鮨川 (已結業)

鮨川是一間主理 おまかせ (Omakase) 的日本菜餐廳。川是代表著川流不息，配合著「雲」、「丘」、「川」，形成了我們Omakase的意境主題。鮨川的理念是不時不吃，而餐單亦是挑選最時令的食材。餐廳裝修十分優雅，每個客人更可以自由選擇自己的清酒杯，在舒適的環境下，享受一頓Omakase饗宴。鮨川以北海道馬糞海膽、北海道蝦夷鮑魚、岩手蠔、吞拿魚腩、燒鹿兒島A5和牛等日本直送優質矜貴食材，巧手製作成精緻和式料理，配以近年日本清酒界獲賞連連的超新星品牌「作」清酒系列，為食客帶來嶄新的清酒搭配和食餐飲體驗。🌟前菜三點 清新醒胃🌟刺身：牡丹蝦、岩手蠔牡丹蝦口感因鮮甜、蝦頭的膏，和蝦身的肉，一同品嘗，才能體驗出牡丹蝦的鮮甜之味！岩手蠔勝在香滑肥美而濃郁度適中。🌟炭燒吞拿魚，色澤鮮紅、 脂肪分佈比例剛剛好、 泛著油光、肉質柔軟、口感豐富。🌟壽司：北海道馬糞海膽被日本人視為品質最高、最矜貴的海膽品種，肥大肉厚、色澤以金黃色或橘色為主。 入口隨即在嘴裡化開，甘香濃郁，甜度高。甜品：時令日本鮮果整體感覺：我比99.999999分，無論環境、廚師、文化、食材、賣相、味道都達到一流的水準，廚師發板最近很流行

今天和朋友去食第二次廚師發辦，餐廳環境十分清幽，我們今次點了12件壽司套餐配角沙律和蒸蛋口味正常主角有蜜柑鯛、金線鯛、銀雪魚、赤蝦等我們還點了兩壺獺祭純米大吟釀清酒配壽司真係絕美大享受

放假去銅鑼灣行街，一到食飯時間周圍都係人唔想排隊但又想食魚生喎， 咁就搵咗間唔使排隊嘅日本餐廳。。。等食食完比想像中好味 魚生新鮮又多款，加上唔係好多人，環境唔嘈可以同師傅一路食一路傾計，侍應服務都正常後尾睇返食評先知之前咁多負評，唔知自己好彩定係間餐廳轉左手啦，anyway 整體嚟講係我會返轉頭再食嘅唔好講笑，呢件魚生真係超超超超級好味 又鮮甜又有油香 入口即溶，btw 問完師傅又唔記得咗叫咩魚哈哈🙈大拖羅 齋睇都已經知道好好味， 擺入口仲正

見食評真係麻麻！真係驚中伏！但話原來最近換晒班底！師傅侍應都全換！咁比個機會佢地去試下dinner. 價錢ok, 我地揀左中間$1580有20品！因我唔食牛所以無揀最貴有和牛個！師傅好nice有問我肚唔肚餓！使唔使食多d熟食 壽司刺身都好新鮮！尤其碟象拔蚌好甜！海膽壽司好多海膽好食！但熟食條魚就大條左少少！細條d應該好食d!呢晚無坐滿！所以坐得好舒服！唔迫幾好！好彩嚟試下！又有多個地方食omakase!

點咗個lunch omakaese，唔算好新鮮，廚師處理手法唔算特別。1個廚師同時間serve緊3張台，廚師只可以急急放底壽司，就走開，無介紹，零交流。同埋廚師位置同客人好遠，唔係正正面前處理，所以坐bar台定下面啲台都無分別。上菜速度超趕，趕到你未食完一道，已經比埋下一道熱盤，令到熱盤放到凍哂。我係好鐘意食薑，廚師唔會自動自覺添薑，要問先有。菜式presentation 一般，無驚喜。即日訂都有位，不過未必會再試。

上週末約咗兩位朋友諗住食好啲，特登早一日嚟預約試一間新嘅Omakase日本菜，我哋3位都揀咗中等價錢Omakase set，每位$1580未計加一服務費。我哋揀咗table seats，全晚與兩位師傅零交流。全晚只見另外兩位客人坐吧枱，連埋我哋呢枱只有兩枱客。經理有詢問我哋有冇食物唔食，有介紹每一道菜，但全晚冇其他多餘說話。食物新鮮，但不至於好有驚喜。埋單時見電子付款機上建議客人俾15-25%小費，可選擇小費最少由5%起。而全晚我哋感覺餐廳師傅及經理態度冷漠，無任何服務值得俾額外小費。我哋覺得餐廳服務態度有待加強，非常不滿咁高級嘅餐廳竟然向客人要求收取指定小費。結果3人埋單，除咗已收加一服務費$474，最後我哋不情願地加咗5%小費$260，一共$5474.7，因為電子付款機上搵唔到點樣可以唔俾小費。其實全憧大廈仲有其他幾間日本餐廳選擇，下次一定唔會再嚟呢間，亦都唔會推介俾朋友。

一入去，見無人已覺伏；再睇前菜，全部便宜貨（講緊俾兩個人3600埋單）剌身你唔會有驚喜，鮮味欠奉；壽司，你會覺同刺身差唔多款色。食Omakase係食鮮味、驚喜，結果只食到沉悶失望。3600完全唔飽，我食完再去食碗麵，一肚火。你可以話我大食，但得6件壽司，我都想問邊個會飽，其他野全部細份。我係book唔到先試下新野，結果錢無左算，你都尊重下Omakase,你想去，可以，叫定酒，準備淋熄d火，愈食愈無癮。個師父仲問我滿唔滿意，不如你自己試下

屋企人想食omakase，上網搵咗幾間，見到呢間鮨川嘅嘢食相睇落唔錯，決定嚟試下。Omakase好唔好食，真係好睇廚師同食材嘅質素。咁呢間又做得幾好，食材每日新鮮空運到港，廚師對唔同食材嘅配搭又有心思，食落有意外之喜。我個人鍾意佢個吞拿魚手卷，真係做到omakase 要嘅鮮同質素。屋企人比較鍾意海膽，佢話冇諗過海膽配豆腐又幾好食。我覺得同食材本身質素有關，質素夠好，好難整得難食嘅。餐廳喺銅鑼灣，雖然冇咩超靚海景林景，但勝在位置方便，而且餐廳入面乾淨企理，房入面睇唔到廚師整，但相對有私隱同寧靜，加上啲職員話有噴啲消毒抗菌，都安心食得。整體嚟講係高於預期，抵食嘅。

這年頭，和誰一起吃飯，彌足珍貴。美味佳餚，更為錦上添花。日料的食材來去一樣。～～～是日為廚師發板。這家由30年經驗的廚師主理，問清有何喜惡，由開胃特別的前菜開始，由淡口清爽到越為濃烈油份的刺身、慢煮吞拿魚面料理、甘香入口即化的壽司、清甜不油膩的魚湯、時令生果、贈送的柚子芝士蛋糕和雪糕的甜度，都恰到好處，實在大滿足。PS:店內的KARUIZAWA ，令我垂涎三尺。

我已經幫襯左呢間餐廳好耐，啲食物都keep到水準好高，到而家為止呢度嘅食物都係我喺Omakase入面食過最好食既。近來嘅食物水準都仲keep到，但係服務就每況越下。我唔係話啲侍應態度好差，或者係唔理你，問題係係全間餐廳淨係得一個侍應，有陣時我見到佢已經忙到踢晒腳，我都唔好意思去打攪佢，但係好多時候我飲哂啲茶都冇理由我自己去斟㗎，呢度係高級餐廳嚟㗎喎！尤其是係lunch time嘅時候，差唔多全場爆滿，但係又剩係得一個侍應，師傅又剩係得兩個，啲嘢幾好食要你等半個鐘先有，你都唔想食啦。我諗我以後可能都盡量喺少啲人或者夜晚先過嚟食。起碼可以食得舒服啲唔使食到心情煩躁。

趁着復活節長假期，諗住食餐有質素嘅omakase。因為疫情關係，堂食時間只可以去到10點，又想同朋友食得盡興啲，於是6:30就嚟到餐廳諗住慢慢嘆。橫掂都係，我哋揀咗份量最多嗰個餐 「川」店員先奉上三款前菜，有海膽豆腐皮，南瓜豆腐，同螢光魷魚。海膽幾鮮甜，螢光魷魚幾惹味，少少辣辣地。不過由於我哋太肚餓，第一下已經唔記得咗影相。之後刺身有生蠔，大隻夠creamy, 同埋上面放咗啲酸汁啫喱都幾特別，唔似平時食開嗰啲加檸檬咁單調刺身再嚟有個左口魚，裏面捲着啲蔥，好清新北海道響螺，口感爽脆仲有牡丹蝦同喜之次，夠晒油香之後就有煮過嘅鮑魚，拖羅同和牛刺身，鮑魚點返個肝醬夠晒甘香熟食環節去到我同朋友都最鍾意食嘅蟹，呢隻好似係叫香箱蟹。最開心嘅係師傅已經拆晒肉，我哋啖啖肉就啱食真係好幸福。跟住就到壽司，每一件壽司上面師傅都特別調配過，完全唔需要點豉油直接食，味道都配搭得好好。跟住去到一個叫做海膽飯，又係大滿足嘅一道菜。中間放咗啲白蝦同松葉蟹肉，味道配搭鮮甜，面頭仲要加咗啲魚子醬同金箔，夠晒矜貴，師傅話係我哋呢個餐先會有架咋。雖然食到尾已經飽到反艇，但係仲有個自選手卷同埋魚湯，日本生果。真係無得輸。去唔到

週日既關係想同啲朋友去行下街，行完想食日本野，朋友告知可以試吓銅鑼灣鮨川，甘就聽下朋友意見去試吓！上到去成個場得四個人，心諗吾會中伏呱....叫左4個set~前菜有三款！睇的出師傅的而且確係用心去整既...味道都幾好！尤其係瑩光尤魚同出邊嘅味道吾同...好好味！另一個就係南瓜糕...一樣好味！刺身、壽司、味道吾似傳言般甘差！不過值得一提既係佢地嘅芝士雞肉棒！真係同出面食嗰啲吾同！味道、色澤、口感...真係可以俾十個Like⋯⋯！可惜趕時間...吾係我地一定在叫其他野食！大家可以上去試吓..

呢間日本餐廳我都係朋友介紹去幫襯，入到餐廳，感覺良好，很整潔，服務員態度很有禮貌，第一時間帶我到U型嘅壽司吧枱，我order左12件壽司嘅lunch set，每一件壽司，師傅都有清晰介紹做法同種類，而且每件都很新鮮，師傅話每日都有返飛機貨，所以食材保證新鮮，尤其是牡丹蝦，海膽，赤貝，帶子，我都覺得特別新鮮，仲有個奶白色嘅魚湯，魚味好濃但一啲腥味都冇，超正，最後加埋個雪糕，畫上一個完美嘅句號！滿足的一個日本午餐，一定會再幫襯

看到食評有64人讚好，只有一惡評，於是今早11:30打去餐廳訂午餐，竟然仲有位，不虞有詐，便去一試。午餐有$780 的omakesa，$680 的16件刺身定食，$458 的12件壽司定食...問服務員有什麼不同，她說omakesa 有3客sashimi (左口魚薄切、鯛魚、帆立貝），五件壽司，一客熱食（豚肉煮），聽落去一點都不吸引。於是問她：omakesa 有生蠔嗎 > 沒有。三客sashimi 在12件壽司定食有嗎 > 有。 於是叫12件壽司定食，佢話之後唔夠食可以加到16件，還特別請師傅把所有魚皮切掉，和把較濃味的魚燒一燒。前菜：雞肉燉蛋，從來未試過這樣變凍嘅燉蛋。沙律，好普通。昆布豆腐請菜，超級鹹，食咗一小口，便不能再吃。壽司：1）放在魚生上的啫喱，醎得要命，基本把魚的味道全部蓋過，莫講話能夠吃到魚的鮮味！2）師傅繼續沒有切魚皮。3）魚忘記燒，但卻把新鮮的帆立貝燒掉了😣4）師傅拿了一舊白雪雪的海膽卷，跟我說放了海鹽，結果放落口裏，全是鹽的味道，醎到要命，一點海膽味道也沒有，所以根本不知道他是否已經放了海膽在下面！全場最好吃的，是他們的咖啡雪糕，可能因為不用加工，

見到上網推介價格又抵就諗住一於試下。去到安排我哋坐bar枱，我哋叫左9貫同12貫，omakase食嘅其中一part其實都係睇師傅嘅展示，但serve我哋嘅師傅唔係我哋前面果個，反而係角落頭果個，完全睇唔到佢做緊乜，連名牌都無，好似學徒咁，然後佢俾我哋嘅碟係普通碟，其他一樣食9貫嘅碟都比較精美，唔知咩原因。前菜沙律同海蜇都幾好味，蒸蛋就好一般。油甘魚、雕魚、其他壽司都正常嘢無咩特別，海膽、拖羅就最好味，之前上網睇片最後會係烏冬，但變左做手卷，太多芝麻，蓋過哂d味，再之後嚟個甜品咖啡雪糕球。環境一般般唔係靚裝，店唔大，一入門口就bar枱，客與客之間都好近，幫倒茶服務好，唔會要你無先倒，呢樣幾好。因為新年後去唔知會唔會加二所以打電話去問定，到最後去到價錢竟然唔一樣，加咗價。整體，呢個價錢嘅omakase係平，無左師傅serve，食物種類一般，味道一般，環境一般，只可以話呢個價錢去第到可以食好D。