食雞

营业中

休息中

非常同意！我們今日也食到一肚氣！原本諗住支持街坊生意⋯我姪女由香港出嚟同我食飯，點知食雞啲員工態度非常惡劣！我哋book三個人佢哋自己計錯數計兩個，然後仲不停打電話話俾我哋之後仲要話如果我哋唔返嚟俾返錢呢佢就要扣Credit 卡佢憑乜嘢可以扣我哋Credit 卡呢！而家係佢哋自己員工做錯事情⋯仲要將啲責任俾返我們，我們係消費者！講真食物一般⋯只不過覺得街坊支持同埋方便自己冇諗到原來食到好嬲。！佢哋不停sendmessage WhatsApp俾我哋，但係一啲道歉都冇！一間食肆不負責任又態度惡劣的地方大家真係唔好支持！因為他們不會感恩，反而仲會比說話我哋聽！

👍🏻無限時雞煲火鍋放題 $278起真無限時任飲任食任坐，雞煲火鍋任加🤪！一口價食足8個鐘，性價比好高超抵食🤑-雞煲一共7款口味，款式都幾特別少見，例如冬陰功、椰香、芝士、酸菜雞煲等港式沙嗲雞煲，沙嗲味非常濃郁，椰香突出又有少少花生香一路煲滾收水後變成極濃稠嘅沙嗲醬汁，成件事好癲，啱晒重口味鍾意沙嗲嘅朋友😈！雞件厚肉大舊，原隻芝麻雞上，唔會淨係得雞背/骨，肉質好嫩滑，入味得嚟又食到雞味，以任食雞煲嚟講，真心掂😙！雞煲食完一煲可以再叫，每次落單都係新鮮炒起，食夠就可以直接加湯打邊爐，或者成煲換新湯底又得，可揀豬骨湯、芫荽皮蛋湯或微辣沙嗲湯-手機落單同自助區有多款火鍋配料、飲品任食任拎肉類款式唔多，但質素唔錯，唔係勁多肥膏/雪味劣質肥牛，尤其安格斯牛肩胛，牛味濃整體幾款丸類都出色唔係頹貨，墨丸似魚蛋鋪個種真材實料，咬到墨魚肉粒🤤牛丸爆汁黑椒味重，墨汁墨丸鮮味更加濃郁，魚片頭大大舊勁彈牙芝士腸仲要係金妹牌同有日版出前一丁！嗌沙嗲湯底嘅話可以自製極濃掛汁重口味版嘅沙嗲牛肉公仔麵😈另外仲有麻辣牛肚、炸魚皮、餃子雲吞等等-地方乾淨唔會立痴痴/大陣味，座位闊落坐得舒服唔限時可以慢慢食，好啱成班朋友ga

中秋佳節諗住同屋企人共渡，近近地樓下打邊爐，等屋企兩老唔洗行咁遠，點知一肚氣，唔知以為自助餐，加湯都要我地落手落腳，冷氣又唔夠，明明咁多部又開得一兩部。 喂我知你點解生意唔好，但都唔洗咁慳皮呀？ 叫極個女侍應又唔應機，態度好傲慢（唔知系咪事頭婆），另一個唔知系咪佢個仔，講野又好扢雷捶，講完一句就走左去，個呀媽一叫佢又扮睇唔到，可能覺得我地幫襯佢就系西客，好心搞到咁唔好收加一服務費。唔知以為去左70、80年代要比貼士先做野，想問少少野，都要受人面色，成餐飯本身係做節，為咗屋企兩老都費事嘈，祝你地公司好生意啦 。$3xx食呢d咁嘅野，又無海鮮飲啤酒又要加錢，我不如行遠少少出旺角咪仲多選擇，牛又得一兩款，無牛味之外丸類又無咩特別，連去雪櫃拎啫喱，d啫喱都熱到變水狀，好心咁慳皮執左佢唔好獻世，賣食物就一般般，賣環境咪夠熱又偏僻，賣服務我諗唔好有侍應會好d，全部自助都無咁激氣，唔系玩電話就傾計，而呀事頭婆麻煩縮番一二角睇片打機啦，如果唔係會得罪更多人，嬲得濟求其食飽左就算，相信呢個位好快易手。衰到呢😂真經典。

今天和朋友經過大角咀,正當想著食什麼的時候🤣🤣我朋友突然大叫😮‍💨😮‍💨我即刻問他什麼事,原來他只是記起同事推介附近有間雞煲放題,很有口碑😑😑於是我們走去試下👍👍👍我們坐低,隨即有店員上前介紹食法,我們先叫了招牌麻辣雞煲,味道還不錯😊隨後我見到有酸菜雞煲,心想酸菜魚食得多,酸菜雞就未試過,於是叫了一煲試下😁😁😁果然味道不錯🤤🤤🤤於是我們直接加湯打邊爐,這裡的牛肩,風門柳和西班牙豚肉都很不錯,時次用餐很滿足愉快

話說收咗工男朋友出嚟同我去食飯，本來諗住去大角咀街市樓上間大排檔食點知太多人，即刻上返OpenRice睇吓邊度有好嘢食，結果最後揀咗行一大段路，去食一間咁嘅雞煲，喺OpenRice度睇到好評都幾多諗住冇死啦，咁咪入去坐低開席囉，正常你入到去一間食雞煲嘅店，店員都會大概同你介紹點樣order點樣食，不過唔好意思呢間店係完全任你自己自生自滅同你講多兩句都嘥氣，所以我哋就戇居居order咗個雞煲同埋個湯底，然後擺上你個枱上面就係一個雞煲+1個湯底😂😂😅然後你就會知道如果你下次再好白痴咁走入嚟呢間餐廳度食就要記住一定要食完雞煲先至好叫個湯底😆講真，雞煲就真係冇乜特別，好過佢嘅一定係多多聲，所以我都唔特別多講。不如講下個火鍋啦，呢度係用QR code點餐的，20:00入去食，牛肉剩返最差嘅嗰種，即係佢所謂嘅特級肥牛，肥牛上面嘅白色油脂多過紅肉嗰種，朋友你收三百幾蚊你俾啲咁嘅肉人哋，即係叫人下次唔好再去幫襯你，ok!!!冇牛肉食都唔緊要，咁食菜囉，真係好嘢，啲菜俾人夾晒乜都冇你都唔fill, 體諒你哋都好忙嘅，不過唔忙嗰陣就顧住企喺隔離傾偈，傾吓第二日邊個返邊個唔番，朋友你fill咗嘢先啦,全村人

經過大角咀街市，想去大排檔食好西，點知人山人海……跟住即時用開飯喇找附近美食見到食雞這間有122個好評，於是膽粗粗去試下。行到近太子先見間店，門口見好多人食，心想應該不錯。入到去等陣先有人問幾多位，安排了坐門口位，因肚餓所以都無問題的。快速叫了個雞煲，再叫湯底煲及配菜，然後店員端了個湯底出來就講左句「洗唔洗咁早叫」，其實是無店員解釋過，淨是扔底QR code叫點餐….無奈了😮‍💨 15分鐘後雞煲終於來了，但只是好普通雞煲…聲稱芝麻雞，味道會好食點，只幼滑少少，但醬的味道很普通….而打邊爐配料方面都沒有太多東西可選擇，有名的安格斯牛肩胛沒有，安格斯封門柳亦無，想退而求其次食經典見肥牛都沒有，只有最普通勁多肥膏的肥牛…..丸是牛丸豬肉丸貢丸，數完丸款式了，菜方面是自己出去拿的….只添加了兩次….幾乎每次出去都是空空如也的，到汽水茶方面…..有茶包沒有熱水….汽水就一半雪櫃都是空虛的….店員全企在一角不顧食物有沒有的，最好食應該是魚皮，空缺牛已經cap圖在下面，大家可自行參考，帳單總數2人是$650，老實說一點也不值得，情願去食求其一間日式涮涮鍋都仲好食點，簡單來說食物與價錢不成正比，從來未

大時大節好難搵餐廳食飯，咁啱朋友想食雞煲而依間又有得bk 就嚟咗餐廳環境算係低檔🥹除咗飲品櫃同得一個醬料櫃以及甜品&菜既櫃就冇嘢可以直接攞雖然佢哋點完上菜既速度都好快雞煲就有8種既，其中4種就唔使再加錢首先就叫咗招牌川味雞煲，可以自我選擇 花椒薑芫荽等等嘅配料，顧客可以因應個人喜好而決定。 柯打完要等大約10分鐘先上到嚟，建議差唔多食完一煲就叫定上雞之後大火煮多2分鐘就食得，川味雞煲幾好味但比起出面既冇咁濃味。雞既份量好足料，應該真係有成隻雞之後叫咗芝士雞煲食，但個味似白汁雞咁既芝士。完全唔掂☹️而且雞既份量好足夠，咁樣食真係有啲難頂聽到隔離枱叫酸菜雞，佢哋就話唔得。接受唔到，酸菜魚既配搭先啱味😂😂食完雞可以揀雞煲加湯/轉過另一煲打邊爐。有一款免費湯底可以揀，但西芹味好出。對唔食西芹既人嚟講有啲阻滯🤦🏻‍♂️食哂所有嘢當然要食甜品，不過淨係得啫喱同涼粉揀，仲要涼粉就咁擺係到有啲唔衛生冇雪糕食好似唔夠滿足🙄

好耐冇去過大角咀打邊爐，最近同班朋友去呢邊搵野食，行到見到有間係任食既，價錢每人$278任食冇限時，+$30仲可以任飲啤酒大家聽到冇限時就一於入去試試。門面乾淨有個大招牌先食雞煲再打邊爐.打邊爐d料就幾多款式同幾好味, 全程用手機掃code落單, 食物都好快到.最開心既係+$30可以任飲Asahi, 我地飲足4個鍾, 飲仲多過食, 正~安格斯牛唔錯, 比起其他火鍋放題好食丸類食物種類夠多魚皮同鵪鶉蛋都好正餐廳大部份人都有加錢飲啤酒, 員工都refill得快

午市放題$278免加一，由12點食到4：00兼且可以坐到6：00。有咩食？主要係食雞煲，可以添加，亦可以轉口味（有6款，其中2款要額外加錢）。雞煲係用一整隻芝麻雞即制，所以需時15-20分鐘，上枱後再焗多2-3分鐘。養生正氣雞煲，先試呢款，費事一開始食辣咁激。味道偏咸，似鹽水雞味道，配菜有蟲草花、蓮藕片、冬菇、豆卜，味道可以。招牌川味雞煲，可揀不同辣味（BB辣）麻味（正常），醬汁很惹味，夠濃味，有層次，味道不錯。兩煲嘅雞啲肉都算滑，胸位肉都唔太嚡，不錯。本來想試埋芝士雞煲，但怕好漏好滯，所以放棄了。但又食多次川味雞煲，結果前後總共食咗3煲。食完雞煲，轉打邊爐（已經七成飽），湯底（蕃茄粟米豬骨，另可加錢要其他湯底），食完濃味嘢，清清哋都幾啱。肉類得兩款（牛、豬各一款）。安格斯牛肩胛肥牛，勁大片，而且都厚身，唔肥，有牛味，不錯。美國黑毛豬梅肉，同樣大片，爽口，唔太嚡，OK。火鍋料另外仲食咗牛柏葉、墨魚丸、魚皮餃、炸魚皮、響鈴......，都係啲正常普通嘢。飲品除酒類外（額外收費），自助去雪櫃拎，除咗汽水、紙包飲品外，最正係有細支裝竹蔗馬蹄、蜂蜜雪梨、杞子白菊。

整體雞煲質素，中上。火鍋配料，普通。敗筆：男侍應入座時選擇填表登記資料，填完摺好交俾一位年紀相對較大，戴眼鏡嘅男侍應，佢問：你肯定你要咁俾我？我：如果你有特別要求，點解唔直接講你想點而要反問？直接講你要我打開，或者你接過後打開check 都可以。入座後先叫川味雞煲，食完想轉個冬陰功雞煲，同一個男侍應話：每轉一煲要加38蚊。我哋疑惑之際，問另一個侍應，佢補充：冬陰功同椰香味每煲要加38蚊。其他煲底任叫。10點鐘左右，食完大家停手，齋吹水。同一個阿叔侍應行埋嚟話：唔好意思各位，10點啦。當時我哋以為外面有人等，所以即時離座，。但出到去發現，無人等位，而且鋪頭寫無限時任食，經營時間到2點，咁點解要我哋走？

任食雞煲，另外亦有多款火鍋配料、汽水啤酒都可任飲任食食客可自行加花椒控制麻辣度呢度係雞煲專門店,講明係食雞,鍋底幾出色!食足一晚!有6種口味,川味,正氣,椰香,芝士,酸菜,冬陰功好足料!計返人頭放料,2-3人個都比足一隻雞!食完雞煲已經飽七成!選擇可以分到好細,走蔥多蔥乜都可以選 自助區放滿蔬菜肉丸小吃另有醬油料區,任飲十幾款汽水茶,仲有熱茶咖啡提供椰香雞加了椰汁好濃香好甜!仲有粟子芋頭非常好食,吸曬雞肉同椰汁既香甜~川味細辣好惹味! 小食仲有木耳脆瓜小食幾開胃 火鍋料都有幾十款,我地集中食牛肉!其他就係肉丸同海鮮~大角咀洋松街38號地下1-2號舖消費$350

無論雞煲定配料質素都係好既。所以我係第3次番黎幫襯。但今次受到既對待令我唔會再黎。我18號打電話訂位話訂（聽日）7：45。今日訂聽日，唔洗講日期唔洗講星期，一定唔會mark錯啦。點知到店，話我無訂位，查通話記錄有我電話但聽電話既人無mark.。見現場約4成枱吉既，又話全部比人book晒。問佢嗰張明明食完走左未執，又話嗰張枱老闆既。有張明顯係隔離枱太多野放私人物品既，又話係番留比老闆。放棄出門口計劃去第二度食野，一陣就出黎話老闆話佢張枱比我地。咁啱大雨，佢d野又係好食既，於是都係入店幫襯。點知叫左1次安格斯，上左3碟各3塊之後，就所有安格斯全部無晒？同埋佢之前所講既book晒，老闆留既枱，都無人黎過坐囉……呢間店本身無限時任食，我認為我8點先到食到9點半都飽先會打去book呢個時間。如果間店覺得咁遲先入座係唔適合或者阻住佢地會收舖，可以訂位時聲稱滿左，咁我可以唔洗特登行去。又或者咁啱遇到大胃王食晒d食材招呼唔到我地呢d遲黎既，可以直接講，唔洗想唔比我地入，入左又9塊安格斯就全部顯示售罄。有位上菜既姐姐好好禮貌好親切，所以先會比ok而唔係差評。

難得約齊人，當然要搵間坐得又吾限時又舒服的餐廳環境寬敞坐得舒服又不會太嘈，適合一班人去，可以慢慢邊食邊傾任飲任食 $258，食完雞煲再打邊爐雞煲有6款口味可選，我們選了其中2款雞煲上桌要等3分鐘，不用自己計時，好貼桌上有個漏斗幫助計時，那就不怕與朋友傾計忘了時間服務員都會幫忙留意秘製椰香雞煲（原粒栗子同芋頭），要另加$38見食評推介就揀左呢個試試打開蓋陣陣椰香樸鼻，湯底有點似泰式湯雞沒有太多椰香的味道懺悔酸菜雞煲酸菜味濃，沒有太多辣，連吾食辣的朋友都能吃，雞很入味，本人推介打邊爐的材料主要是以QR code 自助下單一般的邊爐材料都有，多了鴨血、台灣無字豆腐（有點似港式腐皮）、韓國珍寶蟹棒

今天和男友來這家吃雞煲，他預先在Openrice買了餐飲券，每人兩百五左右。餐廳地方寬敞，我地選了川辣味雞煲，中辣，我覺得辣度剛好。他之前試過B B辣，說會比較甜。有成隻雞，而且也不會太肥，我覺得味道很好。另外我們叫了邊爐料：手打墨魚丸、炸魚皮、黑椒牛筋丸、肥牛等都值得一試，用料新鮮，絕不馬虎。尤其是炸魚皮，男朋友說沒有油壓味。如果大家吃不了太辣，就不要用辣湯煮菜，我男友辣到呱呱叫😜這家餐廳還有甜品，非常有誠意。

難得一班同事，可以咁齊人一齊食飯，就要搵間食得耐，又坐得舒服既餐廳啦。$258任食任飲，雞煲～打邊爐都得！雞煲，有6款口味選擇，我就食咗其中既2款，椰子同川味。椰子味真係幾好味，一啲都唔咸，有椰香味，仲有粟子食。川味就有得揀辣度，我哋就揀左BB辣，食到咁上下，可以加湯打邊爐，好惹味～兩煲既雞都要講彩數，有啲雞好碎無乜肉食，有啲就啖啖肉打邊爐方面，配料都有好多選擇，肉類、丸類、菜類乜都有。樣樣都好新鮮，仲有鴨血添。餐廳坐得闊落，同服務好好，永不吹人～食到10點都無問題！真係好岩一班人去食，可以慢慢傾計都得。地點就唔太近港鐵站，行過去都要十幾分鐘。