麵館皇

营业中

休息中

登龍街一向都多食肆選擇 好似未試過刀削麵！位置係登龍街中間 舖位唔算大 亦唔算顯眼門口餐牌印住一句 湯底為藥膳湯 新鮮製造入到去坐低 出面望入去好似唔大但實際上有好幾張6人枱 4人枱 孤獨精都唔使怕有單人坐位tim😂 坐位之間都有鬆動 唔錯本人好熱愛芫荽 所以不作他選 ！貴店用熱鍋上檯 可以保持熱度 即使我食到最尾 啲湯仲有餘溫聞左下 好香藥材味 再呷左啖湯頭 清清藥材味 成碗麵到最後食唔哂 但湯就飲哂另外刀削麵都係加左芫荽搓成 每條長度均一 唔會好厚或者好薄 好彈牙秘製口水雞口水雞係四川菜中嘅涼菜 香辣開胃係不可或缺雞肉嫩滑唔鞋口 而醬汁係口水雞嘅靈魂 佢地嘅辣汁眼見嘅用料都係八角 花椒 辣椒 但驚喜嘅係仲加左花生粒 令成個辣汁多左種咬口但美中不足係成個辣汁咁豐富 墊底應該要放更加吸味 例如粉皮 會仲上癮蔥油餅 唔似出面食到咁多油同粉漿 反而似薄餅多啲 依個不過不失豆漿不得不說 佢地用嘅器皿係講究嘅 用鋼杯盛凍飲 💛店員真係好有heart 一間好食嘅舖頭仲要有服務態度好嘅店員真係好加分！

銅鑼灣嘅麵館皇係一間專賣滬菜（上海）粉麵嘅餐廳，位於登龍街32號地舖，交通方便，近港鐵銅鑼灣站B出口。餐廳裝修簡潔，座位不多，但環境乾淨，服務態度親切。餐廳嘅招牌菜係刀削麵，有唔同嘅湯底同配料可以選擇，例如口水雞、糖醋魚、藥膳滑雞等等。餐廳仲有其他滬菜小吃，例如鐵板煎鮮肉水餃加雞蛋、酥炸銀魚、麻辣牛筋等等，價錢合理，份量足夠。我今次黎到麵館皇，點咗一碗成年人不作選擇嘅刀削麵，一份鐵板煎鮮肉水餃加雞蛋，同埋一杯自家製嘅無糖茶。刀削麵嘅湯底係用藥膳煲成，味道濃郁，有一種暖身嘅感覺。刀削麵嘅麵條係現場手工切出嚟，厚度適中，口感彈牙，唔會散爛。配料方面，有藥膳滑雞、牛頸脊同埋豬軟骨，我最鍾意係雞，雞肉夠哂嫩滑。鐵板煎鮮肉水餃加雞蛋係一個驚喜，水餃皮薄餡多，餡料鮮甜多汁，鐵板煎得香脆，加上雞蛋，更加惹味。無糖茶係用鴨屎香茶葉沖出嚟，清香不澀，適合解膩。

銅鑼灣登龍街出名多嘢食，今次同老公去左麵館皇食晚飯。主要因為我被餐廳外邊的餐牌吸引左，突然好多食口水雞，加上老公本身都好鍾意食刀削麵，所以決定即管一試。麵館皇的食物價錢相宜，質素也很不錯成年人不作選擇 $80香滑落湯雞、家鄉祖傳豬軟骨、特級手切牛頸脊+刀削麵瓦煲上枱時仍滾熱辣，藥膳湯底夠濃郁，一次過仲可以食晒三款肉類，雞肉啖啖肉亦夠滑、豬軟骨夠腍林入味、牛頸脊肉質也嫩滑，刀削麵麵質都很喜歡，煙韌彈牙，值得推介秘製麻辣口水雞+自家製米粉 $62麻辣口水雞份量好夠，肉質幼滑，夠辣惹味太子雞翼五隻 $36雞翼炸到皮脆肉嫩，好香口即磨豆漿 2杯 $9@1即磨豆漿新鮮解渴

💪🏻 四大名醋之鎮江骨手擀麵 ($75)呢個手擀麵幾特別😝 係其他麵店麵比較少見。餐廳嘅手擀麵係類似雲吞皮嘅感覺，每一層都好薄而且好闊身，個人應為好食又特別😋 (本人鐘意食雲吞皮😂) 。手擀麵嘅湯底麵都係用餐廳主打藥膳湯，好香藥材味，手擀麵因為夠闊身都好掛湯！而鎮江骨煮得好淋，好入味，甜甜酸酸嘅黑醋味幾開胃😋💪🏻 秘製麻辣口水雞菜飯 ($62 +$3 轉菜飯)口水雞嘅辣味適中，豆豉味幾突出，幾特別😝 雞肉都算夠滑，有啲碎骨。菜飯都煮得好香，配埋口水汁一齊食好易送飯😋💪🏻 大白菜及小棠菜雲吞 (+$12)跟餐可以加配2粒雲吞，雲吞大大粒，餡料好充足，好香菜味😋 而且雲吞皮都夠薄，唔粉。下次可以試下叫10隻淨菜肉雲吞都唔錯😝💪🏻 自家製無糖茶 ($10)餐廳呢無糖茶係用鴨屎香泡茶，好香綠茶香味，亦有回甘，係好飲嘅茶葉😋味道：7.5/10性價比：7.5/10食住瘦指數：💪🏻💪🏻💪🏻/5

▫️◻️屹立銅鑼灣登龍街15年嘅刀削麵◻️▫️💭呢間喺登龍街食刀削麵嘅麵館皇..原來已經喺度屹立左15年..之前係老闆嘅爸爸媽媽主理..而家就仔仔接咗手..將舖頭全新再裝修.. 連Menu都重新整過..非常有心思..佢哋出名嘅藥膳湯底濃郁..湯底仲係滾住出嚟架..今年佢哋15周年.. follow佢哋嘅FB/IG..仲有蔥油餅送添😋記得去支持吓💪🏻🍜成年人不作選擇 刀削麵 ᴡᴀɴᴛ ɪᴛ ᴀʟʟ ᴄʜɪᴄᴋᴇɴ•ᴘᴏʀᴋ ᴄᴀʀᴛɪʟᴀɢᴇ ᴀɴᴅ ʙᴇᴇғ ᴛᴏᴘ ᴄʜᴜᴄᴋ💬呢個成年人不作選擇其實入面有豬軟骨·雞件同埋牛頸脊..份量非常充足..大大嚿豬軟骨煮得好淋好入味..雞件嫩滑有雞味..牛頸脊粉嫩重牛味..刀削麵..大小不一..一定係手工制.. 口感煙韌..重點係個藥膳湯底..味道非常濃郁..重雞味..飲多幾啖都唔覺口渴..係多咗少少雞油啦🍜麻辣牛展 米線 ʙᴇᴇғ sʜᴀɴᴋ ᴡɪᴛʜ ʜᴏᴛ ᴀɴᴅ sᴘɪᴄʏ ᴄʜɪʟɪ ғɪʟᴇᴛ💬麻辣牛展上面有好多蒜蓉同辣椒..非常惹味..不過食落都幾辣..好過癮🫓香煎蔥油餅 sᴄᴀʟʟɪᴏɴ ᴘᴀɴᴄ

在繁忙的都市中，身心疲憊是常態，但是有時候，一碗溫潤的藥膳湯能夠為我們帶來意想不到的治癒和舒適。位於銅鑼灣的麵館皇，以其獨特的藥膳湯品和精湛的手藝，成為了數不盡的食客們追捧的熱門餐廳。讓我們一同走進這個充滿愛與味道的餐廳，感受那份療癒的滋味。藥膳灌湯麵是麵館皇的招牌之一，以僅需HK$80的價格，帶給食客們無可比擬的美味和飽足感。這碗湯麵蘊含了家鄉祖傳的豬軟骨和特級手切牛頸脊，搭配著香滑落湯雞，每一口都散發著濃郁的藥膳香氣。而刀削麵的選用更是為這道菜增添了獨特的口感與嚼勁。這道湯麵不僅能夠暖胃，更能夠養生保健，成為了許多人前往麵館皇的必點之一。韭菜鮮肉雲吞是另一道令人難以抗拒的美食。雲吞的餡料口感鮮嫩多汁，搭配著藥膳湯底的滋補效果，讓這道菜成為了味蕾的享受和身體的滋養。同樣選了以刀削麵為基底，每一口都能夠品味到湯汁的鮮美和韭菜的清香，給人一種愉悅的感受。藥膳糖心蛋是一道值得一提的配料，它們的糖心蛋在咬下的瞬間會爆出濃郁的蛋黃香氣，為整道菜品增添了豐富的口感和層次感。而涼拌青瓜的清爽口感與藥膳湯的滋補效果相得益彰，為整餐增添了一絲清新的風味。最後，麵館皇提供即磨的豆漿，每一杯都是新鮮現場磨

以前返學嘅時候，已經會嚟銅鑼灣登龍街呢間刀削麵食午餐😆最鍾意天氣開始凍凍地嘅時候去，熱辣辣嘅藥膳湯底加辣辣地嘅口水雞真係好正，另外可以配菜飯！依家仲有芫荽麵😍用砂煲呈上嘅芫荽刀削麵份量好多，芫荽嘅份量都好多😹~ 超級推介佢哋嘅鐵板餃子，加埋雞蛋好香，餡料可以揀韭菜白菜或者粟米口味，而且呢度嘅豆漿係少甜口感亦都好順滑🫶仲有好多款唔同嘅餸菜，包括麻辣牛腱，同樣惹味，有好多蒜頭同埋辣椒油仲有青瓜墊底～

以前喺銅鑼灣返工，經常會嚟登龍街麵館皇食晏👯今日再嚟食，發現佢哋嘅裝修唔同咗，亦都無咗以前嗰個肥姨姨，食物味道都無以前咁好食😔✴️醉雞刀削麵✴️刀削麵煮得幾好，依點要讚！麵條有厚度都幾煙韌，份量好多🫢不過湯底少咗以前獨有嘅藥材味，比較清淡～醉雞依舊大碟多肉，但酒味非常淡，食唔出有酒嘅感覺，無咩味道😓以前嘅碎雞汁顏色較深，帶有濃濃嘅酒香同鹹香，好好食㗎呢！✴️醉雞菜飯✴️送嘅涼拌青瓜好酸，淨係食到酸味，味道上有啲單調🧐菜飯就正正常常，少咗香菇所以無咁香～✴️豆沙窩餅✴️下餅皮較厚，感覺似食緊一嚿比較厚嘅粉糰，紅豆蓉就普普通通😢

招牌麻辣口水雞灌湯配刀削麵湯底係藥膳湯底，裏面有配搭粟米粒，飲咗好多都唔鹹，所以值得讚。乙刀削麵呢佢係似人手切份量都多，厚度不一但係彈牙唔會過厚。口水雞賣相係見到好多蒜同帶骨雞件，以為會好重口味但味道則只有辣油味同少少蒜味。食物嘅份量多同埋賣相都ok，自己銅鑼灣價格黎講係幾抵但味道要加強下。加上夏天食嘅話冷氣唔係幾夠，得啲風扇吹下。---## 評分標準食物:3.5/5環境:3/5服務:4/5性比價: 👍🏽pp$50-100回購率:👍🏽地址：銅鑼灣登龍街32號地舖

店員有禮，環境企理唔逼，但食物味道真係唔得！本身只係打算入黎醫下肚，所以無特登影啲食物，不過唔緊要，因為啲嘢食份量同賣相其實OK，只係味道出曬事…最後影左張單證明我幫襯過，因為食完好想俾個差評告誡大家唔好中伏…一個人叫左口水雞刀削麵（$75），加小棠菜（$22）同豆漿（$7）。口水雞：- 望落份量好多，但其實無咩肉食，骨同皮為主。- 雞肉可以話係完全無味，上面嘅一堆辣椒只係俾到啲辣味佢，但雞肉完全無香味、鮮味同鹹香味。刀削麵：- 藥膳湯底OK，偏淡味但我本身都食得清淡所以接受到（係啊我就係口味清淡都覺得隻口水雞無味！）- 啲麵煮得太耐，無刀削麵應有嘅挺身爽彈口感。小棠菜：- 唉 估唔到青菜都出事，啲小棠菜底部明顯有啲未洗乾淨嘅泥！豆漿：- 本身叫黎解辣，一飲落口即刻後悔，因為完全無豆香，陣味仲奇怪到似飲緊洗潔精！- 之後聽到伙記同隔離枱推薦豆漿，話係即磨，我真係唔信，除非真係即磨但店家用錯曬方法材料…唉，最後埋單$104，食到一半仲有滴污糟水從天而降滴濕我塊面🥲未至於食到一肚氣，但覺得自己跌左百零蚊落街，早知去隔離食譚仔🥲

韭菜雲吞唔係平時x仔碼頭嗰啲，肉味較濃，刀削麵一睇就知全人手製作😋👍🏻之前食係有好多菜喺碗麵入邊嘅，不過我估可能因為好多人唔食而浪費晒，宜家變咗粟米粒，個人就比較喜歡菜，不過粟米都👌🏻👍🏻重點就係佢哋濃郁嘅藥膳湯底，食過一次之後周不時都會諗起想食🤤 (個人喜好)———————分隔線———————👇🏻以下只適合女性參考👇🏻不過今次小女子冇經大腦，第二日嚟m走去食藥膳湯底😅食到一半已經覺得開始有番少少m痛 (本身尋日已經痛完)，食完兩三個鐘之後好似放血咁🫠我估可能湯底補過頭？加上小女子身體虛弱受唔住🫠 當排吓毒囉🤷🏻😅 下次唔係嚟緊m食就冇問題👍🏻完

呢間麵館由上一代的父母經營，佢地個仔準備接手，呢間麵館王既刀削麵我已經食左兩三年，因為我係一個名副其實既noddleholic，尤其係好鍾意食d有口感既麵，所以刀削麵真係我既最愛，呢度既刀削麵都係由廚師一條條削出來即製即煮，保證口感煙韌。至於配菜方面，最好食既梗係招牌口水雞，雞肉超大份，男仔來食都一定夠，何況係我一個女仔，最正係佢哋嘅麻辣口水汁，老闆話個辣椒醬係自己炒出來，唔怪得咁香口惹味啦🤤♥️

銅鑼灣登龍街距離地鐵站8分鐘，位於內街位置感覺係一間非常細嘅小店，而每次嚟到都好滿人，不過唔係太多人嚟到，其實一兩個人都好快入到去食嘢。每次嚟到都必點口水雞套餐，一定要轉刀削麵，因為佢個藥膳湯真係非常之香濃，食過係會非常之掛住佢，同埋喺銅鑼灣可以用呢個價錢食到一碗麵，仲有口水雞可以食，可以話係非常抵食！口水雞唔會好辣，不過口水雞係帶骨嘅口水雞。另外佢嘅獅子頭係非常之出名，一碗麵有三粒好大粒嘅獅子頭，非常香濃柔軟，入面充滿肉汁。刀削麵係人手整，每一塊厚薄都唔一致，食落特別有口感，麵食落亦唔會好「粉」，係彈牙爽滑嘅麵質，配埋藥膳湯，夏天食真係會出晒汗，但真係會掛住佢每個星期都返嚟食佢幾次。杯豆漿亦都係好香濃，可以叫熱或凍，食碗咁熱嘅面，我多數都會叫番杯凍豆漿！

店名：麵館皇Noodleholic地址：銅鑼灣登龍街32號地下            （港鐵銅鑼灣站B出口,步行約3分鐘）營業時間：11:00- 23:00電話訂位：2656 6880今日到銅鑼灣試吓一間食刀削麵嘅中式麵店，主打滬菜（上海)/ 粉麵/ 米線，最出名係「招牌麻辣口水雞灌湯配刀削麵」連凍飲，價錢：$66，麻辣好香唔算好辣，而且好足料，而且分量充足，午餐一定夠食，之後個刀削麵好熱，非常有咬口同質感，平時唔係咁易食到！如果大家lunch可以懲罰下佢👍🏻誠意推薦俾大家！大家有時間值得試一試🙏🏻

整體感覺親切 有家庭老字號感覺，食物質素優良，但服務流程有待改善。當日係平日晚餐，我地大約7點到達店內得一枱客，職員都叫左我地坐4人位。我地揀嘢食揀左一段時間，大約15分鐘就好多人入左黎，建議大家早小小去。有d客都會問下吾同嘢食嘢材料，職員都好用心答，服務態度係非常有禮。但係好似個日d職員係新黎，好多流程上都有甩漏，例如上錯餐，不過態度搭救。我地叫左豆漿，咖哩雞扒刀削麵，口水雞刀削麵。湯底好鮮甜 冇味精味 個藥饍味係完全吾會感覺中藥味。平時食吾到d藥饍味嘅人應該都會接受到。刀削麵好有麵香味，手工麵厚薄不一 食落口感幾好。凍豆漿：豆味超級香濃，似係自家制作。不過飲開無糖會覺得甜度偏高。咖哩雞扒： 鹹香港式咖哩汁 質素中上，雞扒肉質幾好 都炸得脆同好juicy。口水雞:：我地係雞翼部份，肉質鮮嫩多汁。個口水汁係重點 大推！個汁睇落好深色，但完全吾會過鹹，辣椒油好有特色 感覺有落炸蒜 好香口 而且有口感 。不過吾食得辣嘅就未必感適合，因為個辣度都有中辣左右 係黎得快去得快嘅辣黎。