鳥羽名古屋料理 (已結業)

大年初四諗住食好d一早打電話訂位，到逹時被男仕應安排在中間又迫又嘈的位置，再問一下有冇其他位置最後安排在下層電梯旁，走進下層見到有張較為寛闊的枱，但又話有其他客人訂了，我們坐了1.5小時完全沒有客人！擺明趕客！邊會有餐廳set兩個位係電梯旁！一開一關電梯完全騷擾食客，同坐街有何分別？收我$840完全冇服務！男仕應態度惡劣，食物質素差，鰻魚飯完全唔好味都收$3xx，貴夾唔飽，一肚氣😡唔駛錢都唔會再去！等執啦！

星期六嚟到銅鑼灣 冇乜心水食咩好 拎咗張傳單就直接走上去同另一間前排算多人介紹嘅韓國餐廳同一棟嘅鳥羽試吓一點幾嘅時間竟然唔算多人 除咗我哋之外就只有另外兩枱客 望一望午餐嘅價錢 大約係200至300幾 可能係因為銅鑼灣仲有其他價錢相宜啲嘅選擇啦🧐 但係咁樣對我地來講反而仲好 難得清靜 可以傾吓計😂我哋叫咗兩個餐 一個燒魚一個牛肉加刺身 擺到成枱都係 睇落好豐富🍴值得一讚係刺身食得出幾新鮮 好過有一次喺太古廣場地庫食嘅一間 價錢相約嘅餐廳🙊食完仲有一個甜品送 係朱古力奶凍 我本身就鍾意食呢類甜品 都唔錯㗎🙌🏻總結嚟講 我覺得食物嘅質素同埋環境都值得呢個價錢 餐廳嘅員工都正正常常（除咗人數上仲多過客人😂）推薦比想靜靜地食個lunch嘅朋友👍🏻

突然好想念鳥羽名古屋日本料理店的味噌，所以我們再次光顧，品嚐美食😋我們坐在清酒樽擺設旁邊，但沒有受到誘惑，今晚滴酒不沾。前菜漬物😋再次點選了凍蔬菜條。看似沒有什麼特別，但所點的味噌醬味道真的一流（$158）再次點選了什錦雞肉棒串（$305），真的十分美味😍為了味噌而點選了八丁味噌焗茄子😋（$98）茄子一點也不油膩！還點選了軟殼蟹牛油果卷（$185）味道一般吧！因為有會員咭，所以有免費雪糕🍦青蘋果雪芭及豆腐雪糕😍十分美味整體而言，食物質素很好，環境尚可，但價格略貴

很懷念日本的味道，很想吃鰻魚飯，在銅鑼灣沒有訂位的情況下這裡竟然有位 心裡最想吃的是鰻魚飯，一落單就叫了! 叫個月見烏東比仔仔食，烏東很滑。老闆就想食名古屋雞亦 （即手羽先唐揚），我覺得味道很濃。 另外點了個治豚肉串（忘記正確菜名），醬汁很鹹⋯，要趁熱食，凍左就唔好食⋯到我嘅鰻魚飯，說是名古屋嘅鰻魚三吃，其實睇個人口味，鰻魚燒得幾香，無泥味, 老闆話咩都唔使加（原味）都好好食；我就鍾意加湯加少少配菜食，加左湯鰻魚汁無咁濃，但多左份清香，Wasabi 只加少少，呢個鰻魚飯都唔平，但份量同味道再加埋係銅鑼灣區就差唔多。仲叫左d 特飲 （但唔記得影相），好清新😊

The restaurant is a bit hard to find on the 20th floor of a building. Once in, it's rather nice and comfortable. The Unagi rice combo was offers a soup, salad and dessert. The unagi tasted fresh and offered 4 different ways of eating the meal. Portions are pretty good and seating is comfortable, although not the cheapest.

The comment is quite good and booked the restaurant for lunch with friends. Ordered grilled eel rice in Nagoya style set and chicken wings. The eel rice is yummy with 3 ways of eating. However, the wings are disappointed. It's too dried and skinny and a bit expensive. Not recommend to try! Overall, the environment is comfortable and good for chit chat, the eel rice is good except the wings.

又到左食池魚既季節，唔係間間壽司店都有得食既， search過好幾間，最後對呢間較有興趣，就book左呢到試下我同男朋友7點鐘到達，已經差不多爆晒人，好彩有book位咋原條池魚，這是今晚既主角，我係專登黎食架，新鮮即劏，沾上特製醬汁，非常好味。店員還提點我們，如果下次想食既，可以預留，因為非常搶手，我點果陣得返2條咋！腐皮溫泉蛋，腐皮炸得非常脆，溫泉蛋好滑，然後慢慢食出有少少咸味，口感層次非常豐富，這道菜有創意，而且亦好好味炸原隻軟殼蟹，粉漿超薄，咬落去啖啖肉，正啊！申燒牛舌，外面燒到好脆，咬落又好爽口明太子雞肉棒，明太子帶點咸香味，跟雞肉很配

之前睇過介紹名古屋既雞翼係十分著名!!!今次終於可以黎試下啦~~呢款名古屋秘製手羽先唐揚有分5隻/9隻/12隻仲可以揀甜味, 中辣同大辣, 9隻以上可以揀2款口味!!!我地揀左9隻, 4甜味5隻中辣~~雞翼係連翼尖既, 炸得好脆, 但係略嫌太瘦冇乜肉;中辣都幾辣下, 小小辣都唔食我既就建議食返甜味啦!呢個係見到好人都推介既腐皮溫泉蛋~賣相唔錯, 用腐皮整成個袋咁再盛載住溫泉蛋及蔥花!!流出黎既蛋醬令食落好有口感;一啖過擺入口仲過癮!!軟殼蟹牛油果卷一碟有8件;份量唔細之餘都幾大舊下, 上面有好多蟹籽添!!!軟殼蟹脆口, 加埋清新既牛油果好FRESH;連埋蟹籽仲有多口感~~

好少好少寫食評，但今次真係忍唔住要出post寫返個晚餐我地有訂位所以去到係唔洗等就有位，呢樣係抵讚... 但我地話唔好意思臨時要加多一位，咁其實都係想拉多張凳啫，但哥哥仔就話我地又唔預先通知等佢地可以早啲安排... 咁我地係唔啱無預早講，最後擾攘左５分鐘成功係原本檯邊拉到張凳擺多個位。。。坐低落單叫嘢飲，叫左2杯ASAHI加2杯YEBISU，後加杯Lemon Drink都黎左，咁就問聲杯YEBISU仲未到，咁我地都係好easy問聲，咁哥哥仔就educate 我地話而家全番港都無入到貨... 其實唔飲YEBISU飲其他好閒事，但佢黑板寫話係精選推介＆落單個陣又無講，個下係有少少無奈，咁咪飲返ASAHI囉.... （O.S. 其實早前先見到一田都有得賣YEBISU，可能咁啱７月最後一個星期真係全香港斷單囉。。。）食物其實都正常普通，名古屋蓬萊軒我地全枱人食過不下十次，以香港水平佢鰻魚飯本人覺得係ＯＫ加無骨，手羽先就一般正常喇... 但我地落單時，朋友用日文講左一個菜名想order，哥哥仔回覆話唔識日文叫我地用返中文講多次... 咁佢menu上面大大隻日文菜名可以抹走佢&可以請佢調返轉men

這間店是我第一次踏足，我極愛好日本料理，今次我沒有中伏！ 在照片提供中既食品都是值得叫既，特別係呢個牛，個醬汁與肉質超match, 軟軟口感，到依家一諗起都回味無窮呀！這個好像要$198 （我並沒有深究價錢）

一行4人去食，因為訂左檯，所以唔駛等去到一開波叫左主打嘅炸腐皮溫泉蛋，秘製名古屋炸雞翼，同名古屋特制鰻魚飯腐皮炸得好脆，溫泉蛋狀態剛剛好，上檯時仲係好熱，材料簡單但好味秘製名古屋炸雞翼有分甜味、中辣同大辣，分量可選5隻、9隻或12隻，職員說9隻可雙併味道，因此選了甜味同中辣兩種雞翼味道不錯，口感脆身之後試食名古屋特制鰻魚飯，可惜鰻魚不是自己所喜歡的肥美口感，所以覺得一般。這鰻魚飯反而用餐廳建議的第三種食法---茶泡方式，反而更有風味之後再試店鋪另一招牌---八丁味噌叫左八丁味噌吉列佐賀黑豚肉同雞肉棒八丁味噌味道香濃，以吉列黑豚肉配合的確能特出味噌香味雞肉棒裡面相信混合了雞軟骨，增強口感，值得推介串燒方面，叫了牛舌、牛肋肉及佐賀豚肉腩牛舌燒得剛剛好，口感不錯但另外的牛肋肉及佐賀豚肉腩就非常不濟......(唔記得影相）燒得非常乾，感覺肉的質素亦不好(印象中好的牛肋肉應該是脂肪甘美，肉味強烈，口感佳，但從這牛肋肉完全體驗唔到)因為自備的酒水仲未飲晒，所以又叫了刺身同天婦羅（我明白食野嘅次序完全錯晒）這裡的吞拿魚刺身感覺同日式放題的刺身差不多，（只是切得比較厚）可以不試平政魚係油甘魚D Fr

就快去名古屋，去之前嚟止止咳先。呢度唔係好平，希望好食啦相就靚，唔知真實係點呢？先食雞翼同串燒。雞翼㨂左中辣，同張相一樣好乾身，好似太乾添😐，而個辣～只係充斥胡椒粉，放近口，已想乞嗤。味道非常普通😐。串燒好ok，最係佐賀豚腩，好乾身，一d都唔肥膩，好香口。豆腐好大塊，質地似臭豆腐不過係唔臭嘅，好味。牛脷都好好味，好爽，咬落唔核突。鰻魚好肥，好厚肉，有咬感，夠乾身，無泥味。牛肋肉就好失望，無咩好讚，好普通，愛牛的你，都可以唔洗食，食多串豚好過。跟住係壽司同稻庭烏冬。甜蝦都咁大隻嘅！？好膠身個吞拿魚就太瘦了，唔夠魚香，勝在厚身啦。烏冬湯底好甜，麵就偏淋身，配料都好味，多葱，d炸粉都新鮮，無萬年油味。服務都好好，乜嘢回應都好爽手，出餐好快，成日幫忙裝水，但係我最怕就係d人成隻手🖐🏿捉住我杯口裝水，呢度有一位同事就係咁，佢每次裝完我都要抹番個杯

今日又過香港島同朋友飲下酒吹下水，朋友話依間居酒屋相當唔錯，一於book定枱試試。因為朋友已經嚟過所以食物就由佢話事。佢呢度清酒選擇好多，我哋對清酒認識唔深，就飲侍應推介既。佢好細心轉用壼上！甘口易入口，結果叫咗兩支。朋友話炸腐皮溫泉蛋好出名。好厲害，外邊炸得好脆，但竟然入邊嘅蛋係流心！雙重口感好食到不得了！上级刺身拼盤刺身真係睇得見好新鮮，處理得好好。池魚薄切刀工好，魚新鮮度爆燈，送酒佳品。炙燒和牛刺身Marbling 均勻細密，外層燒過牛味突出，配上酸酸甜甜嘅醬汁，完全唔覺油膩！一件接一件食唔停口。什錦雞肉棒串，一次過試咁多口味，啱晒我呢啲鍾意新鮮嘅人。雞肉入邊仲有雞軟骨，配埋生蛋黃，又滑又香，正！手羽先唐揚香口皮夠脆，調味亦都夠香口，不過就乾身咗少少，唔夠juicy。雖然呢度價錢唔算平，不過食物水準相當高，一定會再嚟。

去完名古屋無耐，又開始掛住鰻魚飯既味道啦！見呢間d相好似好接近名古屋食既樣，就試下佢啦😊同名古屋一樣，有幾款食法，按自己喜好，原汁原味/湯/加wasabi！我個人都係鍾意原汁原味，因為鰻魚個汁真係好好味架😋 呢個鰻魚飯老老實實就不及名古屋，我覺得名古屋個d再脆再香d~仲叫咗個壽司拼盤，都幾新鮮！呢個豆腐蛋 唔錯唔錯 外脆內軟😬 口感豐富！呢個雞卷我都鍾意，裡面卷住蔬菜，再有d沙律醬，成件事好match，好味道❤️仲叫咗個串燒蠔，都唔錯！呢度d野食都唔錯，不過其實唔係好多款野食🙈 可能唔係好多款，專注幾款，所以會好食d😬

相約好友慶生，先生聽取同事的介紹，訂了位於L Hart 的鳥羽名古屋料理。當晚，我不以為然，擺了一個大烏龍，去了也是位於銅鑼灣的，同樣名字含有「鳥」字的鳥x居酒屋，發現沒有預訂，才發現地方錯了。我便飛奔到正確的目的地。甫開電梯門，直接便看到整間餐館的上層，完全沒有玄關位或走廊。原來所有位於L Hart 的餐館， 都是複式的，上下層有內置的樓梯連接著，鳥羽也不例外。店子上層的的的骰骰，枱與枱比較近，往下層走，下層擁有兩間較有私隱，能容納6-8人的包廂。燒雞泡魚干厚身有咬囗，香甜煙韌，有別於一些價格較低很乾很薄新的的雞泡魚干，佐酒一流。腐皮溫泉蛋腐皮包裹着整隻日本新鮮雞蛋來炸，腐皮炸得甘香酥脆，雞蛋程半生熟狀態，咬下去蛋黃汁魚熔岩般流出，真正的外脆內軟，非常滋味。燒明太子燒得略嫌不夠，少了一份微焦的味道刺身拼盤所有均為厚切為主，唯稍微欠缺光澤。原條池魚爽滑帶脆，淡淡獨特魚鮮。北海道海膽卷海膽鮮甜，賣相是居酒屋的質素名古屋手羽先唐揚外層炸得乾身香口，內裏肉汁豐富，多種味增調味，微辣，挻惹味。天婦羅盛炸漿比較厚，有進步空間。清酒煮大蜆蜆肉大、鮮甜，淡淡的清酒香串燒鰻魚厚身夠彈牙，香脆而不油膩串