鮮入圍煮 (已搬遷) 新店位置

如果想定為必須做兩個月之前上openrise訂位,星期五星期六是最多人訂位, 請留意 餐廳只收現金。 招牌的花膠湯底非常美味 是必点的， 必吃是新鮮鵝腸只此一家，其他地方都吃不到。 每年都要吃一次， 可以到海鮮檔按需要點選不同款式的海鮮， 全部海鮮都非常新鮮 ，可惜花膠雲吞不好吃因為太咸，其他食品質素都不錯。 大排檔格局座位全都是摺椅所以坐得不舒服， 因為限時兩個小時所以要盡快將食物吃完。 由於花膠湯太過好味最後我們都會打包，將湯底帶回家中再吃一次。

一直都好想去食呢間火鍋店，但非常難book枱，終於等到可以online book 枱，於是提早1個月前book定枱。當日上到去果然非常多人，明明未夠6點都已經全場爆滿，太誇張了。店內環境模仿街市，有新鮮海鮮即場任揀，非常特別。我地先叫咗個湯底先，再慢慢揀配料。濃厚原隻雞煲花膠湯 （小）金黃色嘅湯底非常吸睛，入口香濃鮮甜，雞肉有店員幫忙即時剪開，肉質軟嫩入味，而花膠厚身又軟彈，勁多膠質。手切安格斯牛肉牛肉即叫即切，肉味濃，肉質軟嫩。爽口花膠雲吞雲吞爽口彈牙，咸香濃味。脆肉鯇骨腩脆骨腩肉質非常爽彈，魚味鮮甜，而且魚油豐盛甘香！

每天也要加班到8、9點，想吃好吃的深夜火鍋選擇也不多；幸好有這間開至零晨的火鍋店，夜一夜也有新鮮靚料吃！辛苦工作一整天決定吃好一點！湯底點了原隻雞煲花膠湯幾乎一整天沒吃過，決定一次過在這餐好好吸收夠店員建議我們先飲湯和吃雞煲果然沒錯，花膠湯愈煲愈濃，濃至雞肉入面也吃得到！火鍋配料還未煮，我們已經飲了半煲湯！！！＊＊＊豬肉眼根：見是廚司推介便試一試，結果很驚喜！口感有點像豬頸肉但根部又不會太韌，配合入味的花膠湯連醬油也不用點！實在不難理解這裡到了晚上十一點依然人流不絕，因為火鍋配料到午夜依然是最新鮮！

2年前食過, 驚為天人. 非常LOCAL的一間店, 但個花膠湯真係好痴線, 唔知落左咩可以好味到咁.其後食過不同火鍋店既花膠湯, 冇人間可以拍得上呢間.  鮮. 甜. 濃. 食過你就知我講咩. 剛星期日去同人慶生, 因為我由樓梯上, 要行去另一面登記, 再行返返去樓梯等位區, 剛好繞左一圈. 發現嘩! 地方細細我諗有20檯左右啦, 95%都係普遍話. 真係冇誇張,  真係連埋我果檯得2檯香港人. 真係好似返左大陸咁.火鍋店會嘈吵當然明白, 但當圍住你果4檯本身就喜歡尖聲叫嚷, 加埋飲左酒, 基本上我地成餐飯都係處於耳"wone". 狀態. 雖然湯底依舊好味, 本地手切牛依舊係咁香. 但都係頂唔順, 拿拿臨飲多碗湯走人. 永不會再來了. 個環境真係差到不能接受. 再見了我最愛的花膠湯. 

如果说青岛39元一只大虾贵的离谱，那这家168元一只的真的可以说是天价了，问题是味道太普通了，红的原因在哪？你们告诉我！门口一溜拖着箱子满怀希望来拔草的游客……服务态度有点恶劣，到点前半个小时就开始催，一直催，我们是来吃饭来享受的，不是过来受气的……提前一个月预定就给我吃这个，大失所望！

雖然天口慶，但實在太耐無打過邊爐。對於我呢啲視邊爐為精神食糧既人，就好似戒煙咁出現左流鼻水同打冷震既後遺症所以男友一早卜左邊爐今日帶我去醫病了提提大家，鮮入圍煮而家係全面都要網上訂座，電話係不可以，wall in 都只可1730後，但大多數walk in都可能要1900後先有得食了。我地今日黎到都爆哂棚，好彩男人醒卜左位湯底基本上唔使揀，因為男人一早訂左花膠雞俾我濃厚原隻雞煲花膠湯細細既都有足足半隻雞係入面。湯頭濃郁但唔會過油，膠質多到仲有少少痴嘴。雞仲有專人過黎幫你剪件。雞唔會以為拎黎煲湯就硬到乜咁，實情嫩滑多汁手切安格斯牛超香肉味，開放式廚房見到師傅切牛既技巧純熟。所有筋都切斷，令到啲牛淥完都好滑同好冧。新鮮鵝腸超爽口完全唔腥薑汁皮蛋貢丸食既時候切忌小心，薑汁多到爆出黎，仲有少少薑蓉，非常新奇。再加左皮蛋碎，口感一流。兩個人食肚皮始終有限，下次要叫屋企人黎試佢啲海鮮先！

同閨蜜食生日飯，之前聽朋友講過花膠雞煲好正，梗係要去試一試！好彩一早book左位，平日6點幾黎到都已經好多人一入黎已經比呢個十足街市既海鮮檔吸引，加埋生猛既海鮮真係好似係街市揀海鮮咁食物選擇多，第一時間梗係唔少得叫個花膠雞煲花膠雞煲真係冇令人失望，味道啱啱好，湯底充滿骨膠原既感覺真係大大舊花膠架，好有咬口手切安格斯肥牛，牛肉好新鮮，而且份量夠多，絕對值得食鱔魚片，厚薄啱啱好，鱔魚味好香新鮮田雞，第一次食，雖然外貌唔吸引，但估唔到原來好鮮甜，而且肉質好嫩黃金麻吉燒，正魚皮完整一包上台真係第一次見，真係好大包呢個價錢食到咁新鮮既野真係好抵食

一直都話好想食呢間但一直都book唔到位男朋友好醒目咁一早book定位哈哈 😄真係好有屋企嘅感覺用電磁爐打邊爐 鋪屋企用嘅膠枱墊我哋揀咗個花膠燉雞湯底 半份呢個好值得推介俾大家真心好味好濃足料我飲晒成煲湯 真係好好味順便可以補下啲骨膠原又唔使自己煲 哈哈真係有花膠係入邊㗎記得個雞唔好煮泰耐如果唔係就會變得好鞋呢個牛幾好雪花分布得幾均勻手打肥牛脆腩魚腩呢個好好食真係脆黑牛柏葉 即係毛肚記得3秒就好食啦 唔係嘅話就完全食唔到 哈哈非常之咁爽脆呢個係芝心牛肉丸必叫好食到停唔到啊呢個真係有啲芝士會流出嚟㗎小心燙囗桂花膀爽脆得來又帶點鮮味記得呢個唔使煮好耐

食物十分新鮮，價錢較高，份糧都算大，湯底選擇左花膠雞湯底，雖然花膠係平價，但都有睇頭同口感，提一提大家，先飲左湯先，再打邊爐，湯十分濃，但個人覺得飲完之後有點口渴

好想打邊爐但又唔想太熱氣，朋友推介花膠雞煲火鍋，就去試下! 餐廳環境好特別，布置到好似坐在街市旁的大排檔食火鍋一樣!我地叫左濃厚原隻雞煲花膠湯，個煲一到，細心店員先讓我們拍照，之後當場幫我地剪開隻雞， 方便食用!個湯底好濃厚，真係好鮮好甜，雞肉都非常新鮮嫩滑，花膠數量都唔少, 好足料, 而且好厚身好大件，每件都入口即溶，超正!另一重點就是可以即場自選海鮮, 而且有好多款唔同海鮮可以選擇! 我們叫了鮑魚2隻、花甲王及店員推介的蕃薯蜆!3款海鮮果然都好新鮮，既鮮甜又好味，蕃薯蜆更沒有沙，正!除左海鮮，冰鎮手切安格斯牛肉及脆肉鯇魚片亦值得一試! 安格斯牛肉色澤鮮紅，十分肥美，而且牛肉味濃加上入口即溶，令人一試難忘! 脆肉鯇魚片十分爽脆，夠晒新鮮!總括而言，全部食物都好新鮮，但海鮮比較貴，不過淨係個花膠雞湯都值得推介!

This place is super difficult to book and make reservation the surrounding it’s quite pack not the best place to come with kids are out early but the food and surveys it’s pretty good I was too busy eating so did not take more photo of what we order but in general are speaking be souo based is usually the highlight of Hotpot I prefer the whole chicken with 花膠rather than the drunken chicken soup base. You can order the crab meat roe sauce . Separately highly recommend you to order the crispy fis

開左咁耐終於嚟試一試佢喇！😎出名湯底：花膠雞湯，原隻胡椒豬肚雞湯兩個湯底嘅湯都唔錯。但我個人比較推薦胡椒！因為個胡椒湯滾到最尾都仲有胡椒味！相反個花膠雞可能一開波就已經飲哂個湯底再加湯就冇咁突出了！😂邊爐食物偏貴！但算係唔錯！但咁啱我哋個碟牛失色咗！🐮太有𡁻口唔夠嫩！總結：👇🏻環境⭐️⭐️太逼！（我知係香港餐廳特色🙄）成個場好多操捲舌普通話我似返咗大陸😂（我明旺角吖嘛！🤦🏼‍♀️）食物⭐️⭐️⭐️ok la!!!係有啲貴😅（佢用半打做單位）同碟牛真係扣分！

滿心期待打邊邊試花膠雞湯底，入到餐廳感覺身處深圳，好多大陸遊客，難怪餐廳唔休做，店內職員勁冇禮貌，叫極都冇反應，只顧招呼大陸客人。個鍋乾晒水，叫左3次先有人加水。花膠雞湯底個湯都夠味，花膠數量多，其他食物都是一般。巨型水餃要$28一粒，食落去冇特別之餘，肉質唔新鮮，完全不值呢個價錢。最令我食到發火係個職員收碟食完既牛肉器皿，器皿裝滿冰水同血水，職員拿著手震震仲兜過我個頭上面，我見住血水滴瀉出來即起身，滴到地下都係水，痴線架！比錢食出咁既服務招待，以後不會再去下圖呢碟牛肉食完後，滿瀉冰水血水，正常人都唔會拎住佢再兜過客人個頭頂

好野梗係要食多次之encore 鮮入圍煮, 事源有內地既朋友黎香港玩, 當然要聚下啦, 佢話有人介紹佢食鮮入圍煮....識貨!咁就訂檯啦~ 準時6點鐘上到去, 入座率已經9成, 所以要食既朋友真係要訂檯先, 店員安排入座, 先揀湯底, 朋友話要點必試既「濃厚原隻雞煲花膠湯」! 湯底到店員俾我地睇下隻靚雞就幫手剪左去, 湯保持高水準, 味道濃郁, 而花膠份量多, 飲左兩碗湯先開始打邊爐~ 餐廳每日都有好多款唔同既海鮮俾客人揀, 朋友唔食海鮮所以我地冇嗌, 不過見到隔離檯d蟶子好新鮮我地嗌左手切安格斯牛肉、鮮淮山、鮮魚卜, 特別要讚下個手切安格斯牛肉 – 高質牛, 入口牛味重冇筋, 有d脂肪係口內分解出黎好香, 而用冰底上亦保持左牛肉既新鮮程度, 冇話好快就有血水, 份量亦好多, 一碟足夠2-3人食! 餐廳佈置好有香港地道大排檔風味, 如果有朋友係外地黎想試特別野真係一個唔錯既選擇! 

盛情難卻之下，*即日電話預約就有得食*#識人係唔同啲😂講到鮮入圍煮book 枱食飯要一個月後才可有枱。抱著一試的心態。著實的，打邊爐我並不太喜歡，可能先入為主，覺得太油😅一打開門就覺得好似去左大排檔街市一樣，裝潢設計很有特色，很地道。未至於見到琳琅滿目的海鮮檔，但麻雀雖小 ，五臟俱全。各種蝦，貝殼類也一應俱全，你叫得出口的都有。朋友話嚟到必試花膠雞湯底，冰鎮手切安格斯牛肉。既然得2條友，我們叫煲細嘅，嘩，離遠見到湯內好足料，有大大件花膠、半隻雞，店員捧到枱面再幫你將雞剪件，正當想放牛肉落去煮時，朋友喝住「先飲湯」，我抱著半信半疑嘅態度，心諗「真唔真？飲唔飲得咖？」第一口，omg ，正到無朋友，我我們一連飲左2碗。😝😋手切安格斯牛也不比湯底輸。肉色光澤紅潤，有明顯細緻的紋路。👍🏿👍🏿花膠雞湯底一流😋😋啖啖鮮味