頭啖湯

营业中

休息中

👨🏻‍🍳食物：第一次試梗係要試signature 滋潤椰子雞煲啦，價錢公道 （$138/半隻： $228/隻）上煲時， 連半隻黃油雞一齊大火煲。 打開蓋鬆開D鷄再滾一滾就飲頭啖湯喇。 湯底好濃郁， 好似燉湯咁， 奶白色湯底， 加上蟲草花， 木耳， 黃油雞。 飲一至兩碗， 食埋D鷄， 已經半飽。 之後加鷄白湯， 開始打邊爐。 湯底記得撇油之後先打邊爐。個湯係少椰子味； 唔好期望係清甜雞湯； 頭啖湯係偏咸既， 但我又唔覺好味精， 因食完都唔覺好口渴！ 🏙環境：有卡位，四人一枱啱啱好。唔多位， 記得book 位！ 🤵🏻服務：因續緊酒牌， 冇酒賣！但冇強迫我哋飲non alcohol drink, 老闆仲教我地去附近OK 買。 之後老闆主動叫員工幫我雪起其中一支啤酒， 我哋飲左一支， 醒目地問我地開唔開埋另一支。 欣賞佢地唔係同佢買酒，都有service. 💰價錢：價錢公道合理！ Signature湯底都係百幾二百蚊。 其他配料都係正常價錢， 鍾意濃湯底既， 值得一試！

今日和朋友吃這裏的椰子雞煲，簡直吃到一肚火。本身一定支持黃店，但看到他們又可以使用支付寶，又售賣國內的王老吉，實在不明白他們的用意。點菜點了半隻椰子雞煲，還點了安格斯牛丸，響鈴卷和墨魚滑。椰子雞湯非常鹹，喝上口沒有任何椰子味道，而且還鹹到不得了。重點是越吃越鹹 ，吃到後期已經不敢再吃。整碗湯都是味精，吃完後口渴到不得了。吃了那麼多年椰子雞實在沒吃過這麼難吃的椰子雞煲。湯底差環境和服務都一般，再怎麼支持黃店也不可能支持 這麼難吃的店鋪！

朋友想吃椰子雞煲，特意過來港島區吃這一家店。可惜朋友有點失望，今天的椰汁雞煲做得太咸，反而椰汁不夠多。整體打了折扣。點了響鈴卷，土豆，豆腐，雨衣甘藍，安格斯牛丸，墨魚滑和象拔蚌。個人還是最喜歡安格斯牛丸，不止彈牙爽口而且牛味十足。墨魚滑也非常不錯非常爽滑，再加上必點的響鈴卷吸了椰汁雞湯後更加香甜。這三道菜絕對是每次來必點之選。土豆豆腐羽衣甘藍都屬於 不過不失的配菜。相反最貴的象拔蚌卻有點失望，煮熟收水后太細，吃下去不夠爽口，口感有點一般。整體服務還是可以的，希望店家能注意雞湯的味道 不要太鹹多點椰汁將會更加好吃。

晚上想吃椰子鷄煲，剛好家裏附近有一家椰子雞煲評語不錯，特意過去拔草。這家店裝修實在跟茶餐廳沒分別，但原來高手在民間，這家店的椰子雞煲應該是我吃過最好吃的一家。點了半隻椰子雞，湯底非常濃郁的椰子味，且雞肉十分滑溜，配上竹笙，草菇，杞子實在配料十足。吃前先喝兩口湯 真的非常香甜，完全可以看出廚師的功架。點了安格斯牛丸， 響鈴卷和蟹柳。安格斯牛丸又是另一驚喜，牛丸十分彈牙而且牛味十足，絕對是來吃必點之選。響鈴卷吸了椰汁湯再吃絕對香甜。反而蟹柳感覺一般，口感吃得出不是上等的蟹柳。椰子雞煲湯底越吃越濃，差不多喝了整鍋湯才離開。個人認為相比深圳四季椰子雞煲更好吃十倍。而且服務很好絕對誠意推薦👍

限聚下做冬，唔想老人家去街市買餸煮飯，天氣又凍凍地，最啱打邊爐。上網搵椰子雞鍋外賣其實有唔少選擇，黃店優先既考慮之下就揀咗頭啖湯。訂購都好方便，前兩日WhatsApp 就可以。訂左個＄888既6人餐，包湯底有一大隻新鮮雞，安格斯牛肉，黑豚肉，丸類響鈴蔬菜出前一丁飲品一應俱全，乜都唔使諗。準時到店，店員即時包裝，我哋返屋企都一段路程，全部都包得妥當，個湯返到屋企都仲熱。店員態度好好，仲提我小心面頭嗰盒係湯要小心拎。開餐時間，太肚餓完全唔記得影相😅。配料非常新鮮，第一時間食隻雞，滾起後熄火焗5分鐘就食得，非常嫩滑，加上湯底濃郁，乜嘢醬都唔使點，好鮮甜！成家人食到舔舔脷😋。其他配料都係靚野，安格斯雪花肥牛同黑豚肉好好味好新鮮，最大驚喜係牛丸，原本以為係普通牛筋丸，咬落牛味濃又多汁，睇返餐單先至知係安格斯牛丸！6人份量好夠，我哋都食唔晒。平時打邊爐例牌都點豉油加辣椒，今晚一滴都無點，淨係湯底味道已經夠好味，難得食完一啲都唔口渴，絕對唔係味精湯。樣樣都好滿意呀😄

當外賣自取嘅情況下態度都可以咁差嘅時候....我都真係唔敢想像喺度食會被點樣對待😢野食尚算可以...但老實講：你真係要好受得氣先會接受到呢間野（女）員工嘅態度😓簡單講：我買左唔多，千靚二千蚊野啫，感覺上好似「我欠左佢地咁...」其實...我都係想外個賣打個邊爐啫。。。。總結：1.如果食餐飯要受氣嘅話...其實我會選擇第二間😢2.失望嘅...失望到連野食好唔好都冇心機寫3.希望真係可以改善下🙏🏼

冬天差唔多又到，呢啲天氣最岩就係打邊爐食雞煲🤤由於我地都唔係好食得辣，就揀左最細既辣度，但係一上到黎都聞到勁香既花椒味🤓 雞肉食落夠嫩滑，幾入味，又辣又麻的確好惹味，會忍唔住食完一舊接一舊😋 佢仲有唔少洋蔥做配菜，煮到腍晒勁入味，好好食！雖然話就話得半隻雞，但係其實份量都算幾多，三個人食都食淨左少少🤣食完雞煲點少得打邊爐，而食牛肉係必須的😆 我地求其嗌左個雪花牛肉，但係真心好有驚喜！個牛肉真係好好食，因為佢係雪花牛肉，油脂分布得好均勻，食落一啲筋都無，超嫩滑🤩 可惜呢個價錢得幾塊有啲少，性價比就唔算好高🤭之後我哋嗌左水魷魚($48)，墨魚滑($68)，芝士竹輪($38)，鴨血，金菇($22)同埋牛柏葉($48) 其實除左牛肉之外其他既份量都比得好足。水魷魚食落好新鮮，夠哂爽口，連我平時唔係點食水魷魚都覺得好唔錯。而墨魚滑食落非常之爽口彈牙，就算煮熟左都有好大陣墨魚香👍🏻 而芝士竹輪自從無食吉邊之後，我就好少食，所以去打邊爐見到有一定會嗌！呢到既芝士竹輪我都好推介，一咬落去啲芝士湧哂出黎既感覺真係好正🤤 而佢既鴨血我就唔太推薦，煮完上黎唔入味之餘仲有啲腥，同係台灣食既完全係兩回事😢 最後

好開心終於搵到一間打完邊爐，又唔口乾嘅火鍋店！第一次吃已經急不及待又再去！用料新鮮，尤其推介米線、冰豆腐、蝦滑、西班牙黑毛豬、鮮炸響鈴及水果茶！一吃難忘！真心推介👍🏻👍🏻👍🏻

想食好味雞煲，覺得要夠麻又要辣，而雞也嫩滑。食過很多都不是所有都做到。而這裡的重慶雞煲卻令我充滿驚喜，之後變火鍋打邊爐，雪花肥牛入口即溶，竹笙䈑筍吸辣汁一流，加上價錢也算大眾化，經過不妨一試。

招牌椰子雞湯米線 $64自選配料: 特級潮汕牛丸、特色魚肉春卷、萵筍湯底清甜，飲到濃郁椰子味，飲得出冇加味精，係屋企會飲到嘅味道，配有四件雞件，雞腿位置，肉質嫩滑，配有少許 杞子、小棠菜、雲耳、椰子片。因為買外賣，配料放喺湯，一倒米線，配料沉底，真正分量國唔只相中咁少。米線爽滑彈牙，潮汕牛丸有三粒，彈牙爆肉汁，好重牛味，冇雪味，魚肉春卷兩大條，略厭炸得太燶，萵筍有五塊，口感爽脆。見到文宣話因疫情影響，六點後只准外賣，加上地點偏遠，令餐廳生意雪上加霜，去開附近就支持下，入到餐廳，老細唔想招呼你，一副唔優做嘅態度，身為客人，感覺幾差，希望能改善服務態度，否則逆市中更難生存。

呢間係一間主打好味到連湯底都會飲哂嘅火鍋店，今次就嚟試一試🤓店面裝修以木色同白色為主，有種和諧嘅居家感覺，可以好放鬆咁食餐飯。餐廳位置亦夠闊落，唔會坐得太迫。見到靠牆櫃上寫有唔少客人名嘅酒，估計呢間都係熟客常店🤓🥢滋潤椰子雞煲一隻       $228餐廳主打四款特式湯底，今次揀咗椰子雞。湯底非常足料，紅棗、竹笙、雲耳、大蔥、秀珍菇等，雖然湯好鮮甜，但無椰子肉同油太多較遜色。上枱時雞係生嘅，所以要等大約15分鐘，而雞件係十分嫩滑🤩🥢手切安格斯雪花牛肉 - 大    $228牛肉雪花分佈平均，肉質嫩口感唔錯但牛味較淡😕🥢雙拼蚌 - 珊瑚蚌 桂花蚌    $118清潔乾淨，夠爽口彈牙😎🥢篙筍 $32份量尚可，但蔬菜都竟然有擺盤👍🏻🥢墨魚滑   $68本身見有兩條以為嚟錯兩份，但原來呢個就一份，份量都幾多。 都幾彈牙但帶點腥味😕 🥢安格斯牛丸   $42   推介🔥🔥好有牛味又夠juicy，牛味仲重過果碟牛👍🏻 意料唔到呢個牛丸咁出色🙀🍹綜合水果茶 $36綜合水果茶大大杯都只係$36，仲要真係好足料：有齊藍莓、火龍果、西柚，飲落清甜有水果香！抵飲過好多連鎖店嘅水果茶😝🍹巨蜂乳酸梳打特飲 $2

疫情發生之後好耐都冇打過邊爐，等疫情稍緩既時候就忍唔住食啦係OpenRice 度見到尼間湯底係椰子雞湯就馬上被吸引！結果亦冇令人失望半隻雞份量既椰子雞湯底，再配三款火鍋料，飲埋杯招牌水果茶兩個人食到超飽！湯底清甜好飲，飲到唔捨得落火鍋料落去一齊煮🤗如果湯底有埋啲椰肉就不得了！不過啲雞好多油，所以店家提供埋撇油工具俾你慢慢撇～火鍋料方面就叫左雪花牛肉、竹笙同䈑筍。牛肉幾靚，食落有牛味又唔太油。 竹笙同䈑筍都新鮮爽口👍🏻最後不得不提杯水果茶～$36大大杯，又有藍莓又有西柚、橙、蘋果、火龍果.......直頭可以當飯後果就食😂

食左幾餐西餐 同事提議今日食米線~~ 最近既米線黃店就係頭啖湯喇我地個個都一試即愛上! 😍我地5個都叫左招牌米線套餐 ($42)包一款配料配飯/米線 + 熱飲我地試左3款湯底👉🏼招牌椰子雞湯無味精 但味道都可以咁濃郁!! 椰子味好香😋呢個湯頭真係不得了 好天然既清甜味!果然係招牌 下次一定要再encore!👉🏼藥膳蟲草花雞湯呢個湯頭味道都唔錯 藥膳味幾易入口 濃度適中👍🏽👉🏼麻辣湯 *小辣都有驚喜! 🤩因為唔係就咁加辣油 而係加炸醬~~好麻啊 辣味又夠 愛辣者必試!配料推介👍🏽👉🏼特級潮汕牛丸入面有牛筋 同事表示係好實在既一粒丸而且好juicy!!質素OK可以一試既配料👌🏼👉🏼特色魚春卷係自家制腐皮包住魚肉 再炸~~鍾意食香口野既應該會鍾意食!👉🏼鮮雞件都幾嫩滑 無俾骨位我~~不過加左雞件個碗麵明顯地個湯底油d 個d油黃色 所以應該係雞油飲品方面💁🏽‍♀️自家製椰汁🥥 (+$8)同事表示: 好甜啊!總括黎講💁🏽‍♀️米線份量多 又有好正既湯頭 所以食得幾飽又好滿足啊 加上唔貴 一定會再幫襯!! 💛

花膠雞湯米線自選配料牛丸、特式魚春卷、娃娃菜小店主打無味精湯底，所以飲落有種返左屋企飲湯嘅感覺🥰我叫左花膠雞湯，配料已有四至五件三黃雞、兩至三嚿花膠、仲有啲蟲草花，下午茶時段都大大碗 相當抵食😎魚春卷係小店自家製的加左少少醋調味，所以食落少少醉唔好以為佢變左丫😂潮汕牛丸就勁啦，係勁好食！絕對唔係嗰啲cheap cheap牛丸，冇雪味，而係有牛筋之餘仲好鬼死重牛味 咬落會爆汁嗰種🤤好想叫一份淨牛丸😆.提提大家 呢間本身係打邊爐的😆如果想食米線/泡飯嘅你就要11:00至17:00去試啦😉

呢排出街食飯真係要小心啲，保障自己健康啲💛呢間火鍋小黃店好好，616派水，未實施777啲policy之前已經會喺門口俾你揼咗啲口罩，確保旅客食得衛生😎我嗰時去隔離枱叫咗OpenRice啲優惠，大家可以上去睇睇。·首先讚咗佢哋嘅飲品先，綜合水果茶大大杯都只係$36，仲要真係好足料：有齊藍莓、火龍果、西柚，飲落清甜有水果香！高級過好多連鎖店嘅水果茶🤩🤩！一定要叫黎飲～·雞煲方面有椰子雞或者重慶麻辣雞，兩個飲食叫半份就啱啱好🤤唔駛好耐就嚟到～同其他雞煲店唔同，佢哋嘅雞煲比較多汁，所以啲雞識落唔會太鞋身，正到不得了😼！估唔到小辣都有成十幾隻辣椒，唔食得辣嘅人可以叫小小小辣。雞件整體幾滑，冇碎骨，唔錯唔錯👍🏻·火鍋配料方面叫咗美國肥牛、雜菜拼盤、薯粉、炸魚皮，正常發揮，配埋火鍋麻辣湯底食好鬼正🤤🤤（今次啲美國肥牛有啲多肥膏，隻牛應該唔做運動🤔）·值得一讚嘅係老闆幾親切啊，同其他客人都好似幾熟，睇嚟有唔少係街坊熟客仔，呢啲人情味唔係度度有！祝佢生意長做長有，好似係港島少數雞煲黃店！！🥳🥰康復香港之後大排長龍💪🏻-半隻重慶麻辣雞煲｜$138美國肥牛｜$88雜菜拼盤｜$58薯粉｜$28炸魚皮｜$32綜