雲魅 (已結業)

係open rice 見到評分不錯，中午一個人想簡單吃米線，當天差唔多一點上到去，餐廳只坐了大概一半人，我只有一人到這裡吃午餐，被安排坐到廁所外，同侍應要求坐近窗，她說已留座，再要求坐其他位置，她最後不情不願的安排我坐另一邊座位。並說一般不會安排一位坐四人座，因為晏些有很多人到，但直到我食完，餐廳也沒有多少。至於食物，所選套餐也70多元，以旺角來說，這午餐不平宜，但味道沒什麼特別，但懷疑湯不夠熱，當晚即患上腸胃炎。沒有下次。

平時好鍾意食麻辣米線，差唔多每星期都會食。但湯底另上嘅正宗過橋米線真係第一次食。平日午市套餐只係$78，包括過橋米線、小食同飲品。過橋米線有兩款肉類同兩款湯底揀。湯底就只有雲魅特色湯同蕃茄湯揀，無辣嘅選擇。而肉類可以揀肥牛或者豬腩片。落完單唔使一分鐘就上咗凍柚子蜜，小食同埋米線配料，好有效率。而放喺砂鍋嘅湯底等咗幾分鐘就上枱。過橋米線嘅餸菜配料分為小碟放喺盤上面，望落好豐富，賣相好靚。用砂鍋上嘅湯底非常熱，一放上枱時仲滾緊。襯住湯仲熱就將配料，肥牛同米線放入砂鍋。本身已煮至半熟嘅肥牛放入熱湯後，變成九成熟。肥牛同蕃茄湯好夾，食落唔會韌。蕃茄湯底睇個顏色都知濃郁，係好真嘅蕃茄味米線食落夠滑唔會過腍，但份量少咗啲。午市套餐包埋嘅小食，揀咗手撕雞手撕雞面頭有芫茜碎同辣椒粒，食落好香椒麻味，微辣，幾好味雖然食米線嚟講呢個價錢有少少貴，但勝在賣相靚，而且包埋一個小食同大大杯凍飲。如果想食到正宗雲南過橋米線不妨一試。

🍅雲魅番茄湯麵 ($88)🍅🤩叫左呢個午市套餐, 有包一個前菜, 飲品同麵. 😶‍🌫️前菜揀左手撕鬼雞, 調味得幾好食. 🥤飲品既凍蘋果蜜好飲解喝, 🍜而個麵就揀左番茄肥牛七彩麵, 佢最特別就係有10種配料排曬係個盤道, 🥢等你自己依次序放入個麵道, 正一好玩又好食!🥳🍨泡魯達 ($48)🍨😙佢地標榜呢個為雲南既特色甜品, 象徵甜而不膩的愛情. 🥰裏面有芒果雪糕, 蒟蒻, 紫米同椰子餅, 👌🏼個人覺得可以既, 但略嫌食多幾啖就開始太甜啦🤨😋總體 (味道, 性價比, 環境, 服務態度) : 8/10——————————————————————————————🍅Tomato Soup Base with Rainbow Noodles ($88)🍅🤩This lunch set included an appetizer, soup noodle and a drink. 😶‍🌫️I have chosen Yunnan style shredded chicken as the appetizer, it was nicely seasoned and tasted good. 🥤For t

旺角高級雲南過橋米線🍜平時譚仔就食得多 香港過橋米線做得好嘅真係唔多🥲過橋米線除咗配料一眼就睇到晒之外個湯底一定要夠熱 否則就會煮唔熟啲食材🧐今次就試咗豪華級嘅過橋米線😍.🎈香格里拉豪華配料過橋米線 ($128)正宗過橋米線其實係用熱鍋上 再將半熟既配料加熱進食😋我哋就揀咗特色湯 微微酸辣而且仲有得俾你要食牛肉定腩片 麵都有七彩面同米線可以選擇👏呢個豪華組合全部都係高級野😍👉大蝦🍤: 蝦肉爽彈大隻新鮮 睇樣都覺得好靚仔👉鮑魚: 呢個價位有鮑魚實在難以置信 鮑魚都淋身 亦幾有鮮味 實在唔錯👉帶子: 一開二 入口似係刺身級既帶子 真係第一次帶子配米線 但原來味道又出奇地夾👉炸醬: 可以話係呢個麵既靈魂 湯底既雲南風味 就係佢呢個炸醬吊味 酸酸辣辣🌶.🎈雲魅手撕鬼雞 輕盈 ($30)有得叫輕盈份量好方便我呢啲細食嘅人👏肉質唔算太鞋 調味都OK.🎈海蜇青瓜絲 ($20)價錢真係幾平😍口味酸酸辣辣 係開胃之選😎.🎈總括而言餐廳環境開揚 有大玻璃窗😎雖然係主打過橋米線 但係自由選擇道高唔止配料有得揀 湯底同埋主菜都可以自己選擇😎都幾適合偏食症人士 唔食蔥就可以落小碟蔥啦👏

平時睇開 #香港米線關注組 就會keep住好想食米線😂今次就去同🙆🏻‍♂️試下新野先!!.📍雲魅.🍜文山精緻配料+雲魅香辣湯 ($108) - 揀左肥牛配上文山精緻配料~感覺好得意，係需要自己按次序放入餸菜嫁~係湯仲滾緊嘅時候就先落肉同鵪鶉蛋🤩然後就落其他野，有鳳尾蝦、帶子、蟲草花、酥肉、炸醬、響鈴、竹笙、莞茜同酸菜~最後加埋個七彩麵😍顏色好靚~味道都好好唔會太辣喎🍜香格里拉豪華配料+雲魅特色湯($128) - 唔食辣嘅🙆🏻‍♂️就揀左呢個用上每日鮮熬雞湯，配上秘制醬汁帶有微微酸辣味道~先放入豬腩片同鵪鶉蛋，再加蔬菜類同其他配料例如鮑魚、帶子、鳳尾蝦等等🤩最後加埋米線就食得!!湯濃味道夠~食完暖笠笠😋🍗傣族手撕鬼雞(小/$30)-手撕雞啖啖肉，配上蒜茸、莞茜葱同芝麻，都幾惹味喎~

兩人各點了一個lunch set，價錢不貴80HKD有找。有前菜和飲品，味道較咸，但擺盤別緻，可以一試。前菜點了涼拌黑木耳和傣族手撕鬼雞。兩者也是微辣，令人開胃。黑木耳大件又爽口；手撕雞的芫荽味突出，不愛吃芫荽的話要注意。兩者的份量也很足！過橋米線 • 豬腩肉 • 特色湯十種配菜各用小碟呈上，圍著中間的豬腩肉，從擺盤上看已經令人十份滿足！唯當中的炸醬各酸菜味道較濃，所以我沒有全加進湯裏。米線的湯底亦較濃味，口味清淡的各位要注意。而當中最令人滿意的一樣就是米線和湯底是分開上的！不用擔心麵條會泡得太淋。除了米線，亦嘗試了本店的特色七色麵，有種淡淡的蔬菜味（？）味道特別，值得一試。

友人不嬲鍾意食米線，今次佢話要去試位於旺角既雲魅，因為佢話呢夠正宗。我哋兩個都叫咗過橋米線，揀咗文山精緻配料（$108）及雲魅特色湯底。首先嚟嘅係配料都好豐富，每樣配料分別用小碗裝住，跟住個湯係滾住送到黎。我地就馬上跟住指示落肉同埋海鮮，之後落蔬菜配料，最後先至落米線。啲湯既熱力足已令到肥牛熟哂，個湯底好特別，有少少酸辣口感，同埋都食得出佢係清雞湯底嚟嘅，連埋米線食真係一流，食完唔會口乾，配料個帶子同蝦都係好大隻，鍾意食米意既朋友可以一試。

終於食到嚟美食集中地嘅旺角啦~ 雖然最近天氣好Q熱，都無阻我放假出嚟行旺角嘅決心😎係旺中買衫買到好肚餓，所以上網搵吓附近有咩好食，結果俾我發現到有呢間食雲南米線嘅「雲魅」😝今次order左佢既午市套餐（$88），直到上菜嗰刻先知原來係咁豐富架😱😱 前菜：傣族手撕鬼雞🐥主食：肥牛🐮、昆明風味配料🌽🍅🥬（包括豆卜、午餐肉、酸菜、肉醬、雞蛋、蕃茄、粟米）、七彩麵🌈湯底：雲魅特色湯飲品：熱蘋果蜜🍎真係俾佢所謂「前菜」既手撕雞嚇親，一啲都唔係前菜嘅份量黎既😨 仲多過主食既肥牛添呀！手撕雞有輕微嘅麻辣，但完全唔需要擔心，個麻辣係一般人都接受到嘅程度😆七彩麵嘅質地比較軟，七彩麵嘅顏色好開胃，但食落就唔太覺有咩特別味道🤣 如果食唔慣或者唔敢嘗試嘅都可以揀返米線😌個雲魅特色湯係雞湯底，再有啲酸辣既味道👍🏻 食唔到辣嘅都可以揀返佢嘅蕃茄湯底🍅 不得不提嘅係一上枱一個湯仲係滾既！呢個套餐再加埋呢個景🏙呢間餐廳真係好值得一試🤓 如果食厭咗譚X或者X哥，不妨試吓呢一間嘅特色米線！😘

座落鬧市中嘅高樓食肆。極力推介🌟🌟🌟🌟🌟嘅正宗雲南米線。同係雲南食嘅幾乎一模一樣，無論係食法定湯底都都非常相似👍🏻👍🏻🤤店內擺設都極具雲南風味，仲有播放令人舒適嘅中樂曲。各自叫咗一碗最平最基本嘅過橋米線(昆明風味配料），大概~$90一碗，雖然比起一般食開嘅米線貴岀一半，但CP值極高👍🏻麵底可以選擇米線或者七彩麵（好似類似蔬菜麵個類）。我揀咗米線，非常順滑，配埋湯底係一流🥰湯底（老壇酸菜）真係不得了，唔知係咪用咗砂鍋煲令佢嘅味道進一步昇華咗，一飲就會分得岀佢絕對唔係味精湯，而係用咗雞嚟熬岀嚟嘅湯底，非常鮮甜。唔知點食法🙈店內亦貼心地提供餐牌教食客點食🥰😋泡魯達推介指數🌟🌟🌟🌟🌟原來係雲南省芒市非常著名的小吃😋用咗西米露、煉乳、特製麵包干、新鮮椰絲加上冰塊和水。甜甜地，又非常消暑😋👍🏻

雲南小鍋米線有大量既炸醬跟酸菜，另有幾片魚片，但又不會太濃味，配埋湯底一齊，味道反而算是較清啖。脆炸蝦球 剛炸好，另有加到辣粉，微微辣之餘又香脆可口。刀拍青瓜爽口微酸，開胃小食。

.今次試另一款米線手撕雞涼麵 好大碗仲要超級多雞絲 超級厚佢原本嘅涼拌汁就辣嘅但我麻麻哋辣 所以叫佢換咗個唔辣嘅都好濃味 配合涼麵啱啱好☺️.之後可以跟一個小食同一杯嘢飲我就叫咗青瓜 其實都幾大碟㗎青瓜會有少少辣 但係我都接受到😉.再加埋一杯紅棗蜜 甜甜地 中和一下如果紅棗可以多多少少就好啦😘.我而家基本上去親旺角！都會去呢間度食 座位又闊落食物又好味😋 去極都唔厭呀😉嘻嘻😇.🥢雲魅 (旺角)📍旺角彌敦道724-726號18樓 .

香港好多米線舖，呢間雲魅都係食米線既。但係就同平時食開果啲好唔同，佢既配料、麵同湯係分開上既，食既時候自己將啲配料逐碟逐碟放入鍋湯到🤩冇諗過食雲南米線都可以咁有儀式感🙈而且呢度午市套餐都幾抵食！包埋一款前菜同埋飲品🤤 1️⃣過橋七彩麵（$78）有得揀過橋米線或者七彩麵，覺得七彩麵特別啲所以就嗌左七彩麵😌湯底可以揀雲魅特色湯或者雲魅番茄湯，我就揀左雲魅特色湯。之後可以揀肥牛或者豬腩片，揀左肥牛。  午市套餐既配料係跟佢既昆明風味配料，有鵪鶉蛋、餐肉、魚腐、車厘茄、玉米粒、酸菜、響鈴、炸醬、酥肉同埋芫茜蔥。上檯既時候鍋湯熱辣辣仲滾緊🤤自己將啲配料扔落鍋湯到，幾特別幾有趣。舖頭仲有教你點樣食，要放左肉類同蛋先，之後再放蔬菜類，最後先放麵。  覺得呢個米線幾好食😋湯底係酸酸地帶少少辣，唔算好濃亦都唔會好油👍七彩麵食落就其實冇乜特別，偏淋，不過試係都好😄  另外午市套餐仲有跟一款前菜，有得揀木耳、手撕雞、青瓜或者雞翼尖。我就揀左佢既傣族手撕鬼雞。比我想像中大碟！而且味道唔錯🥰帶少少酸味好開胃！推薦呢款！ 午市套餐仲跟飲品，揀左青檸薑蜜。酸酸甜甜夠曬清爽，而且唔會太甜🤤朋友嗌左柚子蜜都唔錯。  

呢間真係book mark咗好耐，終於去到啦！主打正宗雲南米線！首先讚一讚，呢度嘅配料真係十足！五顏六色望到都覺得開心🥳我叫咗有少少酸辣湯底，👍個湯底唔算太濃郁，🤣但係清清地都滿足到我食雲南米線嘅慾望😍😍今次我叫嘅係豬肉米線😍（$78）餐仲附送左一款小食我今次揀咗青瓜，好fresh!仲有一杯嘢Tim !😚佢一想煲嘅時候呢係熱辣辣小心辣親！之後就可以將啲配料放入鍋裏面啦，最最最有驚喜係嗰個七彩麵條，係彈牙同埋幼身版嘅上海麵！👍整體來講性價比都唔錯！另外一讚環境，一入門口都已經覺得舒適優雅，門口裝修得10分別緻，有啲古色古香，坐窗邊呢落地玻璃令到環境10分開揚🤪10分精緻的午餐🤪心情大好🤩

一直都好想諗下正宗過橋米線，所以今日就嚟到旺角雲魅啦！❤️❤️.我哋叫左個 老壇酸菜湯七彩麵😌 要左昆明風味配料同豬腩片😆將d配料放落去碌碌就可以架啦！湯底酸酸地好開胃架，個豬腩片好有口感🥰 配料有餐肉、粟米、炸醬等，真係幾豐富下😌😌.小食叫左蒜泥白肉❤️重口味必食！蒜泥超多👍🏻👍🏻手撕雞份量都幾多，惹味又不會太辣👍🏻.另外叫埋南瓜餅😻甜甜地，好煙韌😆😆

係香港有唔少食米線既鋪頭，而食正宗既雲南米線既鋪頭實在唔多，因為要準備既材料亦唔少，所以能夠搵到一間好食同正宗既真係好難得👍🏻而今次就嚟到旺角既呢間雲魅，試一試佢到底係咪真材實料👍🏻👍🏻一入到去餐廳既裝修都係走古典風格，而當日去食果時都好早，所以都未係有好多人黎食，而佢地過橋米線主打都係用熱鍋上，落埋啲配料煮熟，最後加上米線，而佢地既湯底都有好多選擇，有酸菜味，亦有蕃茄味同辣湯揀，而今次就揀左雲魅特色湯，配料就要昆明風味配料～昆明風味配料過橋米線（$88）首先一上枱果時就見到一份排列得好整齊既過橋米線，配合埋個熱鍋，入面既雞湯仲係十分滾同熱辣，呢樣就係正宗雲南米線既精髓，要湯夠熱先能煮熟啲配料同米線，而佢既配料都好足，尤其係有鵪鶉蛋，而店鋪亦有教學落配料既先後次序～而個湯底應該係真材實料用鮮雞熬出嚟既湯底，加左小小酸辣醬汁唔同話太搶味，而個湯底真係十分鮮甜，淨係呢個湯底都已經值回票價👍🏻加埋飲完係唔會頸渴😋😋的確係值得一讚👍🏻而佢有一款甜品叫雲魅泡魯達（$48）既甜品，其實就係芒果雪糕加埋啲紫米同餅乾，食落個味道幾新奇，而呢幾樣既配搭亦出乎意外地夾，而食落味道都相當唔錯👍🏻總結呢間餐廳