麒藝館 (已結業)

經過第三波疫情後，一家人都好耐冇出嚟食飯。所以，難得出嚟，揀咗一間對我嚟講比較貴嘅餐廳消費下。由於時代廣場出名泊車打蛇餅，所以決定輕輕鬆鬆食頭圍11點半。 一去到，啲職員好有禮貌，亦都好好招呼。水準亦keep到全程，例如加滾水呢啲全部自動波，我地近乎冇需要出過聲。可能係疫情關係，啲枱擺放得疏，亦有隔板，環境清靜，傾計一流。一打開餐牌，選擇太多，最後決定叫個中秋節套餐，唔駛煩。（唔記得影餐牌，好彩有keep單。）先嚟一個燉湯，好飲，足料。之後係無花果天下第一豬，都係好味，個皮夠脆。（本來有6/8件，食食下至醒起影相）之後係大蝦，呢個稍為失色啲，有點乾身，不過都好食嘅。花膠鵝掌，老人家很喜歡。食到雞呢度菜，部分成員已經飽，我差不多食咗半煲。味道也不錯。金瑤帶子粒炒飯，好足料嘅炒飯，試咗兩啖，決定打包番去嘆。最後係糖水，普通。總括來說，很滿意這餐。

今晚慶祝朋友生日去咗Times Square食中菜-麒藝館，店面裝修幾雅致新派，令人感覺舒服又唔會太拘謹。點了他出名的無花果黑叉燒，上枱賣相非常精緻有啲似西餐上碟，擺盤非常吸引，豬肉的確非常爽口，海鮮醬做得唔錯，帶甜嘅味道，毛花果醬中和了豬的油份，再加上旁邊一些魚子醬鹹香的點綴，香味都算幾吸引，可惜尺寸有啲細，食一碟都唔夠。無花果片皮雞二食，口感唔錯，雞皮做得香脆，放在法式包上面同吃，口感幾精緻，有點法國菜的感覺！二食叫了涼瓜炆雞，雞件走油得很嫩，加上涼瓜豆豉炆在一起，整個煲的味道都融合在一起，打開蓋香氣爆出來，加上雞油的確非常惹味！唐酒湯走花膠蟹肉蛋白，花膠非常美味又唔會太黏口，淋在面的汁做得非常清爽，蛋白非常彈牙和花膠口感十分配合，互相輝映 。醬油日山和牛肉鬆炒飯，有牛肉鬆，炒過的松子，秋葵有點日式的味道，可惜飯不夠乾身-可能秋葵的關係，醬油味道變得不夠突出。整體感覺算唔錯，價錢裝修都配合，其實好食嘅中餐真係好難，好要靠廚師嘅手藝，在銅鑼灣來說是物超所值，一定再嚟幫襯！

麒藝館在是一間以花膠為主題的中菜館，喜歡吃花膠的朋友可以來試試...一聽到花膠鮑魚以為價錢會很貴，原來該店的性比價很高，是會一來再來的餐廳😋👉 原隻鮑魚花膠撻該店的招牌菜，賣相也很好，鮑魚嫩得來又爽口💯撻中暗藏花膠碎，一咬落去就好鬆脆！👉 唐酒花膠蟹肉蛋白花膠很足料，有5至6塊，滋補得來又養顏，蛋白加蟹肉的配搭也很好，也聞到淡淡的酒香😍👉 金裝焗釀蟹蓋一直覺得蟹蓋好適合又想食蟹但又不想剝蟹的人，蟹肉蟹膏都在蟹蓋上，再加上用芝士焗，吃起來芝士味和蟹肉味融為一體😂整個環境優雅高尚，給人舒適的感覺，不會有壓迫感。侍應也會很有耐心地介紹招牌菜以及它的食法，態度很好！

奶奶生日 佢鍾意中菜 但又希望靜 所以找呢間作今年慶祝地方即燒無花果天下第一豬 皮脆之外 肉質好甘香 仲帶少少甜味 好正無花果極品黑叉燒 肉質鬆化甘甜 肥肉無乜也可做到質感鬆軟 水晶花膠凍質地彈牙又咸香 好開胃呢個青瓜炒墨魚 因墨鮮炒過了 有點韌我們訂左糖水同湯 可能個器皿一樣 所以上左糖水 食食下諗緊點解咁甜😂炒花膠菜式 可能汁料重手左吃不到材料鮮味雞肉都不鞋 而且有肉汁的鮑汁花膠撈飯 啲花膠絲煮得有啲似海蜇質地 不過鮑汁都好香濃呢到也著重食菇菌的 所以叫左客用蘆荀 菇很香濃而易滑 蘆荀也好甜而無渣最後甜品位 那燉湯來了 侍應不好意思 但我哋無所謂啦 因為好野留係最後嫁嘛生日訂了壽包 也很好味 生日快樂！總括而言 呢餐我地都好享受 覺得每道菜式也有特別同好味地方 服務也好 會再來的

麒藝館又到中午食好野既時候，有 friend 話麒藝館可以試下，咁就去試下啦。兩個人坐低叫左四碟餸，中午來講都唔好話少野。一個小籠包、和牛肉鬆炒飯、唐酒花膠蟹肉同通菜。有好有唔好啦。點菜時，服務員一開波就叫我地叫乳豬，但係 2 百幾蚊食幾舊豬，真係唔捨得，最後叫左炒飯，起碼抱肚 d。首先講小籠包。高級野就係高級野，小籠包一份係得 2 件，兩個人食既話要叫返兩客先得。皮薄餡靚，又多汁，比一般連鎖店好 dd，可以試下！和牛肉鬆炒飯就不得了啦。佢地用珍珠米來炒，炒飯就係最緊要一粒粒，唔係黏埋一齊。牛肉好香，中間又有 d 秋葵隔一隔，無咁油，唔錯唔錯。至於個花膠，花膠係靚野，非常厚身，同膠，又實淨，同其他地方食既唔同。個人認為酒味可以濃 d，雖然有蟹肉，但係帶唔到落蛋白度，始終覺得差一 d 野。菜呢，就 standard 野，唔多講啦。咁樣食個人落樓 260，感覺有 d 貴。

見到佢門口既「天下第一豬」頭銜，我決定一定要來試下，菜式的確唔錯，但味道卻沒有很驚喜。.1️⃣ 即燒無花菓天下第一豬（例）$258乳豬一共6件，外皮又脆又熱，的確係即燒既🤩佢嘅醬汁同平時嘅乳豬醬有啲唔同，配埋一齊食味道比較清新，而乳豬肉亦較一般乳豬嫩身。值得一試！.2️⃣ 牛肝菌日山和牛酥 $98點心來講價錢就唔算平啦，不過睇在和牛既份上😂牛肉味都幾出！加埋牛肝菌既味道，整體好夾！酥皮亦好鬆脆。點心值得一試！.3️⃣ 鮑汁花膠撈飯 $198呢味菜係用切絲嘅花膠配鮑汁然後淋上炒飯上。起初十分期待，味道係好食既不過卻沒有十分特別..就好似只係貴價食材版既福建炒飯😂.

限聚期間母親節，訂咗枱都要等。明明今日限聚每枱8人，但我見到房入面有。。。總結：今餐性價比中等。話說果日我牙痛，所以我全部剪細來食，以致我肯定唔到口感其實係點，但入到口，都唔會靭啦。麒藝館咁大膽叫自己天下第一豬，仲搵個師傅坐係門口燒比人睇，梗係要試啦，噉又真係幾好味嘅。另一道令我留下印象嘅係鴨煲，就算我剪碎食，仍然食到鴨肉好香，如果今日唔係牙痛就更好味啦。其他餸菜，以味道論，全部餸都係中上，但價錢都唔係平吖，所以，性價比只屬中等。

約了老友夫婦在銅鑼灣晚飯；行上時代廣場食通天，十樓其他食店全部食過，唯是此間未試過，於是就選此間。三人坐於角位一張橢圓形桌，一邊靠牆梳化；桌面略窄。叫了普洱茶，頗有茶香。先點了三個廚師👨🏻‍🍳精選及一青炒時菜無花果黑义燒$168, 一為是傳統的斜切义燒；上菜時原來是8件一吋丁方的腩肉，一層肥及一層厚的廋腩肉，並伴以小許細過芝麻的魚子；入口除了覺得是吃緊有無花果醬味的猪腩肉外，但又沒有义燒的肉質，畫虎不成反類犬，無乜特別。京都文思海虾花膠羹 ，位上每位$168。此店似乎有些日本聯繫，其實不知京都文思海蝦是什麼蝦？上枱是用盛西湯的湯碟，羮內有一隻不大鮮明只有蝦頭插在碟上，蝦身肉不知是否溶在羹內，但又不覺有花膠；可能也是溶化了。蔥燒蝦子煎魚扒柚皮，位上每位$168；小小一塊魚，好似是石班，還算可以，但蔥燒蝦子柚皮則毫不吸引，真懷念當年修頓球場附近的醉湖海鮮酒家。後加了一個家鄉煎藕餅$158，八小塊，藕的份量不夠。最吃驚的是蒜蓉炒通菜$118；可能新派廚房不着重炒菜這些基本廚技，居然炒到毫無火候，色香味都欠奉，水準之下。甜品要了蛋白杏仁露配果凍，位上每位$68，杏仁香味全無，配上用小匙盛著的一

今日同幾位老細包房去這間餐廳晚餐。店主是老細的朋友，其中今日最深刻的是他的龍蝦鍋巴，龍蝦10分鮮甜加上鍋巴是另一種食法。另外值得驚喜的是它有一個炸花膠手卷。是中西合璧的食法手卷嘗試查花膠感覺比炸八爪魚鬆脆易入口一點。因為是老闆請客的關係不是很方便拍照所以只放一兩張。總括而言是一家優質餐廳。每人大約$600-700。

今日一直落雨無停過，個個入商場避雨☔️星期日1pm lunch time 食通天個幾層超多人排隊等位見麒藝館唔洗等位 同埋比佢門口寫住天下第一豬🐷吸引左入去入到去個裝修好靚 本身已為係普通茶樓啲位坐得舒服Menu好多選題 但兩個人好難叫咁多野😂豚肉小籠包（兩件）$44六角型蒸籠好可愛😂 皮薄多汁🤤鮑汁花膠撈飯 $198比想像中多花膠 啲花膠好入味！即燒無花果太下第一豬（例）$ 258.0 呢間餐廳嘅招牌菜 梗係要試下😂影左咁耐相 佢個皮都係好脆😆👍🏻唔係好食得出無花果味😂但好香好juicy加埋茗茶$40 for 2加埋一 Total $594 for 2都對得住呢個價錢 因為我地都食得好飽同埋唔洗排隊等位好緊要！😂😂😂

第二次嚟麒藝館食飯，依然有叫佢哋嗰個天下第一豬(燒乳豬)，依然好食，但性價比真係唔高，二百幾蚊得六嚿乳豬，值唔值得，就見仁見智。前菜叫咗個鮑汁鳳爪，味道唔錯，但鳳爪略嫌瘦啲，小籠包就正正常常。叫咗個花膠蟹肉蛋白，花膠算係呢度嘅招牌菜，但今次真係整得麻麻，啲花膠嚡咗啲，淋咗啲，又淡咗啲，令人失望，但墊底嘅蛋白幾好味。叫咗個金銀泡飯二人份，但分到有六碗，個白蝦黑叉燒炒飯都唔錯，呢間餐廳嘅出品口味偏向清淡，加埋新派嘅裝修，應該啱中意現代中菜嘅顧客嘅口味。即燒無花果天下第一豬，$258例唐酒花膠蟹肉蛋白 $168鮑汁鳳爪 $68白蝦黑叉燒炒飯 $168和味「咋咋」金銀泡飯，2~3位 $198灌湯豚肉小籠包(兩隻) $44

If you are looking for a decent Chinese restaurant at timesquare, you wouldn’t regret visiting this Chinese restaurant with pleasant interior design and comfortable seating.Loved the pleasure to sip homemade stew soup that came at the beginning. In fact, that’s one of the best part of the meal! 無味精靚湯The appetizer was luscious! It was photogenic too! Shrimp was fried near perfection! 前菜: 鹹蛋黃脆脆配蝦金沙黃金蝦鍋巴Beef was tender and succulent! Loved the seasoning with ginger sauce! 薑汁芥蘭炒和牛Fish maw with

燈光較暗，環境總算寬敞，坐下後沒有侍應問要什麼茶?感覺上侍應服務態度較冷淡，全場5-6位侍應，但只有一至兩位比較落力。<即燒無花果天下第一豬>站在門口時，已經見到有廚師在燒乳豬，乳豬份量實在太少了，幾多油，但是美味，皮脆肉嫩，亦沒有羶味。醬汁卻不覺得有無花果味。<黑虎掌燻味鴨>這個等候時間很長，但都值得，鴨的肉質超嫩，有燻香味，醬汁調得不錯。<金裝焗釀蟹蓋>蟹肉是一梳梳和芝士的份量成正比，蟹肉頗鮮，不會被芝士蓋過。<XO醬蝦球煎米粉>米粉煎得不錯，不會過燶，可是xo醬蝦球的味道較淡，配搭一起吃卻不覺有味道。

時代廣場嘅麒藝館以經典粵菜並結合矜貴食材的高級食府。茗茶： $20/1位 共5款～選擇了瑰麗堂煌玫瑰荔枝紅茶，荔枝同玫瑰陣陣香氣撲鼻，不錯。$238 就可享醬油日山和牛鬆炒飯 及唐酒花膠蟹肉蛋白豚肉小籠包 $44/2 皮薄爆汁，肉餡多又夠味!金沙墨魚鬚拼椒鹽豆腐 $138金沙外皮完美包裹墨魚鬚, 墨魚有鮮味唔乾柴。唐酒花膠蟹肉蛋白蛋白滑溜嘟嘟，啖啖都食到蟹肉同骨膠原爆登嘅花膠～高質之選！日山和牛鬆炒飯 炒飯粒粒分明，牛肉香氣很夠，仲有秋葵增加清爽口感，食到底都唔會覺得好油。晚市價格黎講的確唔係人人負擔得起，不過強烈建議中午時間一嚐花膠菜式！

二月放假，友人帶咗我去時代廣場食午餐，如果唔係佢介紹，我都唔知有麒藝館依間餐廳。可能閒日嘅關係，餐廳得兩、三枱客，加上環境十分大，裝潢華麗，令成個氣氛十分分尷尬。同時，店員亦全程企我哋附近...。朋友發辦，佢話之前食過，我都無乜意見。只係見到價錢都幾貴下，心諗應該真係大師級，好好食掛？一籠蝦餃燒賣都賣成$5x(計埋加一)，仲要得三粒，真誇張！另外，有個午市套餐只係賣$88，相信係特別優惠吧。套餐包括一份花膠撈飯，同三件乳豬。魚翅撈飯幾多料，但好濕，食落味道ok，但份量比較少，一人前吧。另外，三件乳豬個皮係脆嘅，但要形容為天下第一就不至於吧，唔覺有咩咁特別，而且我不喜歡有骨。鮑魚撻是最好美味的一樣，但份量十分精緻，一口吃完，承惠$48個。友人點名要叫無花果叉燒，哇只係得8粒，好矜貴，樣貌似豬腩肉多啲。而味道更是失望，餐廳好似完全唔知叉燒係乜黎，定我的應知有所不同？更重要嘅係味道完全不好味，好甜好漏好肥，味道好奇怪，我吃了兩粒，就不想吃了。而旁邊的魚子醬亦達不到畫龍點睛的效果，只有惺惺作態、故弄玄虛。但朋友卻是吃得津津有味，説果然是酒店級師傅的手勢😅。最後，要了燒賣，三粒大大粒，一啖食唔哂