麵麵 (已結業)

上網看別人推介這家魚麵魚烏冬，前來一試。快兩點不用等位，套餐選擇算多，每人最低消費一杯飲品。野菜本菇安格斯牛肉定食（$80）選擇了魚烏冬，跟牛肉粉開放的，牛肉也算多。辛辣·瀛太子拌魚烏冬（$78）有點中日fusion感，不算辣，魚味比明太子味更濃郁。飲品要了熱桂圓薏米水及熱桂圓杞子小黃菊花茶，兩個都是套餐價加$22，味道都不錯，熱久了變濃味。不過尤其疫情期間，餐具想用熱水燙一下也要問了三次才給我們，可以做得更好呢！

今晚放工阿女約埋我食晚飯，佢知我平日除左食牛之外，最鍾意係食粉麵類，今晚佢就帶我去食魚麵🤗。麵麵位於旺角區樓上鋪，枱與枱之間都有透明隔板分隔，地方乾淨闊落。一場黎到緊係要食佢嘅麵麵韋城啦，一個套餐，有一碗魚湯，一碗魚麵，仲有最岩要黎打卡嘅9格配菜，黎到一定係相機食先，打埋卡，介紹比身邊朋友😬。先講個魚湯，好鮮，原全冇魚腥味👍🏻非常之好飲，將魚麵浸份入魚湯埋面，索左啲湯放入口，魚麵味更濃，魚麵質感爽爽滑滑，原全冇麵粉果種黏口感，好清新，一啖啖追住食🤗。9格配菜包括（明太子雞翼、明太子蛋卷、巴拿馬火腿拌哈蜜瓜、天婦羅大蝦、柚子金菇、梅漬車喱茄、紅酒牛肋、芝麻醬秋葵、醉蝦）最吸引我就係明太子雞翼，雞皮炸到脆卜卜、入面仲好嫩滑，明太子好香口；天婦羅蝦，炸漿薄薄一層，好正；最有驚喜反而係金菇同車喱茄，原來呢兩樣野拌酸汁係咁夾，味道好清新，話口未完，9格配菜話咁快比我續一KO🤗。阿女叫左安格斯牛配烏冬加魚湯麻辣，佢話個湯好濃郁好正，每條烏冬都索滿麻辣湯味，烏冬好彈牙，牛肉大大塊有口感，加埋幾片洋蔥圈圈，鍾意食濃味野嘅朋友最岩食😋。食到條脷麻麻辣辣，飲番啖荔枝椰果綠茶，冰冰涼涼，最佳拍檔。👍🏻

呢間我想食好耐㗎啦 但係我比較少去旺角🙊所以一路都冇機會試 今次終於有機會啦😍😍佢比我想像中更加好食 完全滿足到我對佢既幻想🤤🤤·魚之戀濃魚湯魚烏冬$72我本身係想嗌九宮格個個魚烏冬㗎 但係佢有兩格都有蝦我唔食得 所以我就嗌左呢個😎佢個魚湯真係好濃 而且一啲都唔腥 超好飲 我最後一路傾計一路唔小心飲曬所有湯🤣🤣之後佢個魚烏冬都幾彈牙 而且口感好好 味道都好好 送嘅話我覺得啲魚蛋 魚片頭都唔錯既 係嗰兩個炸嘅魚肉春卷同埋墨魚春卷我覺得稍為油膩左少少 但係都唔錯嘅🥳·Fish Nacho on the Boat $68呢個係我哋見到好得意 所以就嗌咗 佢個魚皮都炸得幾脆 而且唔會好油 佢上面個guacamole都幾好食 如果將啲蕃茄粒撈埋入去 口感應該仲好🤩🤩而且佢中間仲有啲肉醬同埋芝士 口感都幾豐富 不過因為佢係魚皮嘅關係會比較難攞起 不過完全唔影響佢個味😌·📍旺角彌敦道726號1樓

麵麵同男朋友喺旺角行街前就約咗去呢間麵麵食午餐先，上到去都要等10分鐘位。🤩.秘製脆雞扒魚烏冬$72❤️配凍海鹽焦糖咖啡+$13❤️雞扒好大件，好脆！！！😋😋😋😋魚烏冬質地好特別，同雞排一齊食好襯😋.魚之戀魚麵$72❤️配凍朱古力咖啡+$13❤️有好多餸，魚片頭魚蛋魚腐等等🤩🤩比起雞扒冇咁單調🤣而且魚面嘅質地比魚烏冬更加彈牙🥰.炸魚皮$10❤️做緊優惠半價！！！都幾大份，而且夠晒本身味👍🏻👍🏻.小食拼盤$98❤️午市時段會有七折優惠👏🏻兩個人係冇可能食得晒🤣🤣🤣有薯條，番薯薯條，雞翼，魚腐等等🤤勁豐富，仲要每樣都好好味🤣超級推介4個人食時叫呢個！！！

麵麵主打魚湯同魚麵，聽聞仲有款魚烏冬，晚餐接近一舊水，有前菜、主食同飲品，粉麵黎講唔算平。🍴蝦兵蟹將 HK$52雖然蝦兵蟹醬本來形容好廢嘅烏合之眾，但食落又幾正喎，一啲都唔弱。呢道小食其實係蝦餅配蟹子和風醬，又脆又彈牙，蝦肉同和風醬一鹹一甜，好食。🍴西班牙煙燻黑毛豬魚湯料理 HK$85前菜有麻醬海苔、甜番薯、柚子汁蘿蔔，全部都唔馬虎，特別係蘿蔔，好清新。湯底係花膠濃魚湯，唔算濃厚，尚算清甜。魚烏冬有50%魚肉成份，煙煙韌韌幾特別。黑毛豬有啲似煙肉，但較厚同埋冇咁鹹，點少少自家製魚辣醬（由大地魚、豬肉、洋蔥、蒜等材料製成）更惹味。另外仲用左十蚊追加炸魚皮，浸魚湯一流。🍴意式茄蓉海蝦蟹肉拌魚烏冬 HK$98雖然佢話係意式，但番茄味偏中式，幾開胃，同汁都幾多，但可能烏冬煮完後未隔好水，所以濕左啲。蝦同蟹普普通通，蝦如果煎下會香口啲。🍴凍薄荷朱古力咖啡（跟餐） HK$13薄荷味恰到好處，唔會好似飲緊牙膏咁，抵讚。🍴凍愛爾蘭忌廉咖啡（跟餐） HK$13未攪匀就飲左啖，酒味幾濃，攪匀之後都幾夾，但啲cream甜左啲。📍麵麵旺角彌敦道726號1樓

平時都鍾意食魚麵既我🐟以為只有港式粉麵店或魚湯專門店先有得食突然聽到朋友講原來旺角有間店😍專食魚麵而且仲有魚烏冬可選👏🏻感覺新奇有趣店舖環境非常整潔👍🏻而且門面用上了花草💁🏻‍♀️再配埋枱凳用了木顯得十分清新舒適📸打卡一流雖然店舖叫「麵麵」但其實除咗麵食之外🍜還有唔同嘅定食或者湯漬飯可以選擇就算同朋友食💕都唔會怕太單一城寨回憶 配 魚烏冬心大心細嘅我見到咁多選擇🤔就當然揀每樣都有啲嘅城寨回憶啦～對我嚟講💋去到一間專食魚麵嘅店就一定要試埋佢哋嘅魚蛋魚皮餃等等丸類口感彈牙👏🏻不但魚蛋味道夠鮮就連佢嘅牛丸都好濃郁牛香味絕對係意料之外😋安格斯牛肉 配 魚麵牛肉瘦瘦的吾會好肥🐮但卻非常鬆軟肉的份量亦剛剛好❤️不會太少然而當牛肉再配埋魚湯 感覺更加鮮甜並帶有陣陣牛肉的羶香味🎉正呀～魚烏冬 & 魚麵兩者用的魚肉成分比例都各有不同魚烏冬為5️⃣0️⃣% 魚麵則為7️⃣0️⃣%所以如果鍾意比較實在飽滿的💁🏻‍♀️可選烏冬但其實兩者口感都非常彈牙鮮香桂圓杞子小黃菊花茶🌼價錢非常實惠📍只需+$22就飲到而且呢間比其他餐廳飲到嘅更為足料另外值得一讚的是店員留意到無水時🥰會主動幫你加水👍🏻PS：原來而家就算揀Menu裏面嘅嘢都有飲品

安格斯牛肉漬定食之前食得多魚麵，今日就試一試佢既牛肉定食，份量都幾多而且牛肉好香又充滿肉汁。有沙律，有水果仲有一大碗魚湯慢慢飲，中間又有幾塊墨魚塊食中和一下口感，成個定食都好飽肚。最有驚喜係牛肉，汁既比例岩岩好而且真係可以用撈飯食，飯上亦有少少飯素加強味道!雞扒濃魚湯烏冬朋友食呢個我就試左佢塊雞扒，煎得幾好可以封住肉汁又唔會太油膩，雞皮真係脆卜卜而雞味都濃郁，加上魚烏冬本身都好健康同埋重魚味，咁樣既配搭食完都唔會好有罪惡感!漁人樂脆呢個真係每次都必嗌，薯條、番薯條、墨魚條同埋魚條都好香脆加上比例均勻，最重要就係佢既黑松露沙律醬，真係可以令到本身既食物鮮味同埋口感進一步提升!

Booked this place off eatigo for a BOGO deal on Crispy Twinnie Fish Roll udon. The bill came out to be ~$50 each. The fish roll cakes were delicious and crunchy, and though fried, they did not taste oily at all. The noodles tasted very healthy, and according to an in-store poster, the noodles are very protein heavy (and would make a great post-gym meal!) The noodles were surprisingly not that chewy even though they were made of fish, but it definitely tasted very fresh and clean and not oily at

朋友仔話去食🐟魚麵，我心裡碎念念！諗住Why 魚麵，都係啲Boring ,Sell健康嘅嘢😒！小妹本身唔食魚，咁都係時候補充奧米加3了.....就係咁姑且一試la 👯上到「麵麵」裝修又幾清新雅㮹，💆🏻‍♀️幾適合後生仔傾吓計！ 雖然係樓上鋪，但係都排晒隊.....期待指數立即提高！📈朋友叫咗薑汁燒鰻魚魚麵湯底配🥘麻辣湯，先吃一口魚面爽口彈牙，🏓真係好好好彈；麻辣湯雖然紅卜卜，但冇cover 魚麵的鮮味；鰻魚少少焦香，夠晒肥美.....覺得堅好食！👍🏻我叫咗極上魚宴料理，有🥟魚皮餃、魚肉春卷、魚蛋🍢同蝦🦐⋯⋯超級豐富；配上烏冬👉🏼魚肉50%粉味會香啲，同樣精彩！仲有小食拼盤🍱，我最欣賞番薯條，熱辣辣微微甜配上日式沙律醬，令人回味🦦！雞翼脆到咯咯聲，浸落麻辣湯.....原來食魚麵都咁有趣！🤹🏻‍♀️

呢間主打魚麵嘅店，午市仲有套餐。有魚麵、魚烏冬，亦都有飯。叫咗魚之戀濃魚湯魚麵，有魚春卷、魚蛋、魚腐、魚皮餃等多款唔同嘅配料。鍾意佢嘅湯底有魚味，真材實料；而且魚麵食落非常爽口，真係健康又有營養。午餐嘅前菜仲有白蘿蔔、麻醬海帶及番薯仔。另一個餐叫咗燒安格斯牛肉拌烏冬，呢個係撈烏冬。烏冬亦都有魚嘅成份，但比魚麵少。口感亦都爽口。安格斯牛肉有好多，而且牛味唔錯。面上仲有好多紫菜。小食叫咗蝦餅，味道唔錯。加$10叫咗飲品，海鹽焦糖咖啡及泡沫桂花奶茶。

一坐低就提供信封比客人裝口罩，仲有細細杯既魚湯試飲。【秘製脆雞扒濃魚湯烏冬】$72麵條有得揀魚麵定魚烏冬，今次揀左食落非常爽彈既魚麵，同熬製左好耐既魚湯特別夾，奶白醇厚。雞扒好大塊好厚，內裡肉汁豐富，啖啖肉又吾老。【燒安格斯牛肉拌麵】$95有我喜歡胡麻醬加持既食物都吾會差，加埋泡菜去膩之餘又豐富味道。個人本身喜歡食牛自然既肉味，反而留返比食客自行蘸醬會好d。【小食拼盤】$98炸雞翼、炸薯條、炸蕃薯條、魚肉及墨魚春卷。份量超多，建議起碼三個人食，除非兩個人只系點一個主食。

記憶中嘅魚麵係細細個打邊爐嘅時候食，估唔到餐廳用魚麵做主題，除左魚麵仲有魚烏冬加埋魚湯，鮮味彈牙。一坐低職員會送上一杯細嘅魚湯，暖下個胃。叫咗一個燒安格斯牛肉撈魚烏冬，滿滿嘅牛，加上撈左芝麻醬嘅魚烏冬，非常之香，仲有泡菜嘅香辣味，不過如果牛肉再熱啲會比較好，另外加多隻溫泉蛋，令醬汁變到更加香濃。另外仲叫咗安格斯牛肉便當🍱，有一碗大大碗嘅魚湯，煮到好入味嘅安格斯牛，同埋餐廳嘅招牌魚春卷，每一樣主菜都配有唔同嘅小菜，令到胃口大開。

麵就食得多 點樣可以食麵食得健康啲呢🥗近日係太子覓食🔍搵到一間以魚麵做招徠既食店🐟食店以海洋為主題🌊都幾靚✨.🐠Fish nachos on the boat其實係炸魚皮配芝士🧀蕃茄🍅同牛油果醬🥑魚皮新鮮脆卜卜😋加埋蕃茄同牛油果醬食 味道幾fresh 幾特別 好好味😋.🍜麵麵圍城有成九碟小菜 首推天婦羅 玉子同蝦天婦羅香脆🍤蝦肉彈牙🦐玉子厚實香甜其餘小菜質素都ok而主角就緊係魚湯同魚麵啦😌小編就揀左魚麵 食落似白魚蛋既感覺幾彈牙同都幾鮮味 都幾好味🤤.🔥辛辣.瀛太子拌烏冬烏冬就比魚麵腍少少 但都有魚味🐟撈埋啲汁料辣辣地都幾好食🌶.每個套餐仲包埋飲品🍹有啲仲有包小食添🥜魚湯魚麵營養豐富健康🍲整體質素又唔錯 性價比高 值得encore🤙🏻

最近幾個月愛上左食魚，因為清清地，有益又容易消化😅 今晚同男朋友出左旺角諗晚飯食咩果陣，突然諗起上年同朋友食過既呢間魚麵專門店，一於帶男友去試下😁去到都幾full，等左十分鐘左右～男友叫左個極上蟹匠拌魚烏冬dinner set，我就因為唔太餓而且唔太清楚記得魚麵同魚烏冬既分別， 所以淨係追加咗個花膠濃魚湯同魚麵，另外叫咗個小食蝦兵蟹將一齊食～男友嗰個拌烏冬有好香濃嘅蟹膏味😋 配和風汁幾夾而且好適合呢啲悶熱冇乜胃口嘅天氣👍 魚烏冬好煙韌好好食！😋😋 前菜有我熱愛既蕃薯仔😍 啲白蘿蔔酸酸may may都好淋好入味～花膠濃魚湯清清地好好飲，一啲都唔膩，飲得出落足心機煲👍👍不過我同男友都覺得魚麵70%魚太彈牙😂😂 反而魚烏冬50%岩岩好～蝦兵蟹將(即係蝦餅配蟹籽和風醬)勁香脆超彈牙！以fusion菜黎講無得彈👏👏今晚因為唔太餓所以食唔到漁人樂脆，下次一定要食😎

今日同朋友一齊嚟到旺角呢一間麵麵， 其實我自己個人都好鍾食麵 尤其是鍾意食一啲湯麵同彈牙嘅麵。 因為自己食得多日本拉麵都悶，今日就想試下其他新款菜式。極品魚宴料理: 呢個魚麵包括有魚皮菜肉餃子、墨魚春卷、 魚肉春捲、魚蛋， 咁其實呢一個麵其他配料我覺得都幾好味，但係我最鍾意始終都係佢出名嘅魚麵，同埋佢個魚湯 ，因為佢個魚麵我覺得都幾爽口，幾彈牙同埋個質感唔錯 ，另外佢個湯亦都飲落好似幾有營養 ，我感覺上真係好似吸收咗好多骨膠原咁。XO雞翼拌魚烏冬： 呢個係我朋友order嘅咁我試咗隻雞翼， 隻雞翼幾好食，因為雞翼皮香脆肉熱，另外原來個魚麵配埋xo醬咁撈埋嚟食別有一番滋味辣辣地咁，所以感覺上唔錯，如果鍾意食辣嘢嘅朋友可以試下。Fish Nachos on the boat: 呢個魚皮我覺得可以試，因為個魚皮鋪埋我最鍾意食嘅牛油果加芝士，感覺上好似食緊pizza咁樣但係其實食緊魚皮，魚皮都好香脆，所以如果你哋叫咗啲酒精類飲品，呢個餸酒其實我覺得幾好。最後飲埋個凍水果紅茶， 講開又講呢個紅茶加埋啲水果飲我覺得都幾fresh。飲完我同朋友就走嚕。 如果大家鍾意食麵，大家可以試下呢一間。