣點😂 配料都算多同足料，有帶子粒、冬菇、瑤柱絲、雞肉粒等，幾好味。飯底係用雞蛋炒過，所以較香口同有蛋香，唔錯整體來講賣相係精緻，但味道一般，完全稱唔上好味，又唔係新鮮即製，三款菜有兩款都係失望，應該唔會再幫襯。

友人食過雲來軒的中菜,帶我們去品嚐。新會陳皮香酥骨排骨炸得酥香。旁邊一邊有一碟陳皮醬,另一邊則有菠蘿條。把排骨沾上陳皮醬來吃,感覺膩滯感消退了。金磚豆腐一碟有十件金磚豆腐。份量不少,我們三個人share實屬有點多。金磚豆腐外脆內軟。豆腐十分滑溜,入口即溶。但略嫌外層的皮有點鹹。清爽釀蟹蓋蟹肉一絲一絲地釀在蟹蓋來焗製。蟹肉鋪上橙色的蟹籽, 為蟹肉增加色了彩。整道菜味道清新,達90分以上。杞子花膠濃湯浸時蔬菜心放入杞子花膠濃湯裡煮,感到十分矜貴。杞子花膠出名是滋陰養顏。以百多圓來吃這道菜,一點也不貴。柚子脆蝦球柚子脆蝦球上枱時有點震撼,因為我們只有三個人吃。但柚子脆蝦球感覺好大件, 鋪在蝦片上面,吸睛度強勁。蝦球香酥爽口, 沾上柚子醬令味道提升。

今晚和兩個知己好友到雲來軒吃晚飯。清爽釀蟹蓋用蟹蓋承托著蟹肉絲, 蟹肉絲面則鋪了馬蹄片和蟹籽。蟹肉絲滿滿來釀焗的, 蟹肉絲没有帶蟹碎殼。最怕吃時,一不小心吃了蟹碎殼。絲絲的蟹肉,味道清新。加了薄薄的馬蹄片和蟹籽，味道更清爽。杞子花膠濃湯浸時蔬點菜時, 大家見到杞子花膠濃湯浸時蔬這個名已經覺得吸引,就點了。果然没有令我們失望。菜心放入杞子花膠熬煮的濃湯來煮,菜亦吸收了濃湯的味道,又腍又入味。花腸則滑而不韌。新會陳皮香酥骨陳皮香酥骨是一道傳統的新會菜,以前聽過,但未有嚐過。今日終於可以品嚐。排骨細細塊,炸得酥香可口。吃時記住沾上旁邊的陳皮醬,味道即刻升呢。柚子脆蝦球蝦球很大件,略炸過來,肉質爽彈。吃時蘸上碟中的柚子汁,甜甜酸酸,十分開胃。

朋友聚會來到尖沙咀呢間中菜館，門口貼滿明星合照和雜誌報導，果然係星級餐廳！全晚我自己最鐘意呢三道菜《胡麻鮮准山》食起來有些黏口，滑潺潺的感覺，沾滿胡麻醬好開胃，前菜首選！《柚子蝦球》賣相相當吸睛，一定相機📷食先！蝦球新鮮爽口，鋪底的脆脆食起來像印尼蝦片，沒什麼味道，可以沾上柚子醬增添口感，入口酸酸甜甜好清新！《金磚豆腐》看似簡單的金磚豆腐，外皮薄脆，豆腐滑溜，表面撒少少椒鹽作調味已經個個讚不絕口！其餘菜式都不錯，配搭新派！等我下次帶屋企人過黎先

這間隱蔽於棉登徑盡頭的樓上中菜，一直是我用來招待外來朋友的必選餐廳之一，傳統廣東菜用新潮的手法來表現，盡顯新意。是日第一次週末中午幫襯，比起夜晚，小菜選擇略少，但多了一些點心的選擇。部分菜品的價格便宜過夜晚$10-$20左右，午市茶錢$10位，非常公道。拖地蜜汁黑豚肉（午市$128），超水準靚叉燒，厚切兼鬆化。金磚豆腐（午市$78），另一必叫，外皮薄身但香脆，內裏豆腐軟滑，香口不油膩，平時甚少食炸物的我都忍唔住食咗三件。無花果海底椰燉螺頭（$88），貪其賣相得意，但味道冇特別，用料亦不算足，有小小唔抵。花膠灌湯餃（$68），用料十足，餡料有很多蝦仁，物有所值。醒胃話梅雞（$208半隻），用石鍋上，令到雞肉一路保持熱度，話梅的酸鹹味好出，是很特別的一道雞肉。黑蒜鰻魚炒飯（$168），非常惹味，用上大量黑蒜和照燒醬燜制，味道略濃，建議多人分享。冰糖川貝燉原個雪梨（$58），有淡淡的鹹柑橘味道，非常滋補。三十年陳皮紅豆沙（$58），講真無咩特別，陳皮味不夠，三十年新會陳皮只是噱頭。

今晚決定同幾位朋友食中菜但又唔想去酒樓同人哋迫。想搵個私隱度比較高少少，同埋地方大，唔會好似酒樓背景咁嘈嘅地方坐低傾吓計！喺尖沙咀諗左一陣，食飯之前我哋去咗棉登徑嗰邊happy hour ,一邊飲酒，一邊諗下夜晚去邊度食中菜酒吧附近見到有一間餐廳叫雲來軒睇佢個格局都符合我哋要求喺酒吧買單之後就直接行過去都唔使5分鐘。入到去，竟然食中菜都可以坐到卡位四個女仔完全傾計私隱度極高！事不宜遲就即刻叫嘢食見佢嘅小食全部都好多款式，我哋叫咗個麻醬淮山，同埋一個金磚豆腐，外面香脆裏面豆腐滑！每款都係大約$88。前菜用嚟開胃十分之不錯。味道亦都可口，完全係水準之上然後叫咗個領獎水芙蓉蒸蝦球！果然冇令我地失望，絕對值得一試。蛋白蒸上嚟香滑，入口軟綿綿。配埋醬汁令我哋更加開胃。然後無飯不歡嘅我哋，再加多個秘製日本黑蒜醬鮮蘆筍紅皮炒飯，分量果然夠多，四個女仔都食唔晒，充滿黑蒜味嘅炒飯都係第一次食。佢粒飯都充滿鑊氣，味道濃郁，水準之上！再叫多兩隻BB乳鴿，香脆嘅外皮完全係充滿口感，小小嘅乳鴿入口啖啖肉。入面仍然係肉汁豐富，差少少就叫咗一人一隻，過了一個愉快的晚上。果然係得獎名店，所有食物都果然名不虛傳巧手小菜

上個月母親節,當然要同媽媽食返餐好野啦! 知道佢最鐘意食早菜,專登book左間出名又拿過獎既"雲來軒"! 大廚黃阿保師傅,好出名,一去到已經見到有大大張poster,寫住佢既威水事,來頭不少啊,好期待啊果晚雖然唔係母親節正日,但都full booking!我地坐左係旁邊既四人卡位度! 本身想試吓最出名既叉燒,但無奈地果排豬瘟無活食,所以逢係豬類既菜式全部都無!飯前小食,一定要食d香口野 - 金磚豆腐呢個真係堅正! 難得炸到豆腐外脆內軟,方形豆腐粒炸到每一面都香脆,上面有好多孜然粉,好正! 真係有水準!第二樣野,必試"水芙蓉蒸明蝦球"呢度得獎菜式!所謂"水芙蓉"即刻蒸水蛋,但當然無咁普通啦,呢度既水芙蓉好滑,面有層湯羹,上面配埋紅棗蔥花,可以當湯羹飲,真係唔錯,配上大大隻明蝦球,真係唔錯!之後再叫左"生煎金沙龍皇帶子"賣相好靚,睇落去就好似煎鵝肝咁,表面煎到香脆,中間係厚肉既帶子,上面有層酸汁,更加帶出帶子既鮮味,正!食完兩樣海鮮類既野,又點可以唔食返d肉呢?媽媽話叫個牛肉! 好喎...黎d something special! 點左個"雪裡紅燒汁牛柳條"! 原來雪裡紅即係炸過既雪菜喎,