麻辣Doi (已結業)

元朗都好多好嘢食，今日想食麻辣嘢，見麻辣Doi網上評價唔錯，就過去試下。🐷香辣雜茵豆乾炒肥腸$86有雲耳，菇，洋蔥，三色椒，肥腸都有幾多，肥腸仲黐住啲肥膏，味道回甘，最愛大腸呢浸味🤩鐘意大腸嘅必點，個汁有點豉汁炒嘅味道，呢個餸用嚟送飯一流。🐔滑雞香鍋四款配菜$208我地叫咗微辣，端上嘅時候香噴噴，鍋底有小火坐熱，味道香濃又惹味，辣味慢慢滲岀，越食越滋味。雞件醃得入味 ，用油炸過，食落比較香口，雞皮又脆口，仲有好多脆花生😍配菜揀了牛柏葉，魷魚，有嚼勁又彈牙，蓮藕片爽口，生菜🥬索晒汁都好食，兩個人食份量剛好。微辣紅薯粉 $18紅薯粉質感爽口少煙韌，索哂個微辣濃湯，食完之後好飽肚☺️

元朗食麻辣的地方唔多，呢間係屋企人都一致覺得幾好食。地點就腳就係雞地食街。價格合理，幾十蚊就有交易。必點酸菜魚酸菜魚湯底出色，酸，麻，辣俱備，鱸魚片無骨，口感嫩滑，配菜包括芽菜，豆卜和薯粉吸湯得來非常滋味。椒鹽海蝦十分驚喜，做法媲美流浮山，油泡至脆身，加入配料炒香，香口又惹味，連蝦殼都可以食埋，送酒一流。重慶辣子雞雞肉炸得香口！配上重慶特色炒法好惹味，鍾意飲酒嘅人就啱晒。這裏以川菜再加上廣東式煮法，迎合食得嘴刁的香港人口味。

今天和家人想吃辣嘢，朋友推薦到雞地的麻辣DOI地方整潔企理，大部份都係卡位，坐得舒適。牛肉香鍋少辣剛好，因為會越食越辣，另外會配四款配菜，金菇、蓮藕片、牛柏葉、肥腸，成煲上炒埋一齊非常豐富，配菜紅椒花生辣椒同洋蔥炒得爽口入味，肥腸乾身，足夠三個人食。口水雞 必點招牌菜，雞肉嫩滑，配上麻辣口味和甜美菜脯，非常正！乾煸四季豆四季豆炸得非常乾身，再加上半肥瘦肉碎，送酒必點。人均消費百多元，能吃到有水準的川菜實在難得！

呢排天氣熱熱地，會想食d酸酸辣辣既野食開下胃。今晚黎左元朗呢間麻辣doi…睇見個名就知係食惹味酸辣菜啦。睇過餐牌，有好多惹味小炒，大大鍋既水煮，酸菜魚，涼拌，小食等等，都幾多唔同選選。先講一講呢個例牌size既酸菜魚，雖然是例牌，但份量都唔少架，入面有好多魚肉片。魚肉啖啖肉好好味。仲要配埋個酸菜底，酸酸辣辣咁超惹味。辣度都有得揀微辣、少辣、大辣。任君選擇。由於我怕太辣，所以呢次揀左微辣。帶少少微辣惹味。酸菜魚內仲有好多豆卜，超入味好正，好juicy…之後呢仲有薯粉係入面，呢個鍋好抵食又飽肚。魚肉份量好多，仲有好夠份量既薯粉，薯粉爽口彈牙，仲帶酸酸辣辣，超好味。除外，呢份涼拌貴妃雞都不錯。雞肉啖啖肉，同埋好嫩滑，雞肉又滑又好味，清清地，又凍凍地既前菜，好好味好開胃。仲有呢碟回鍋肉都超惹味，香香辣辣，入面好多料，有回鍋肉、豆腐干、菜等等，啖啖都好香好惹味。一流。仲點多碗清湯米線，清一清個口，好好味。米線彈牙爽口，清湯底鮮甜，岩岩既野食火辣辣，食返幾啖清湯米線，淡一淡個口，唔錯。

麻辣Doi (元朗)元朗鳳攸南街3號好順景大廈地下10號舖元朗真係有好多唔同種類嘅嘢食今次我去咗麻辣Doi食水煮魚嗌咗小辣其實都幾辣 如果完全唔食得辣千祈唔好挑戰 記得嗌唔辣🤣叫咗個例牌酸菜魚 份量非常多 入面仲有好多有菇 豆腐卜 芽菜 木耳 薯粉魚肉冇骨好嫩滑另外仲叫咗一個口水雞口水雞非常嫩滑 做前菜一流同埋蔥爆牛肉 但相對來講就鹹咗少少記得一定嗌白飯 啤酒溫馨提示店舖關9:30想食記得早d去😉😉😉😉😉😉

同事知我鍾意食辣野，所以特登帶我食新野！地點非常方便，整條都係食街！先看餐牌小食，小炒選擇多！朋友介紹所以一切由佢話事酸菜魚，魚片夠滑，湯底濃！豆卜吸收哂湯底！正！牛肉香煱，加左萵筍片，牛柏葉，蓮藕片，另加了薯粉！沒想到香煱炒得非常有鑊氣，牛肉也夠嫩口，牛柏葉爽口，萵荀片較淋但吸哂味到，最後加埋但薯粉！但薯粉真係吸哂成個香煱既精華！整個煱越食越辣！椒鹽海蝦，首先蝦隻隻脆口，入面既蝦肉好明顯是鮮蝦的！肉質爽口彈牙！

牛肉香鍋（單點$180），奉送任何四款自選配菜，牛肉牛味濃香，牛柏葉食落好爽口，黑豚肉肉質肥瘦適中，肉味濃厚，西蘭花、蓮藕片口感爽脆，配料包括有辣椒、彩椒、香蔥、薑片、洋蔥。麻辣小炒皇（單點$118），好足料，味道正宗，材料包括有蝦仁、魷魚、豆腐乾、銀魚乾、韭菜、辣椒、花生，食落好惹味。口水雞（單點$62），表面鋪滿辣椒油，肉質嫩滑，味道香麻。薯粉（兩份$18），加至香鍋炒製，口感煙韌，食落好入味。

十九幾年無入元朗, 原來呢度開左好多食店,  不過呢排濕濕地, 都係最想食辣野. 認真. 我真是無辣不歡.....香辣煱正中下懷. 🐔香辣雞煱～緊係要大辣，加萵筍，鮮魷，魚腐，黑豚肉，夠晒辣，調味適中，唔會食完口渴, 食到底，仍然 lam lam 脷 😂口痕加個小炒🦐椒鹽海蝦～少少辣，椒鹽野味，蝦殼香脆，炒得入哂味，C父去埋蝦頭內藏, 乾乾淨淨, 可以不吐殼, 成隻消化晒，超正 ❤️其實呢度仲有好多野我想食. 但得一個肚.辣子雞 同 酸菜魚 ~ 要留返下次啦.  

約咗食飯竟然黃雨，不過都無損食飯嘅心情，好彩呢間麻辣Doi有開門，就同朋友一齊試吓雖然店舖細細地，但係都坐得好舒服同埋好光猛呢度主要都係以川菜為主，鍾意食辣嘅朋友可以嗌呢度嘅麻辣香鍋，雖然自己冇試，但係見到隔離枱食都好惹味！自己叫咗例牌酸菜魚，微辣，一上枱已經好大碟好香酸菜魚嘅味道，花椒味都好重，仲帶出小小嘅麻辣味，好欣賞呢度嘅配菜，喺出邊少有嘅菇同豆卜都有令到啲蔬菜帶出另一種鮮甜魚片每一片到切得好均勻，冇任何骨，好爽滑酸菜魚嘅底都有滿滿嘅薯粉，索晒全部嘅湯汁，咬落去好林，而且酸酸辣辣嘅感覺，食完一啖再想食呢度嘅口水雞好特別，佢唔係就咁樣用平時嗰啲辣油，有自家製嘅醬料，少少咸之餘又有少少香辣嘅感覺，絕對唔係死辣個種，好特別雞肉都好嫩身，而且都好新鮮，冇任何雪藏味仲叫咗一個農家小炒肉，平時喺出面食到嘅炒回鍋肉只係有一種鹹嘅感覺，佢呢度落咗一個獻汁，食落去帶少少甜味，所以好開胃，火候都炒得啱啱好，肉片都好軟滑而且份量好大方，兩個人食完全食唔晒，每塊肉都好厚叫咗一個微辣湯底嘅薯粉，呢個薯粉同酸菜魚入邊嘅薯粉係兩種唔同嘅味，少少上湯嘅感覺，清清地喺落大雨嘅環境下，食到啲熱騰騰嘅食物，啱晒

元朗真係有好多唔同嘅嘢食，今日去咗鳳攸街搵食，麻辣Doi 顧名思義就是食麻辣川菜。呢度主打食麻辣香鍋，炒辣子, 酸菜魚和水煮魚等菜式。有好多唔同嘅款式可以選擇。蒜泥白肉 （$52）半肥瘦的五花肉，肉質切得非常透薄，肉質Q彈，加上花椒粒和有超多蒜蓉非常惹味，每片肉沾上醬汁和蒜蓉，一片接一片食唔停。酸菜魚（$128）非常有份量嘅酸菜魚，我哋兩個人只係點左個例牌，魚嘅份量非常多，入面仲有好多唔同嘅配菜，有菇，豆腐卜，芽菜，薯粉等。魚肉非常嫩滑，點了小辣，辣味溫和，湯頭亦非常鮮甜，配料吸了酸菜魚湯嘅味道，非常好食。麻辣小炒王（$128）小炒王有鮮蝦，魷魚，豆腐乾和蝦乾等。炒得非常有鑊氣，蝦乾走油炸得非常香脆。鮮蝦，魷魚亦非常新鮮，加上有少少辣，整體非常惹味，送啤酒一流。

而家一有時間就會約朋友出黎食下飯傾下計☺️我地幾個朋友都係鍾意食辣😅今日經開麻辣doi一見到有辣野 即時入去🤓酸菜魚賣相非常之吸引😋點了中辣，酸菜魚湯底，夠酸，夠辣，鹹味適中份量非常足 魚片佈滿湯頭 魚片無骨又嫩滑😋配菜加上有豆卜索哂d魚湯👍芽菜薯粉酸菜同樣滋味重慶辣子雞雞肉炸得好香口 加埋重慶特色醬炒製 非常之惹味配白飯一流👍🏻牛肉麻辣香鍋牛肉嫩滑 因為用特色醬爆炒過 加埋牛柏葉同埋蓮藕用薯粉非常惹味香口👍🏻

【飲食】元朗川菜推介｜必食海蝦香鍋、牛肉香鍋、滑雞香鍋｜麻辣Doi我好少食川菜，今次跟朋友到元朗試一試川菜！餐廳就係麻辣Doi，今次專程去一嚐海蝦香鍋，唔知會係點呢！海蝦香鍋 $218香鍋可以免費選四款配料，我們揀咗肥腸、萵筍片、黑豚肉、豬紅，辣度係微辣；微辣已經令配料好惹味，既可以一嚐川菜香味，又唔會對腸胃加重負擔。香鍋內有蔥頭、洋蔥、甜椒等，令香鍋香味更加強，甜椒少辣又爽口！而鍋下有小火爐一直加熱，店員仲提我哋間中攪拌鍋底，以防痴底。當鍋一直加熱，令香鍋香氣不斷散發，已經聞到麻辣中帶香料的香氣。而且香鍋一直加熱，麻辣汁係不斷提升，鍋最底配料食落會辣少少！鍋內好多隻蝦，每隻差唔多大，口感彈牙、有嚼勁，而且蝦殼都吸收香鍋醬汁，好惹味！肥腸處理好乾淨，無咩膻味，而且好有嚼勁、彈牙口感；黑豚肉好軟滑、有嚼勁，配埋濃郁辣醬，好正；豬紅正常發揮、萵筍片好爽口、易咬，平時少食，估唔到香鍋可以揀呢種配料！蔥爆牛肉 HKD 86牛肉件件都好大塊，口感軟滑、熟度啱啱好；而且成碟野夠熱、好有鑊氣，配埋啤酒，送飯一流！餐廳地方細細，都有八張枱；環境乾淨無異味，有客人走，店員會即刻清理枱面；想講個香鍋真係好

鳳琴街出名多嘢食，今日黎食川菜🤤星期六大約7點左右入座，唔洗排隊😎但坐底無耐已full左😂⧐酸菜魚 🐟 (大) 一上到台大家都Wa左餐，好大碟😂魚片好薄好滑又冇骨😍👍超級讚👏食唔停口。酸菜同個湯做得好好，唔會太嗆喉，豆卜吸晒精華，好入味！配料加左萵筍同埋蓮藕片，好爽口😋本身諗住叫2碗白飯，點知staff話入面有薯粉，叫我地食左先，我地一撈，又Wa多聲，點解可以有咁多😂份晤比起出面一般多👍十分之抵食 。但我嫌佢有啲淋😂⧐自選麻辣香鍋 🌶🍲 今次主菜揀左滑雞，價錢本身包左自選四項配菜，今次試左:牛柏葉、肥腸、香菇同黑豚肉，份量都幾多，4個人食啱啱好。雞件醃得好入味👍不過就炸得耐左，有啲乾~⧐泡椒牛肉🌶🐮呢個泡椒牛肉係三款菜入邊最辣嘅，但都只係叫左小辣😂呢做好有大陸川菜味道。⧐飲品呢度啲飲品同大陸好似，有王老吉同椰汁。但成20蚊一罐 💸➶店員好nice，亦都會主動介紹菜式💛呢間抵食又大碟，推薦鍾意食辣嘅朋友👻下次試下中辣先😝

和朋友相約到這家主打麻辣菜式的小店吃晚飯，兩個人先點了一個牛肉香鍋，店員說可以要小辣。香鍋可以免費選四款配料，我們點了牛柏葉，肥腸，豬紅和午餐肉。香鍋下邊有一個小火爐一直加熱，牛肉片軟腍，麻辣中帶香料的香氣，很出色的麻辣小菜。肥腸處理得很乾淨，不會太膻，肥厚嫩滑有嚼勁。牛柏葉口感爽脆，和肥腸一樣都很掛汁，入味非常。回鍋肉有豬肉片配搭椰菜，豆腐乾和雙色椒等配料，菜式醬汁惹味，入口濃香，肥而不膩。我和朋友各自分別點了薯粉和白飯，薯粉可以選清湯或辣湯。薯粉滑溜彈牙，清湯配麻辣小菜剛剛好。飲品有數款罐裝飲品選擇，椰汁頗為解辣，很滿足的一餐。

平時好少食辣野，只因受辣不高，今次樣樣都係辣的，但就出奇地接受到。它的辣易入口沒有嗆喉的那種，而事後兩天也沒有腹瀉反應，確係意想不到。餐廳地方細細，容納了八張枱，環境乾淨無咩異味，美食選擇多，主角有水煮和香鍋，兩種都好吸引。點晒兩樣二人食會好飽，只好水煮留下次食好了。尖椒皮蛋 $46青紅尖椒碎粒加埋入口即溶的皮蛋淋了醬汁，一啖一件甜辣美味。麻辣小炒皇 $128炒得好有鑊氣，韭菜鮮嫩爽脆，配料豐富，有紅椒、蝦乾、鮮魷、花生、豆腐乾，食起來香辣惹味，唔會好辣。海蝦香鍋 $218四款配菜：自選了豆卜、魚腐、雞肉和黑豚肉熱辣辣原鍋大大鍋呈上望見開心，仲以蠟燭助熱保持熱度值得一讚。海蝦新鮮貨色，肉質結實口感彈牙，配菜好足相當慷慨，黑豚肉和豆卜都好索汁，好正。魚腐彈牙咬落滿足，整體惹味食得滋味。白飯 $14配白飯都幾好，麻辣醬汁下會突顯飯的甜美。薯粉 $18薯粉幼身口感軟彈，個人覺得撈落香鍋食，索埋辣汁更加美味。