雲南風味 (已結業)

住左藍田成三十年，官塘是自少到大經常出沒活動的地方﹗有好野食無理由我發現唔到，點知今晚老友記就帶左我去試間好野﹗地點在瑞和街街市行前少少，叫做雲南風味餐廳﹗老友話自己經常同朋友來開餐，貪佢好味又抵食﹗咁好介紹我梗係咩都試下﹗睇睇餐牌，碟碟都係三十幾四十蚊有交易，食個水餃十隻都係廿皮，超抵﹗店子少少，木枱圓凳，簡簡單單的小店家庭式格局。老友是熟客，老闆娘一見佢就熱情招待，細問之下原來老闆在官塘仲有另一間麵店，有機會也可去幫趁下﹗咪講咁多，先來支獅威飲下先﹗先來一碟從未食過既菜式，虎皮椒炒舞茸菌虎皮椒非常有，未吃已聞到菌香甚濃，第一次吃舞茸菌。入口是一陣鮮菌濃香，嚼後口內回甘不已，久久不散，調味下得不重，盡是清新自然的菌香，微辣，值得一試﹗老闆娘話如果來岩季節，一定要試試出面好難找到的虎掌菌，老闆每月親自到大陸買回新鮮食料，未必可在其他地方找得到﹗麻辣雞翼，十八蚊有四隻，賣相吸引﹗雞皮連肉退至雞翼上方成雞鎚狀，易食又方便﹗炸得香脆，麻辣味適中，細嚼下惹味過癮，佐啤酒的勝物﹗牛乾巴，我又是第一次見第一次吃的﹗原來牛乾巴有如我地既金華火腿，是雲南獨特食物。由於易於收藏及攜帶，在雲南很普遍，經炸

星期六下午2點多, 老公話去觀塘吃米線, 以為是譚仔(印象不太好). 他說有間成日好多人排隊, 於是一試.有空桌, 不用等位. 我叫了麻辣(小辣)雞米線, 老公叫了加辣小鍋米線.米線和湯都幾唔錯, 米線軟韌度剛剛好, 湯也很清甜, 不過只有辣味, 沒有麻的感覺; 碗裡除了炆雞(像栗子炆雞的味道)就真的只有米線 老公那碗就更是只辣不麻, 腐皮也比較硬.總的來說, 普通, 不過比譚仔好點, 可是不及小江南(個人感覺)

哩日等埋朋友一齊食飯. 剛好9時許, 間野仲未收.入到去, 仲有好多人食緊. 我地zip 埋牆角既一張台仔. 環境都幾迫.兩人叫左個雜錦米線, 本想試下餌絲, 但佢冇晒... 咁都冇計.米線一般, 覺得譚仔即試唔係正店都仲好. 料都好普通. 都係d 火腿腩肉付竹o個d. 冇乜特別湯就比較清甜, 唔錯紅油抄手, 唔太辣, 皮薄, 咸唔多. 但病病地都不宜食太辣.蒜泥白肉, 蒜泥幾多, 好味! 量都夠多, 只係廿多元, 唔錯!再追加羊乳餅, 有5小片, 個碟好多油. 個邊微脆, 食落開始有少少羊羶味, 接著就攻上鼻, 嘩!正呀! 如果淨係計羊味真係唔錯最後埋單o個時個伙計問我地哩個碟係咩黎... 答完羊乳餅後我隨後爆左一句"個碟咁油都唔知...". 好像被伙計聽到了...每人約$50, 一碟小食廿多元, 都算幾平.

今天走過這間位於觀塘街市旁完全不起眼位置的小店,勾起了中七高考前的回憶...於是立即走進去回味一下!內裡好像占卜店的裝修~很有趣的餐單:"食完保證周身滾!""食得安樂,睡得放心,不用半夜摸黑起來喝水"當中最要一提的是不同的配搭也是$25一碗,有點像譚仔的選擇,但是這裡的麻辣可真的一流!而這裡除了米線外,還有餌絲可作選擇,(方型面條,很彈牙)在下的最愛就是麻辣雞餌絲了!

見有許多人介紹，自己都有興趣，剛巧到觀塘，行多幾步去試下，一入去人唔多，有兩檯客。我就叫了紅油抄手-----辣味可以，但雲吞餡料小。烤羊扇-----脆帶點煙韌算比較特別不是到處都有，沒那麼奶酥味, 可以一試。牛乾巴-----味道很像臘肉, 但很乾也很咸。田七花茶X2-----花茶用上了田七花蕾來泡，普通, 味道極淡。蒜泥白肉----呢個麻麻地，d蒜泥太多，而且D色水好一般，食落去D肉都冇咩特別，而且切得非常薄，失去口感。夫妻肺片----味道可以，但份量小了點。菜肉雲吞米線----與一般的未見特別。食物------總體係一般環境------店子很小，但裝飾有心思，感到一點雲南地道。衛生------鋪面都ok，但見到廚房就很大機會唔再黎。服務------店員都似沒精打采，只係問你係咪要點菜，未有特別推介。推介美食: 烤羊扇用餐日期: 2010-08-19 (約1400時)是次消費: HKD: 172

紅油抄手: 味道一般。田七氣鍋雞（細）: 當打開蓋，一件雞也看不見只有湯，用筷子挍起才發現雞，數 量非常少，$35，只有5少件,味道一般，份量算是同價餐館中最少的。水煮牛肉: 汁多牛少，跟真正水煮牛肉味道一點都不像，用肥牛，味道似火鍋肥牛 加棘，椰菜無味,以$43,價錢絕對不值。烤羊扇: 算比較特別不是到處都有，沒那麼奶酥味, 可以一試。牛乾巴: 味道很像Bacon, 但很乾也很咸羊肉米線: 羊肉湯底都不錯，米線一般。算是此店唯一價錢合理的。田七花茶，花茶用上了田七花蕾來泡，普通, 味道極淡

約了朋友係觀塘食飯，突然醒起呢間野，所以就來試下兩個人點了雞絲粉皮----呢個幾好食，同大陸的水準差不多蒜泥白肉----呢個麻麻地，d蒜泥太多，而且d色水好恐怖，黑黑綠綠，食落去d肉都冇咩特別，當小食食只屬一般水煮魚-----呢個都幾好食，雖然只係同雪魚，但夠滑，而且味道剛剛好，加碗白飯就剛剛好羊肉米線-----一般，湯沒太勁的味道，羊肉還可以接受，我覺得潭仔好味d~呢度勝在夠便宜~~坐都ok，d人既態度都不錯^^

每次經過店的門前都總會有一大群人在輪候我終於有一次忍不住親自去試試味道服務生態度很好我點了個牛肉小煱米線牛肉的肥瘦部份切得剛剛好又嫩滑又有牛肉味肉質也很彈牙唔……單看牛肉已經可以從眾多同類型的食肆中脫穎而出米線好又很有口感咬下去亦同樣彈牙由於我不能吃辣所以我要的是清湯但仍不失雲南米線的風味正~!!!

岩岩開左呢個ACCOUNT, 想試下寫食評, 一諗就諗起平昤食開既雲南風味 ^^因為突然想寫食評, 冇相 =.= 有機會再擺相雲南風味我都算係經常去食, 去親雲南風味都係麻辣雞米線(學生價$23)同小鍋米線(學生價$25)<--麻辣雞米線就加左一蚊, 但唔記得小鍋米線有冇加價麻辣雞米線中辣岩岩好, 又香又唔油如果貪靚既女士想食辣既話, 就唔好嗌大辣, 因為太多油, 最好就中辣之後叫多碗麻辣雞汁有時候覺得麻辣雞米線悶得濟既話, 可以叫多個送----最好就酸菜酸菜+麻辣雞, 酸酸辣辣, 正!!!小鍋米線, 有酸菜, 芽菜, 腐竹, 九菜... 咪道酸酸辣辣, 不過咪道比酸菜+麻辣雞淡另外, 食米線既時時候, 我最鐘意加D醋落去, 個道D醋唔係平時紅色既醋, 黑黑地, 但又比紅色既醋香!!除左米線外, 個道D小食都唔錯, 最好味既係雞絲粉皮, 好似$15左右D粉皮透透地, 又夠滑, 加埋D麻漿, 正!!個道D野食味道認真唔錯, 不過我就覺得D野食又唔係咁健康D湯咸得濟, 得別係麻辣雞米線分開上既時候, 個湯底飲落去全部都係咸味 =.=而且個道地方太細, 個間野痴立立, 成日都要等

中午心血來潮想去沖出九龍灣食lunch, 因為要返工關係唔可以走得太遠,所以去左官塘搵食就算.怕1時會多人所以12時左右就食lunch la, 2個人叫左個過橋米線, 蒸臭豆腐(辣) &虎皮椒炒舞x菌(唔記得個名, 不過老闆娘話係野生)(辣)初時仲擔心3個菜有2個都係辣, 點知原來所謂辣既一d都唔辣.好耐都無食過過橋米線係配菜/米線/湯分開上, 個湯好清但好鮮甜相信無落味精, 米線配料有火腿, 魚片, 白肉最欣賞係佢既白肉真係做到一層肥一層肉好好味, 另外從未試過蒸臭豆腐估唔到一樣香口好味, 反而對於個炒野菌我就覺得好一般唔算十分好味, 其實最想試係個羊乳餅,可惜今次叫左太多野, 只可以等下次先再去試.

之前已經聽聞呢間舖頭.但一直都冇機會黎食~~9點幾...黎到即刻有位~~叫左一碗雞絲米線$24: 另上麻辣醬.唔叫勁辣.但好香..好好味~個湯亦好有雞味~蒜泥白肉: 冒住肥既危險..都要食..!!水煮魚$36: 雖然都係一般雪藏魚柳..~但都好滑~ 又唔太辣~arm胃口~呢度真係又平又抵食~又唔會好似聯記x王咁太辣..入唔到口..~一定會成日黎幫襯!!

這店離地鐵站有一段距離﹐所以也要步行大概十分鐘才到達﹐令胃口也變得很肚餓。這店內裡堂食位置不大﹐只能容立大概20人﹐環境掛上紅紅黃黃的燈籠﹐想給顧客一種這處擁有的獨特文族特色﹐與其他食店有所不同。 餐牌內有各不同雲南特色小菜﹐經一論商議後﹐食物點了羊肉煲﹐山珍炒牛干菌﹐ 狀元過橋米線﹐水煎羊乳餅﹐枅子氣鍋雞和涼拌雞絲粉皮。羊肉煲 $40 – 每塊羊肉都是連皮以及一層一層夾著肥膏那種﹐沒有一塊是大大舊羊肉。因這裡的羊肉煲沒有用上蔥及芹菜來烹調﹐因而羊肉帶有一點羊羶﹐不是每位能接受。徐了羊羶外﹐這羊肉煲內裡醬汁的味道與廣東的牛筋腩煲很相近﹐不知這味道是否地道雲南人吃羊的味道。山珍炒牛干菌 $35 - 上菜時這道菜炒得熱騰騰﹐顏色深色﹐味道較濃﹐與味道較淡的過橋餌絲一起吃很夾。牛干菌質感爽口﹐有咬口﹐質感有點兒像茶樹菰。 吃完這道菜後﹐徐了牛干菌之外﹐本人真是吃不出這道菜名字“山珍”是什麼﹖狀元過橋餌絲 $37 – 平時米線常常在別處都能吃到﹐因而這次來到這裡便嘗試這雲南特有的麵條餌絲。餌絲質地吃落與其他麵條有所不同便是其咬落帶有一點煙韌的質感。這餌絲配有雲腿﹐火腿﹐白肉﹐魚片及冬菰作主要食

店子雖小, 但店員親切搭夠, 每個既份量都細 (除左米線係同出面食既size差不多, 兩個人剛好, 又可以叫多幾款) 蒜泥白肉食落唔覺舥, 好香, 三鮮米線, 本人嫌清淡左d, 涼拌鮮雜菌 (好似係) 呢個我勁鐘意, 少少辣, 有d麻油味, 田七汽鍋雞都唔錯, 其實都唔係話好平, 因為份量唔多, 但都會再去食過~

吃過了印尼菜，出發到下一站吃米線，看看其百多個笑臉的威力。也不消十分鐘的腳程，來到了此小店，原來就在榮華川旁邊，由於可能是過了晚飯時間，入門也可以以兩人佔了一四人座，室內的裝潢雖然簡陋，但那些手織工藝及燈籠又確實挺有特色。也當然先研究餐牌，見有一大鍋的過橋米線吃，是正宗的即時放湯版，立時被吸引住，另外也點了不可不試的田七氣鍋雞，最後也來一個火辣辣的水煮魚，再來杯首次見的田七花茶，應該會飽到上頸的了。不消一會，狀元過橋米線也被送來了，店員送上的是一碗熱湯、一碟灼過的米線及一大堆食材，分別有黑木耳、生菜、韮菜、唐芹、冬菇絲、蔥花、腩肉及腐竹等，但奇怪的是全都是煮熟了的材料，其實正宗的過橋米線，應該是配上生的食材，以湯的高熱灼熟生的材料，無論如何，店員替我們放好了材料後，那碗米線真的是很大碗，先喝一口湯，湯底其淡，一點藥材味也吃不到，按道理應該是有點沙參、杞子及紅棗等來熬個湯底的，味淡如水，真的是太過清淡了，而米線不太彈牙，而且也不算太滑溜，其餘的材料只可以說中規中矩，尤其那灼過的腩肉是過熟了，吃起來很嚡，又沒有肉香。吃過了不太行的過橋米線，也轉攻細細煲的田七氣鍋雞，氣鍋雞內只有零碎的雞粒及

同事一直在推介這家他家居附近的雲南風味，還說找天午膳要載我們一同朝聖，云云；豈料，已屆數月，仍未成事，結果太公等不及，捉了太公之公先行參拜。同事推介過臭豆腐；是相當便宜沒錯，但實在太細粒，不太臭也不太能吃得出其盧山真面目 - 是否滑溜？有否豆香呢？只隱約有點臭味，和香脆口感。另一道的推介羊乳扇我倒非常欣賞，羊奶羶香濃烈，吃下去很有羊奶芝士的味道，加上經烘烤後增添的香口感，與西洋的羊奶芝士相比，別有一番風味！男朋友見有水煮牛肉即忍不住叫了一客，不過始終是吃滇菜的地方，川菜的麻總作得不太好，這道水煮牛亦然，未知是否花椒爆的火候不對還是時間不對，"麻感"太過表面，沒有正宗川菜的透心感；另外，上桌時牛肉堆積如山，賣相己不太對辦；那些肥牛也沒汲收夠湯裏的辣，不太好吃。再叫了個炸醬米線，侍應也沒問，結果忘了加辣。其實米線都夠爽滑，炸醬也相當香，不過不夠辣的炸醬，總讓人覺得有所欠缺....雖然其他食物一般，但我真的會為這在香港難得一食的滇式芝士 - 羊乳扇再來！下次希望叫的米線和小菜會好吃一點.....