鱘

营业中

休息中

係某美食平台，見到sake house晚市訂座有50%優惠，於是就book左呢間餐廳試試。見到網上評論話呢間餐廳地理位置麻麻，要行一大段斜路先可以到，但去到冇想象中辛苦，哈哈，可能因為做好心理準備。入到去，同普通酒吧式餐廳差唔多，環境幾好，夠靜，但張檯就太低，如果單單飲酒同食下零食都ok，但如果成餐飯都係甘食就有d辛苦。D野幾好味，價錢ok，但原來要計人頭費（味道仲要好似係卡樂X蝦條）要有優惠先會再幫襯。

今日透過Eatxxxgo 的apps 享用左一個優惠，經過一段長斜路，終於到達。其實這個地方應該係一間Bar，不太合適作為晚餐的選擇⋯⋯今晚一樓得兩枱，兩個大喇叭開到紅館級數，大家想搵個清靜的話，這裏絕對不宜。我7:45pm 到達點了三樣東西，半個小時後終於上支豆及燒魚干。第一碟：支豆的新鮮度唔係好夠第二碟：燒魚干，夠sai濃。第三碟：豬胺，等左差不多1小時，終於出現。無牙力的話，千萬不要試......

鱘 找美食👨🏻‍🍳前幾日附近食完韓式料理，都經過 鱘 ，都覺得呢個餐廳聽特別。通常都係叫乜乜料理架嘛，單字既餐廳，應該有QK，有d特別🤔🤔！「鱘」有邊讀邊，讀音「尋」。野食選擇好多，普通至牛油雞翼，特別至魚子醬都有。都比較餓，就點了肉眼牛扒，黑豚豬鞍，蟹膏帶子同埋黑松露薯條。美國特級肉眼牛扒配日式燒汁呢塊牛扒都好大，Order嘅時候侍應冇問要幾成熟，就睇下廚師手勢。塊牛扒煎得啱啱好，唔會生到流血汁，都唔會熟到好硬。我覺得點吾點燒汁，就咁食牛扒個牛味都好出，啱晒我呢啲牛肉獸！伴碟嘅沙律菜係配左黑醋嘅，酸酸地，好清新。薯條都唔錯，係放耐左冇咁脆口，如果多少少就好🤣😋加拿大黑豚豬鞍配蜜糖芥末醬呢個都好好食，個豬皮燒得好脆！但係啲豬肉唔會好鞋口，都係嫩滑既，仲有小小肉汁。豬皮邊既脂肪有豐富嘅膠原蛋白，梗係唔可以錯過要食埋佢啦！佢呢個蜜糖芥末醬讚👍🏻，本身個豬鞍偏鹹少少，但係點左呢個醬，就啱啱好！蟹膏帶子我覺得呢個最好食，帶子真心新鮮，蟹膏都e次棒！蟹膏本身聞落去好香，食落去我覺得比海膽更好食！兩個味道鮮上加鮮，10分推介一定要食！黑松露薯條薯條炸到好脆口，係原個薯仔唔係薯粉！個黑松露醬都唔簡單

浪漫滋味💖今日同女朋友約會晚餐。去左尖沙咀天文台道，一間偏偏地既餐廳「鱘」食好西。餐牌野食選擇都多，個價錢抵！環境吾錯，清bra咁，適合下班之後既打工仔去happy hour 。個人值得推介的是：德國炸豬手&日式流心蛋配法國海藻珍珠。德國炸豬手外脆內軟，肉汁豐富，不會太咸。配個汁，酸酸甜甜，都不錯喜歡食肉的人要試下。流心蛋配法國海藻珍珠流心蛋上加幾十粒大粒魚子味道濃，淨食魚子會有點咸，但連流心蛋就剛剛好！我鐘意呢種的配搭！

今日本來想食日式嘅料理，嚟到呢一間餐廳發現原來除咗日式嘅料理之外拒上層係係酒吧，仲可以叫魚子醬食，但係今日我哋都揀咗幾個簡單嘅嘢菜，下次先再去飲酒。佢夜晚會有一至二人或者三至四人嘅套餐，本身我哋想叫個二人套餐，見佢有前菜又有主菜又會有餐湯同埋甜品 價錢仲要只係三百幾蚊，十分之吸引。但係今日又唔係好肚餓，所以我哋散叫左一個美國嘅安格斯牛扒，份量剛好，牛扒就比較薄，佢嘅配菜份量有好多，除咗有蘆筍之外仲會有翠玉瓜，茄子等等。另外呢一個原條嘅燒茄子係日式嘅風味，茄子上面會有啲堅魚碎碎，同埋日式嘅風味醬汁。仲有我鍾意食嘅黑松露薯條，其實就係炸薯條配上沙律醬，沙律醬入邊會有黑松露，味道十分之香濃，好味。

話說本人未吃過黑色的魚子醬，一來係唔敢食，覺得佢個味道會好腥，二來係冇咁多嘅錢去食吖嘛。但係呢一間餐廳見到原來魚子醬嘅價錢並唔貴，只要$200，甚至一百幾蚊就可以試吓，所以我今次都叫咗。10 G最少嘅份量，但係估唔到個份量都已經好足夠，佢會用一個鐵盒裝住，入邊裝住滿滿嘅魚子另外仲會有4件味道似班cake嘅小食。我今次食係5號，味道一入口唔算濃，但係食到中間佢嘅味道漸漸滲出，好香，對我來講呢一個味道已經係啱啱好。如果好似我咁未食過嘅建議由淺入深 。呢一個味淋魚乾好好食，比起出面食嘅魚乾，會較為濕身少少，但係就多點煙韌，同埋係上面會有一針薄嘅蜜糖，甜甜地食非常之好食。鱘魚湯係必試的，好濃滑的湯，煮到白雪雪好靚。一半嘅忌廉味，一半嘅魚鮮味，再加小小嘅香葱，中意魚湯的一定要飲。

在尖沙咀要找地方小聚聊天又多一個選擇了。走過一排酒吧，在斜路旁邊可以看到低調而華麗的招牌「鱘」。點了個二人前，有燒雞泡魚干，4串串燒加2杯清酒或啤酒。冬菇串。冬菇烤得很香，燒冬菇是我吃串燒必點，那股獨特的味道總是讓人欲罷不能。烤玉米烤秋葵烤白果。好特別，我是第一次吃烤的白果，平時多數是腐竹蛋糖水中見到白果兄......白果咬到最後有點苦澀，應該是白果芯的影響，但卻讓人一粒又一粒停不下口。燒雞泡魚干。沒想到口感是這麽嫰!一點也不會柴，不會咸，烤得很香♡(最重要是吃完也不用用手簽剔牙，平時吃烤魷魚總要塞牙縫剔半天)。

自問都唔算細食所以2個人都點左個2-4人前整個餐之中 我最欣賞這個白白淨淨的湯這個鱘魚湯完全是魚湯者至愛😍😍（可以的話我想店家加烏冬🤣🤣兩者應景很配）看那奶白色的湯！多麼的濃郁！！內裡還有鱘魚軟骨！！感覺膠原滿滿燒雞泡魚干 是我男朋友至愛不可否認這個魚很惹味下酒菜一流鹽焗銀杏 最特別！！銀杏即是白果 平常都會在糖水中吃到 鹽焗還是第一次吃 中間有點點的苦味 串燒系列～冬菇秋葵粟米雞肉傳說製作繁複的花魚一夜干魚掛在岸邊讓海風吹拂一夜，海水鹹味就自然滲進魚肉之中魚肉絲絲分明，味道鹹香，連骨頭都想吃進肚子

一行四人，行到攰啦，睇下睇下行下行下，都吾知食乜好，一穿過諾士佛臺就見到呢間甘有特色既日本餐廳，抱住一試也無防的心態，坐低左。 聽職員介紹碗鱘魚湯係新鮮鱘魚新鮮魚骨熬成，飲落去啖啖都係骨膠原，超有鮮味，仲要一點都吾會有魚腥，好美味吖，淨係呢個湯就值回門票價，百飲不厭吖！套餐仲包左一枝清酒，平時吾太飲酒既我都試左少少，清甜得來吾會嗆喉，仲有一種清香既回甘味，清酒配埋個 鹽焗銀杏拼盤真係一流。 銀杏吾會太苦，洒左啲鹽來焗，咸咸地甘，送酒既佳選。 非常值得一試既係有條炸鱘魚柳，外脆內滑，真係好滑，吾係普通既炸魚甘簡單，係出面既餐廳好少機會會食到炸鱘魚柳。原來花魚一夜干送酒都係一流，風干的魚一點也不干，不硬，少少咸，有少少甜甜一口一條啱啱好。 基本上呢個4至6人前餐真係送酒既最佳良菜。吾夠飽的話，可以散叫，都吾係貴。

由於"山竹" 將會在星期日出現，令到原來星期日的聚會，臨時更改到今日(14/9)好彩平時揾開食既我，都有做下功課，揾間有水準的餐廳並不難....尖沙咀日本餐廳 ~ 鱘《鹽燒銀杏》銀杏除了整腐竹蛋糖水外, 原來仲可以鹽焗嫁, 第一次咁食細細粒,外面有啲鹽,帶少許苦甘味,伴酒一流《尤魚鐵泡燒》淋上醬汁,內裏有少許秘制涵料燒得好香口, 魷魚味氣味洋溢 肉質彈牙《燒蘑菇》燒得好香，夠乾身《燒秋癸》 夠新鮮 ，表面夠脆身《花魚一夜干 》連皮連骨炸，脆到皮連骨都可以食，但出奇地能保留魚肉的嫰滑，而且沾上廚師嘅秘製醬-酸酸甜甜嘅金薄啫哩醬，夠開胃《燒雞泡魚干》~我的最愛 少少韌但好香，加埋沙律醬食，食停唔口《鱘魚湯 》魚子醬就是鱘魚的魚子，當魚子被取出後, 魚身有咩用?魚身可以用嚟煲湯。鱘魚湯內加入海帶, 魚軟骨,魚軟骨比較似硬身的花膠，食左咁多年魚, 都唔知魚有軟骨, 奶白色的魚湯, 味道十分香濃感覺好有膠質, 健康又保身諗起都想再飲多碗如果有個烏冬撈埋一齊, 就更加一流《清酒 》女仕們要小心支清酒好好味第一啖飲落有甜味慢慢滲出酒精味 非常易入口, 令人一杯接一杯

李克勤 無朋友"工作做完 握握手說很想再 以後聚頭禮貌微笑一飄走 已無朋友相約十年 飲杯酒亦未及在線 晚晚邂逅我在人間 經已無朋友"仲好記得當年個MVWyman 發信息畀幾位朋友約食飯全部都話唔很閒, 除了做緊GYM的谷袓林但訊息沒有發到出去, 因此飯局取消了今日我在GYM 房(屯門)收到朋友小聚訊息 冇問詳情下已回覆ok身穿少許汗味短身運動服加對運動鞋嘅我完全冇諗到朋友立即揸車接我衫都冇換就出咗去尖沙咀當時正值人流非常旺的時段~八點三十分一身運動服的我走入尖沙咀酒吧區的一間日本餐廳~鱘雖然行經時感覺多對奇異目光的眼睛二人前 $198燒雞泡魚干四款串燒(日日不同款)清酒兩杯另加炸鱘魚柳 $88清酒味甜易入口適合女仔品嚐店舖以高身酒杯盛載清酒多了一種高雅別緻的感覺小知識: 飲日本清酒大多拿着一隻小杯，一乾而盡。不過，從品酒角度去欣賞，其實杯子愈小，有時候酒香未必能夠發揮得淋漓，所以有些餐廳會用高腳杯盛清酒。燒雞泡魚干以味醂調配口感鬆軟幾好味, 非常適宜佐酒四款燒物焗銀杏- 冇去芯, 帶苦味粟米, 菇, 秋葵 - 食落仍有水份, 香味, 火喉控制得唔錯 炸鱘魚柳-推介店舖獨家發售使用鱘魚比

日本菜係我最喜歡嘅菜式，不論係刺身、壽司、燒物、炸物、鍋物等。今次同朋友聚會，又係揀日本菜: 串燒4個人就order「四人前」仲附送清酒一支/啤酒 4杯，我當然揀清酒啦！而且呢支清酒好岩我口味，跟餐送既都有好野朋友們都讚好飲，入口係甜香，不過唔好俾佢呃到，第2層就係刺激既清酒味，但就係會令人追酒飲既味道鱘魚湯非比尋常既膠質，令成個湯都感覺到骨膠原，鱘魚既魚油溶解到湯中，飲完一碗就好想再飲多碗鹽焗銀杏滲透入銀杏既鹽焗香味，加上銀杏獨有既回甘，慢慢不知不覺咁一粒一粒食落去鹽燒秋葵怕滑潺潺既一啲都唔洗驚，燒到連黏液都烤乾哂，但仍然保持到秋葵既香味燒雞泡魚干配酒良物，外層焦甜，咬落去煙煙靭靭，沾上沙律醬就少一份膩感，一邊傾計一邊食，唔洗2分鐘，4個人就食晒串燒雞翼只加上少少調味粉，燒至外層微微焦香，外脆肉嫩，咬落去仲好juicy添串燒雞頸肉係幼幼既雞頸上面，片落薄薄既雞肉，塗上日式燒汁再經過燒烤，醬汁烤出焦香，配上帶有咬口既雞頸肉，絕對係配酒類既精選魷魚鐵炮燒魷魚比較軟淋而偏清淡，但係用上偏甜而帶有薑肉既秘制醬汁經過醃製花魚一夜干一夜干，用鹽水浸泡一段時間後，再經過一晚既風乾，將花魚既鮮甜濃縮

開心星期五定義包括準時放工，見下朋友，嘆杯靚酒。今日我與朋友二人來到尖沙咀，目的是要找間酒吧坐下、hea下、輕鬆下。穿過諾士佛台的酒吧街，還是找不到心水店舖，結果在天文臺道遇上“鱘”。見到餐牌有個「二人前套餐」$198- 內容包括：雞泡魚干，串燒4串及清酒兩杯。除了二人前，還有四人前及六人前啊。燒雞泡魚干河豚又稱雞泡魚，灑乾之後成為大眾喜愛的食品之一，多數人愛將魚干烘烤再加上味醂，簡單烹煮方式已經換來美味效果，所以燒雞泡魚干，真的讓人食到停不了口。串燒四串其中雞頸肉，牛肉兩者印象最深刻。牛肉中心位置呈現粉紅色，這種效果給人感覺鮮嫩，入口肉質柔軟細膩。雞頸肉是雞頭附近的肉，雞頭經常轉動，所以這個位置的肉質富有咬口，很彈牙，是一個美味的部位。雞頸肉串不是這麼普遍，它串起來製成串燒後，賣相有少許似雞軟骨。還吃了冬菇及雞翼，雞翼燒至乾身，味道香口，至於冬菇沒有被燒乾，出奇地保留恰當的水份，而且味道𣎴錯，極具菇味。清酒/啤酒兩杯日式串燒配日本清酒就最好不過，透明色涼冰冰的清酒入口香醇，炎熱的季節下品嚐，更加稱心滿意。這裡環境舒適，好適合happy hour前來傾談聊天，再加上經濟實惠的二人套餐，

一家日本餐廳，名叫「鱘」究竟是什麼意思？店裡隱藏的究竟是什麼壺蘆，壺蘆又是裝載著什麼良藥？！就讓我來看過究竟吧。原來這是一家售買串燒以及清酒而招來的食店，今夜我的晚飯朋友遲遲未能下班，獨個兒俏俏在尖沙咀流浪的我，不知不覺走到這裡。進店光顧 “一人前” 套餐，付出$88元的金錢，換來兩串日式串燒，以及日式清酒一杯。~~~~~~~~先來說說這杯沒有使用Sake杯裝載的清酒：日本清酒，大眾市民稱呼Sake，主要以大米發酵而提煉以成，是日本人常喝的一款傳統酒類飲料，不論是冷飲還是熱喝，兩者同樣適合。我的冷Sake，沒有配上短小的Sake杯，反而以高貴的白酒杯來盛載，此刻有著享用白酒的愉快心情。輕輕的搖擺酒杯，Sake在杯裏晃動著，將鼻子靠向酒杯吸氣，淡淡的Sake香氣從杯內撲到鼻孔之間。透明的酒杯讓人清楚看見酒身顏色清晰如水，入口細滑柔順，淡淡米香停留在舌頭上，這是一杯醇香清甜而且冰涼的Sake。~~~~~~~~串燒一：金黃色粟米粟米是世界重要糧食之一，它屬於健康食品，具有高度營養價值。淺黃色的粟米被燒至金黃，外皮更帶一點燒焦效果，正。整個粟米遍布香濃牛油味，粟米經過咀嚼後，沒有殘渣留在口腔，

有朋自遠方來，不亦樂乎。有朋友係澳洲返港相聚，當然要同佢地搵特別佳餚啦最重要環境好之餘，仲要係要有特別啲既美食加淳厚既美酒啦日式四人前唔單止有串燒炸物，仲要有一支清酒呢個套餐立即變成首選餐廳既餐具都帶有日本風格反而清酒杯別具特色，選用左厚身而保凍力持久既鋼製既酒杯仔首先上菜既係鹽焗銀杏同串燒黎送酒粗鹽既咸香味滲入銀杏之中，再加上銀杏獨特既甘香，會令人不知不覺之中，一粒一粒咁放入口，更會一杯一杯咁飲杯酒串燒豬頸肉真係食得多反而串燒雞頸肉真係第一次試完全簡直係心機之作係幼細既雞頸上，去除頸骨剩番帶有咬口既雞頸肉，顯示出廚師既刀功掃上燒汁再經燒製，令燒汁散發著陣陣既焦香，食指大動呢～飲酒必點既雞泡魚干，長期位處榜首鬆軟既質感加上甜甜既感覺，會令人上癮用薑蓉，味醂，料理酒，濃口醬油，再加秘製調味去醃製魷魚筒咸咸甜甜既味覺刺激，中和清酒中既嗆口感覺，令每啖清酒都變得柔和一夜干係日本漁民既傳統做法，用鹽水浸泡過再風乾一個晚上不但令魚肉既鮮味濃縮，更令海洋既風味提升將花魚用一夜干既做法，再經過燒烤，無需要落任何調味，都已經香味四散魚肉雖然減少左嫩滑既口感，但鮮味既提升足以彌補不足當鱘魚湯上枱既時候會