鼎·會館 (已結業)

鼎爺哩排係紅係人都知~ 銅鑼灣個間私房菜要食都要預先book 2-3個月~ 好誇張~ 不過 鼎爺係中環再開多間叫 鼎·會館既粵菜餐廳, 早幾日打去試下book唔book到星期日lunch食啦~ 點知有位喎~ 注定要試佢啦~星期日中午好好天~ 鼎·會館, 係H. QUEEN'S既23樓, 上到去第一感覺係好光猛, 好開揚~ 陳置好高雅~ 上至水晶燈 , 下至俾你放包包的小木櫈, 都顯得每一寸都係心思~ 訂座時已經ORDER咗個午市套餐, 唔細講有乜食啦(睇下圖), 重點講下佢個鮮蟹肉金湯煲仔翅, 蝦籽婆參扣柚皮, 同銀蘿清湯牛坑腩.鮮蟹肉金湯煲仔翅----上枱見到咁大秋魚翅已經嘩咗出聲, 感覺好豪咁~ 金湯原來係南瓜茸湯, 食得出魚翅一早俾高湯餵到好入味, 再加埋鮮蟹肉, 醇+ 鮮+甜, 口感層次多, 鮮蟹肉既彈牙, 魚翅既爽, 哩煲翅好高分~蝦籽婆參扣柚皮----海參好厚, 係上等貨, 炆得啱啱好唔係一味得個"林"字, 保留應有既咬口先係功架~ 汁有陳腿既香味~ 好食既~ 重點來了~ 係個塊勁厚既柚皮, 坊間不少自稱係懷舊粵菜都有做~ 但做得好真係少之有少~ 首先佢入口係即化~

位於中環的鼎會館，是現時鼎鼎有名的藝人兼廚師-鼎爺和擁有超過30年經驗的資深大廚李翔師傅，二人精心合力打造的高級中菜餐廳。餐廳裝修走中國風格，有點北京四合院的感覺，同時以黑白灰為主調，帶點型格風味。坐位有60個和兩間VIP房，VIP要預先訂位呢。行政午市套餐$498/位套餐包括: 燒味雙拼，鮮蟹肉羹湯煲仔翅， 蝦籽婆參扣柚皮 ，金菇粉絲蒜蓉蒸貴妃蚌，紫晶千島脆蝦球，銀蘿清湯牛坑腩，川媽子炒飯，懷舊番薯糖水。燒味雙拼: 燒腩和鼓油雞皮香肉滑的鼓油雞，色澤亮麗，閃亮亮的賣相哦。薄皮滑嫩，皮跟肉之間的脂肪不多，肉質超軟滑，不過切雞切得不太好，雞塊勻連在一齊呢。烤得香脆的燒腩仔，咬下發出脆卜卜的聲音，肥膏甘香，質素不錯啦。蝦籽婆參扣柚皮從沒吃過柚皮的菜式，沒想過柚皮竟能吃呢，聽媽媽說這是一道如今很少見的古老菜式呢。柚皮燉煮過後，質感有點像蘿蔔蓉，粉粉的狀態。海參則燉至軟腍，囗感軟糯，入味香濃。紫晶千島脆蝦球個人來說，超喜歡吃大大的蝦球，每次到中菜館必點蝦球菜式。蝦球質感爽彈，每個都沾滿香甜濃郁的千島醬，濃稠惹味，放上少量紅火龍果肉，色澤更吸引。川媽子炒飯最後每人有一碗鑊氣炒飯。炒飯以叉燒肉粒，

今次再去鼎·會館，是因為同事請食飯。吸取上次教訓，決定單點不叫套餐。點了他的招牌菜火焰叉燒和另一個人氣出品乾炒牛河，在點了個麻香口水竹絲雞和豆卜齋。麻香口水竹絲雞賣相特別，很少遇到用竹絲雞來作口水雞。不過味道不過不失，稍嫌不夠入味。招牌菜火焰叉燒噱頭十足，即席在你面前把叉燒火燒，故此上碟時熱辣辣。用上本地黑毛豬的肋骨肉，肥瘦相間，外層焦脆蜜香四溢，肥肉膏香鬆化，瘦肉有嚼頭而不韌，初時以為用上肋骨會很肥膩，沒想到也不覺得肥，吃了一塊又一塊。干炒牛河也是水準甚高之作，河粉上色均勻，有鑊氣帶少少焦香，牛肉亦軟滑，而且撥開牛河，碟上油亦不多，作為名物果然名不虛傳。甜品本來想點招牌甜品芝麻卷，可惜當日沒有供應，點了紅棗糕和番薯糖水味道不過不失。今次兩個人連加一1200多元，雖然不算便宜，但比起上次叫套餐就真的物有所值得多，兩道招牌菜都真心值得推介。

今日和幾位朋友到中環一嘗鼎爺會館，之前一直約唔到，今日難得可以約到中環第二間分店，鼎爺最近又在電視台播映他的廚藝功架，確實非常期待。今日星期日約了一點和三個朋友午餐，上到去門口已見到有一大個鼎字在門口，有很多侍應招待。我們已預早點了行政午餐A套餐，另加粉絲蒜蓉蒸貴妃蚌，侍應都很細心地替每人鋪上餐巾，我們點了水仙茶，不需自己倒茶，侍應會熱情招呼。鮮蟹肉金湯煲仔翅 - 用上新鮮蟹肉，魚翅份量也不少，加上用煲仔上，每一更都保留著餘溫。燒味雙併 - 燒肉非常香脆，雞肉嫩滑無比蟹籽婆參扣柚皮 - 婆參是上等貨，雖然我不太清楚為什麼這菜式會這樣叫法，但是真的好好味。金菇粉絲蒜蓉蒸貴妃蚌 - 蒸煮時間剛剛好，粉絲蒜蓉比例佳。薑蔥頭抽煎星斑球 - 真正斑球肉，肉質有口感。銀蘿清湯牛坑腩 - 有兩片牛坑腩，牛腩入口溶化，湯底清，蘿蔔淋口。川媽子炒飯 - 用辣辣油炒，每粒米飯炒得分明，不會太辣，正！懷舊蕃薯糖水 - 蕃薯🍠超甜，糖水底很重薑味。總評：鼎爺菜式無得鼎👍🏽

自從看了鼎爺做節目，就一直都好鐘意佢。覺得佢煮野食真係好有心得，真人不露相。知道佢開左鼎會館，一直想同朋友黎試一試，今日難得同朋友約下晝黎食個正嘅lunch，果然無令我失望。餐廳幾闊落，加上古色古香既裝修，感覺都幾有氣派。雖然坐的位置不近窗口，但窗口裝修用落地玻璃，一樣可以望到出面嘅景，而且座位寬敞舒適。但若下次再來會預約窗邊位，氣氛會更好~餐廳午市有兩款套餐，分別是行政午市套餐和鼎級午市套餐。行政午市套餐每位$498，鼎級午市套餐就每位$698。由於鼎級套餐的食物實在更吸引，我們全部都選擇了這個餐。首先是湯和冷盤湯是花膠螺頭燉竹絲雞，十分鮮甜，真材實料，每盅都有一件厚身花膠，螺頭同埋雞件。冷盤亦有驚喜，有凍小鮑魚和凍蝦，蝦爽口新鮮。鮑魚嫩口彈牙。仲有粒話梅，開下胃~上湯焗開邊龍蝦龍蝦鮮甜彈牙，配合上湯的味道剛剛好，唔會太咸，但帶出左龍蝦嘅鮮味，想起也想再吃一次😋四十五頭吉品伴花菇鮑魚咬落非常帶溏心，煙韌有咬口。花菇非常厚身，煮得好淋，好入味，抵讚👍🏻套餐可選兩款自選小菜，我們選了千島醬脆蝦球和頭抽煎星斑球。脆蝦球香脆彈牙，加上千島醬的味道十分match，實在令我停不了口。煎星斑每件都

同朋友即興約食午餐，諗緊去邊度食好，有人提議去拜會鼎爺嘅鼎•會館， 久仰大名，就去幫襯啦。估唔到裡面裝修可以整到好古色古香，很有中國庭園風。有好多屏風間隔，又有門樓裝飾，好像餐廳裏面還有庭園一樣， 陽光充沛，坐得好舒服，心情放鬆曬。我們一行四人，點了個鼎級午市套餐，每位$698。孖寶涼菜，有鼎爺口水雞和酒香話梅蝦，賣相好精緻。這個口水雞同平時食的口水雞不同，不是紅通通的辣油賣相，而是鼎爺式的麻醬涼拌，下低還有涼皮；涼皮是我最喜歡的小吃，喜歡他滑溜，口感煙韌，沾上麻醬吃，非常香！辣味只是微辣，不吃辣的人也能吃到。口水雞有兩片，很滑很香，雞肉十分新鮮。酒香話梅蝦，這個菜色很特別，因為話梅醃製過，酸酸甜甜，蝦去了殼，放在話梅上沾了少許酸甜味，令蝦肉的鮮味更突出，感覺很清新；而且蝦肉新鮮爽口，是鼎爺的創意菜式呢！花膠螺頭燉竹絲雞， 吃主菜前先喝碗湯，天氣寒冷時喝，滋陰養顏。每碗湯裏的材料都配備了一大片花膠、響螺頭、竹絲雞，除了飲到香濃的鮮湯，又甜又溫暖外，還可以吃一大片花膠，吸收了湯的鮮甜味，感覺就是滋補。上湯焗開邊龍蝦，伴碟有一小撮焗薯蓉裝飾，連伴碟的龍蝦汁吃，有濃郁的龍蝦香味；龍蝦肉新鮮，

很開心今日放假同家人一起到鼎會館午餐，平日電視睇鼎爺的飲食節目都知道廚藝出色做出美味創新菜式。來到鼎會館，享受美味的午餐。 餐廳環境裝修中式，亭台樓閣的四合院設計，充滿著古色古香風格，巨型蓮花水晶燈令環境更添氣派！我們點了鼎級午市套餐，每位$698花膠螺頭燉竹絲雞 燉湯味濃郁，螺頭鮮甜， 用竹絲雞做的肉質鮮美又很林👍🏻涼拌孖寶有香麻口水雞& 梅子蝦 香麻口水雞 味道麻香，帶有微辣；梅子蝦帶點酸甜的梅子配新鮮嫩的蝦肉， 而且蝦肉已被剝殼，好貼心！上湯焗開邊龍蝦龍蝦入口多汁鮮甜，啖啖鮮美，夾口彈牙😋😋四十五頭吉品伴花菇 鮑魚炆得好林又很入味， 花菇大大粒，吸入鮑魚汁，更添滋味😆春梅紫薑炒雞球以酸甜的子薑味，汁完全滲入左雞球裏，味道很夾👍🏻薑汁蕃薯糖水 薑汁味香濃好夠薑味，溏心蕃薯好林好美味！😋

家中爸媽睇電視，成日恨去鼎爺間鼎會館，今日老媽生日就同佢地黎試! 餐廳環境好光猛，裝修簡約午餐set 有2 種: 午市套餐($498) 同頂級午市套餐($698)。 一場嚟到就叫左個頂級午市套餐先黎前菜: 涼拌孖寶 鮑魚+ 梅子蝦梅子蝦 ~ 酸酸甜甜的梅子配新鮮蝦，好開胃! 鮑魚彈牙很好之後係湯品: 花膠螺頭燉竹絲雞燉湯味鮮甜， 用竹絲雞做食料，花膠大大塊好正~~ 上湯焗開邊龍蝦龍蝦肉鮮味彈牙，加埋上湯一流，如果再有伊麵送就一流可以撈埋個汁!! 四十五頭吉品伴花菇鮑魚炆得好林又入味， 花菇大大粒，吸入鮑魚汁，更加鮮甜美味！之後再自選小菜兩款: 我地揀咗: 金菇粉絲蒜蓉蒸貴妃蚌 ( 加$45一位 ) 超大一隻貴妃蚌，一啖入口已經知很新鮮，配埋蒜蓉金菇粉絲，十分惹味! 薑蔥頭抽煎星斑球川媽子炒飯/鮮魚湯腐竹稻庭麵因為媽咪想食飯，所以唯有下次先試個麵喇~~ 薑汁蕃薯糖水薑味好濃，好好的一個結尾~

每天都喺電視睇到鼎爺，見到鼎爺刀功，對各種食物認識，烹調方法，愈睇愈吸引，好想試下，適逢同事相約去鼎、會館食lunch,即刻應約啦。燒味雙拼燒肉皮炸到脆卜卜，燒肉喺五花腩位置，肉質好腍，又唔太肥豉油雞雞肉幼嫩，食落重有淡淡豉油香鮮蟹肉金湯煲仔翅蟹肉新鮮、配魚翅及南瓜湯底，味道更鮮甜，又好夾喎蝦籽婆參扣柚皮賣相精緻，婆參腍身，好滑，柚皮完全冇苦味，入口鬆化金菇粉絲蒜蓉蒸貴妃蚌貴妃蚌大隻，爽囗鮮甜，加左蒜蓉香，更為惹味銀蘿淸湯牛坑腩牛坑腩肥瘦啱啱好，切成薄片，牛味濃，凊湯加左芹菜及冬菜粒，味道更吸引春梅紫薑炒雞球雞球吸哂紫薑春梅味道，酸酸辣辣好好食，食到停唔到蛋白杏仁茶，食埋甜品呢餐十分満足

老爸老媽日睇夜睇電視，成日都話要去試鼎爺間鼎會館，今次終於同佢地黎試試鼎級美味喇 ~~~  一入到去，環境好光猛，裝修好簡約，中間巨型蓮花水晶燈好搶鏡認住呢個鼎午餐set 有2 種: 午市套餐($498) 同頂級午市套餐($698)。 一場嚟到就叫左個頂級午市套餐先黎前菜: 涼拌孖寶 鮑魚+ 梅子蝦梅子蝦 ~ 酸酸甜甜的梅子配新鮮蝦，好開胃! 鮑魚彈牙很好之後係湯品: 花膠螺頭燉竹絲雞燉湯味鮮甜， 用竹絲雞做食料，花膠大大塊好正~~ 上湯焗開邊龍蝦龍蝦肉鮮味彈牙，加埋上湯一流，如果再有伊麵送就一流可以撈埋個汁!! 四十五頭吉品伴花菇鮑魚炆得好林又入味， 花菇大大粒，吸入鮑魚汁，更加鮮甜美味！之後再自選小菜兩款: 我地揀咗: 金菇粉絲蒜蓉蒸貴妃蚌 ( 加$45一位 ) 超大一隻貴妃蚌，一啖入口已經知很新鮮，配埋蒜蓉金菇粉絲，十分惹味! 薑蔥頭抽煎星斑球川媽子炒飯/鮮魚湯腐竹稻庭麵因為媽咪想食飯，所以唯有下次先試個麵喇~~ 薑汁蕃薯糖水薑味好濃，但如果蕃薯切細粒啲就好, 依家好大一塊HAHAHA食完兩老都好滿意~~~ 太好了! 

每年媽媽的生日，我們全家一定會大事慶祝。媽媽一向唔鍾意食中菜，她最近十分迷鼎爺，集集都追,為此我們豪一豪為他興祝。經濟原則我們決定食下午餐，每人$700可以食鮑魚、魚翅。頭盤-涼菜孖寶：話梅醉蝦、鮑魚（不像平時茶樓花生魚乾),全部人都覺得津津有味。肘子菜膽燉鮑翅，全碗都是翅，啖啖雞湯，非常足料，全部係精華完全不覺得口渴。上湯焗開邊龍蝦，不是平價的龍蝦， 肉質彈牙仲有糕。三蔥燜和牛肋骨，估唔到可以咁好食，入口即溶，有強烈油脂香，完全不韌。剁椒蒸東星斑，這個食法我完全未食過，又另一種風味，食材新鮮，魚肉非常滑。欖菜乾扁四季豆又炒得好乾身，味道剛好。魚湯鮮腐竹稻庭麵，魚湯非常濃，食完剛剛好。最後便是甜品，懷舊番薯糖水，薑汁非常辣， 南有暖身作用。仲有唔同餐去選擇，價格上有出入，睇你自己喜愛。

自從有看鼎爺廚房後、一直好想試鼎爺私房菜、今晚終於有機會來Ding’s kitchen一試特色中菜。醬香一口脆其實是酸蘿蔔、作為前菜十分開胃。花膠北菇燉菜膽- 燉湯好夠火候、鮮甜滋補、冬菇仲好厚肉。梨香炸釀玉帶鮮帶子炸脆、下面墊著一片梨、香口又帶清甜。紫晶生炒骨以火龍果盛載著生炒骨、好特別啊！加上青紅椒、顏色鮮艷、酸甜美味。正宗乾炒牛河 炒得乾爽幾有鑊氣。芋蓉燉鮮奶第一次吃、較杰身、芋香味濃、滋補養顏。

上星期阿媽生日，佢之前好鐘意睇鼎爺廚房，所以就一個月前book左鼎爺新開既鼎會館食返餐，俾佢過下癮。餐廳幾闊落，裝修非常有心意，充滿傳統中國風格，青磚鋪白牆，瓦片屋檐，中間d間隔牆仲開扇形通風口做點綴。座位亦非常舒適，有足夠空間。我地想食鮑魚，所以就訂左個鼎級午市套餐食。頭盤有鮑魚~頭盤呢隻就凍食，都夠溏心，好爽唔黐牙，另一款涼菜隻凍蝦非常鮮甜，仲有好多蝦膏。另外好鐘意佢預備左粒話梅俾人醒胃。花膠竹絲雞湯連d料都好好味，通常個湯入面既雞件我都唔會食，因為多數都好嚡，不過今次呢個竹絲雞件出奇地好軟熟，仲有一整件花膠同螺頭，好足料。上湯龍蝦好新鮮，咬落鮮甜，上湯帶出鮮味之餘令龍蝦味道層次更豐富。最期待嘅鮑魚真係煲得好入味，又夠溏心，四十五頭size剛剛好，質感有咬口同彈牙，，鮑魚仲好入味，花菇好厚肉，煮得夠淋同非常嫩滑。另外仲揀左千島醬炸蝦球同薑蔥斑球食，千島醬撈蝦球出面真係食唔到，仲要卜卜脆，醬汁同蝦配合得恰到好處!我地四個人眨下眼就清晒。斑球煎得唔乾身，食落肉嫩多汁，仲要一條骨都無。呢個川媽子炒飯都唔錯，用豆豉酸菜粒炒原來都幾香口，成個炒飯口感都非常豐富。最後有甜品蕃薯糖水佢收尾，黃糖

睇鼎爺廚房就多，日日睇到口水流！^_^今次係第一次食，去左中環鼎。會館。位置於中環H Queen 23樓高層。用上中式武館設計配上高貴擺設，環境清新雅緻，又不俗氣！還有戶外座位，絕覽維港景色！服務細心有禮！先送上開胃前菜，再上暖暖的雞蓉燉官燕味道鮮味濃郁。再上味道較清淡的七彩炒星斑，肉質嫩滑，大大塊起肉星斑口味一流。鮮茄蟹肉粉絲煲，鮮味無比！大大隻肉蟹已拆肉，但蟹鉗拆殼還能保持原態，十分方便進食！蕃茄蟹肉粉絲混合一起，絕對可以食兩碗飯！紫晶生炒骨，早幾日鼎爺廚房示範過，所以今次專登點左。味道真的不錯，酸甜比例剛好。全晚最期待鮑魚雞粒有味飯配頭抽，用煲仔上菜，香味撲鼻！味道香濃不油膩，飯粒粒分明有咬口！必食！最後芋蓉燉鮮奶，中式甜品，甜度適中，滋潤養顏。

正所謂冬大過年，一年努力工作後當然要對自己對家人好d！早前做冬帶左家人去鼎爺開嘅鼎。會館食餐好！意間比較啱4-6人去食手功菜。裝修用中式設計，精緻高雅，環境大景色開揚。今次一行四人點了六個餸一個甜品，菜色精細，手功細心，味道不油膩。大家都十分滿意。首先每人一盅雞茸燉官燕，材料十足，味道鮮味。阿爺七彩炒星斑球，已起好肉，啖魚肉，肉質外香內滑。不錯。個人非常鍾意意個鮮茄蟹肉粉絲煲！真的非常鮮甜，整隻蟹肉已拆非常方便！但還能保留整對蟹鉗肉，手功一流！味道剛好，能平衡鮮茄酸甜度，粉絲能吸收蟹肉鮮甜精華^_^的確一食難忘！紫晶生炒骨，用上紫色火龍果配生炒骨。比傳統用菠蘿，甜味更配！醬汁整整包住生炒骨,肉質爽脆，絕對必叫^_^最後鱆魚鮑魚雞粒有味飯，香味撲鼻，味道香濃，飯粒分明有咬口。估晤到加左已調味頭抽，可以令整個飯味道層次升華了不少，劃龍點精嘅效果！甜品是整餐飯劃上完美句號點了芋蓉燉鮮奶，鮮奶香濃幼滑芋蓉香甜不膩。