麻辣Doi (已結業)

今晚屋企人入了元朗，老豆要想食川菜，所以就去了食乾鍋。蒜泥白肉：以大量的蒜泥蓋著腩肉，腩肉切得很薄，加上辣醬辣油，一片紅油，但食落又不算辣，反而有陣陣麻油香。麻辣滑雞香鍋：可自選六款配菜加在鍋內一起爆炒，乾鍋要了中辣，以微火暖著，初時麻辣味可以接受，但越食越辣，十分刺激。雞肉份量都不少，而且很入味，滲出陣陣麻辣香；薯粉更是吸收了整鍋的精華，既麻辣又爽彈。回鍋肉：豬腩肉肥瘦均勻，有點干貝醬鮮味，回鍋肉帶淡淡辣香，而且不算多油，炒得乾爽，椰菜爽脆不油膩，還有些豆卜都很惹味。

這間位於元朗食街的麻辣Doi，主打乾鍋、水煮等系列，可以配海鮮、雞、牛等。尖椒皮蛋以辣椒醬汁及三色椒等調味，皮蛋入口香滑，辣味反而不嗆喉，無想像中的辣，反而帶點香。香辣雜菌豆乾炒肥腸豬腸洗得乾淨，中間的肥膏已去除，肥腸有咬口，以辣椒走油爆炒，配上豆乾、雜菌等配菜，十分惹味。老壇酸菜鱸魚鱸魚切成一片薄片，每片厚薄一樣，而且完全無骨，魚肉嫩滑，酸菜亦都不會太嗆喉，味道較溫和，而且帶輕微的辣，豆卜吸收了湯汁，入口好似飲湯般。

朋友知我鐘意食川菜, 特登帶我嚟呢間新開嘅餐廳食, 呢度地方夠乾淨又唔會好大陣油煙味, 坐得舒服我哋兩個人食咗大約$400, 叫咗前菜、水煮魚和小炒各一款再加每人一碗米線和薯粉1️⃣口水雞🐔雞肉嫩滑, 雞皮爽脆, 雖然好多紅油, 但只係帶微辣, 食得很滋味, 下次可挑戰中辣2️⃣椒鹽海蝦(大)🦐 蝦殼炸得酥脆, 椒鹽唔會過重蓋咗蝦鮮味, 蝦肉爽脆彈牙, 成隻蝦連殼都食埋3️⃣酸菜魚片(大)🐟 酸菜魚可以自己揀辣度, 今次揀咗微辣試試湯底酸辣香濃, 魚肉嫩滑惹味, 厚薄適中, 當中亦加入唔少配料, 有酸菜、芽菜、薯粉、豆卜、木耳、菇類等, 又以薯粉墊底索哂湯底嘅精華魚片大塊份量又多仲要無骨,啖啖肉食得爽

天氣開始涼涼地 其實幾需要食啲辣嘢暖暖個胃 經朋友介紹之下得知這間麻辣Doi 朋友食過 他讚不絕口呢餐廳嘅菜式大部分圍繞川菜 麻辣的菜式 大致分為水煮，小炒，干鍋，烤魚，雞煲及川味小食大盤水煮酸菜魚片$188 這盤酸菜魚非常出色 酸道剛剛好 個湯好鮮甜 魚片份量夠多 餐廳採用了鱸魚作為魚片 每片都帶有魚皮 魚肉和魚皮是兩個質感 吃到魚皮的部分是爽脆的 魚肉卻非常嫩滑一點滑也沒有 鍋中有大量配料 除了有酸菜之外 亦有薯粉/豆卜/秀珍菇等等。涼拌土豆絲$38 土豆絲口感爽脆 用了辣油涼拌 味道唔算好難 是非常柔和的辣味 作為前菜是不錯 先吃點微辣打開味蕾 接下來的餸菜更刺激。椒鹽海蝦$118 食到停唔到口 非常惹味 海蝦炸到脆卜卜 連殼食都唔係問題 除咗有椒鹽嘅鹹味之外 亦都有辣椒嘅辛辣味 愈食愈辣 辣得好過癮

秋意漸走，到左入冬時候就最好搵間川菜館食飯，麻辣Doi 細小但內部裝修企理，又坐得舒服。我哋揀咗海蝦香鍋，然後再揀六款配菜及兩款小菜，鍋裹有肥牛、蓮藕、菜、雞肉、豬紅、豆腐。佢個鍋辣味好入味，連D蝦殼入晒，蝦肉亦爽口彈牙。再跟兩碗粉，清湯米線同薯粉，爽爽滑滑。成個鍋份量亦好多。邊食邊流汗實在爽快。椒鹽海蝦表面略帶點油，一同連外殼食，入口鹹香美味，肉質就亦很鮮甜。蒜泥白肉，好大碟，食到個口同脷都麻麻地。

元朗雞地最近開咗間川菜館，主打烤魚，水煮魚同干鍋，烤魚以前喺內地成日食，香港就比較少，有一晚經過終於去試下，又唔差wo，價錢唔算好貴，一盤夠2個人食有突。 我哋當晚揀咗烤魚，佢有三款湯底，分別係成都麻辣，老壇酸菜，泡椒豆腐，既然難得食川菜當然要食麻辣啦，我哋叫咗小辣，味道辣得好過癮。烤魚仲有好多配菜可以加，例如肥牛同菜等等 ，仲跟埋一個主食，有白飯同米線等等可以揀。總結，係元朗區既少有既烤魚，仲位於食街之中，晚飯又多一個選擇。

天氣凍返少少，可以去食酸菜魚啦🤩今日落左元朗，就揀左間叫麻辣Doi既餐廳，個名非常特別。裝修簡約，我覺得係日式加中式混合，好有現代溝古代風😛一來就揀左晚市烤魚，魚種類係鱸魚，多肉少骨，岩曬來做爐魚，有三隻湯底，食得辣可揀成都麻辣或泡椒豆腐，我就揀左老壇酸菜bb辣。本來一個爐就有包基本配料，例如木耳，蓮藕片，豆卜等等。我地就額外再加左娃娃菜，萵筍片同豚肉。驚吾夠喉？可以再加其他肉類同丸類，我仲加左個薯粉，係幼身薯粉，因為額外上，所以可以要求清湯或其他湯底。嘩，上菜拉，個爐超有中國特色，十分吸睛！原來入面仲有3隻蝦既。基本上食材都熟曬，甘就吾驚吾熟拉👍即刻試下條魚先，條魚炸左外皮，好香脆，一咬開，入面仲係超嫩滑，完全冇魚腥味。湯底帶點點酸同辣，但都十分惹味。食到後來，豆卜索曬啲汁，真係非常正。除左食酸菜魚，仲有其他麻辣香鍋，大盆水煮同口水雞等小菜，食得辣既朋友可以過嚟一試，價錢合理😋為左解渴，我就叫左咸柑桔，仲有其他野飲嫁！

今日我們去了元朗。去食川菜"麻辣Doi"我們點了乾炒麻辣滑雞香鍋我們加了六款配菜肥腸，肥牛，黑豚肉，牛栢葉，魚腐，豬紅主食薯粉小食口水雞麻辣滑雞香鍋雞是炸過加上辣汁好香，麻麻辣辣香香。牛栢葉吸收汁好香辣香辣😝爽口其他的都還可以，但雞肉有點小。薯粉我們選了清湯，薯粉爽爽滑滑。口水雞雞肉嫩滑香油好野味！雞皮好QQ 彈牙！總結地點ok 地鐵行10分鐘左右味道喜歡食麻辣川菜都ok價錢合理，但分量小了一點，小食不錯！

喺元朗雞地新開左一間川式小店 啲面唔算係好大 不過附近都冇乜川菜 所以都幾吸引鍋底可以揀牛肉雞肉或者海蝦 之後再揀六款配菜 兩款主食我哋揀咗海蝦、肥牛、豬腩肉、豬腸、牛柏葉、萵筍、薯仔、薯粉炒埋落去是必須的 幼身薯粉好吸味 少彈牙好正 最後白飯兩碗也是必須的揀海蝦好明智 佢個香鍋調味好惹味 蝦殼吸晒啲味 蝦肉亦爽口彈牙 肥牛同豬腩肉都夠薄身 份量亦好多 肥瘦適中 送飯一流豬腸亦都有本身用滷水汁醃過嘅味道 好夠林容易咬爛下次想試埋個烤魚添呀 見到人地食得好滋味哈哈

今日同屋企人食飯 佢話想食啲刺激嘢 就帶咗佢去元朗雞地呢間麻辣邊度食晚餐啦呢間野主要有三款招牌 水煮、香鍋同埋烤魚 我今次揀咗香鍋 因為見到隔離枱有個火爐仔燒下燒下咁幾過癮 同埋最主要係勁香呀！叫咗個麻辣香鍋 揀咗海蝦 啲蝦超大隻 隻隻都有膏又有肉 味道唔錯 香辣味透過蝦殼 完全滲入蝦肉入面另外加咗肥牛同埋牛柏葉 肥牛唔太肥牛肉味濃郁索曬辣汁超正牛柏葉又係另一樣超索味嘅材料 辣得過癮薯仔極度推介 唔知佢點樣整完 好軟糯既口感 亦十分十分入味 萵筍就相對淡口啲 另外叫多咗份口水雞小食 佢係全部辣椒油鋪面嘅雞 辣椒油好似老乾媽嘅味道 雞肉肥瘦適中 鮮嫩多肉

冬天來了，係時候食下辣野其實春夏秋冬都可以食🤣今次我去麻辣DOI🌶🌶🤣好有大陸好正宗的感覺😋😋餐廳裝潢簡約，以吃川菜為主正宗四川家鄉風味！我叫咗大盆水煮魚片$258加咗薯粉（必叫）幼身薯粉，睇落似粉絲狀入口滑溜有彈性，同湯汁都幾夾，仲幾大碟魚片好滑，份量都幾多，同埋都幾辣😂配料都幾多，兩個人都食唔晒🙈記得嗌定嘢飲呀！📍元朗鳳攸南街3號好順景大廈地下10號舖#元朗必食 #食辣 #水煮魚#yummy

今日天氣凍凍地就想食辣又唔想打邊爐 同朋友行經呢度見到有烤魚就入嚟試下佢嘅烤魚可以揀幾種味道我哋就要咗酸菜我就可以自選配料我哋加咗魚腐同埋黑豚肉片好快魚就準備好 有個爐熱住一路滾住食熱辣辣非常唔錯 個烤魚預先煮咗個邊係烤到好香口 個人亦都比較喜歡食成條烤魚比起魚片 而且一路滾住啲魚亦都吸曬啲酸辣湯味 湯頭裏面亦都有好多配料 芽菜，木耳，蓮藕，鮮菇全部都給曬味道，越食越麻但辣得過癮。豚肉同埋魚腐嘅份量都唔少，仲有幾隻蝦，2個人食非常飽肚滿足呢間餐廳店員好有禮貌，見餐牌仲有其他麻辣香鍋下次會再嚟試下

放半日假，突然想一個舒舒服服，悠悠閒閒地食個簡便既lunch享受一下Me Time，路經元朗雞地個邊，見到呢間新開既麻辣店，一於入去食個lunch，睇下味道如何先。店舖細細，但內裡裝修簡約之餘，睇得出係有用心設計，牆上有不同的面譜，仲有一些中式茶杯，環境感覺舒服。 個Lunch Menu都真係幾抵食，平均價錢都係大約$40蚊至60蚊左右，而且都幾多選擇，今次我就食冒菜，當中的5款餸，我就揀左萵荀片、金針菇、蓮藕片、魚腐同肥腸。辣方面，由於唔算係好食得辣之人，所以我都揀番個小辣，因為怕太辣會食得辛苦。 冒菜 - 恰如其份，飲第一啖湯已經覺得好啱口味，惹味之餘又唔會太搶喉，小辣絕對適合我這類鍾意食辣，但又唔係咁食得辣既人。萵苟片同蓮藕片都好爽口，金針菇、牛柏葉同肥腸都有水準，絕對唔係hea做。尖椒皮蛋 - 皮蛋上鋪滿麻辣醬紅椒和青椒，非常夠味，但又唔算太辣，味道很好。見到店舖也有做晚巿，有烤魚、水煮魚等等，下次真係可以孖埋d Friend再黎過。

烤魚、水煮、酸菜呢啲食法就食得多. 今日就嚟元朗一間新開既四川菜餐廳試吓麻辣香鍋🤤店員會先慢慢介紹餐牌上每款主食. 再由你揀既主食去介紹返合適既小食😳🥔涼拌土豆絲土豆絲每一條都好爽脆. 唔會過淋或者過硬加埋涼拌嘅醬汁. 感覺好清爽解膩一啲都唔油🥘牛肉香鍋因為我唔想剝殼. 所以揀咗牛肉香鍋🐮另外可以配六款配料：肥牛、大腸、萵筍、午餐肉、凍豆腐&牛柏葉上枱時會配埋一個爐. 令個鍋保持熱辣辣香鍋係加少量醬汁干炒. 未食已經聞到好香嘅麻辣味個醬汁超級惹味. 索埋入豆腐同啲牛肉入面真係好好食🤤另外個主食薯粉仲可以炒埋入個香鍋入面一齊食. 令到薯粉超級濃味成個香鍋份量超多❣️三個人都夠食店員重會好細心咁成日提醒我哋要記得得閒搞搞個鍋唔好痴底😳鍾意食香口野既我非常欣賞呢個鍋🙈🙈

早幾日突然想食啲麻辣嘢，就同朋友揀咗呢一間性價比都唔錯嘅新餐廳。蒜泥白肉 $34夠大碟，好抵食，肉比較厚，雖然辣椒比較多，但唔算好辣。同埋好多蒜泥，算足料辣子雞 $48 賣相好靚，五顏六色，雞炸得好脆同乾身，夠入味，同埋辣到都適中。冒菜 $52有五餸一面/飯，好豐富肥牛，黑豚肉，午餐肉，凍豆腐，油麥菜都好好食。湯底好濃，麻辣好香，小辣剛剛好，忍唔住一邊食米線，一邊飲湯👍🏻總括來講我覺得呢間餐廳都唔錯，有四川嘅風味，而且抵食，慳家嘅我就係幾唔錯嘅選擇!! 推介