鼎泰豐

营业中

休息中

知道喺做嘢附近要開間鼎泰豐，作為小籠包既super fans一直都好期待之前都有喺台灣鼎泰豐食過，每隻小籠包既比例都真係好完美，個皮既厚度，啲接既口感，到包既大細同湯汁既分量滿心歡喜黎食屯門分店，先講鋪面派飛既員工，態度好麻麻，入座、嗌野食、上菜既時候員工態度都係一般。可能本身期望佢會學台灣既服務，結果都係港式，有啲似去飲茶既feel😂係我期望過高自己一個嚟食tea，本身係諗住嗌兩籠小籠包滿足下，諗諗下都係嗌左一籠先，唔好凍左：佢一籠六隻，不過好細隻，同其他餐廳比較，佢應該係人哋六七成size皮算薄，夾嘅時候都無爛。不過！佢既接口太厚，好影響口感，唔知係皮無壓到外薄内厚定係接得太多接，但我以理解幾多接應該係有統一過，台灣食又或者其他分店都無咁厚粉，所以應該係壓皮既時候咁啱個師傅問題😅你問我，我只會俾6/10既分好彩淨係嗌左一籠先，否則會係大失望，諗諗吓都係嗌樣其他野，於是：油豆腐粉絲湯呢個反而有驚喜！佢既油豆腐口感好軟厚，然後用腐皮包肉碎組成嘅春卷都好香好夾，加上最愛嘅粉絲，呢個反而係好唔錯既配搭，可以一試！

新開喺屯門嘅鼎泰豐一直未有機會去試，難得食肆開到九點，同朋友苦惱去邊度食咩嘢，突然諗到就決定去！ 😂禮拜六下晝五點幾去到，攞到飛見要等30張枱，於是落樓下買杯奶茶，返嚟經過號一張😝如果過咗五張就要重新攞飛，都算幾好彩😆😆「小籠包」味道可以但肉質欠佳，不過同台灣食嘅真係爭好遠 「高湯蒜蓉油麥菜」正常水準不過略嫌份量一般 「蝦肉雲吞湯」全場最差⋯寡淡無味，蝦肉又少又唔出味，真係不如街邊$30一碗嘅鮮蝦雲吞🌚啲肉同小籠包一樣，真係口感唔好 「排骨蛋炒飯」 全場最滿意係呢個～個炸豬扒朋友話有種豪大大豬扒嘅感覺🤨我都唔知係贊係彈🤣個蛋炒飯都正常水準～全場茶水$10一位，有加一，入座限時一個半鐘，上菜都算快，服務員會係咁收走啲空碟（雖然我明要保證翻桌率，但真有少少趕客feel）环境：新開都幾乾淨簡潔亮麗，都有幾多張枱，就算人多應該都唔會等太耐

疫情影響，店舖延期至最近終於開張。開張後日日都滿滿人潮。今日放假特意早到排隊，都等左30分鐘左右。入到去坐左一張大檯，因為限聚二人。點左一籠原味，一籠黑松露小籠包。看似外表冇咩特別，咬落去d汁流出來，有半匙滿，皮薄餡靚，真係啖啖肉。黑松露小籠包價錢接近二百，但每個入面都滿滿黑松露，對得起這價格，值得一試。另外點左擔擔麵同紅燒牛肉麵，都係不失小準既主食。擔擔麵調味恰到好處，愈食愈開胃。紅燒牛肉麵有牛展，牛筋，煮到Q彈易入口。麵同湯底就還可以有待改進。總之，小籠包才是主角，吾食走寶！

一定唔會有下次，首先小籠包出到嚟完全唔熱，牛肉麵啲湯都係暖既，但係價錢偏貴。仲有唔好嘅經歷，今日星期六去識人比較多，因為有限聚原因2人一卓，咁等咗都九個字就入咗去坐，坐低冇耐右邊嗰張枱轉左去卡位佢哋想轉，咁我哋冇你坐返喺度，然之後一個職員上嚟話轉枱，淨係2個字，原來佢係叫我哋轉枱，冇禮貌不特止仲好似奉旨咁，咁大間餐廳唔可以咁自私，自己安排唔好就要人哋轉枱，仲要係咁啱隔離枱轉左枱上我哋轉埋枱俾佢，2+2咁 。真係唔會有下次

-🦄鼎泰豐 @dintaifungtw-你冇睇錯😌係排左100張檯先食到嘅鼎泰豐😟近排屯門 @vcityhk 新開嘅鼎泰豐😌😌好似無時無刻都好多人咁🥴星期日去就預左多人🙈最後等左大約1-1.5小時🤤仲要其實好多人走左😌唔係我諗時間要雙倍咁計😌真係等足100張檯架🌚不過感覺入面啲員工都好NICE😏服務都唔錯嘅😗應該有部分係台灣分店來嘅🙈雖然我都唔清楚😂好啦介紹返我地叫左嘅嘢食先😛有下列8樣嘢‼️-🤎涼拌黑木耳 Hkd56Rating🌕🌕🌗🌑🌑前菜我就叫左呢個涼拌木耳🤤基本上我好鍾意食呢個前菜😛去好多地方都會叫食落有淡淡嘅花生味🤣但其實應該係麻油味我估木耳細塊易入口👍🏻而且夠爽口😌應該幾新鮮‼️之不過有一樣野我個人唔係太鍾意🌚👋🏻👋🏻就係佢有好多薑😭我好討厭食薑🌚真係好討厭😿所以當啲薑撈埋個木耳食我覺得隻味好怪接受唔到不過呢個只係我個人嘅口味問題😂可能你會好鍾意-🤎香菇素餃 Hkd66(6粒)Rating🌕🌕🌗🌑🌑素食人士唯一可以叫嘅餃子🥟我諗都係得香菇|粉絲同埋豆乾等餡料皮都叫做薄嘅👌🏻👌🏻而且餡料份量都足夠👌🏻雖然唔係爆餡🥱但我就覺得佢有啲乾身😮蒸餃嘅水份都好重要💦冇期望佢好似小籠包咁會爆

尋晚喺屯門鼎泰豐叫外賣，店員畀漏咗個香蔥拌麵，我哋即時打電話去屯門店。當時店員話就閂門，我哋就決定第二日去攞返。第二日4點幾我哋打去確認會去攞返個麵，因為特登揸車過去攞，所以打算食埋堂食，店員話堂食要先攞飛，我哋網上攞飛後約20分鐘到達店舖，諗住事先同店員講聲我哋要補返個香蔥拌麵，點知店員話如果係咁要收加一。我哋覺得奇怪，明明係尋晚店員畀漏嘢，我哋今日再去幫襯，竟然話個麵要收返加一。我哋表示咁樣唔合理，問咁我外賣但喺店內叫其他嘢一齊食得唔得，店員話唔得！明明係佢哋做漏嘢，最後一句唔好意思都冇，仲一定要你外賣拎走！今時今日香港人想食餐飯真係咁難？？？然後當我哋去同店員講嘅時候，在場嘅經理表現出根本唔想我哋堂食，然後拋低一句「咁我退返錢畀你啦」，就走咗去，畀人不負責任嘅感覺，最後佢退錢後一樣即刻走咗去。外賣食物質素正常，係鼎泰豐應有水準，但等待時間過長，等咗45分鐘，仲要最後畀漏嘢，仲要咁樣嘅服務，以後都唔會再幫襯。

上星期六係某外賣APP訂購外賣自取有7折，今個星期六已調整為有8折, 好彩仲有優惠碼$300減$80！今次試埋其他想食的東西, 叫左6樣野:蝦仁燒賣(6個)$86呢份蝦仁燒賣係由小籠包轉變以來嘅，內涵係小籠包嘅肉，皮比小籠包多兩層，比小籠包厚，上面加咗一粒蝦仁菜肉蒸餃(6個)$60一般菜肉餃嘅味。紹興酒醉雞$80紹興酒分開上，雞肉本身都已經好入味，雞胸肉都好滑。蝦肉紅油抄手(6個)$68醬汁辣辣地幾好食，皮滑。台式紅燒牛肉湯$78有三件牛展及一件牛筋，味道不錯。千層油糕(2個)$48未食過，諗住試新野，點知就出事啦，其實佢就係整到千層糕樣子的饅頭。一早已經係某外賣APP落單，預約左19:00提取，我等到19:15才出齊食物，張單據都打著17:12發出，我呢張Order 足足要做2小時3分鐘連後過我時間的人，都先過我取貨

「鼎泰豐」是中式餐飲品牌的管理皇者，它將每一個服務及烹調程序標準化，並輯錄成書，讓全球員工跟循。但並不墨守成規，楊老闆是非常好學，經常出訪不同食肆酒店觀摩，見人家優點便即時記錄在案，翌日早會與下屬商論是否從之。業界稱鼎泰豐為「細節之皇」，有幸自己曾去台灣總店考察，眼界大開，驚嘆餐飲管理可弄至如此優秀，印象至深琅琅上口的例如：推行員工微笑獎金、每位員工都是食物檢查員、上茶同時要為顧客加茶、完餐清檯需遞上濕紙巾、每粒小籠包尺寸溫度規範等等.....還有很多很多，馨竹難書。記得當年邊學邊抄，抄得滿滿幾頁白紙。管理學常言道：標準SOP易寫，但員工有否確切跟隨是非常困難的。屯門VCity鼎泰豐，開業不足一周，率先前來朝聖，也看看有否緣份再遇楊老闆學習。聽君一席話，勝讀十年書。Vcity的開業其實一波三折，先是肺炎肆虐延遲啟業，再來開業後翌日立即出現員工確診即時停運，現時總算穩定下來便來惠顧。車泊在商場方便，但要消費滿$500才享免費泊車，食肆二人限聚令下不能良朋歡聚，只得獨自倆人孤芳自賞，$500太多了吧。大門口依舊旁邊為點心廚房，帶有長型玻璃，顧客可以在門口細賞內裡工作之廚師紮實功夫。此乃全球

是日屯門閒逛，本身午餐就想食，可惜太多人，肚唔爭氣等唔到唯有夜晚早少少食當下午茶咁5點左右坐底，叫左小籠包、牛肉麵、炸醬拌麵野食都好快送上，順帶一提，壺茶真係幾香，埋單時問一問係咩茶黎，姐姐答係台灣烏龍1.小籠包名不虛傳，皮薄均勻，唔會話邊忽太薄太厚影響口感或穿皮易漏湯汁。湯汁都唔錯，唔會太咸，肉函肥瘦比例適中，唔會話太肥好油膩嘅感覺，又唔會太瘦影響到口感。非常之出色2.牛肉麵多年冇見，湯底好像不似當初濃郁，或是已改良版不得而知值得讚嘅係有牛筋向度，本人鍾意食3.炸醬麵，老實講，唔係唔好食，不過性價比唔高，份糧比較少，而且味道唔算好突出整體來講都係值得再幫襯嘅食肆，店員有禮貌抵讚

屯門最近新開鼎泰豐，台北同尖沙咀既分店以前都食過好味，今次係二人限聚下唯有試吓外賣啦。包裝精緻易攞，價錢方面就沒有任何外賣優惠，其實都唔平，但可接受啦。由於外賣，始終小籠包真係要蒸好即食，所以攞到返屋企已經唔夠熱，但味道係唔錯既，希望疫情快啲完結可以再試堂食。另外仲有買咗菜肉紅油抄手同排骨蛋炒飯，紅油抄手個汁會分開上，食既時候先淋上去，幾細心，都係嗰句，不適宜外賣但味道確實ok既，只係唔夠熱辣辣。排骨蛋炒飯啲排骨好味，炒飯又唔會好油。整體來講係唔錯只係因為外賣而影響少少，堂食應該好好味。

上OpenRice及app搜尋搵好嘢食，app彈咗Din Tai Fung出來，呢一刻我先知道鼎泰豐在屯門V city開了，喺app訂購有七折，咁優惠我當然唔會錯過啦！額外優惠碼在折實後買滿$300仲有得減$80！即刻上網睇吓其他店嘅食評，搵啲人氣推薦食物，結果如下：小籠包(6個)$66香酥蝦餅$78台式擔擔撈麵$56醬汁黃花魚$64排骨蛋炒飯$90台式酸辣湯$58四喜烤夫$58人人都講到鼎泰豐出品頂瓜瓜，所以我嘅要求都相對提高左。以本人嘅口味來講，每樣食物都只可以叫正常出品，一間餐廳應該要有嘅正常出品，唔可以叫好好食或者頂瓜瓜，因為呢七道菜都沒有驚喜的味道，除咗四喜烤夫佢比其他食店做得較好。如果嗰樣食物好味，你個腦會好想再encore，快啲有下次再來的想法，Sorry呢一餐真係冇encore嘅想法。所以只可以叫合格，正常，係好味嘅，不過唔會刻意再嚟下一餐。要稱讚嘅係包裝上很好，冷盤及熱食佢有用紙皮隔開，酸辣湯有額外用食物袋包住。趁app仲有呢啲優惠我都會繼續試埋其他出品。

vcity 既鼎泰豐終於開喇 等左好耐終於可以試 新開當然多人排隊 諗住搵日行閒日避開食飯時間會少人啲 結果三點黎到都要排好在排左差唔多半個鐘終於入到💕可以懷念台灣既味道🤤✨小籠包 $66熱辣辣上檯 皮薄多汁 唔會一夾就穿👍🏻配薑絲同醋食 入面超多汁水真係食完一個會即刻想食另一個🤤✨乾拌菜肉雲吞 $64個皮厚薄適中 索得晒啲醬汁唔會好鹹 咬落用料飽滿✨蝦肉紅油抄手 $68我鍾意佢既汁 唔會好油 但又夠味蝦肉都多 唔會煮到好鞋✨台式擔擔撈麵 $56花生味好香 但唔會好濟 見佢入面仲有啲花生碎 個汁既份量撈面係岩岩好 不過可以再辣少少 ✨鮮肉包 $19一粒包黎講係有點小貴 包皮唔會太厚 肉都幾紮實 但如果咬落肉汁可以再多啲就好其實都幾好食既 而家疫情少左出街食 又冇得去旅行 黎食下懷念台灣既味道都唔錯 不過如果要排隊食就唔係咁值得🙂 可以等遲啲熱度過左少啲人排先再黎食