龍德樓 (已結業)

之前已經想同朋友去佢屋企附近呢間中菜廳到食飯，可惜依家冇左晚市堂食，所以我地就點左外賣返屋企慢慢嘆。餐廳有好吸引既煲仔飯，岩哂冬天。買完外賣，準備返屋企開餐啦！朋友食素，所以我地點左個上素煲仔飯，煲仔飯入面有好多樣菜，有豆腐、茄子、菇、黑木耳等，好豐富，重點係非常健康。我地仲點左豉汁帶子蒸豆腐，豆腐好滑，帶子大大粒，而且好鮮甜，正！仲有好滋補既鮑魚花膠尚品煲，呢個煲真係真材實料！冬天當然要飲返碗燉湯啦，我地點左黑蒜燉螺頭同埋杏汁菜膽燉白肺，白肺湯顏色好奶白，可見白肺清潔得好乾淨。

放工買外賣返屋企開餐，凍冰冰又想食煲仔飯，所以去了附近的龍德樓。餐廳除了馳名煲仔飯外，還有多款小菜，價錢都是$60起。杏汁菜膽燉白肺杏汁味濃郁，白肺清甜完全無豬騷味，洗得乾淨，滋潤養生。黑蒜燉螺頭黑蒜味濃，有點菇香，螺頭清甜。黃金蝦球蝦球大大隻，每隻表面都沾滿了蛋王，香味十足，蝦仁新鮮彈牙，表面炸至金黃香脆。鮑魚金蠔蝦乾煲仔飯煲仔飯用錫紙盤原盤新鮮即叫即做，新鮮熱辣，金蠔及蝦乾的鮮味滲入飯內，鮑魚有咬口，加點豉油整個飯味道更佳。臘味鴛鴦腸煲仔飯臘味油滲入飯內，臘腸肥瘦均勻，不會食到滿咀油膩。

「嘩，很耐沒有食過街外這麼好味的大蝦了!」 「唔，d臘腸好食好香又唔肥， 臘肉都好食， 聞到很香玫瑰露酒味。」「d雞唔錯，湯都好飲。」在龍德樓買了外賣回家之後，家人對外賣都讚不絕口， 真的，料靚，煮菜功夫亦很到家。當然如果堂食的話一定會更好，新鮮熱辣， 但現在晚上禁堂食， 都沒有辦法吧，唯有外賣。外賣臘味煲仔飯（$88）用錫紙兜盛載，雖然沒有堂食用瓦煲般有風味，但依然不減臘味的好味道。椒鹽中蝦（$108）做得非常出色，海蝦爆得很香脆，爽口肉質證明是新鮮海蝦，底下的椒鹽和脆米很惹味，配飯一流。鮑魚花膠尚品煲（$148）材料足，花膠靚， 南非鮑魚，口感煙韌。半隻貴妃雞（$58）， 肉質和味道都ok。還有兩款燉湯（$28），五指毛桃燉雞和杏汁菜膽燉白肺， 前者清甜， 後者杏汁飄香， 真正燉湯，沒有味精。

響何文田買完寵物用品，經過呢間餐廳，都見有幾多人排隊，上OpenRice見評語都唔錯，又有煲仔飯，於是也想試一下。杏汁菜膽燉白肺$48，燉湯奶白色好吸引，有白肺、瘦肉、娃娃菜，香甜滋潤。雪梨海底椰燉赤肉$48，有雪梨、海底椰、南杏、瘦肉，燉湯清甜潤肺，秋冬飲真係好適合。鮑魚花膠尚品煲$148，材料好豐富呀！當然花膠、鮑魚係重點，炆得軟腍入味，另外仲有大蝦、帶子、魚肚、魷魚、冬菇、豆卜、西蘭花。臘味鴛鴦腸煲仔飯$88，天氣有啲凍，食煲仔飯就一流啦！有臘腸、潤腸同臘肉，米飯粒粒分明，淋上煲仔飯豉油，味更香，與一般煲仔飯不同，沒有飯焦就健康得多啦。龍德貴妃雞半隻$98，半隻來說，份量都幾多，肉質嫩滑，雞皮好似啫喱一樣晶瑩剔透，配薑蔥油，更突出雞肉的鮮味。我更留意到廚房玻璃窗設計，可以睇到廚師做菜，確保到食物衛生。食咗幾道菜都好滿意，依家外賣自取仲有8折，折咗真係幾抵，下次試吓外賣先。

今晚過開去勝利道，見都夜喇，又肚餓，就係附近搵野食。見到龍德樓有好多港式美食，好似煲仔飯、燉湯等等、價格非常便宜。咁啱仲餐廳仲推出埋全新冬季煲仔飯及燉湯，立即吸引咗我入去喇。雪梨海底椰燉赤肉燉湯好足料，一啲都唔馬虎。雪梨味超強，再加上海底椰同無火花嘅味道，超清甜潤喉。杏汁菜膽燉白肺湯面帶少少杏仁油，啖啖香味、入口好滑，豬肺真係清洗得好乾淨、白雪雪，有口感，唔會太腍，而且好足料，一盅有成5件咁多，好抵食。上湯魚肚浸勝瓜依道菜除咗主角嘅魚肚同勝瓜，仲有蝦干同豬肉碎，令湯嘅味道更加鮮甜。魚肚份量都好多，而且吸哂上湯，非常鮮味。鮑魚花膠尚品煲超級豐富嘅尚品煲。主角嘅鮮鮑同花膠當然唔少得啦，煲裏面仲有魚柳、帶子、鮮魷、大蝦、花菇、豆卜同西蘭花。完全食到哂食材嘅鮮味。而豆卜更吸收哂所有材料嘅精華。誠意推介俾大家。臘味鴛鴦腸煲仔飯最後當然要食埋煲仔飯啦。冬季煲仔飯首選，必然係臘味鴛鴦腸煲仔飯。五花腩臘肉超邪惡，但果種油香，真係無法抗拒同抵檔。臘腸同膶腸都非常鮮味，整體來講都好出色。

多次行經路過都見有人取外賣，心想應該不錯，今天放假同家人晚餐，餐廳裝修優雅，乾淨企理。牆上掛有早期九龍彌敦道的圖片。我們點左雪梨海底椰燉赤肉（跟餐）$28，很清甜夠滋潤，沒有味精，回家都不口渴。真不錯。杏汁菜膽燉白肺湯$28，乳白色湯，杏仁味香濃又香滑，豬肺夠軟腍，極美味。臘味鴛鴦腸煲仔飯$88，有潤腸、臘腸和臘肉，煲蓋一開香氣四溢，潤腸甘香味美 ，很惹味。臘腸瘦多肥少，夠健康。臘肉肥瘦週中，香味濃郁，不會太鹹。飯粒分明夠爽口。值得推介。鮑魚花膠海鮮煲$148，材料豐富又新鮮。椒鹽海中蝦$108，大大隻蝦，大蝦肉很爽夠惹味，超正。總結：食材質素高，價錢親民，服務態度好。原來可先電話落單，後到取外賣。家人都很滿意並大讚味道好，我會回頭再吃。

蒜香鮑魚海鮮煲仔飯🤩$128全新冬季煲仔飯同燉湯登場🤤當然要去試吓啦😛海鮮真係好新鮮，相當吸引😊鮑魚肉質細嫩，厚肉爽身😌配埋鮮蝦、帶子同魷魚😆米飯完全吸收晒海鮮嘅鮮味😇真係唔駛加豉油都覺得好食😍西蘭花炒蝦球🦐$98佢哋嘅小菜都好吸引😘蝦球大大隻，口感爽滑彈牙😝肉質緊緻飽滿，配埋我最愛嘅西蘭花😚真係最佳拍檔🥳五指毛桃燉雞湯🐔$48個湯上檯已經聞到陣陣香味😜味道鮮甜，氣味芳香🤓而且五指毛桃，祛濕健脾👍營養價值高，有保健作用✌️龍德樓 (何文田)何文田勝利道10號地下

今次我美食博士同母親大人一齊嚟到呢間位於何文田嘅中菜：雪梨川貝燉赤肉 $28杏汁菜膽燉白肺湯 $28鮑魚花膠尚品煲 $148蝦乾排骨飯 $88西芹炒帶子 $98蒜蓉粉絲鮮魷 $98香片$3 x2首先黎兩個燉湯，啲料都幾足下，肉都多，又幾好飲，飲完成個身都好暖，冬天真係啱晒。個鮑魚花膠煲都幾多配料，鮑魚有少少腥應該係鮮鮑，啲花膠都大大塊又彈牙。個蝦乾排骨飯OK好食，雖然煲仔飯來講食唔到飯焦，但個飯都幾香嘅。至於香片佢係每杯茶杯一個茶包。埋單唔使五舊水，兩個人食咗四碟菜，每碟份量唔細，食到幾飽下，絕對係抵食。唯獨地點比較偏僻，旺角東站行過嚟需要10分鐘。

秋風起 最岩揾番個好地方食煲仔飯🤤 今次係勝利道就發現左呢間有多款小菜 煲仔飯同燉湯既小店🤩 好食又唔貴👍🏻一坐低店員會先問你飯咩茶 我地揀左香片 每人一個獨立茶包架☺️ 燉湯就揀左蟲草花螺頭燉赤肉同杏汁菜膽燉白肺湯😍 燉湯入面裝住滿滿既湯料 蟲草花螺頭滋補又清甜👅 奶白色既杏汁菜膽燉白肺湯係屋企都好難飲到🤩 潤肺清熱 仲有淡淡杏汁既香甜味👍🏻除左煲仔飯 呢到仲有多款小菜 係店員推薦下我地試左蒜蓉粉絲蒸茄子同黃金鮮魷🤤 蒜蓉粉絲蒸茄子真係非常惹味 精華比茄子索哂 又淋又入味 仲有大大隻蝦乾係面好正😍 黃金鮮魷炸得香脆唔油膩 外層被鹹蛋黃包圍住 好邪惡🤤到重頭戲 煲仔飯🤩 我地揀左臘味鴛鴦腸煲仔飯同蝦乾排骨飯🤤 臘味鴛鴦腸煲仔飯好足料丫 有2條臘腸2條潤腸仲有臘肉 唔會好多肥膏同死鹹 飯粒粒粒分明 加上臘味油香同甜豉油分外美味👍🏻 蝦乾排骨飯既蝦乾又係非常大隻 排骨醃製過 好腍好入味🤩 d汁撈飯真係一流丫 抵食🌟

到11月中終於有啲秋涼嘅感覺, 外出番工要著返件衫，當然，都係時候要食煲仔飯，暖一暖身。 勝利道 龍德樓，小店格局， 入去食個飯都覺得份外親民， 估唔到小店除咗有家常便菜供應， 原來仲有暖粒粒煲仔飯， 當然啦呢度最出名嘅係燉湯， 食盎煲仔飯飲盅靚靚湯， 暖身一流。青欖螺頭燉赤肉唔好畀呢盅湯黑孖孖的顏色嚇到，其實青欖螺頭燉赤肉 有清熱生津同利咽的功效。螺頭燉 赤肉清潤鮮美， 螺頭厚肉鮮甜， 多喝仲可以滋潤皮膚。杏汁菜膽燉白肺以杏汁入饌 的燉白肺， 湯色呈現龍澳的奶白色，菜膽燉出的清香甜味，又有濃郁的白杏幽香。杏汁菜膽燉白肺能治肺氣不開、止咳潤肺、生津開胃，超滋潤的。臘味鴛鴦腸煲仔飯呢度主打少油版本的煲仔飯，所以煲仔飯裏不會有飯焦， 正合都市人健康之選。呢煲臘味鴛鴦腸煲仔飯， 一睇就知材料豐足淨係鴛鴦腸都已經有四條再加埋臘肉， 靚料掛帥，簡直不得了。各種臘味的油香滲進煲仔飯裡，焗一焗，飯粒分明、粒粒油潤， 不用加醬油都已經很好吃。蝦乾排骨飯另一碗煲仔飯叫了 蝦乾排骨飯 。蝦乾 大隻又靚身， 以靚蝦乾 做成煲仔飯 ，味道鮮甜，而且蝦味濃郁， 飯粒都帶上蝦乾的美味； 加上醃得入味的排骨，肉質軟

今日同朋友走咗去勝利道嗰頭去睇寵物， 近睇完寵物買完糧食， 見有啲肚餓咁就走咗去附近間餐廳到食，見到有間龍德樓有啲 煲仔飯，咁就入咗去試下。 我哋叫咗以下:是日燉湯： 五指毛桃燉雞和菜膽杏汁燉白肺湯， 咁其實兩個湯我覺得佢都落足料， 但係如果講到好飲嘅話我會建議大家試下佢個菜膽杏汁燉白肺湯， 原因好簡單因為佢呢個湯個杏汁味道較重，而且好似飲緊杏仁茶咁樣， 本人鍾意杏仁類嘅食品，所以我會覺得呢個比較好飲啲， 而另外個款湯我覺得佢唔係差，但係就濃味咗少少。 適合一啲鍾意飲濃味湯嘅人。臘味煲仔飯: 呢個臘味煲仔飯 我覺得係佢哋點鋪嘅主打菜而大家可以參考我幅圖其實臘腸潤腸同臘鴨 都幾好味， 臘腸就比較多油所以我就鍾意食潤腸多啲， 但點都好佢呢三樣嘢都唔算話太鹹 ，因為試過其他舖頭臘鴨都係偏鹹，呢間嘅臘鴨味道適中，適合啲好似我咁樣唔鍾意食太鹹嘅人， 然後呢個飯亦都有個健康位就係佢唔黐底， 雖然我知道冇咗飯焦食，但係為咗健康我都可以嘅。 佢呢個飯偏向乾身同香口，而且亦都唔算話有太多油，所以我覺得都幾好食。鹹魚肉餅飯： 呢個鹹魚肉餅飯，我覺得個肉餅個口感唔錯，味道亦都可以，而且鹹魚嘅咸味唔會話真係太

離旺角東不遠處，步入九龍城區呢個旺中帶靜嘅住宅區，街道上除咗有好多獸醫同寵物店，仲有一間開咗10幾年嘅街坊小店。餐廳嘅招牌牌匾古色古香，一睇就知道係食中菜嘅餐廳。呢度有多款小菜、煲仔飯同埋足料燉湯選擇！杏汁菜膽燉白肺湯($48) 個湯底非常濃稠，杏仁味道香濃，飲落暖身又滋潤，最啱秋天轉季飲。五指毛桃燉雞湯 ($48) 湯嘅味道清甜，啖啖都係雞嘅精華。解渴又滋補。蜜桃咕嚕肉 ($78) 一食就知係採用左靚部位嘅豬肉，肥瘦適中，而且係冇骨嘅，食落啖啖肉，超高水準！咕嚕肉嘅炸粉好薄，唔似平時出面食開嘅咕嚕肉多粉少肉。金銀蛋浸白菜仔 ($72) 崇尚健康主義嘅我一定要叫碟菜！鹹蛋同皮蛋嘅份量都好多，再加入炸香左嘅蒜頭粒、煎香左嘅雞髀菇同埋紅蘿蔔片等等，色香味俱全。到主角煲仔飯！呢度嘅煲仔飯特別之處係冇飯焦，食落冇咁熱氣感覺健康啲。北菇滑雞飯 ($78) 雞用鹽醃過食落充滿鹹香味而且肉質嫩滑。煲仔飯豉油非常香口，白飯企身粒粒分明。章魚肉餅飯 ($88) 肉餅表面充滿水份，食落有肉汁。章魚份量超多，令肉餅食起嚟嘅口感好豐富，而且增添左一份嘅鮮味。

龍德樓去開旺角附近,朋友介紹有間餐廳已經有得食煲仔飯主打健康煲仔飯，冇飯焦食得開心又健康五指毛桃燉雞湯足料燉湯，火候十足臘味鴛鴦腸煲仔飯臘腸同埋潤腸真的好正陣陣香味正到出汁金針雲耳滑雞滑雞份量超級多真係又滑又大件, 正阿黃金蝦球一層薄炸粉，蝦球又新鮮咸蛋黃都幾香又惹味難得的健康級中菜，超健康無味精!

行入勝利路內街，裡面嘅舊香港照片吸引我走入呢間小店...本身以為是舊式茶樓..原來是食煲仔飯！見到旁邊那圍桌叫了個湯，似乎好足料..我哋又試下叫個湯先，就叫個花膠杏汁燉豬肺，真係有花膠，確實有驚喜🥳呢個湯杏汁味好濃👍讚！之後叫了一個煲仔飯同金菇肥牛...金菇肥牛整得好夠味，送飯就啱啱好！煲仔飯同外面嘅似乎有唔一樣，呢度嘅煲仔飯無飯焦，好處就是食飯嘅時候唔使煩，好易「妖」起飯...一個煲仔飯嘅份量已經夠2個人食😄

天氣開始漸漸轉涼🌬這時候當然最想吃點暖胃的食物但其實除了打邊爐,BBQ等🔥熱烘烘的煲仔飯也是個好選擇之一店內設計懷舊🙆🏻‍♀️富有七八十年代風味讓人有種莫名的親切感覺餐廳主打燉湯及美味小菜👨🏻‍🍳並推出了多款時令煲仔飯🍐雪梨海底椰燉赤肉 +$28燉湯放得滿滿都是料🥳當中的雪梨口感軟淋 吸盡了湯嘅精華整體滋養潤喉👏🏻👏🏻最適合現在乾燥的天氣🍲杏汁菜膽燉白肺 +$28湯呈現美妙的乳白色💕味道濃郁之餘更帶淡淡的豬香而豬肺爽口 能以形補形😆潤肺又清熱🐟鹹魚肉餅煲仔飯 $78由於現時越來越多人關注健康所以這裡的煲仔飯是沒有飯焦的👀因此過口癮同時不用擔心熱氣問題上枱第一時間就聞到陣陣鹹味👃🏻提升了飯的香氣 令每口都充斥著鹹魚香另外 肉餅juicy且充滿油脂香💦再淋上香甜豉油後😋非常可口🦐蝦乾排骨煲仔飯 $78個人認為煲仔飯與乾貨乃最佳配搭大大隻的蝦乾👅蝦鮮味重使煲仔飯增添多重滋味💪🏻而啖啖肉的排骨嫩滑不乾柴配上粒粒分明嘅米飯❤️簡直暖入心🦑椒鹽鮮魷 $88金黃色的外皮表面灑上了惹味的椒鹽酥脆得咬落卜卜聲並跌到滿枱碎屑內裡鮮魷爽口彈牙👍🏻可算驚喜之作 是必點小菜之一🥦西蘭花炒帶子 $98份量足料 合共大