鼎王麻辣鍋 (The LOHAS) (已結業)

今晚相約住在康城的朋友食飯, 佢說開左間正宗台式麻辣鍋 #鼎王麻辣鍋, 之前去台灣都有食開, 大愛佢地麻辣鍋, 任添鴨血豆腐都係一個買點, 故想食鴨血的我們便訂枱食番餐了. 店員幫忙點了湯底，今次選擇鴛鴦鍋, 有齊麻辣鍋同酸菜鍋兩款口味, 麻辣鍋選了小辣, 上湯鍋時已有鴨血跟豆腐在內, 香味撲鼻，酸菜鍋用上高湯配合, 內有酸菜同豬肉跟上。 因上湯鍋時已有鴨血同豆腐, 我跟朋友已急不及待食左一輪, 鴨血厚切大件, 咬落很柔嫩, 滷豆腐則索晒麻辣湯汁精華, 麻辣湯底再配搭餐廳的麻辣沾醬, 我再加入香蔥, 辣得開胃很惹味, 真係忍唔住食完一舊又一舊, 故己飽了一半, 店員隨後又會好主動幫忙添加。 之後加點了白蘿蔔跟日本廣島蠔, 2款湯底都有加入, 白蘿蔔切到薄片, 故煮到入晒味, 日本廣島蠔有成10隻, 隻隻都肥嘟嘟, 味道鮮甜可口。店員不時都會添加鴨血, 換碟加水…, 服務很貼心！

難得今日放早，知道康城地鐵站附近開咗一間台灣嘅猛龍過江火鍋店：鼎王麻辣火鍋，好鍾意食火鍋嘅我梗係要拉埋朋友過嚟試吓啦，估唔到有意外嘅驚喜👅一嚟到，職員招呼得好周到，我哋好似貴賓咁，一開始嘅時候仲送咗一個招呼茶，係白桃紅茶，味道甜甜地咁，好開胃有好清新！之後湯底方便，我哋要左鴛鴦鍋（一個係酸菜白肉，另一個係麻辣小辣），裏面嘅豬紅同埋娃娃菜勁好味，仲要係無限添加，勁抵食🤩安格斯肥牛都係另一樣必食嘅美食，肥牛肉質勁鮮嫩，入口即溶，必食推介！日本黑豚手工丸估唔到咁彈牙咁好食，果然係手工製作，肉質好嫩💕爽脆白鱔片超級爽脆，魚肉勁滑😚最後嘢飲方面我哋要做雪碧同埋三得行生啤酒🍻 簡直係完美嘅一餐，以後再嚟！

今次到將軍澳搵食，鼎王麻辣鍋聽聞不錯，還是最愛的台灣美食之一，環境寬敞，好有中國特色。鴛鴦鍋，兩款都食到，麻辣鍋有鴨血、豆腐；酸菜白肉鍋內有新鮮白肉，爽口酸菜。鴨血麻辣自選辣度，鴨血大塊，入口即化，嫩滑惹味，配上豆腐，任添任食好抵呀。豬腩肉卷得薄身，豬肉味濃，油脂比例重，肉質爽口彈牙，有油脂香。萵筍新鮮翠綠，生食爽口，火鍋煮幾分鐘更嫩滑爽甜，每次打邊爐必點。粉條煮半分鐘即成半透明煙韌寬身粉，口感好煙韌，吸收晒湯底精華。

打邊爐真係好方便，無錯，我又打邊爐啦朋友介紹我過將軍澳搵食，因為鼎王麻辣鍋是台灣過江龍，湯底夠味之外，鴨血豆腐免費任加，白飯任裝。每位湯底$58起，麻辣鍋和酸菜白肉鍋，我要鴛鴦鍋，兩款都食到，鍋是一個鼎款，好特別。鴨血麻辣自選辣度，鴨血大塊，入口即化，嫩滑惹味，配上豆腐，任添任食好抵呀。梅花豬肉豬肉卷排殘整齊，輕灼一分鐘即熟，肉質嫩滑。牛骨濃汁牛丸牛丸大粒，肉質彈牙，肉汁豐富，牛肉味不錯相信配大腸頭或老油條會更惹味，下次再黎試下先

第一個既復活節假期晚餐，朝早經Openrice 訂台。兩家人齊齊用美食展開5連假既序幕。被安排到VIP房坐，感覺好好酸菜白肉拼小辣麻辣鍋件件鴨血都好大件嫁老油條濃香豆皮啤酒買2送1好抵飲。服務都好好呀發生左小插曲，做緊Promotuon,只要喺Fresh~海鮮城買野就可以9折優惠，點知喺未收到通知Last Order既時候就收到張單，要埋單，簽曬卡，先發現冇同佢地Show張海鮮城購物單冇左9折優惠。

是日約了朋友去將軍澳日出康城lunch 由於我們未諗到食咩好，所以去到日出康城先搵食在不經意地見到里間鼎王麻辣火鍋門口有餐牌：午市自選火鍋套餐$298 for 2位心諗正喎！聽朋友講平日晚市1個人都要2百幾蚊，lunch真心平好多，而且選擇都唔少野食好一於食里間。坐低後，我們選擇了鴛鴦鍋-中辣小酸（吾需要另外加錢）食物就order 左五花去骨鮮牛、特選去骨雞髀肉、招牌川丸子、午餐肉、墨魚棒、白蘿蔔同稻庭烏冬，再另叫了一勺低糖蜂蜜茉莉茶最開心就系無限添加酸菜、鴨血、豆腐只系食鴨血豆腐都已飽到暈所有火鍋食品都新鮮美味尤其是五花去骨鮮牛，入口即溶，好有牛肉味勁滿足同超飽一餐

鼎王麻辣鍋 (The LOHAS)將軍澳康城路1號The LOHAS 2樓202號舖台灣人氣麻辣火鍋「鼎王麻辣鍋」次次去台灣旅行一定會去鼎王火鍋！聽到鼎王係屋企附近開左分店真係好開心😍呢到裝潢跟足台灣，同樣古色古香，打卡一流。因為疫情關係，餐廳都準備了口罩套及消毒洗手液供食客，非常貼心。另外，我地重留意到火鍋枱底有USB叉電頭，可以俾食客叉叉電，好有心思。香港同台灣一樣，可以無限免費續加豆腐、鴨血、酸菜！所以非常推薦大家點鴛鴦鍋，可以一次滿足兩種口感！我地本來選擇了小辣小酸，如果覺得唔夠辣度可以隨時加辣！豆腐非常入味掛湯，湯汁香濃，鴨血厚身有口感、入口腍滑，非常好食。配菜方面我地點了老油條，將脆脆的油條放麻辣鍋裡，浸泡數秒就可以食用了，油條吸滿了鍋底的湯汁後鬆軟的口感，真的非常滋味。這個蛋餃非常值得一試，肉餡飽滿、口感細緻、蛋香十足！我地一致有極高嘅評價！肉類方面，我哋嗌左安格斯牛肉同埋梅花豬肉，兩種都好新鮮同埋唔會好肥，夾到個麻辣湯底好正！鮮甜蔬菜盤，造型很精美，蔬菜都非常新鮮，菇類很夾酸菜湯，酸中帶爽口美味！整體用餐相當滿意，員工服務態度非常好，價錢合理，平均每人$200都可以食到

康城the Lohas都開咗一段時間，趁今日放工，就約咗班朋友黎呢度行吓街，順便食埋晚飯先走我哋見到呢間鼎王麻辣鍋，就諗返起以前喺台灣曾經食過，佢啲鴨血好嫩滑😆，所以就決定入去試吓，入到去店員會比口罩套我哋，另外會比一部iPad我哋點菜，非常貼心😝冇幾耐店員亦都會俾一壺茶我哋係蜜桃茶，味道香甜清純🍵唔使再額外點嘢飲都得點菜期間，我哋發現枱下邊有叉電插頭🔌，方便我哋叉手機電👍🏼一開始店員會問我哋想要邊一類湯鍋，我哋都好鍾意食麻辣同埋酸菜，所以就揀咗鴛鴦鍋。肉類方面，我哋揀咗安格斯牛同黑豚肉，而配菜就揀咗比較特別嘅老油條同埋蛋餃，另外再加咗一碟菜🥗過咗冇幾耐，店員就捧左湯底鍋嚟到，聞到非常之香～湯底入邊嘅酸菜，鴨血同埋豆腐都可以無限添加，未等得切啲餸嚟到，我哋已經忍唔住試咗塊鴨血先，同喺台灣食到嘅味道一模一樣，非常之鮮嫩！另外，亦會有醬料提供，其中有一隻腐乳色嘅酸菜醬送酸菜食簡直一流，我哋都畢咗好多呀肉類終於嚟到喇，顏色望到都睇得好新鮮，我哋擺咗落麻辣湯度，吸晒啲辣油食好正🔥老油條炸得非常香脆，淥喺湯底10秒左右就食得，我哋都覺得仲夾過食響鈴😜要贊一下店員非常之細心，佢地見到我哋個湯底冇晒

自從好姐妹搬左去將軍澳之後佢就成日推介將軍澳美食比我～咁啱臨放工係將軍澳見完客，一於去其中一間食啦！第一次去日出康城原來商場好大呀！我地6:30就到所以唔駛等位！店內中式嘅裝潢用心，開揚嘅設計坐得好舒服！店員個個都細心有禮！讚！黎得鼎王，梗係點麻辣鍋！yeah! 繼續我嘅 #食左當去左旅行系列 #台灣篇 ～！GOGOGO! 🌶️🍲麻辣鍋 $58/位：一個好靚嘅鼎，放住好足料嘅麻辣鍋，目測已經有勁多招牌鴨血同豆腐，原來呢兩樣食物店員會主動無限添加架！鴨血果然係招牌！一定要食！好滑好香好入味！湯頭好濃好結身，係好正宗嘅台式麻辣味，我地點左小辣夠香惹味，啱哂食唔倒太辣嘅朋友！🥩梅花豬肉拼去骨雞髀肉🍗 $128:  超。級。勁滑嘅去骨雞髀肉，夠哂爽口同好嫩滑，梅花豬我煮耐左但都唔會硬哂！豬肉味好香，唔錯！  🍘老油條 $68: 就係同響鈴一樣食法囉！一樣係浸一浸煮一煮好拎上黎！半脆半淋之間又充滿麻辣湯嘅味道～正！成日仍住麻辣鍋係要配返食菇類🍄所以點左綜合菇最後點埋台灣名物🍜粉條！煮到透明入哂味太正了！

今晚晚餐跟朋友去他們家樓下食鼎王麻辣鍋聽個牌名 好似好勁 今日試佢手勢😂麻辣鍋湯底口感溫潤、層次豐富鍋底💕😬 無限供應滷鴨血及滷豆腐 十分吸引!!!酸菜白肉鍋底無限供應 酸菜同豬肉😍😍鴛鴦兩鍋口味相遇 啖啖鼎級滋味👍🏻👍🏻點了上選牛舌 精選滷豬耳 滷水味濃郁🤩自家製手打丸 3款不一樣口感😍老油條 👍🏻推薦選擇類型 60分😬價錢60分白飯內用無限供應 （食量旺盛的朋友 可以最後用大量澱粉質完結👀）

台灣鴨血一向有名，能在香港吃到道地的麻辣鴨血非在鼎王莫屬。鴨血似啫喱狀，不結實，咬開後軟綿順滑，猶如豆腐花口感，且麻辣香味完全滲入，口內芳香馥郁。麻辣湯底標配的豆腐，也非常不錯，軟硬適中，也吸收了麻辣湯精華。御選小羔羊，油脂度不高，有嚼勁，少許羊膻味適合嗜羊人士。手工花枝丸，彈牙爽口。魚皮餃，外皮煙韌。完全可以止到台灣麻辣鍋癮。2人光顧，點餐如下：鴛鴦鍋 / 每位 $68 x2 -中辣 -小酸御選小羔羊（150克）手工花枝丸（4粒）一品蟹滑膏（130克）魚皮餃（8隻）午餐肉（8件）虎皮豆捲（130克）加一後，合共HK$741。

今晚冇煮飯去咗呢間打正台灣火鍋店打邊爐坐下來餐廳裝修環境感覺良好一坐低伙記已經通知只有 90 分鐘用餐時間他們說要先揀湯底 我們四個人叫左餐牌上最平嘅牛小排 、豬肉片蛋餃 、油條 、牛肚小吃 、瑤柱滑 、兩個菜我本人推介瑤柱滑 和湯底鴨血其他都可以 不是什麼特別但是四個人埋單 都要 $1900（OpenRice 訂枱有九折）其實一點也不平但係不妨一試😄

鼎王鴛鴦鍋喺台灣好出名，不過我之前一直都冇食過，今次就走到黎康城食。一入到黎，店員就俾咗水蜜桃紅茶我。我真係好鍾意呢個茶，聞落好香，飲落好清。鴛鴦鍋 每位$68酸菜白肉湯底，超級多酸菜，不過白肉就略為少，我哋兩位，每人只係食咗兩片。湯底嘅酸好易入口，唔會太酸，又唔會冇味。出面嘅醬料枱有白飯，可以添，我忍唔住攞咗啲酸菜嚟送飯。麻辣豆腐鴨血湯底鴨血同豆腐都是仼添的，不得不說這裏的服務真的很好，湯底同鴨血豆腐都自動過嚟問你有冇需要加 鴨血同豆腐都超級大，鴨血入口好滑同彈牙，同麻辣湯底真係好襯。安格斯肥牛 $258雖然係比較平嘅牛，但係一啲都唔輸蝕，肥瘦適中，麻辣麻辣湯底都好好食。梅花豬肉 $108豬肉片我就攞咗嚟襯酸菜湯底，佢好快熟但係又吸收左湯嘅味道。台灣一口腸 $58個皮好脆，入面肉汁豐富，黑椒嘅味道都好突出。手工蝦丸 $78同平時喺街市睇到粉紅色嘅下院好唔同，但哈其實又真係咁嘅色。蝦丸超級爽口彈牙，食到中間會食到原隻鮮蝦！好新鮮！不得不提呢個叉電位。呢度除咗店員服務態度好好之外，配套設施都好齊全。有得叉電，旁邊仲有濕紙巾可以自己攞。

一直都好想去鼎王食麻辣鍋，一嘗台式滋味！💗見將軍澳分店最近推出咗平日嘅午市自選火鍋套餐，價位好吸引（＄298 /2位+加一）🥳嗱嗱聲去試下先。 套餐包湯底丶配料6款丶粉麵1款，仲有任食鴨血豆腐，而醬料同白飯就任添🥳另外～指定飲品仲有半價優惠👍🏼真係超抵👍🏼 而用餐時間係1.5小時。◼️湯底叫咗鴛鴦鍋「鼎王麻辣鍋+酸菜白肉鍋」我地唔算好食得辣所以叫咗小辣，辣度對我哋來講啱啱好🥳 而酸菜白肉鍋都有酸度揀😙驚太刺激嘅可以揀小酸👍🏼酸菜都係任食，服務生跟到好足👍🏼見食到差唔多，就會自動嚟加👍🏼◼️鴨血麻辣湯底入面啲鴨血同豆腐～真係勁正🤤吸收晒湯汁嘅精華，勁入味！鴨血大大舊口感非常嫰滑！💗同樣係任食，服務生經常走嚟自動自覺同我地添加～作為鴨血粉絲，淨係食鴨血都食到好滿足👍🏼◼️五花去骨鮮牛薄薄嘅五花牛片💗油脂豐富，滾佢幾秒就食得，肉味十足，肉質都好嫩滑。◼️彈牙墨魚棒很真材實料，入面墨魚爽口彈牙，鮮味濃郁！大大件非常滋味。◼️老油條炸到金黃色好脆口，放入湯底滾兩下，吸晒D湯汁然後食真係正🤤◼️粉條打邊爐真係唔可以少～最後食返碗粉條真係超完美💗 粉條吸晒湯嘅精華，入口順滑彈牙。◼️ 鼎王烏梅汁（套餐+$49)

平時一般喺香港打邊爐如果叫辣嘅湯底多數嘅辣嘅風味都係中國式，例如係重慶辣、四川辣等等，而今次試呢個麻辣湯底好特別一食落去個感覺有少少似沙嗲麻辣味，冇錯啦係佢啦呢個似曾相識嘅味道係台式麻辣風味! 點左一啲平時打邊爐會食嘅例如係一啲菜同埋豬肉丸、午餐肉加埋一啲爽滑身嘅腸類！兩個人食咗三百幾蚊，都飽到食唔晒。原因係因為佢哋嘅湯底嘅配料係可以「無限添加」，包括我哋點左嘅湯底裏面嘅酸菜、鴨血、豆腐等等都係無限添加，😝😝真係食個湯底嘅配料都可以食得飽🤓 而且佢哋嘅配菜份量好多，食物每日款份量都好多，真係冇諗過呢個價錢有咁大嘅分享，都係果句抵食！而且要順帶一提佢哋每一位服務員嘅態度真係非常好，又有笑容又親切又殷勤，好好嘅一次晚飯體驗！