雲海日本料理

营业中

休息中

仍然疫情，沒有外遊，當然同至愛去食餐好的生日飯㗎啦！冇記錯我應該兩個月前訂位，佢哋需要俾deposit, 合理嘅，始終座位偏少，鐵板燒師傅會悉心係你面前，順次序做每一道菜，等你試過之後再reorder其實如果胃口細的話，絕對唔洗reorder, 因為份量十足，佢哋先會送上前菜、三文魚，之後就跟餐牌順次序，每款即燒： 蝦、帆立貝、三文魚、鴨肝、羊架、雞肉、牛肉薄燒、什菜、炒飯，當然最後有麵豉湯及甜品！本人最喜愛鴨肝（不過只限這個沒reorder)不過就算有都食唔到，雖然好好味，但會幾飽肚所以都係再叫蝦、帆立貝同埋牛肉薄燒！唔記得講，佢哋連飲品都係任飲㗎我就比較喜歡日本清酒，凍熱試咗，我個人比較喜歡熱飲今次用咗酒店卡優惠 ，真係好抵食！要計劃一下下次再嚟

慶祝周年紀念，每年都會嚟喜來登食飯。今次試呢間聽聞午市要早五個月book位嘅雲海。Book唔到放題就試吓佢個晚市。老公同我分別叫咗一個海鮮鐵板燒套餐，同一個懷石料理，可以試多啲唔同野，兩個套餐食完真係飽到上心口。懷石料理唔係佢哋主打，好似無咁精緻，無咁多款式。但食材都係非常新鮮，特別係海膽、魚生。成個set食落冇乜太大驚喜，不過不失。海鮮鐵板餐，個三文魚同銀雪魚真係好正，師傅慢慢煎煎到魚啱啱好，有小小生，食落唔使點調味料都好鮮味。和牛都超級正。一路食一路同師傅閑話家常，個氣氛好好。慢慢食就食左兩個幾鐘。

祝我生日快樂，我成功做了中坑。今天又來到我喜歡的日本餐廳，坐在中間的位置，燈光昏暗，三邊有屏風，所以私隱度高。點了兩個餐，一個是壽司餐，另一個是海鮮鐵板燒餐。因為有傷口，不能吃牛肉，否則應該更加開心。前菜和甜品是差不多的，總共有三款不同的湯。我對魚生不太熟悉，整體上十分新鮮，較特別的有賴尿蝦壽司。我認為最驚喜的是燒象拔蚌，很彈牙甘香。炸蔬菜餅、鐵板炒飯和炒菜符合預期。會員生日送生日蛋糕和橙汁，十分滿意，超級飽，可惜這裏沒有老海鮮，不能應節一下。

🤍雲海日本料理之前朋友仔話聽人講尼間餐廳野食好正🤩所以我地打算去試吓👣點知一月打電話去問📞居然最快有得食嘅日子係5月1日🤯足足要提早三個月book🤨太誇張了😮講食物之前要讚一讚餐廳嘅環境✌🏻日式設計🌊喚起我去日本旅行嘅回憶🎑而且餐廳通風系統一流💨可以睇住師博整鐵板燒🤗但完全feel唔到油煙☺️食完個身冇味👍🏻∞ ∞ ∞ ∞ ∞ ∞ ◽️午市任食套餐 (HKD 699/person)尼個套餐包括好多野食嫁🍽包括：沙律🥗刺身🍱（三文魚🍣甜蝦🦐）鐵板燒蝦🍤鐵板燒帶子🍥鐵板燒三文魚🐟鐵板燒銀鱈魚🐠（每人一份）鐵板燒鴨肝🦆（每人一份）鐵板燒羊架🐑鐵板燒雞肉🐥鐵板燒牛肉薄燒🥩鐵板燒什菜🥬炒飯🍛麵豉湯🍲甜品🍭（綠茶雪糕🍦）飲品🍸（任飲日本清酒、生啤、百事、七喜、橙汁、西柚汁、柚子蜜）除左鴨肝同銀鱈魚外🐟全部都係任食🌝廚師會係你面前順序由燒蝦煮到燒什菜🥦之後派俾每位食客每人一份💁🏻‍♀️食完full set之後如果想encore就可以同廚師講👨🏻‍🍳咁佢就會整多份俾你🖖🏻*:･･:*:･ﾟ･:,｡*◽️ 牛肉薄燒 8/10牛肉薄燒好有心思❤️除咗塊半肥瘦嘅牛肉外😝廚師會係入面夾左煎香咗嘅蒜片同爆過嘅洋蔥🧅食落

-以酒店同任食黎講，價錢算係幾實惠。😇-環境幾舒服，師傅遲咗少少開始，但好好人，全程有講有笑！👍🏾-嘢食方面都唔錯，一開頭會全部黎一round~食完之後師傅會再問想再食邊樣，但款式就真係唔多，只係得個幾樣，少少可惜。其實佢有得再另外嗌，但價錢唔平，所以就冇嗌到~-另外有得嗌酒同果汁，唔使另外加錢的~-整體來講算係唔錯，如果慶祝想有高級嘅感覺可以一試，但由於款式唔多，佢好似都唔會轉餐牌，應該唔可以成日去食了

尖沙嘴喜來登酒店的雲海，算是老牌日本料理店，貪吃的朋友推薦雲海的鐵板燒，但我沒有來過！當發現雲海是2021春季香港餐廳週參與商戶，果斷book！2021春季香港餐廳週，我預訂了11間餐廳，雲海是反應最快的１間，落booking當天晚上就收到確認電話，高效！2021春季香港餐廳週390元/位 松花堂午餐：#前菜：菠菜豆腐，份量不多，只有１口大小，味道不錯！#刺身：三文魚、油甘魚、甜蝦，每款２片，不算新鮮，一般！#鮮髮菜酸醋：第１次吃新鮮髮菜，配酸醋，適合伴白飯吃！#燒銀鱈魚：也是１口的大小，鱈魚有油香，好味！#蝦及雜菜天婦羅：脆粉比較薄，熱騰騰的上桌，好味！#味噌湯#白飯#抹茶雪糕：入口回甘，喜歡！滿意的午餐！就是份量比預期少。

昨天同老公帶阿囝去食鐵板燒放題， 我囝16個月大， 我張隻帶子及蝦切粒餵佢食， 個侍應便遞上餐牌，說我仔佔座位，所以要我點選食物給我仔。 我回應他還是BB，餐牌上的食物不適宜他吃， 侍應接着說，那請你也不要分享你的食物給他。我回應OK，但繼續餵他，想完成他碗中餘下的食物， 不要浪費。 那侍應再過來警告我，如果我再繼續餵佢，佢會收回蝦及帶子的費用。 我同老公很愕然，估不到喜來登酒店會有如此的服務態度及那麼的小家， 我哋真係無言....十分失望！順帶一提，我仔沒有佔座位， 因為酒店提供的BB椅十分污糟， 我已用很多張消毒紙巾抹過，但也未能完全起積。 結果全程是我與老公輪流抱住呀仔進食😡😡

今日來到尖沙咀Sheraton 裏嘅雲海日本料理伐dinner,可以講環境舒適，服務周到嘅餐廳，枱與枱之間非常闊落，我地無座鐵板燒枱，我比較怕油煙😛😛😛，我地叫左兩個set,一個季節會席料理（竹）$1380,另一個係kanazawa course$1000,食物質素非常好😋😋😋👍🏻👍🏻👍🏻，講真，食到真係飽肚，最尾還有甜品，今餐都算豐富，萬譽會marriott 出嘅會籍有8折，Sheraton 出嘅就75折，抵食，飽住個肚返屋企🤣🤣🤣，下次應該會再嚟

出名難book嘅任食Lunch鐵板燒，我食weekday，所以提前兩星期左右都book到位，當日唔full，隔離成排冇人坐。要留意而家book位要比deposit。是日食中午的任食鐵板燒，餐牌如下，要留意魚生及鴨肝不是任食的，每人只係有一客，飲品是任飲的，包括日本清酒。第一道就係三文魚刺身，得三片；老老實實，三文魚刺身真係啲好平嘅嘢，中午都成6舊水，已經唔係切得厚，仲要每人一客，感覺真係好孤寒。煎三文魚，無乜特別，個人覺得全熟嘅三文魚唔好食，呢隻就係，好食嘅煎三文魚，應該係煎到中間係粉紅色，嫩滑嘅，佢係屬於全熟乾身個隻。要留意呢個係鴨肝，唔係鵝肝，都係每人一客，其實食落都好油膩，其實俾你食多舊都食唔到。煎羊架加雞，羊架都煎得比較熟，唔腍，仲要佢冇比刀叉你，預你用對木筷子，好“難去”食：好難咬，一般般。牛肉質素大大下降，韌，有渣，好明顯來貨冇之前咁靚，呢個真心失望，我記得以前呢個我哋食幾碟，今次食完呢碟就冇加到…帶子煎得太熟，加嘅時候一次過比咁多，根本就搞到成件事唔好食。有個飯，好油，唔好食。之後有麵豉湯同埋抹茶雪糕，standard野，無乜好講。總結：食物質素大幅下降，侍應服務態度係好

要幾個月前book呢個鐵板燒放題，本身充滿期待，但真係好失望。嘢食唔係難食，但真係唔值呢個價。（而且book枱個CS服務態度都好差-_-）首先上刺身，啲刺身係新鮮、鮮甜嘅。煎帶子同蝦煎到好香牛油味，面頭都金黃色，呢個好食。煎三文魚同鱈魚都唔錯，皮脆肉嫩，鱈魚仲好滑，不過可惜呢個鐵板燒放題係唔可以追加鱈魚。煎雞排就好普通，味道無咩特別，唔太特出。羊架就好好多，唔係好大舊，煎到面頭好脆，裡面咬開都係粉紅色好juicy，而且醃得個味幾出色。鵝肝多士都唔錯，鵝肝都煎得外脆內軟好甘香，而且幾大舊，如果有個汁解吓膩就會更好。鵝肝都係唔得追加的。最失望就係個牛！薄切牛包住洋蔥同金蒜，洋蔥嘅甜同牛係match嘅，但啲咁薄嘅牛失落竟然有筋係韌嘅！食落完全唔似係食緊啲好高質嘅牛好失望！另外有個位係食完第一輪後每次添食物嗰陣，師傅都會比好多，好似第一輪帶子每人兩隻，但添嗰陣一比比五隻，其實食唔到咁多囉，一來擺都凍晒，二來咁好難再添其他嘢，有種趕收工嘅感覺。最後就係個炒飯竟然係喺廚房炒出黎，而唔係喺面前用鐵板炒，好奇怪。lunch要咁貴但呢個體驗完全唔值得呢個價。

上個月底,朋友生日,請左佢食講左好耐既鐵板燒放題😂由預約到食個日,足足等左3個月,無錯,係3個月,好多人book🙈🙈 介紹番間餐廳先尖沙咀喜來登酒店日式料理「雲海」星期一至日都會提供鐵板燒放題，但星期六日會多左舊鵝肝同比鱈魚（各一舊，唔係任食）大家坐係鐵板前睇師傅即席燒烤美食 真係味覺同視覺既享受🤤由前菜及刺生後，師傅會先上一次菜單上面既食物一次，試完之後，再揀自己想食既食物encore 本人同朋友瘋狂encore 燒肉，蝦帶子同三文魚🤤🤤 （如果鵝肝可以任食，我即all in,真係好好食，外脆內軟，油脂香潤，麵包一齊食仲可減少油膩感，抵讚👍🏻👍🏻）牛肉薄燒叫左5成熟，牛肉卷住炒香嘅洋蔥，肉味濃郁帶着油花香同埋洋蔥獨有既甜，食落好幸福😊蝦帶子好新鮮👍🏻另外，啲炒飯都唔可以忽略因為啲米係越光米黎煮，配埋三文魚食，最後食左2碗😝啲三文魚皮煎得好脆，好似食緊薯片咁🤤飯後甜品，綠茶雪糕，好濃綠茶味🍵，正👍🏻👍🏻整體高水準，無論係食物定服務質素，一定會再食👍🏻👍🏻👍🏻

哩餐午市鐵板燒~我應該有早3~4個月前book定位啦~🥰🥰$599一位~不過係放題黎架~除左前菜~刺身同鴨肝外~其他都係任食架~飲品都係一樣~連日本清酒🍶同埋生啤🍻都可以任飲架一張鐵板燒枱有2塊鐵板燒~2個師傅負責約14位客人~第一round~師傅會跟餐牌上既次序~每人黎一份~海老▶️好貼心咁起哂殼~啖啖肉咁~肉質爽口彈牙帆立貝▶️全部都大大粒咁~兩面煎至微焦~內裡仲係好嫩滑~鮮甜三文魚▶️魚皮煎至香脆~而且肉質嫩滑不腥鴨肝▶️外脆內軟~食落油香滿口~配埋多士一齊食~可減卻油膩感羊架▶️重點係完全唔騷!!!唔太食羊既我都食到~兩面微焦~但內裡仲保留到嫩滑juicy感~雞肉▶️相比起其他款式~哩個算係正正常常~牛肉薄燒▶️師傅會問你想食幾成熟~我要左5成熟既~黎到都見到冇overcook~唔錯~牛肉薄燒肉味濃郁牛肉薄片內夾著洋蔥同炸蒜~同哂惹味~什菜and炒飯師傅都好識做~每樣都係比少少大家試下~想要既可以再encore~正正常常的味道~不過不失~食完一round後~就到左encore時間⏰⏰啦~海老~帆立貝~三文魚~羊架同埋牛肉薄燒哩幾款都係最多人encore~😋😋😋😋😋食飽飽後一人仲有一碗麵豉湯添

通常到"雲海"多數食中午的鐵板燒放題, 因為覺得比較抵食😅 不過最近比較難訂座. 所以今次轉食晚市懷石料理, 餐牌只得一個季節性套餐選擇, 我們就試試吧! 頭盤原先是海膽伴魷魚, 不過時令食材關係餐廳改為海膽伴龍蝦肉, 有海膽味, 龍蝦啖啖肉前菜, 用一個方形盒子奉上, 內有魚仔, 爽口的魚蛋片, 甜甜的雞蛋卷, 左口魚棒壽司, 海帶卷&甜甜的黑豆. 每種食物食少少都覺得幾得意, 滿足心多多的我🤭清湯, 視覺真是很清, 溫度夠熱, 內有金目鯛魚, 三葉, 冬菇&一小塊柚子皮. 味道清清地, 魚塊啖啖肉, 柚子皮幾清新&幾特別, 因為好少飲湯時飲到柚子味道😅刺身, 鰤魚, 帶子&牡丹蝦帶子&牡丹蝦刺身超鮮甜, 夠新鮮, 蝦膏亦很濃味😋👍 反而鰤魚刺身新鮮, 魚味較淡煮物鱈場蟹鍋, 湯底鮮甜, 內有3件鱈場蟹, 大葱, 旺菜&滑滑的豆腐. 蟹殼已開容易進食, 蟹肉鮮甜. 其他配菜也不錯😋👍燒物鹿兒島牛, 服務員建議將柚子蘿蔔蓉放入醬汁內點食. 本人建議可點少少鹽進食, 味道再昇華. 配菜有小青椒, 新鮮無花果. 炸物白魚雜菜餅, 白魚長長, 好重菇味🍄, 薄薄天婦羅炸漿, 鬆化, 少油,

與大家分享上個月底的生日飯 ... 是很耐冇食的日式鐵板燒 ... 仲要是放題，飲品也任飲 ~~ 環境和服務都是一流的星級酒店水準 ~~坐在鐵板前看著師傅即席燒烤美食，真是味覺和視覺的享受多謝儍爸的生日飯 ~~尖沙咀喜來登酒店的日式料理店『雲海』 星期一至五午市時段提供的 ... 任飲任食的鐵板燒放題 餐牌上的食物和飲品任飲任食 (除了鴨肝)食了前菜和刺身後 跟著鐵板師傅先上一次餐牌上一系列海鮮和肉類鐵板燒 有蝦、帆立貝、三文魚、鴨肝、羊架、雞肉、牛肉薄燒 試過之後就可以點選自己愛吃的『繼續任點任食』 添食得差不多就上什菜、炒飯、麵豉湯和甜品刺身是肥美的三文魚無限供應的飲品有生啤、百事、七喜、橙汁、西柚汁、柚子蜜日本清酒也無限供應的，仲可以揀凍或熱我們第一輪就點了杯凍日本清酒和橙汁接著就是儍媽期待的 ... 鐵板燒 ~~先來鐵板海老配帆立貝，愛吃海鮮的儍媽添了幾份呢 !海老用褪穀的大蝦，肉質爽口彈牙帆立貝兩面煎至微焦，裡面肉質鮮嫩，味道鮮甜鐵板三文魚，魚皮煎至香脆，肉質嫩滑不腥不過儍媽想食銀鱈魚多點 ...儍爸上次與同事食的時候是銀鱈魚，最近轉了三文魚 ...鐵板鴨肝配多士邪惡又好吃的

11月時和爸爸到雲海食鐵板燒放題，感覺食物及服務也令我們失望。前菜的三文魚和一般超市的刺身並無分別，而煮熟的三文魚更普通不過，又過熟又太乾。整餐放題的主打帶子、牛肉和蝦，需然可以任食，但味道和新鮮度並無驚喜，尤其是帶子和蝦，用咗好重調味料，蓋過了食材本身的鮮味。至於羊架和雞件就太家常餸菜feel了。最後㗎大鑊飯，睇住廚師把一大堆白飯倒到鐵板上，一大堆飯咁炒，見到都無哂胃口。唯一可以讚係片鵝肝，味道都算肥美，煎得香口又無過熟。這款也是爸爸唯一想潻加的食物，可惜就每人只限一件。唔知會否因為做放題的關係，鐵板燒的廚師全無功架，就好似係廚房煮完就分餸咁，與正宗的鐵板燒餐廳比較，有好大落差。整間餐廳的服務也只是一般，達唔到五星級酒店餐廳的水準。老公見我講得咁差，反而話想去試吓，證實吓。咁我就再book位陪佢去試吓，等佢死心。原來係一月開始，weekend 放題已經加價至$699，其中$360是食物價，$339是飲品價，就算係萬譽會會員也只有食物價的折扣，真係有D取考。所以如果這間餐廳日後有信用卡折扣，都真係要問清楚是否全單有或是部份有，免得結賬時才發現中伏，不是原先預計的價錢。以食物的種類和味道