鼎王麻辣鍋 (The LOHAS) (已結業)

同大學同學好耐冇見 想打邊爐又想搵啲地方坐得舒服啲唔會太嘈最咪就揀咗日出康城嘅呢間鼎王 之前去台灣次次都食 原來香港都開咗我哋就叫咗個鴛鴦鍋，麻辣同埋酸菜白肉，一個人$68，兩個人都係$140，不過就係可以無限添加鴨血豆腐同埋酸菜，我一個人都食咗10幾塊鴨血😌😌絕對回本😂食得好爽 另外就叫咗牛舌 $108 薄薄地淥5至10秒已經OK，厚薄度啱啱好，唔會太老，唔錯綜合餃 $108 入邊有六隻蛋餃同埋六隻魚皮餃魚皮餃正正常常不過蛋餃唔錯，特別係個皮好香蛋味，比較少食到梅花豬肉 $108酸菜白肉鍋本身已經送咗啲豬腩肉 半肥瘦居多 想健康啲叫咗豬梅花肉 七成瘦三成肥 雖然就冇豬腩肉咁香 不過放落麻辣鍋嗰度都唔錯 吸左啲味 總括嚟講食物質素唔錯，雖然價錢偏貴，勝在鍋底可以無限添加鴨血同豆腐，另外仲有免費白飯可以任裝，絕對食到飽到捧住個肚離開，鍾意食鴨血同埋滷水豆腐一定要嚟試吓，Dradra都encore 左最少五次😂😂

平日晚上嚟到鼎王係康城嘅分店，都有唔少人。2個人點咗雙併湯底，分別係小酸同小辣。呢個辣度配埋店家係醬料區提供嘅酸醬，剛好可以食到。麻辣湯底任食嘅豆腐同鴨血真係好好食。鴨血超大件。白肉點埋醬料區嘅腐乳醬真係好夾。配料選咗安格斯肥牛同埋羊肉。羊肉唔會好穌，個人嚟講覺得牛肉比較好味。蛋餃係食台式火鍋必點之一，呢度份量大隻之餘仲好多隻。蟹滑係第一次食，都唔錯，好足料。另外仲點咗一份白菜。嘢飲點咗一杓低糖茉莉茶。甜到好自然，淡淡茶香。臨走前仍然8成滿,果然係人氣火鍋店。

鼎王位於康城 The Lohas 商場二樓，屬於香港第二分店，真正來自台灣口味的過江龍。餐廳差不多沿用台灣的一套，火鍋湯底味道，食物質素，店員服務等等，均令客人有身處台灣火鍋餐廳中。火鍋湯底選擇比較簡單，麻辣鍋，酸菜白肉鍋，鴛鴦鍋，辣度酸度均可選擇，鴨血豆腐酸菜屬於無限添加，最令客人感到舒適的是店員服務，鴨血豆腐酸菜及湯底均自覺適時添加。鴨血及湯底與台灣味道相同，鴨血有咬口，配搭麻辣湯底一流。其他食材如牛肉，羊肉均屬上品，美國安格斯牛肉肥瘦適中，羊肉有少羊羶味。推介手打蟹滑，蟹肉味道極濃，蟹滑彈牙。

之前去台灣 有幾間火鍋係我成日去嘅鼎王就係其中一間依家香港都有兩間分店我鍾意去將軍澳 人少啲 限時都冇咁嚴謹係令人懷念嘅鍋底呀酸度辣度都可以自己揀 唔夠味可以再調整鼎王啲鴨血超正 滑溜得嚟又多汁次次嚟都食勁多㗎 梅花豬肉無論放酸菜定麻辣都一樣咁好食滷水拼盤加落麻辣簡直係perfect match呀呢幾款都有得散叫但拼盤每款分量少啲樣樣都可以試到我就最愛豬大腸喇完全冇臭味 中間有少少肥膏好香特選去骨雞髀肉比較厚身 煮耐啲都一樣嫩滑綜合餃（蛋餃 魚皮餃）蛋餃係台灣直送㗎 薄薄嘅蛋皮包住豬肉餡正宗台灣味 必點！之前去台灣食完 店員都問洗唔洗打包但作為遊客又點會打包呀旅程咁短 咁多野要食喺香港就唔同喇 今次我兩款鍋底都有打包店員幫我加滿晒鴨血豆腐同酸菜第二晚仲可以喺屋企打多次邊爐 超抵😋😋

最記得當年第一次去台灣旅行就是去鼎王吃火鍋除了好吃的火鍋外 最令人印象深刻就是店員每次服務後都會90度鞠躬 當場被嚇到香港店的服務態度一樣好 但就沒有90度那麼誇張了上了壺蜜桃茶 香香甜甜的點了鴛鴦鍋 一半麻辣 一半酸菜跟台灣一樣 也是鴨血豆腐酸菜吃到飽的店員看你吃得差不多就會主動來加鴨血超級嫩 有點彈性 筷子夾下去也不會散開吃麻辣鍋必點的滷水系列點的是拼盤 有豬腸 豬肚 牛肚其實上桌已經可以吃了 滷得很入味但放進麻辣湯 讓它吸滿麻辣香味 滋味會再提升也是麻辣鍋必點的 台灣直送老油條跟港式油條不一樣喔 台式比較硬的放湯裡燙個3~5秒既能吸到麻辣湯汁 又能吃到脆脆的口感豬梅花豬肉跟酸菜鍋是絕配啦

見咁多好評所以一直都想試吓，職員服務的確幾殷勤，會主動添加豆腐同鴨血，亦都會主動加湯同介紹食物應該要煮幾耐但食物質素完全唔掂，叫咗麻辣同酸菜白肉鴛鴦湯底，麻辣唔夠麻，酸菜白肉湯嘅酸菜完全唔係台灣食嗰隻。叫咗$440套餐，特登加$88以為升級牛小排肉嘅質素會好啲，點知完全食唔到有牛味。其他食物嘅質素包括老油條同蛋餃，遠遠不及台灣。諗住俾次機會叫一啲套餐冇嘅嘢，啲蝦滑完全唔係蝦滑，而係雪到冰囇仲未溶雪嘅一舊物體，無從入手點樣放落湯度。如無意外應該不會再嚟，兩個人食咗差不多成千蚊但完全冇滿足感

鼎王是我在台灣食到回港都必去的火鍋館,尖沙咀店食了數次食物質素也是正常😍不知是否將軍澳出了這個特惠套餐,價錢略為便宜,所以出來的食品就有啲出事了（最出事就是這碟五花去骨鮮牛肉）韌到連咬都咬唔落, 但良心講一句其他的食物也是可以的,這個套餐還有手工蝦丸,香滑蛋餃,滷豬肚,老油條,鮮甜蔬菜盆及粉條,但我都是跟食物從業者講一聲好了,不要為一碟肥牛肉,令多年幫襯的顧客吸食客失望及放棄光顧,但有一點要讚的是他們的服務水平和台灣總店都是一樣殷勤的👍👍👍

一早Book左位4位7:30，去到職員比左間大房我，間房大到可以12人坐，要求坐返張細枱，都要等20分鐘先可以，完全唔明分位安排。 入到去叫野食，先收每位$68火鍋鍋底錢，已經收左$272，再叫左牛肉腩肉海鮮拼盤$786，6隻蛋餃同6隻魚皮餃已經收左$108，完全唔抵食。服務費貴到不得了，4個人收$158，連埋每人$68，1個人未食都已經收左$107.5。最尾總數$1734，埋單比錢仲要問人比唔比小費，人均$430，真心我去食$300幾蚊放題仲抵，完全唔值得去食。

若要提到台灣的麻辣火鍋，不知道大家會想去唧一家呢?最近就和朋友來到其中之一間頗有小名氣的 -  鼎王麻辣鍋有得訂座，用餐時間是1小時30分鐘，另外還設有最低消費~每人$200裝修是走中華風的風格，不過略嫌桌與椅子間有點太近，所以感覺有點窄。下單的話直接在平板電腦選就可以囉～而且上餐速度滿快的！提供的應該是 桃茶，喝起來甜甜的很不錯。另外還有醬料和香菜可以拿，這些跟茶都是不需要收費 湯底的話，我們選了的是 - 鴛鴦鍋 ($68/每位) 一邊是麻辣鍋，一邊是酸菜白肉鍋而且辣度和酸度都可以根據自己的接受程度來選。最後我們選少辣少酸，不過吃完之後覺得酸和辣可以再加一個等級麻辣鍋內有鴨血和豆腐～前者很滑溜，而且每一舊也很大一塊！後者的豆腐很入味可能因為選了少酸的關係? 酸菜真的沒有很酸 ...湯底本身都好夠味，所以不另外沾醬也可以，不過加香菜更吸引!!吃麻辣鍋的話最先想到要吃的是羊肉就點了 - 御選小羔羊 ($168/150g)切得薄身很快就熟～肉質鮮嫩且有少許的羊羶味 牛拼盤 ($488) - 一盤有數個部份的牛肉，有牛白肉、牛頸脊、安格斯肥牛、封門柳和牛邊抓封門柳的肉味較濃厚，而且油花相對沒

鼎王麻辣鍋嚟咗香港已經一段時間，終於等到熱潮減退，唔使等都可以食到。是日有要事要去將軍澳，所以就順便去試吓台灣過江龍火鍋。第一次喺台灣食，其實已經好鍾意，係台灣嘅水準好高，每次去台灣都必定會去鼎王或者無老鍋☻︎☻︎坦白地講，見到價錢已經有啲失望，因為一個字，貴。今日我哋叫咗個限定優惠，一碟180g牛頸脊+180g日本黑豚肩肉已經要$528∴∴∴份量亦都唔多，立即有啲掛住港式火鍋嘅本地手切牛ᜊᜊ不過其實肉嘅質素係唔錯嘅。我哋叫咗鴛鴦鍋，辣度同酸度都有得揀，呢個亦係賣點之一。由於有無限量供應嘅鴨血同豆腐，再加酸菜，其實唔使嗌太多食物都已經可以好飽。另外我哋仲有叫魚皮，配麻辣湯底一流。其他食物例如芝心丸，魚皮餃，就不過不失。最後兩個人叫咗少少野買單要$9xx...整體來講，食物係有質素，但係如果有得揀，喺香港我會揀返港式火鍋，鼎王麻辣鍋，我諗我都係留返係台灣先食啦✌︎✌︎

朋友因為結婚要實行生酮飲食，咁打邊爐唔食粥粉面飯未ok lar! 😅想試呢間好耐，之前同行嫌太貴，又book唔切檯，今次人小小，就去試下，重要去將軍澳呢間咁偏遠，原來大家都係第一黎日出康城🤣大鄉里出城以為細佬識人有咩著數，點知⋯⋯⋯淨係俾左必食推介：杞子菊花茶、鴨血、瑤柱滑。真心係算貴嘅，特別係蔬菜類。（但係點都要叫一兩分蔬菜嘅）湯底要咗鴛鴦鍋，一邊當然係麻辣啦，另一邊就係酸菜豚肉。麻辣湯底鴨血同豆腐係無限添加㗎，我仲一路搵緊Menu點解冇鴨血呢個item！ 我哋都加咗五六次，食呢啲都食飽咗一半，豆腐吸晒麻辣湯😋反而估唔到個酸茶豚肉鍋係反高潮！（咁啱當時有少少頭痛，食咗先才舒服咗好多）肉類叫咗康城住孖寶-和牛/豚肩肉（竟然係和牛唔係太好食，會唔會關我淥嘅技巧事呢？）嘥晒啲和牛添😥叫左個豆皮，仲以為係未炸過嘅腐皮，原來咪又係響鈴？我唔太喜歡吃細佬推介嘅瑤柱滑真係幾唔錯，啖啖瑤柱絲👏仲有杞子菊花露唔太甜食咗咁多打邊爐好嘢飲番幾杯清下熱貪得意叫咗杯翡翠檸檬🍋，原來就係檸檬沙冰，相比之下大家都選擇飲杞子菊花露。題外話見張單打咗話OpenRice book枱有九折但係佢打出嚟嘅銀碼又唔係10%嗰

日出康城個商場開左咁耐，趁今日放假過黎行下，行行下竟然見到來自台灣既鼎王，未有得去旅行，食住回味下先。一入座，店員非常細心講解坐位上既配套，例如櫃桶入邊有紙巾牙籤，亦有usb 充電位，岩曬一邊打邊爐一邊打卡又唔怕無電啦。兩個人叫左鴛鴦鍋，一個係酸菜白肉另一邊係麻辣鴨血，食材多由台灣直送，如果點招牌鴛鴦鍋可以任食鴨血豆腐、酸菜，白飯都是無限量添加👍🏻配料方面叫左上選牛小排$308，萵筍$68，小卷魷魚$88，一品蟹滑膏$108，日本帝王蟹棒$68，另外再叫咗一渣低糖蜂蜜茉莉茶$58。所有食物都好新鮮，我最鍾意就係日本帝王蟹棒，有別於平時一般打邊爐嘅普通蟹柳，呢個真係有蟹味，而且又大條。總結： 香港嘅鼎王火鍋拍得住台灣， 質素好服務好性價比高👍🏻👍🏻希望限聚令完咗之後可以再同多啲朋友過嚟食😋

好日唔黎開將軍澳，今日去開日出康城睇樓，見到個商場有間台灣必食嘅鼎王麻辣火鍋，一於試下。入邊嘅裝修非常之古色古香，店員亦都好有禮貌地細心地推介每一個設施，醬料，菜單。點餐係ipad 自行點餐，而家仲做緊晚市優惠， 啤酒買二送一，可惜同行嘅另一半唔飲啤酒的😅我地二人叫左鴛鴦鍋，酸菜白肉+麻辣鴨血，可以揀酸度同辣度。另外，鴨血豆腐、酸菜都是可以refill👍🏻 鴨血我一共叫咗幾次，因為真係太好食，其他餐廳完全做唔到呢個質素，推介！上選牛小排$308: 新鮮肉質靚萵筍$68: 普普通通小卷魷魚$88: 好新鮮， 大概20秒就可以食一品蟹滑膏$108: 期望過高，下次會食返普通墨魚滑會比較彈牙。日本帝王蟹棒$68: 都幾大條同蟹味濃低糖蜂蜜茉莉茶$58: 兩個人飲一渣啱啱好總結： 好味😋

媽媽就嚟生日話想食麻辣火鍋, 於是今日小妹就帶左佢去鼎王試下! 餐廳環境幾大, 怖置充滿古式中國風! 每張枱都十分寛闊坐得幾舒服, 食物係用電子下單方式, 而醬料同白飯🍚就可以係出面自取! 🌟水蜜桃茶🍑☕水蜜桃茶飲落清清地帶水蜜桃香幾好飲! 🌟烏梅汁落左單之後店員就拎左一大壺烏梅汁比我地, 烏梅汁冰涼冰涼, 酸酸甜甜好開胃🌟鴛鴦鍋 小妹叫左鴛鴦鍋, 酸菜白肉拼麻辣火鍋, 因為媽媽唔食得太辣太酸, 而辣度同酸度方面, 小妹就揀左小辣小酸, 酸菜同鴨血都可以無限添加! 對於唔太食辣同酸嘅小妹媽媽都覺得小辣小酸唔算太辣太酸, 下次可以揀中辣中酸都得! 鴨血大大件, 食落唔腥幾滑好惹味, 豆腐亦十分吸湯! 酸菜同白肉都極多, 食落好開胃!🌟牛小排🐂配去骨雞脾肉🐔牛小排味道鮮嫩, 雞脾肉柔軟滑溜🌟手工蝦丸🦐👍🏻手工蝦丸有一粒粒蝦肉係入面, 非常非常鮮甜彈牙爽口, 好好味!🌟香滑蛋餃🍳🥟外皮好香蛋味, 咬落去肉饀味道岩岩好唔會搶左蛋嘅味道, 淥嘅時候亦無散開!🌟老油條超級香脆, 沾湯食超吸湯, 就咁食都好鬆化, 擺左係到一陣都依然keep到咁脆!🌟萵筍切得幾薄, 淥完之後口感超爽脆!🌟粉條質感順滑

一直都知道依間鼎王麻辣火鍋好出名，喺台灣度人氣好高，原來開咗一間分店喺將軍澳嘅康城，仲要好近地鐵站，喺the lohas 2樓，行幾分鐘就到，梗係搵埋朋友過嚟一齊食啦🤩出乎意料地好味，一嚟到，環境裝修已經好靚，勁乾淨，而且職員嘅服務態度超好！入到黎食嘢好似貴賓咁，無時無刻都幫我哋加湯、同埋問吓我哋有咩需要，值得一讚💕而且呢度嘅嘢食都好好味，我哋叫咗一個鴛鴦鍋，一個係酸菜白肉，另外一個係麻辣鍋，兩個都勁多料😛 裏便嘅餸都任添👍🏻特別推介嘅係依度嘅豬紅，好滑👅 另外仲有依度嘅安格斯肥牛都係必食，牛肉同埋脂肪嘅比例啱啱好，高質上品牛😋另外仲叫咗一個爽脆白鱔片，魚肉質好滑好香魚味，仲要冇骨，啱晒我啲懶人😚總括嚟講呢間火鍋真係好高質，推介各位嚟食👍🏻