麵屋福

营业中

休息中

呢間新開嘅沾麵店, 絕對可以話係荃灣區唯一一間全沾麵嘅拉麵店, 今晚終於都可以去試下新野｡店內以簡約嘅木系為主, 有個開放式廚房, 座位唔多, 大約只有 5 張四人枱, 所以好多時都要喺門口等位｡餐牌上有 3 款沾麵揀, 每款沾麵都會有齊晒下面嘅配料, 但唔夠嘅當然可以追加啦 ~~枱上仲有張溫馨提示, 介紹番沾麵嘅正確食法｡魚介豚骨沾麵每碗沾麵都配有叉燒、半熟蛋、紫菜、味荀 & 青蔥｡隻雞蛋仲做到半流心添豚骨 + 魚介絕對係沾麵湯嘅精粹,味道濃厚, 令較粗嘅拉麵可以做到掛湯嘅效果, 拉麵質地好有咬口, 而且食落去仲有點 Q 彈, 係非常高質嘅拉麵｡黑蒜油豚骨沾麵烏黑嘅黑蒜油浮喺沾麵湯表面, 散發陣陣蒜香, 而味道當然非常濃郁啦 !! 香濃黑蒜湯底配上咬口彈牙嘅拉麵,  簡直係無得輸 !!

是晚在荃灣好想食拉麵, 上網一查發覺拉麵店都有十間八間.. 自己一直都想試下新餐廳, 選左以食沾麵為主的麵屋福!估唔到位置位於小巷都怎住有客人, 食物質素肯定不錯 !麵屋雖然只有三種麵的選擇, 包括魚介豚骨沾麵/ 蕃茄紅油沾麵同黑蒜油豚骨沾麵, 貴精不貴多! 可按個人喜好追加配菜同替玉, 不過本身已夠有半熟蛋, 紫菜同荀, 份量都大大碗 ! 沾麵有別於拉麵食法, 麵和湯是分開上的, 我點了蕃茄紅油沾麵, 湯頭果然濃郁, 蕃茄肉酸酸地非常開胃, 汁杰身點沾麵一流! 慢慢將一小撮麵放入湯到進食, 之後店員會加湯比你飲埋碗湯 , 體驗有趣肚皮大滿足 !

荃灣連埋荃灣西真係話大唔大話細唔細 好在就係廣場食肆超級多 座位旁邊有沾麵嘅食法介紹 相當貼心亦有多款調味料 甚至連芝士粉都有值得一提嘅係店舖提供嘅水係檸檬水 應該係考慮過幫客人解膩雖然唔係第一次食沾麵 但每一次食都覺得好好挽麵道口感韌性強 沾滿油汁後 可在口內好好品嚐湯汁滋味 黑蒜油湯底蒜香味濃烈 但又唔會過鹹 可以食曬成碗亦都唔覺heavy想食得再清啲 可加店舖提供的檸檬醋 絕對係耳目一新 魚介湯就相當較清啲 fit曬朋友口味因為朋友冇咁重口味☺朋友都覺得湯底濃郁 感覺店舖真係好有心做 應該都有花唔小時間整湯底😍而糖沁蛋絕對係值得大讚😍😍蛋黃流心程度絕對係100分😋而外面又索滿油汁係好幸福嘅味道！豚肉亦比想像中更有驚喜肉質鬆軟 入口即溶系列肥瘦適中 唔會過肥而油口 亦都唔太瘦而難入口😋😋總括嚟講覺得舖頭好有心做 不論喺揀材料、整湯底、或者係裝修方面都希望比到客人道地日式嘅風味 絕對唔係求求其其 而且係調味料方面可以睇得出好周全到唔同客人嘅口味可見此鋪與外面連鎖式沾麵館分別值得推介🤩🤩

早2日收工係荃灣食左間沾麵店係荃灣唯一一間沾麵店啊沾麵好食又好玩首先拎少少麵擺落沾麵濃湯入面食左麵先 食曬麵後 店員會主動問需不需要加木魚湯落沾麵濃湯裡面之後就可以成個湯飲啦😍正.雖然店入面得3款麵但我就覺得如果好食既話一款都夠曬數食極唔厭.我地點左魚介豚骨同蕃茄辣油2款我果款蕃茄辣油就唔係好辣蕃茄同辣大約係9:1咁上下如果愛蕃茄人士可以試下 湯底好濃麵係本身配左叉燒同溏心蛋 紫菜麵底可揀軟啲 普通定硬啲我地揀左普通 但個人黎講我覺得有少少硬不過可接受 麵底好煙韌好有咬口 好實在的朋友要左魚介豚骨 佢話無諗過咁好食🤣木魚湯好濃咁話👍🏻食完都唔會話好頸渴 呢一點較市面既拉麵為佳。

講起上嚟好似好大鄉里我係從未食過沾麵嘅所以好感激我個 friend今日帶我嚟呢度食我人生中嘅第一碗沾麵呢間沾麵店望落十足十日本嘅地道麵店簡潔日式裝修餐檯上放了筷子 紙巾 水杯 調味料整齊清潔檯上除了點餐紙外 仲有沾麵小知識教導如何食沾麵啱晒我這個大鄉里這店只提供3款沾麵我揀了魚介豚骨沾麵湯和麵是分開上的湯面上放滿芝麻 葱 木魚粉 真係好香湯內有2塊叉燒 1隻温泉蛋同埋筍麵條的軟硬度可以下單時同侍應講明我個 friend 要了黑蒜油豚骨沾麵及追加紫菜 佢話黑蒜油豚骨沾麵係會重口味少少湯內都係有叉燒 温泉蛋同筍我都幾喜歡將麵條沾湯嚟食食到最後侍應會添加清湯到沾湯呢個時候沾湯被溝淡了些就可以直情當湯飲了最後一定要講隻温泉蛋真係好好食好夠味係流心嘅

兩個人去荃灣行完街，去咗大壩街附近搵嘢食。朋友話知道喺大壩街其中一條小巷有間新開嘅沾麵館《麵屋福》，我哋就決定去試下。店舖面積唔大，但已經坐滿客。主要提供三款沾麵。魚介豚骨沾麵、黑蒜油豚骨沾麵、蕃茄紅油沾麵。朋友叫咗個黑蒜油豚骨沾麵 ($83)，追加咗90g 麵底 ($13)。而我就叫咗個魚介豚骨沾麵 ($73)。食麵前先睇下沾麵小知識。黑蒜油豚骨沾麵 - 麵湯入面有流心溏心蛋、腍滑叉燒片、爽口竹筍。味道濃郁豐富，有質感，十分掛麵。魚介豚骨沾麵 -麵湯鮮味有層次，入面仲加左一片薄薄嘅檸檬提味，口感順滑，入邊同樣有溏心蛋、叉燒片及同竹筍。叉燒片腍滑有豚肉鮮味，鷄蛋蛋味濃郁，味道甜甜地嘅竹筍亦都夠嫩夠爽脆。麵條蘸上麵湯之後，口感順滑帶少少煙韌，相當入味。最後當然要飲返下加咗木魚湯嘅鮮味湯汁啦雖然呢度只提供三款沾麵，不過從食物味道、食材質素、裝修、服務同枱櫈嘅整淨情況，完全感受到呢度比好多食肆更有 Heart ❤

麵屋福🍥係荃灣廣場後面，係荃灣唯一全沾麵的拉麵店又近西鐵站。舖仔細細我真心覺得臥虎藏龍，日本師傅加日式裝修，就等食野個一小時置身日本啦。專注只做3種沾麵，每碗都包荀紫菜溏心蛋叉燒同葱，當然仲可以追加啦。原味原介有魚香，鮮味出d。黑蒜油就偏濃，豬骨味會大d。麵底可以揀硬、適中同軟。第一小撮都夾起沾湯汁再食，超初怕太濃，點知食入口唔會好咸，反而啱啱好！溏心蛋100分，推薦喜歡食蛋嘅人追加！底食！我喜歡檸檬醋，落入個麵底會令麵清新彈牙好多！每碗價錢都唔洗100足料！一定會再去！

好多年前試過兩間沾麵, 味道同印象麻麻, 一係杰撻撻, 一係太濃太咸, 所以有得揀都未必揀沾麵。經屋企人推薦, 所以試試<麵屋福>。小店位置唔係響大街, 又小小隱世Feel~麵有三款, 我叫左魚介豚骨沾麵 ($73)。屋企人叫左黑蒜油豚骨沾麵 ($83), 另加味荀 ($10)。因為本身愛食硬麵, 所以特別請店主提供硬麵。- 麵: 麵黎到見都麵係粗身, 外表似烏冬, 一咬落去麵身煙韌, 有麥香。- 湯: 雖然湯表面上好似有層油, 望落去感覺有D油膩, 但驚喜地食落爽薄, 唔杰唔張口唔油膩, 反而有油香同豚骨香。 雖然湯上有少許魚介粉, 但我還是喜歡不加魚介粉, 另湯頭豚骨味更突出~ - 叉燒: 麵附有叉燒兩片, 與其話叉燒, 其實話豚肉好似較合適, 因為口感1) 軟滑, 2)肉味濃, 3) 唔肥膩, 4) 唔乾身, 好味~ - 日本半熟蛋: 湯入面竟然有一整隻流心蛋, 因為蛋無切開一半, 反而係完整一隻放在湯中, 所以一口咬落去, 好似心太軟咁, 蛋汁流出, 好香蛋黃味~ 可惜口唔夠大, 如果整粒放入口中, 蛋味圍繞口腔, 相信更正- 味荀: 不得不推介味荀份量夠兩個人

係一個隱秘地方，見人少少就入去試下，點知發現驚喜😋😋係自家製濃埸，湯入面有少少檸檬皮，有D酸酸地調味，另外有一隻蛋(係名符其實嘅日本蛋)同兩塊豚肉。荀幾爽脆入味😍

係沾麵呀🍜🍜有次同friend行行吓街想食日本🇯🇵野 就見到呢間舖頭🤓好搞笑地呢間鋪頭淨係得三款沾面可以揀👇🏻但見佢都多人食就試下佢！魚介豚骨沾麵黑蒜油豚骨沾麵蕃茄紅油沾麵-咁我哋就嗌咗魚介同埋黑蒜油👀👀 感覺魚介就比較鹹啲 黑蒜油一開始食落去冇咁重口味 (要將D麵浸耐少少先有味)再加埋真係流心既半熟蛋都ok ge -但沾麵嘅唔好處就係食到一半會開始覺得濟🥵🥵 因為面嘅份量始終都算多 而且比較實身 所以都幾易就飽 另外食完就覺得佢呢既沾麵味精有d重🤨🤨食完隔好耐個口都會有浸味🥵🥵唔算話好有特色🥵🥵🥵未必會encore啦！-

唔覺意數一數，荃灣大會堂近大壩街附近都有幾間賣拉麵的鋪頭，麵屋福到這一刻我光顧了兩次，一次在2019年1月11日，一次在一個月後的2月10日，其實都是工幹要去荃灣，放工順路經過。麵屋福雖然在開飯上的資料是位於大壩街，但其實真正的位置是在大壩街街頭5号至7号之間轉入的小巷，街名是叫享成街，舖頭位置查過網上地圖應該是18号，前身店舖是銘記牛什河，現在就是麵屋福，我喜歡這種繁盛的大街中身處寧靜小巷的拉麵店，倍覺人情味濃。店舖內只有六張長方形桌子，由於店舖仍然頗新，客人並不多，不能與同街隔鄰的日式牛肉料理店相比，隔鄰外面總是有人客等候入內。麵屋福雖然客人少，過在我眼中已經有所進步，兩次光顧皆大約在晚上七時左右，第一次1月11日去光顧，由我點完到食完都是只我一個人，到離開才有另一名客人入內。第二次2月10日去光顧，入內已經有八名客人共佔5張桌子，我只好坐在剩餘的那一張，點完到食完共換了2枱客人，算是熱鬧，當然一日是星期五晚，另一日是星期日晚，週日週末的晚上是有少許分别。整間麵屋只有三名員工，一男人一女人一青年，我知這三人是否一家人，在這間名叫麵屋福的小舖中，又似乎感到有點家温暖的感覺。麵屋福

今天是年初二開年的日子，從這天開始一切都會百無禁忌，包括可以打掃及大洗特洗，及吃好西等等！在年廿九那天到了荃灣開業不久的麵屋福 menyafuku吃個沾麵！ 早前見劉總試過感覺良好，所以就在回外家的這天選了在此午餐！ 超簡潔的裝潢用上淺木色檯凳，開放式的廚房，座位也只約20個，而且亦沒吧檯位置！！ 檯上夜放有自助凍水、水杯、紙巾、筷子、牙籤及調味料，都佈置得乾淨企理的！ 而沾麵選擇只有三款口味！包括魚介豚骨、黑蒜油豚骨和番茄紅油沾麵！而我們則選了頭兩者！侍應亦有特意詢問麵質口感喜好挺細心！ 座位旁有教授吃沾麵的小知識，如是首嚐者也可好好享受！ 沾麵來到時其實碗中只有紫菜跟麵和我另加的味筍，而其它食材則在另上的沾麵濃湯中，我嫌影相賣相不美所以將湯中的半熟蛋和叉燒放於麵上！ 我選了魚介豚骨沾麵＄＄73，內有全隻日本半熟蛋、大小各一片肩胛肉叉燒、紫菜及少許味筍，我愛吃筍所以添＄10追加多一份！ 魚介豚骨湯油份不算太強，湯頭濃稠香味算不錯但可以更香，溫度亦是可以高多占點點，肩胛肉叉燒肥瘦均稱質感軟熟挺不俗，不過肉香如可多一點更吸引！ 而半熟蛋流心程度也十分到位，不過車爸爸那顆則沒那麼出色，穩

新開的麵店，主打沾麵，選擇只有三款，見不人多不用等位。黑蒜油豚骨沾麵很濃味，湯內有溏心蛋，荀，日式叉燒。最欣賞是麵條很彈很有咬口，亦可要求煮淋些。蕃茄紅油沾麵也很好，很真實的蕃茄味。可後加木魚湯作完結，好飽滿。

小店驚喜，好好吃嘅沾麵，見佢開咗一排，每次經過都想食gala，今晚終於的起心肝一試，真係超驚喜，好濃味好好吃，哈子餅話見佢d麵係自家整㗎！我超喜歡食呢d麵嘅質地，勁煙un啊！流心蛋同叉燒都超正啊！無咩嘢可挑剔！呢度有三個湯底，今晚試咗魚介同黑蒜，兩款都超推介，黑蒜食完嗰陣after taste真係超堅啊！下次試埋蕃茄湯先！同埋食完係超飽肚，咁嘅價錢嚟講，唔貴啦，下次可以再番啅！

蕃茄紅油沾麵@麵屋福- 湯面有一層紅油，看來刺激，舔了一下，完全不辣。湯底蕃茄味香濃偏酸，咬一口角切蕃茄，嚐到淡淡子薑辛香- 蔥花爽脆鮮香，筍乾有點餲味- 麵偏硬，掛湯度中等，或與湯面的一層油有關，需多浸幾秒才能吸收到湯汁精華- 半熟蛋原隻上，自信的表現。蛋白滑溜，用筷子輕戳，即一分為二，蛋黃極流心，蛋味香濃，帶醬油鹹香- 肩胛肉叉燒有角切亦有薄片，肉質腍滑，肉味香濃，吃到脂肪部分，肉味更上一層樓。角切一口一塊，比薄片肉味更濃- 紫菜味濃帶極微辛，黏在碗邊致腍滋滋