麻辣Doi (已結業)

食下辣先今日來到元朗，兩個人食午餐，午餐都幾抵食呢～座位寬闊，店鋪光亮，都幾乾淨，眼見主要八成都是學生，即刻年輕晒。人均：$75.火煮牛肉叫了小辣，跟米線，睇圖都見到勁多牛肉，食完米線都未食完牛肉，配菜菜有芽菜、木耳、油麥菜，豆卜，豆卜好吸味，配米線好夾。.酸菜魚都是叫了小辣，跟白飯！味道剛剛好，食得好舒服，小小酸小小辣，飲了好多🤪將細半碗飯變了湯飯，這個我喜歡！.蒜泥白肉不要以為只有面上一層蒜蓉，原來下一層肉還有呢，肉切得很薄，加點辣椒油和多多蒜蓉好滋味。.@spicydoi

請關注openrice : @littlewitchwitch #搵食推介 #元朗美食 #川菜#yuenlong #yuenlongfood #littlewitchwitch🌶️麻辣Doi 餐廳裝潢簡約，以吃川菜為主，正宗四川家鄉風味，有特式麻辣同酸辣美食，另有套餐可配飯、薯粉或米線。今日約朋友到麻辣Doi食午餐，食辛辣食物可促進新陳代謝，降脂減肥。💥必食推介麻辣水煮魚🌶️🐠 (HK$62) 魚肉的份量很多🤩，選擇配白飯。魚肉口感嫰滑爽口，食落無魚骨，啖啖肉，湯底味道香辣，配白飯最好😋麻辣肥牛、黑豚肉、雞肉米線 🌶️🐮🐷🐔🍜(HK$52)肥牛肉、黑豚肉、雞肉的份量非常多，滿滿的舖在米線上。牛肉味濃郁而且軟腍，黑豚肉都好大片，雞肉香口，配菜有萵筍片、西蘭花，令味道更鮮美，米線吸入香辣湯汁更加惹味。小食:麻辣蒜泥白肉🌶️🥩 (HK$34)聞到白肉帶有香濃辛辣味道，喜歡加入大量蒜蓉，令口感更豐富。值得一提，師傅將白肉切到每片都大少相約，刀工很好啊!📍麻辣Doi元朗鳳攸南街3號好順景大廈地下10號舖

今晚諗唔到食乜，行過經過呢間食四川菜嘅食店，唔需要等位，就同老公入咗去食，坐低咗之後見到佢哋有三個王牌，一個係烤魚，一個係水煮野，一個係麻辣干鍋，三個見到相都已經流晒口水，最後我哋叫咗個麻辣干鍋，因為烤魚同埋水煮嘅料理平時都比較常食到，麻辣干鍋我哋配菜就揀咗萵筍，鮮蝦，肥牛，凍豆腐，肥腸，叫咗個小辣，因為怕越食越辣，另外佢呢一個主菜包括左兩個主食，煮食可以揀白飯，或者紅薯粉或者米線，老公就揀咗白飯，而我就揀咗米線，至於米線同紅薯粉店員話可以將佢炒埋落個干鍋度一齊食，又或者有湯底咁樣分開食，湯底亦都有得俾你揀要清湯定係麻辣湯，當然我咁鍾意食辣嘅話就揀咗麻辣湯嘅微辣啦😌😌😌另外我哋仲叫咗一個小食，就係尖椒皮蛋，不過認為尖椒皮蛋唔夠入味，個汁唔夠好食好食，但干鍋就超級好味，所有配菜都炒得好均勻入味，小辣對我哋來講已經差唔多，因為愈食會愈辣，佢哋整嘅干鍋都好有誠意，會俾埋個迷你爐頭一路熱住佢俾你一路食，呢樣值得加分👍🏻👍🏻舖頭仔細細，但係坐得舒服，下次會過嚟試埋另外嗰兩款王牌料理。

今日同朋友經過元朗，見到有新嘢就入去試下😋餐廳嘅食物選擇唔多，主打係烤魚同酸菜魚～我哋兩個人就叫咗一條烤魚+4款配菜😍有三種口味：成都麻辣、老壇酸菜、泡椒豆腐我地簡左成都麻辣烤爐魚（$288）烤魚採用爐魚，店舖有預先將魚煎香，肉質結實～😍鍋內本身都有豆卜，芽菜等配料…我哋就另外加左娃娃菜，牛栢葉，金菇同蓮藕片～娃娃菜同金菇吸咗湯底嘅味道，正😍我哋揀左小辣，唔算好辣，岩岩好😋唔食得辣嘅應該都應付得到～

元朗區點只一間烤魚咁小今次食麻辣DOI其實都係機緣巧合 經過餐廳內裝修乾淨 坐得舒服 職員會主動介紹既望一望餐牌 除咗有小菜 仲有水煮乜 烤魚乜 香鍋乜 最後決定要烤魚魚係鱸魚 泡椒豆腐鱸魚$238連烤魚爐一齊上 下面有火既 keep到温度我地另加兩個$12配菜 萵筍片+金菇菜鱸魚本身包蓮藕片豆腐海蝦菇類雲耳豆卜估你唔到有海蝦 蝦肉唔爛 仲有爽口配料比我想像中多爐魚先煎好 所以較脆 亦無泥味 豆腐滑湯底味道夠 不太濃稠 最後仲加左白飯一個Share食 唔錯唔錯其實諗反轉頭 啲間爐魚真係幾抵食配菜都係$12 $18 $22平時食開都唔止 外賣仲有8折有下次👍🏻

話說已經好一段時間冇得返深圳食飯特別想念深圳嘅麻辣菜途經元朗嘅時候畀我發現到一間用麻辣為主打嘅餐廳所以二話不說就入去試下啦餐廳嘅主題都真係以辣為主有水煮魚，麻辣香鍋等等由於太耐冇食過麻辣香鍋啦亦都好想食麻辣雞煲所以就一於叫個麻辣辣雞再拼六款香鍋小菜另外再加個皮蛋尖椒皮蛋食落非常之惹味佢又唔算好辣但係就有種令人想不斷食嘅感覺質素都幾唔錯主菜就上場囉我揀咗麻辣滑雞配料就揀咗豚肉，午餐肉，土豆，牛丸，金菇，魚腐麻辣滑雞我覺得係再走過油食落有少少香脆嘅感覺口感唔錯再加上我係叫咗小辣所以食得都幾過癮配料方面，豚肉我覺得非常出色真係大大件，而且食落都好冧土豆片就真係麻辣香鍋嘅好朋友即係薯仔切片呀仲有記得要叫魚腐同埋金菇呢兩種配料都比較吸麻辣味可以話係絕配飲品方面又唔同類型嘅汽水當然如果你想下下火就一定要揀王老吉啦總結食物質素幾唔錯真係有種內地嘅風味值得一試

黎到元朗見到呢間新開既麻辣doi, 主打麻辣野，但原來都有提供唔同既辣度選擇，唔算好嗜辣既我今次就揀左酸菜魚✅大盆水煮酸菜魚無骨魚片啖啖肉，值得一讚係魚肉滑嘟嘟，完全唔擔心有魚骨，酸菜湯底味道香濃調味惹味，鹹度適中，而且成盆有好多配料，例如豆卜、雲耳，仲有薯粉底，薯粉煙韌，吸哂湯汁好入味👍🏾另外仲可以自選加唔同既配料，今次揀左肥牛同娃娃菜，肥牛肥瘦適中夠新鮮，娃娃菜又係吸哂湯汁😋🌟呢間麻辣doi岩哂鐘意川菜既朋友仔，除左大盆水煮，仲有麻辣乾鍋同原條烤魚🤩

《元朗食好西》今日係鳳攸南街找吃😉大熱天時食辣最~~正🔥食店明亮光猛 ,唔算大，但座位一啲都唔迫夾👍午餐$42.00起,有齊鑊氣小炒、冒菜、 酸菜/水煮菜式、小食及小數飲品😚#水煮牛肉配薯粉 (要小🌶)湯底夠香唔油,牛肉大片夠滑👍配菜豆卜、牙菜 、木耳份量也唔少😆薯粉係幼身個種 ，爽滑夠多夠飽😚#酸菜魚配薯粉 (要小🌶)份量同樣足夠，夠大方👍湯底酸麻清爽，夠曬醒胃😚魚片爽滑無骨無腥味喔~~#蒜泥白肉🌶🌶滿滿紅油 ，其實唔係好辣😆每塊白肉切到薄薄一片👍食落去一啲都唔似食緊肥肉🤭包住啲蒜蓉同麻椒一齊食🤤🤤

今日午餐去了雞地，見到有間新開的川菜，有午市套餐，就入去試下。🐱水煮牛肉薯粉$58 （微辣）先試湯，麻味很夠，雖然是微辣，但味道很夠，薯粉煙煙靭靭很掛汁，牛肉大大份挺嫩。跟豆卜、香菇、芽菜等口感豐富。🐱冒菜米線$52 （少辣）第一次吃冒菜，可自選5種配料，我們選了肥牛、雞肉、豚肉、牛丸、蓮藕片，材料挺豐富。而且很入味！少辣感覺跟微辣差不多，湯底跟水煮牛很似，米線挺彈牙爽口。🐱口水雞$38口水雞挺入味，辣味夠，不算很滑，但啖啖肉。涼涼的挺開胃。

要說元朗是新界區的美食之都，實在是愈來愈名副其實。除了歷史悠久的木土小店外，不少連鎖店亦相機進駐。元朗食店五花八門，想要全都吃遍這個目標亦非易事。今天又發現了這家座落於鳳攸南街的麻辣川菜店。我跟女友決定一試！門舖裝修簡約輕鬆，座位亦很闊落寛敞。甫坐下店員已親切的奉上餐牌及悉心介紹。麻辣海蝦香鍋：所謂香鍋是一款乾鍋，另配六款配菜。我們選了萵筍片、金針菇、蟹柳、豬紅、牛栢葉及肥腸！全是些跟麻辣鍋很搭及善於吸收醬汁的配菜。先說本身的海蝦鍋，海蝦個頭都很大，而且數量不少。餐廳悉心的將所有海蝦的蝦頭摘除，香鍋的醬汁更易滲入蝦身內，令海蝦更惹味香辣！口水雞：我們點選了其中一款小食，口水雞的肉質十分嫰滑，表面上舖滿了辣椒醬汁，更令雞肉香味昇華。薯粉：我選了薯粉配上大辣的湯汁，用來和合著香鍋的配菜，邊吃邊流汗實在是久違的爽快感。另外，我女友是選了清湯的，湯水竟然出奇的鮮甜，值得一讚！

環境都幾企理 店舖雖然唔大但係座位算坐得舒服。酸菜魚🐠酸菜味道好香，魚片肉質幼嫩又滑，而且酸菜嘅份量適中，菇菇吸味能力高，唔算太辣，香香麻麻，好味😚 豬腸好香口，清潔得好乾淨，另外加咗凍豆腐口感唔錯！類似百葉豆腐咁佢另有一種屬於港式既辣 有少少辣油既香味，配上川式花椒🌶️既辣 岀乎意料又幾夾喎！另外本身已經有薯粉加配，本來擔心嗌一份分酸菜魚會唔夠，但食食吓又發現份量夠曬兩個人食薯粉索完酸菜湯，依然彈牙。

鱸魚有三款口味選擇，因為我哋唔想食太辣就揀左老壇酸菜。辣度揀左小辣，呢種辣度啱啱好，唔會辣到食唔到，而係越食越起勁！🤩魚先煎過，好香口。骨夠大條，食嘅時候唔會好多骨，啖啖肉，食得好暢快！😍加左$12配油麥菜同埋加$22配黑豚肉。油麥菜稍嫌分量不足，如果多番啲就好喇。黑豚肉份量較油麥菜多，厚薄適中，食落有口感。鱸魚本身已經有好多配菜：雲耳、豆卜、蓮藕片、豆芽、芹蒜、蔥、香菇和秀珍菇等。 豆卜吸收咗啲湯汁，一咬d汁就咇曬出黎，正！ 蓮藕片好爽脆。另外可以加錢嗌薯粉、米線或者飯。嗌左薯粉。薯粉份量超多！薯粉幼身，煙韌有口感。

::麻辣Doi ::嚟到元朗大西北覓食，搵到間川菜叫#麻辣Doi ，元朗站行幾分鐘高到，附近都有好多食肆，唔難搵😊 環境方面就一眼望哂😛 小店經營，兩旁都有卡位👍🏻 #老壇酸菜爐魚個人覺得呢個爐魚冬天食一流，一路燒住熱辣辣😛 湯底方面 味道酸酸地 令人幾開胃👍🏻 爐魚有炸過，魚皮口感好脆😛 魚肉都ok 唔會好鞋 ~ 配菜方面揀左萵筍同豬腸 ，萵筍口感好脆口😆 配爐魚食都幾夾，豬腸份量唔算好多 味道都ok👍🏻 ➖➖➖➖➖➖➖➖➖➖➖➖麻辣Doi (元朗)元朗鳳攸南街3號好順景大廈地下10號舖

這間麻辣Doi位於元朗鳳攸南街係一間專食辣嘢嘅店舖，而店家環境都算唔錯🤔，坐著寬鬆舒適😙!.酸菜牛肉米線 $58呢碗米線賣相都唔錯🤔，睇得吓份量都幾豐富😮，去嘅牛肉份量都好多，食到入口肉質都好腍身味道都唔錯😋，完全都唔覺得韌嘅感覺，米線軟硬恰恰好🤔，而去嘅湯底味道都好濃郁味道十足有別的風味🤔!.酸菜魚薯粉 $62呢碗酸菜魚望著好似好好味🤔😋，去嘅魚肉相當之嫩滑😙，食到入口都唔哂咬就吞咗，魚肉非常之豐富😮，湯底味道十足用咗多種配料而製相當之美味👍，去嘅薯粉都好幼細嫩滑又有咬口，感覺都唔錯!.口水雞 $38呢一碟口水雞賣相都睇得吓🤔，色香味😙都唔錯，肉質咬入口都好嫰滑腍身，而味道帶有小小辣😝，辣之中味道都好好味😋!.*價格一般，食物質素都好有水準👍，值得試吓*

再次去到元朗雞地覓食，最近在這裡這裡開了很多新🤔店，這次就去了其中一間吃東西。餐廳是以吃川菜為主，環境裝修簡約。餐牌上有套餐選擇，跟餐可選擇配飯、薯粉或米線🙈。-💥口水雞 HKD$38，這個味道很香，以這個價錢份量算是多的😆。雞肉肉質嫰滑，不會感到韌的口感，雞皮爽口不肥膩。這個辣度感覺是BB辣，挺香口惹味的。-💥酸菜魚薯粉 HKD$62，這個魚肉的份量也很多🤩，選擇了配薯粉。魚肉肉質爽口嫰滑，而且吃不到骨頭🙈，湯底味道酸酸的很開胃，薯粉吸入湯汁挺入味的。-💥酸菜牛肉米線 HKD$58，這個牛肉鋪滿在米線上，牛肉口感煙韌，牛肉大大片感覺可以的🤤。兩碗酸菜湯也有豆卜和野菌等配料在裡面，所以味道更鮮味🤩。-