麻辣Doi (已結業)

星期日放假，和朋友去聚餐，第一次到這家店光顧，事前都看過評價，大家都評價不錯，所以才慕名而去，剛到餐廳，環境尚算乾淨 我們二個人，叫了2個小菜（尖椒皮蛋， 涼拌土豆絲）和2個午餐（ 水煮魚～中辣，酸辣牛肉～小辣）加了一個冒菜（娃娃菜）和2罐飲品（可樂，冰紅菜），一共花了188元，2罐飲品完全不凍，除了飲品和飯，每道菜都好咸，下鹽好像不用錢似的，咸到其他味都吃不出來，而且加的一個冒菜只有2片，下次不會再去此店！

朋友元朗相聚, 不知道哪間餐廳好味道, 於是便隨意就近找了一家川菜店。這家川菜店的裝修普通, 簡漏,。我們3人點了一客口水雞, 小炒王及海蝦香蝦; 我們3人都不太能吃辣, 我們點了小辣,都能滿足我們的味蕾需要。這裏的口水雞, 皮爽滑肉嫩, 份量多且雞肉厚; 雞肉吸收了辣椒紅油的味道,為淡淡的雞肉增添多一份味感及彩;同時也為我們的味蕾增加多一點刺激;之後來一客小炒王; 韭菜花炒蝦干, 紅蘿蔔; 韭菜花炒得夠鍋氣, 且仍保留著青綠色的新鮮;吃下去清甜, 帶點兒蝦乾的味道;主菜出場,一客海蝦,加上藕片,大腸,粉絲,支竹,洋蔥等; 伴在一起,不停地滾.越吃越惹味。海蝦的尺寸, 食指般大小, 蝦肉新鮮, 爽口彈牙; 而肥腸, 軟滑, 啖啖豬味; 粉絲長長的, 吸收了汁的精華, 越吃越好吃。吃完這餐. 發覺自己吃辣的程度也進步了。 

今日嚟咗雞地呢邊搵食😋雞地呢邊好多餐廳都好吸引我哋今日試咗麻辣𝑫𝒐𝒊 (⁎⁍̴̛ᴗ⁍̴̛⁎)餐廳睇落好乾淨企理員工招呼好好👍🏽🥰兩個後生女好有禮貌食得好開心🥰🥰🥰環境好唔錯又有音樂聽♪佈置用心😃♡滑雞香鍋♡（$228）我哋揀咗最微辣辣度啱啱好👍🏽唔會太辣奉送6款配菜我哋揀咗肥牛黑豚肉雞肉豆卜牛柏葉娃娃菜最最最推薦係豆卜😃😍 索晒𝒅汁好好味♡蒜泥白肉♡ （$48）極好味!!!!!好香係我暫時食過最好食嘅蒜泥白肉好惹味 肉切得薄薄地 好正💖♡萵荀雲耳百合炒魚片♡ （$78）炒魚片好好食🤯 有好多唔同菜我平時好少食百合佢煮得好好食呀😋清湯米線（$16）呢個真係超級驚喜諗住真係好普通一碗米線墊底完全估唔到咁好食清湯都可以整得咁好食真係冇諗過好清甜 好味到唔識講大家去試吓總結❛‿˂̵✧呢間餐廳真係好好食好推薦大家(◍˃̶ᗜ˂̶◍)✩

今晚過去元朗找朋友食晚餐，最近經常口淡淡無胃口，想起有好一陣子沒有吃辣，在想起這家麻辣Doi ,今晚就來過過辣癮。落單叫了份招牌酸菜魚，上枱很大煲，配料好充足，湯底少少酸辣得來，不太辣，但味道層次豐富，有魚香的湯味。重點魚肉很嫩好鮮，啖啖魚肉，再配薯粉果然是鎮店招牌，值得一提的是水晶粉吸盡了魚油及酸辣湯的精華，令人一試難忘！另外仲可以配蓮藕，豆腐卜等。重慶辣子雞 辣子雞富辣度，把辣椒乾和花生一起吃掉更惹味，這碟菜是有骨雞件，每一件炸得很香酥，香口美味。蒜泥白肉有毫不吝嗇的配料和蒜泥，這道菜我和友人主要是配搭酸辣粉享用，上面的蒜泥都加進了辣椒，更添風味，我和友人以很快的速度吃清光，全部食物好惹味，辣味恰到好處。

女侍應態度極差 十問9唔應仲叫我地調左幾次位 個位好窄，野食味道好油份量少 味道好麻麻最後話我地唔收$500但又無貼出黎唔收俾錢買難受🙁🙁🙁🙁🙁🙁🙁🙁

因為疫情關係，喜歡食四川麻辣嘅我不能回國內食酸菜魚和川菜，所以經常喺香港試唔同餐廳嘅麻辣菜式，但好多時候都係“伏味龍”，始終香港廚師未必要解當地四川人如何用調料去煮四川菜。今晚同家人黎左麻辣Doi, 好食的程度除左令我好滿意外，真心要寫篇文章表揚下。涼拌木耳一上台，已聞得出調味料好香，好明顯廚師調味係用油“讚過”先去涼拌,呢個先係正宗四川菜嘅做法。裏面嘅花生極度脆身，配上木耳嘅爽口，形成兩種唔同口感係一個非常出色嘅送酒菜，絕對適合喺主菜常之前打開味蕾。椒鹽大蝦雖然呢個菜係最遲上，但係我覺得好值得比我等，因蝦身炸得好脆身但唔會乾，裏面嘅蝦肉仍然都係好鮮，而且廚師亦都好細心將所有蝦鬚同埋腳剪掉，亦搵咗西生菜墊底伴碟去吸油，令成個菜唔會太油。酸菜魚其實好食嘅酸菜魚好考功夫，如果自己煮就明白片魚其實係一件好痛苦嘅事。呢間嘅魚除咗片得好靚冇咩骨之外，亦好明顯係用咗蛋白*拿*過先去落鑊，所以做到魚生薄而彈牙。雞肉乾鍋呢度嘅乾鍋可以選擇六款配菜，因為屋企人唔食牛嘅關係所以我哋揀咗雞肉。本身好擔心會好柴但係結果原來好好食,好是因為雞肉好入味，呢度乾鍋可以選擇六款配菜，都係大路嘢，但係可以選擇加入薯粉一

經過元朗Yoho附近，家人想食麻辣嘢，所以膽粗粗入去呢間試吓。這裏座位闊落裝修簡潔，貼心地每枱均有酒精搓手液提供。餐廳主打烤魚丶麻辣香鍋和水煮三種烹調方式～本來想食烤魚的 (只有鱸魚可選擇）店員話會比較多骨，但屋企人又唔識得吐骨😂所以我選擇咗水煮牛肉，店員都話唔錯可以試一下！麻辣口水雞：賣相一流大大碟，雞肉嫩滑丶香油少辣，雞皮Q彈，下次可挑戰大辣。小炒王：大大碟材料足，有大蝦乾丶白飯魚乾丶花生丶魷魚丶韭菜花，上菜時傳來一陣陣鹹鮮香味，熱辣辣夠晒鑊氣，配白飯一流水煮牛肉酸菜：主角終於出場，全晚最期待就係呢一個菜式。因為好鍾意食酸菜，我選了中辣湯頭甜甜酸酸的，材料又豐富。有酸菜丶牛肉丶豆卜丶大豆芽丶木耳丶秀珍菇丶薯粉……牛肉軟淋入囗佳，是一個不錯的選擇。

🍲｜老壇酸菜烤魚｜烤魚香烤過所以外皮脆脆哋，再用酸菜湯浸煮，滲透晒入魚肉，味道唔算辣，唔食辣嘅人都食到，煮起熱騰騰幾個朋友秋冬share食就最perfect～🥘｜牛肉香鍋｜呢個香鍋可以自選6款材料，我地揀左萵苣、凍豆腐、牛柏葉、魚腐、豬紅、貢丸～炒起好有獲氣好惹味，夠熱又夠辣味～我哋4個好快就清空左呢味菜～🧈｜麻婆豆腐｜豆腐滑溜但不至於一夾就散，有辣椒肉碎調味～送多幾碗飯都得～🥬｜金菇肥牛浸娃娃菜｜湯底清清哋最適合中和番口腔內麻辣味～娃娃菜清甜爽口～🥚｜尖椒皮蛋｜ 每人食到兩塊，夾住辣椒食真係好正～🥓｜蒜泥白肉｜白肉切得薄煮得清爽不油膩，卷住蒜蓉食個個食得好滋味～特別要提提薯粉，質感比較幼似粉絲，所以更容易吸收湯汁～

天氣剛轉涼了，和朋友相約在元朗鳳攸南街健身後，便馬上想吃麻辣川菜暖暖身，剛巧在旁邊有一間新開的小店「麻辣Doi 」，從門外宣傳海報看出主打是烤魚及四川菜，入座後發現店面雖面積不大，但座位很大，環境舒式，裝修簡約但帶有日式和中式的古風情，牆上有各種面譜及茶杯做裝飾。看看餐牌當然主打烤魚類、水煮魚、及麻辣香鍋，另有各式涼拌小食及飲料。前菜是涼拌土豆絲，土豆絲很出色，涼拌醬汁不會過辣，口感爽脆，十分清爽開胃，沒有油膩感。我們點了推介的晚市烤魚，魚肉是鱸魚，有三款湯底選擇：如好辣的可選麻辣或泡椒豆腐，因朋友不太吃到麻辣，我們點了老壇酸菜味，很有驚喜！烤魚上菜時已經十分吸引，餐廳用了一個富古代皇宮用的中式爐上桌，爐下方以細火慢慢地烤煮，打卡一流，十分有特色，魚身十分大條，完全足夠我們二人吃，加上配料豐富，有酸菜、芽菜、木耳、豆卜、各種菇類以及數隻鮮蝦，令湯頭十分豐富，香氣四溢！我另外加了油麥菜，更加健康！魚身先炸了外皮後再放湯慢煮，所以表皮十分香脆，魚肉很嫩滑，多肉少骨的魚身盡吸香濃的酸辣湯底的湯汁，十分惹味，吃烤魚怎能沒有白飯，加入魚湯同吃，一流！朋友加了薯粉，薯粉是幼身，因額外點，可選擇清湯

今日同屋企人落元朗雞地個頭行街，見天氣凍凍地想食下辣野，見到有間麻辣DOI 食川菜，就入咗去試下環境方面：裝修幾靚，夠衞生夠乾淨👍服務方面：職員姐姐好nice，差唔多每道主打菜都有做介紹，但又唔會好hard sell。上菜速度算快，一度菜差唔多食完，下一度就緊接上菜食物方面：我哋四個人分別點咗：前菜- 涼拌雲耳，食得出辣油應該係自家製，明顯同出面現成唔同，多份香同麻，辣度適中，作為開胃菜啱啱好，炒花生都特別好食好香- 蒜泥白肉，好食過以前食過既X哥、雲X香，肉片唔係肥肉肥膏但係好大塊，職員姐姐教可以用黎包住蒜泥，食落口同之前食個啲細細塊整係可以點到少少蒜泥既明顯蒜香重好多，可以翻食主菜- 酸菜魚，食落有啲唔慣，因為呢間酸菜同魚既比例係二比八，魚肉多過好多其他舖頭，但係魚肉都係好嫩，又唔會俾筷子夾散，個酸菜魚湯吸收哂啲精華好鮮好香- 干鍋，未試過所以特登叫黎試下，好足料豐富，有毛肚有肉片有萵筍…好香好濃，因為我本身鍾意食濃味野，真心覺得正，強烈推介小菜- 香辣雜菌豆乾炒肥腸，同大陸食到嘅干鍋炒肥腸係兩種感覺，但係都好好食同大陸食到嘅川菜一樣風味，雜菌炒完之後吸收咗既油香同食肉好似，肥腸配

最近天氣凍凍地最好梗係食麻辣火鍋啦！ 今晚走到元朗食街，找到了麻辣Doi, 個名好特別，一於試一試。 😅😅餐廳不算很大，但裝修很別致，而坐得好舒服，空間感十足，重點係樓底高，抽氣好，沒有油煙味。魚片花椒 $188 （微辣）微辣味道啱啱好，不會搶去魚片的鮮味，魚滑入味，湯料更有多種配菜，薯粉、木耳、大豆芽、豆卜…， 所以口感非常豐富。下次可挑戰中辣。😅😅晚市麻婆豆腐（大）$72特色麻婆豆腐，與外面食到的確有區別，不太麻辣，有自己的風格！👏🏻 這道菜真的忍不住，最後找來他的絕配，一碗白飯😄晚市尖椒皮蛋 $42晚市涼拌雲耳 $38這些小食，絕對不令人失望，而且分量十足。個人覺得如要食辣野，最好係有少少啤酒🍻，幾個朋友一起就最正，人多可以方便多點幾道菜

今晚同至愛喺元朗行街街,突然想食麻辣野,於是上Openrice搜下啦,比麻辣Doi店舖名吸引咗,見到呢間店舖主力做酸菜魚、烤魚和乾鍋，咁啱我哋又喺雞地附近,即刻去試吓!來到店舖地方雖然細小,裝修簡約,但環境同座位都坐得舒服。店員推介招牌菜;有麻辣香鍋、烤魚同水煮大盤酸菜魚。我哋揀咗老壇酸菜烤魚（小辣），本身配料份量已不少，有海蝦、雜菌、芽菜、豆卜同酸菜,我哋再加咗蓮藕片、娃娃菜同萵筍令配料再豐富些。鱸魚屬於中至大條，炸後外皮香脆,肉質嫩滑,師傅拿捏炸魚的時間剛剛好，食得出是新鮮魚，就算比酸辣湯煮浸後都很鮮甜,香口得來帶點甜酸又有微微麻辣,真係配絶。小食叫咗口水雞, 雖然見到好多紅油,但只是微辣,雞肉非常嫩滑, 雞皮爽脆,連怕肥的我都連皮食,一啲都唔油膩,值得一食。小炒我哋揀咗椒鹽海蝦鮮蝦連殼炸得酥脆,脆到連蝦頭都可以食埋,蝦肉爽口彈牙,連同椒鹽一齊食超野味。主食每人一碗米線和薯粉,用上酸菜湯底,兩碗粉份量十足，食完兩個都捧住肚走，幸福滿滿。

收工好想食辣野刺激下呢一邊好多餐廳選擇，今晚食呢間試下小店入面有6至8張枱有卡位坐得舒服 等左一陣就有位了門面睇到7:30前有8折下次早啲黎先入到去睇餐牌好簡單 唔會有好多選擇不過咁先好 揀左一個主菜一個小食一個小炒兩個人食啱啱好口水雞最緊要個醬個醬夠麻夠辣呀！紅油適中唔會太多有雞髀位有雞翼有雞胸雞肉都夠滑唔會鞋叫左個微辣水煮牛下次可以叫小辣呀！雖然越食越辣不過又唔會係死咸死辣，都好夠香個湯我都飲左唔少牛肉非常多唔孤寒而且好滑唔會有筋配料都好多呀有豆卜大豆芽雲耳同埋最重要嘅薯粉薯粉係幼身嘅，有啲似粉絲吸左啲湯好惹味小炒叫左椒鹽海蝦一上枱勁香勁脆口 蝦肉又爽口然後出奇地好辣不過辣到會想繼續食不過辣到要叫野飲王老吉同食辣真係最夾滿足的一餐不得不提我食左個幾中外賣單不停有不停有疫情期間可能少人會出街食不過外賣咁多人叫 證明間野有實力員工勁nice 下次會再黎

天氣轉冷，最適合吃辣辣雞鍋暖身。元朗區食店林立，這間川菜小館是我至愛。餐廳地方整潔，燈光柔和，令人感覺溫暖！先來一客四川小食"涼拌雲耳" $38～雲耳口感比木耳薄，吃起來更加爽脆，酸酸甜甜的口味，令人食慾大增。滑雞香鍋 $288 另加配菜～微辣，雞鍋好像怎麼都吃不厭，醬汁濃郁，香辣惹味，吃完嫩滑雞件，再吃蓮藕片、金菇、土豆片、娃娃菜、豬紅、肥牛，滿足！魚香茄子 $72～川菜中不可不叫的魚香茄子，很惹味，佐飯一流。令人意想不到的川味小店

今日同朋友到元朗食飯，我們一行四人去到時候不需要等位就可以入座。我們叫了一個酸菜烤魚同牛肉香鍋，其中牛肉香鍋加了萵苣、凍豆腐、牛柏葉、魚腐、豬紅、貢丸作配料，辣度都叫了微辣。另外再加了兩個小菜，分別是麻婆豆腐同金菇肥牛娃娃菜。還有點了兩個小食尖椒皮蛋和蒜泥白肉。還叫了薯粉同米線作主食。首先來的是酸菜烤魚，它會有個火在下面燒，烤魚本身炸過，外面表皮脆，而入面不多骨同肉質嫩滑。入面還有酸菜，蘿蔔，蓮藕同菇菌，味道不會帶鹹，酸中帶點點辣。再來是牛肉香鍋，牛肉滑而不老。這個比酸魚辣，不過因為炒鍋，香味比較濃烈。而其他配料都炒到入味。小菜麻婆豆腐的豆腐滑口，又不會鬆散，味道不會太辣。小食中皮蛋入口香麻，味道不錯。整體而言，味道不錯，香辣之中又不會過於偏向一方面。另外食到真的很飽。