麵家

麵家餐廳剛剛進駐港島銅鑼灣登龍街18號V Point地下,餐廳裝修簡約族新以木為主調,環境光猛,乾淨衛生,餐廳主打港式粉麵,自家慢煮牛腩和新鮮包製雲吞,湯底係用雞殼每日熬至少8個鐘,服務員招呼有禮。三拼撈麵撈麵要粗麵有雲吞,牛肚和秘製慢煮牛腩,配有蠔油油菜,芫茜,香蔥和招牌雞白湯,雲吞超巨大,餡內有豬肉和櫻花蝦,食落好惹味,牛肚和牛腩夠腍滑,粗麵軟硬適中又彈牙,雞白湯鮮甜帶有香濃雞肉味,飲品紅茶花伝檸茶。招牌櫻花蝦雲吞魚蛋撈麵配有油菜,香蔥,芫茜,蠔油和雞白湯,雞白湯熬至少八小時,味鮮甜帶有香濃雞肉味,招牌櫻花蝦雲吞好惹味,魚蛋食落新鮮彈牙,幼麵軟硬適中,食落爽口兼彈牙,冷萃烏龍茶。時令油菜油菜係菜心,配有牛腩汁,食落新鮮青嫩。@mingaa.hk

真係好少寫食評，但係呢間麵實在太好食，所以決定寫一寫！佢係湯底、餸同麵都好好食！先講個湯底，雞白湯用雞殼熬煮，係有種食魚翅湯高煲湯底咁樣嘅感覺，非常之香！然後我食嘅米粉係非常之滑身，有少少咬口錦！牛坑腩雖然就唔係切得好厚身，但係都有啲牛味，而且一啲都唔嚡，又有少少筋位，好唔錯！個雲吞又大粒，入面隻蝦又大隻，然後好似落咗少少蝦子所以食落去有啲咸香，豬肉小小肥，所以特別好咬口！仲要喺銅鑼灣嚟講都係講緊$65，性價比真係非常之高😍😍😍😍

呢間餐廳主打超過8小時熬製而成嘅雞白湯，配搭港式粉麵，乾麵嚟自半世紀歷史嘅「永樂粉面廠」，河粉同雲吞皮則選自老字號「雙喜」🇭🇰💗秘製慢煮牛腩撈麵（$66）牛腩肥瘦均勻，由於慢煮嘅關係肉質特別軟腍，而且炆得入味，配上爽口彈牙嘅粗麵🐮撈麵揀咗蔥油撈，蔥香特別惹味🎍 配上一碗大地魚雞白湯，魚味比較出，味道有d似日式魚介湯，比單純雞白湯更有層次🐟💗咩都有麵（$78）先呷一口雞白湯，飲落清甜唔油膩，同時有濃郁嘅雞味，再配上柔軟滑身嘅河粉🐓配料方面就相當豐富，有齊雲吞、墨丸、牛丸、魚蛋、牛腩同貢丸，一次滿足哂唔同願望🍜私心建議一定要加埋店家自製嘅辣菜脯一齊食，會惹味好多❤️💗招牌櫻花蝦雲吞（$48）櫻花蝦雲吞大大粒，皮薄餡滿超足料！將日本櫻花蝦米混入新鮮豬肉餡，仲有原隻鮮蝦，口感好豐富，食得出蝦鮮味同豬肉香🦐💗時令油菜（$22）菜心柔嫩無渣，加埋腩汁仲好味🥬

麵家新開張，一連幾日两個時段推出1蚊1碗麵。內部裝修雅致，樓底高，感覺幾闊落。由於來晚了，食唔到牛腩麵，還好還有牛筋，叫咗個牛筋粗撈，雖然人客爆滿，但都係等咗10分鐘內就上菜，牛筋軟腍，腩汁香濃，非常入味，充滿彈彈嘅骨膠原，麵條比較彈牙，可惜腩汁冇多俾到，唔可以每條麵都有腩汁，不過一蚊雞，咁好味仲想點，另一驚喜係附送的細碗雞白湯，充滿濃濃雞味，感覺咀唇有點黏稠骨膠原，一下子光碗見底，大滿足！還有雖然人客爆滿，但侍應非常有禮同有耐性，值得一讚，下次會再光臨，多謝招待！

雞白湯河粉 新派麵店見到登龍街新開一家面檔，主營港式粉面。店舖裝修以原木色為主，乾淨明亮非常cozy。我嗌左一碗乜都有湯河粉，一碗乜都有撈幼面，湯底試左招牌雞白湯。店家每日現煮，湯頭鮮甜，完全可以飲晒。送有雲吞，牛丸，墨丸，貢丸，牛腩另外仲有菜。撈麵配搭蔥油，超級惹味。麵家所有面都係香港製造，來源於老字號永樂，河粉使用70年歷史既雙喜，支持本地👍有心小店。P.S.菜脯超好味🤤辣椒油都好香，鍾意食辣既朋友仔一定要來試試

新式麵店裝修，樓底高，大玻璃，感覺簡潔舒適。點了雙拼湯麵，櫻花蝦雲吞+慢煮牛腩大地魚雞白湯幼麵，兩款餸都很好食。雲吞蝦大鮮味，內有櫻花蝦及其他材料，多重口感。牛腩軟滑，半肥瘦，有油香，慢煮方式較一般牛腩好食，有誠意。麵沒有梘水味，湯濃厚鮮甜，唯對於不習慣濃味的我，喝完後有點口渴。另外很喜歡有三條菜心，全碗麵變得清爽圓滿。菜脯、辣辣油也不錯。服務有禮，一班青年人用心經營，希望可以保持水準及繼續進步。加油！

平時搵食都比較鍾意搵小店，感覺上好似比較有heart 啲，唔會太公式化. 今次食嘅係位於銅鑼灣登龍街嘅麵家. 主打自家製港式粉麵，聽講啲牛腩係自己炆同雲吞都係自己包. 至於招牌雞白湯就熬至少8個鐘，用上大量雞骨雞殼雞肉去熬製，真係真材實料，真係少啲heart都做唔到.咩都有麵🍜依個麵真係啱晒我依啲貪心乜都想試吓嘅人，因為佢真係咩都有啲，有雲吞、墨丸、牛丸、魚蛋、牛腩及貢丸，麵都有幾款可以揀，我選了河粉配招牌雞白湯湯底雞味出，唔會過濃過重口味，清而不淡，色澤出，一啖湯一啖河粉咁食幾正.河粉柔軟滑身，厚薄適中，牛腩有別於傳統粉麵店嘅外型，佢係比較薄身，肥瘦均勻，唔會炆到鞋口，牛丸貢丸墨丸爽口彈牙.招牌櫻花蝦雲吞魚蛋撈麵撈麵汁可以選腩汁或蠔油，我選咗腩汁，另外湯就選配招牌大地魚雞白湯大地魚味比較出，比單純雞白湯濃郁，這個湯底配雲吞幾夾，雲吞大大粒，咬開成隻蝦喺裏面，用料十足，皮薄餡靚. 魚蛋口感柔滑鮮味出，麵底加咗錢要蝦籽麵，灑上蝦籽，彈牙香口.一問之下，原來係出自老字號永樂粉麵廠，而河粉就係來自出名河粉嘅另一老字號雙喜，果然選料上有花過心思絕不馬虎.另外叫咗豆漿同時令油菜，蔬菜新鮮翠綠.至

登龍街多嘢食就係人都知，今日行過見到一間麵舖，門面一啲都唔似傳統麵舖，一於入去試下！雖然店面唔太大，但樓底好高，枱椅好精緻，環境非常舒適！菜牌上應有盡有，一般麵店有嘅佢都有，睇睇下就畀一個名吸引住~~咩都有撈麵~~即係有咩呢？？🍜咩都有撈麵：顧名思義佢店裏面有嘅都有～牛腩、雲吞、魚蛋、墨丸、牛丸、貢丸！！啲丸全部都好彈牙爽口～牛腩佢用嘅係坑腩，所以又淋又入味～雲吞大大粒，仲浸住響個湯度，熱辣辣，又爽口～一定要一提佢個湯🥰，味道好特別，飲落完全唔係一般粉麵舖嘅味道，原來全部都係用鮮雞淆製嘅雞白湯，所以一啖就飲到好香濃嘅雞味，跟個撈粗～一流！！🍜三餸麵：牛腩、牛筋、雲吞跟幼麵，配菜唔洗講，啲麵好爽口彈牙！就算食到味都唔會變到好冧～呢個湯我揀咗大地魚底雞白湯，響雞湯嘅層次上又多咗一陣大地魚嘅香味！！叫多個油菜，再嗌個原味豆漿～飽晒！！

係銅鑼灣做完運動經過v point見到有間新嘅麵店下午茶走咗去食雞白湯麵同我想像中好唔同佢唔係撞座銀好濃嘅雞白湯反而係清清地比較鮮味可以成碗飲晒再加埋極大粒雲吞都幾有驚喜我覺得佢個蔥油撈麵比佢個湯麵更加好食蔥油非常之香啲面有彈牙啲餸都冇揸流攤牛腩牛筋都非常之入味同埋軟熟個墨魚丸超級大粒又有墨魚味最重要係成間舖頭乾淨企理食完又唔會好口渴即係代表唔係真係好多味精好有自家製嘅風味食夠10碗仲會送一碗麵都真係幾抵食

聽友人講近排係CWB開左新餐廳，鍾意食粉麵既我地，決定一齊試下。小店裝修乾淨企理，主打港式粉麵及無味精湯底，麵係超過50年老字號永樂，河粉係超過70年既雙喜，全部都係香港制造。聽聞雞白湯工序繁複，日熬至少8小時，難怪湯頭咁鮮甜🤤我同友人飲晒成碗，之後無口乾，相信係真材實料。粉麵大大碗，而且出品用心，幾高CP雙拼金錢肚｜墨丸金錢肚軟腍索味，墨丸爽口彈牙雙拼牛筋｜秘製慢煮牛腩牛腩軟腍入味，牛味香濃😋牛筋口感軟腍，有助增肌補充骨膠原時令油菜紅茶花伝檸茶可樂

有多間麵食的登龍街，最近又巿麵店進駐。店家標榜做法和食材用心。先講湯底，餐廳設有兩款湯底一款是大地魚雞白湯，另一款是雞白湯，雞白湯入口清甜有鮮味，全日每日堅持至少熬煮8小時。麵食，幼麵、粗麵都用上了本地老字號麵食品牌永樂麵廠出品，沒有鹼水味，更食到面的麵粉和蛋香，入口爽口彈牙。而主打的牛腩更用上慢煮方式，保存了肉香，同時有軟腍的口感。還有自家製的菜脯，咬落索索聲，很爽口。推介「咩都有湯麵」，一碗有幾款丸、牛腩及雲吞。雲吞更值得表揚，自家鮮包，大大隻又皮薄多餡，還有蝦籽味和大大隻蝦肉。可惜光顧當天，是放工時間，店家初初開業，很多食物都售罄，下次再去光顧，再試試更多好吃的。

今晚同友人係銅鑼灣食飯，去了間港式粉麵小店，其實說小也不小，因為店舖空間算頗大，跟傳統細小的港式麵店不太一樣，門面霓虹燈招牌幾時髦，店內裝潢以木系餐桌為主，靚裝修，乾淨企理，佈置又帶點港式情懷。餐牌上更註明他們用的麵是超過五十年老字號永樂、河粉用超過七十年的雙喜，真係完全香港製造，真係要支持下。秘製慢煮牛腩麵 $58店家的牛腩全部是自家炆慢煮牛腩，可以選肥腩或瘦腩，個人喜歡偏肥的，油香多一點，牛腩炆到好腍身好入味，不鞋口亦不痴牙。幼麵麵身幼、麵質爽口彈牙。那碗無味精湯底好好飲，我選了招牌大地魚雞白湯，日熬至少八小時嘅湯底，難怪咁鮮甜，飲完暖笠笠。咩都有撈麵 $86配料真係咩都有一點，包括墨丸、牛丸、魚蛋及貢丸，每粒都口感結實又彈牙，當然仲有美味牛腩，不過最驚艷的是店家自己新鮮包的雲吞，大大粒，幾乎食到原隻大蝦，勁足料。時令油菜 $22、飲品 $10起食麵當然要配碟油菜，菜心柔嫩無渣，水準正常。飲品有式可樂、豆漿及茶可選。

今日就嚟到銅鑼灣登龍街試下一間超有誠意的小店【麵家】主打所有粉麵湯底均可揀選熬製超過８小時【無味精】的濃厚【雞白湯】，或招牌大地魚雞白湯。更配上香港製造50年老字號永樂的【麵】及超過70年老字號的雙喜【河粉】！ 店鋪環境企理，裝潢設計既有時代感又保留舊式麵家，更設有有高檯位，用QR CODE落單，可因應個人口味customizer，非常方便。秘製慢煮牛腩麵 $58招牌大地魚雞白湯 配河粉未食先飲一啖湯，味道清得來好香濃的大地魚味， 配上自家炆的牛腩，牛腩都炆得好腍滑，真係會追住食！咩都有撈麵（雲吞/墨丸/牛丸/魚蛋/牛腩/貢丸） $86+$12蝦子麵 / 多青 / 蔥油（正常）貪心的me梗係要咩都試下，撈麵可揀蠔油、腩汁或蔥油；麵就+$12蝦子麵，最有驚喜就係大大粒雲吞裡有原隻日本櫻花蝦，配上雞白湯！ 雞白湯真係好濃郁，成碗湯入晒！！真係好鬼正！-時令油菜 $22-Overall嚟講真係上菜又快，環境又NICE!最正係成碗麵都好用心製造!個人中意味濃d！所以雞白湯真係好啱我～牛腩同雲吞都係必食

有時放工簡簡單單食碗麵🍜 上個禮拜就去新開嘅港式粉麵店👉🏼 麵家，吸引我之處就係店家嘅招牌雞白湯湯底，至少熬咗8個鐘🤩 我最鍾意食麵而又可以飲埋湯㗎喇～餐廳裝修比坊間嘅粉麵舖用心，整體感覺乾淨舒服😌➿ 時令油菜($22)➿ 秘製慢煮牛腩撈麵 ($66) * 腩汁欣賞佢哋嘅牛腩都係自己炆煮，肥瘦比例平均，口感軟腍，牛味都幾濃🐮 撈麵附上嘅上湯都係用返自家製嘅湯，高質高質！➿ 咩都有麵($78) * 蝦籽麵(+$12)顧名思義，有好多配料，有大大粒爽口彈牙自家製鮮蝦雲吞，亦都有四款丸類(墨丸、牛丸、魚蛋、貢丸)，同埋幾舊牛腩～ 鮮蝦雲吞好食到覺得一前真係唔夠喉😛 湯底都係一大重點🌟招牌大地魚雞白湯，湯頭呢清甜反映好真材實料，同撈麵嘅上湯唔同，雞白湯大地魚、仲有蝦籽麵嘅味道，層次豐富咗～➿ 零系可樂（+$10）➿ 紅茶花伝檸茶 (+$15)🌟欣賞佢對麵底都有要求，又有行動支持made in hk嘅品牌～麵係用超過50年歷史嘅老字號👉🏼 永樂，河粉就用超過70年歷史嘅雙喜～🐳