龍德樓 (已結業)

天氣開始轉涼，又到食煲仔飯嘅時候～今日放工重要有啲涼意，緊係即刻去食，暖下身。😆有8款煲仔飯揀，實有一款啱心水。不過煲仔飯即叫即整，所以我地叫咗靚湯同小菜食住先。🥰雪梨乾海底椰燉赤肉🍐雪梨乾同海底梛生津潤燥，又滋潤，燉出黎嘅湯特別清甜潤喉。杏汁菜膽燉白肺湯🐷天氣開始乾燥，呢個燉湯滋潤養顏，杏汁味香，特別適合女仔。臘味炒芥蘭🥬芥蘭油潤爽脆，冇苦澀味，配埋臘腸、臘肉同膶腸，好惹味。黃金鮮魷🦑十分推介！一層薄炸粉，拿捏得啱啱好，魷魚又新鮮，爽口，夠哂獲氣。而外層嘅鹹蛋黃醬味濃，我同男朋友都爭住食。章魚肉餅飯🐷肉餅剁得鬆化，配埋章魚粒同冬菇粒，更有口感。加上好嘅煲仔飯甜鼓油，味道更濃郁，好食。蝦醬豬頸肉飯🐷蝦醬味香濃，豬頸肉爽彈嫩滑，煲仔飯乾身，米飯粒粒分明，係一個好配撘。p.s. 老闆同我地講，餐廳主打健康，所以冇飯焦

是日同靚女FD去食哩間中菜龍德樓 ，人愈大真的愈來愈鐘意食中菜，龍德樓最特別的系，佢的煲仔飯系無飯蕉，比較健康，同埋足料的燉湯，同FD點左個杏汁菜膽燉白肺湯，鱷魚川貝燉赤肉，小菜點左咕嚕肉，金銀旦芥菜，另外點左臘味鴛鴦腸煲仔飯，章魚肉餅飯杏汁菜膽燉白肺湯杏汁菜膽燉白肺湯一上來，滿滿的杏汁味，加埋少少的白肺同埋菜，飲落杏汁同埋好像奶咁的湯味，真的好正又養生~~~鱷魚川貝燉赤肉鱷魚川貝燉赤肉真的好足料，唔會有任何味精，清清地真的秋日飲唔錯，咕嚕肉咕嚕肉真的唔會好肥，味道也唔錯，送飯真的一流，金銀旦浸芥菜金銀旦浸芥菜都好多料，食落又爽身，中菜真的離不開有菜的主打~~臘味鴛鴦腸煲仔飯臘味鴛鴦腸煲仔飯真的一來好吸引，佢的臘腸同埋潤腸真的好正，又唔會好鹹，真的好啱我地食~~同埋D飯食真的好幸福，章魚肉餅飯章魚肉餅飯真的好多章魚粒，另外佢的肉餅真的送飯一流，哩度真的難得的健康級中菜，食完飯都唔會口乾，良心老店 !!

之前帶我隻寶貝狗仔到何文田的獸醫診所打針都會經過龍德樓， 但因為每次都湊住小毛孩， 今次終於有機會可以入去試下。 入到店內雖然小店一間， 但裝修古色古香， 店員更加親切友善， 先點了香片，茶位每位$3， 然後再點幾道小菜～臘味鴛鴦腸煲仔飯$78、 蝦乾排骨飯$78、 麻辣雞煲$88、 金銀蛋浸時菜～油麥菜$72、 鱷魚川貝燉赤肉$28、 杏汁菜膽燉白肺湯$28。臘味鴛鴦腸煲仔飯～ 天氣一開始轉涼， 就很想食煲仔飯， 以前試過到廟街或旺角茶餐廳食煲仔飯， 但我覺得這裏的煲仔飯真是特別高質。 臘味鴛鴦腸好吸引，一開煲蓋， 臘肉 臘腸的油香， 尤其是潤腸外脆口感，淋上香甜豉油，再焗一焗，飯粒分明，粒粒油潤煙韌， 份外滋味。 蝦乾排骨飯～排骨醃得入味，肉質軟滑， 蝦乾鹹鹹的有咬口，豉油香甜濃稠， 而我最喜歡的就是飯焦不多， 因為我不喜歡入口硬掘掘的口感。麻辣雞煲～ 對雞煲有百食不厭的感覺， 而這裏可以做到有辣椒的辣勁相當惹味， 那種麻香， 不斷刺激味蕾， 配上嫩滑雞件， 香辣惹味。金銀蛋浸時菜～ 新鮮的油麥菜，配上鹹香的鹹蛋和口感Q軟的皮蛋， 絕對是一碟美味又清的佳餚。杏汁菜膽燉白肺湯～

今日咁岩係附近收工經同事介紹就黎左龍德樓。一入店就比佢地既懷舊中式裝潢吸引左。🤗餐牌提供小菜選擇可媲美大排檔。種類多樣化。而我今次就嗌左。花旗參燉雞。夠火喉既中式老火湯。花旗參味唔會太濃。又帶出雞肉同豬肉既鮮甜味。黑椒牛仔骨煲。黑椒汁先至係重點。佢入口少少甜得黎黑椒味又唔會太搶。廚師拿捏岩岩好。肉質有嚼勁。牛肉味十足得黎冇雪藏味。蝦醬豬頸肉煲仔飯。飯粒分明。冇飯焦可以食到底。蝦醬味又唔會太重。豆卜吸收曬豬頸肉同蝦醬既精華。豬頸肉唔韌。有咬口。配上自行淋上既豉油。真係引唔住要嗌多個白飯黎食。

每年轉涼呢段時期就會同屋企人去食煲仔飯，廟街既煲仔飯店吾系好坐，老人家食得吾系好舒服，同埋飯焦太多，吾太喜歡。【日月魚姬松茸燉豬展】湯水好清好純吾油，有種好獨特既味道，好濃厚，好滋潤。【杏汁菜膽燉白肺湯】幼白順滑既口感，可惜杏味吾系好岩我。【臘味鴛鴦腸煲仔飯】$78臘肉吾會太肥太硬，肥瘦剛好，臘腸仲正，一咬落去油花四溢滿腔。其實一打開蓋就一陣臘味香，慘透哂系d飯到。【蝦乾排骨飯】$78排骨醃製過，有陣好香薑味，肉質爽嫩，加埋米飯粒粒分明，富有米香又煙韌，慢慢食仲系熱辣辣，【黑椒牛仔骨】$88 & 【川辣回鍋肉】$78兩款超惹味既一道菜，下飯超正。回鍋肉稍微辣左d，食到流哂鼻涕眼水。一家三口食，撐住個大肚出門口。一個煲仔飯一個人食，會飽死。份量好多，好抵食！

今日跟朋友說起杏汁豬肺湯，現在不是間間飯店會有，然後朋友突然話旺角勝利道嘅龍德樓有喎，就是這樣，今晚就去龍德樓搞掂😂😂龍德樓店舖需然不大，但座位與座位之間的距離也不短⋯⋯裝修頗有特色，有一幅黑白以往香港的街道....杏汁菜膽燉白肺湯，杏汁又香又滑又甜，白肺夠咬口🤗🤗跟煲仔飯一起叫只是$28 🤗🤗青㰖螺頭肉燉赤肉湯，清甜螺肉夠淋😋一樣只係$28如果跟煲仔飯一齊😁北菇滑雞加臘腸煲仔飯 $68 （臘腸加$10），入座時，職員已經介紹，這裡的煲仔飯是健康的，所以是沒有飯焦的！滑雞件夠滑，份量不少，臘腸很香夠惹味😋😋雖然沒有飯焦，但也很好吃🤪章魚肉餅煲仔飯$78，章魚粒夠多亦很大粒，所以肉餅很有咬感😚😚同埸上映，黃金炸蝦球和㰖菜肉鬆四季豆，小炒也出色😚😚😚

呢日係旺角行完街, 最近開始有D 凍,都想食下D 暖胃既野, 行行下就行到黎何文田,見到呢間龍德樓有煲仔飯就黎試試佢! 我地叫左臘味煲仔飯同章魚肉餅煲仔飯! 呢間裒廳既煲仔飯同平時食過既唔同, 佢係行健康路線, 所以佢既煲仔飯係冇飯蕉既~ 我就覺得係幾特別既路線! 有時真係想食下邪惡野但又驚唔健康! 咁樣又食到又唔會健康真係perfect!!!　臘味煲仔飯必有既臘腸同潤腸仲有臘肉~! 真係夠哂香! 令到成個飯都係肉既油香! 連埋D 煲仔飯既豉油食真係令人想一啖接一啖咁食哂成個飯! 章魚肉餅煲仔飯又係夠哂香章魚味! 同個肉飯撈埋一齊perfect! 我地仲叫左椒鹽中蝦同埋海鮮雜菜粉絲煲! 椒鹽中蝦真係好好食! 中蝦開邊炸到勁香脆! 脆到連殼都可以一齊食!!! 椒鹽份量岩岩好,唔會令到隻蝦好咸, 有哂提鮮既作用! 海鮮雜菜粉絲煲就係水準之作, 主要係想食多D 菜! 個煲既菜唔會太濃味! 食得出冇味精! 正!另外仲叫左兩個燉湯,分別係蟲草花豬肉湯同埋花膠杏汁豬肺湯, 兩款湯飲落令人覺得好舒服, 同埋勁足料,唔會淡到水咁,飲得出係用左時間去燉出黎! 正有家既感覺!

📍 龍德樓 (何文田) 健康路線煲仔飯小菜試咗一間幾有驚喜嘅煲仔飯小菜餐廳，主打健康路線，因為佢啲小菜唔會好鹹、煲仔飯唔會有結焦、仲有高質燉湯飲🥰.- 西蘭花炒帶子$98 （7.9/10）呢個真係掂呀，味道唔會太濃，個帶子有煙銀感覺完全冇雪藏味，比較少有高質炒帶子！- 大馬站煲（海鮮豆腐燒肉蝦醬）$78 （8/10）呢個都必點，成個煲好豐富，個燒豆腐好好味成個醬汁都好濃郁，舊燒肉出奇地好味！仲要熱辣辣咁上菜正！- 臘味鴛鴦腸煲仔飯$78金針雲耳滑雞飯$78 （7/10）佢哋嘅煲仔飯係冇飯焦，行健康路線，而且材料好豐富有兩條臘腸兩條潤腸仲有勁多嘅臘肉。條臘腸感覺一啲都唔肥成條食晒都唔覺得油膩感！😍-蟲草花冬菇燉雞湯$48味道濃郁感覺冇味精，好濃既雞湯！.用餐🌾心情：環境唔錯比較古色古香，坐得幾舒服服務態度仲好好！喺何文田食到呢個質素同價錢都很不錯！地址: 何文田勝利道10號地下

-秋天咗一排 老豆提議食煲仔飯飲靚靚燉湯 呢間老店 十幾年嚟專心賣燉湯蒸飯加秋冬限定煲仔飯-🥣#杏汁菜膽燉白肺湯 (追加 $28)湯底濃稠 杏汁清香 自己喺屋企洗豬肺煲湯太多功序 出街飲可以省卻麻煩-🥣#日月魚姬松茸燉豬展湯 (追加 $28)燉湯日日新款 日月魚明目有益兼美髮養顏 有乜辦法唔受歡迎🥰🥘#上素煲仔飯 ($80) 加潤腸 ($12）材料多得緊要 金針雲耳枝竹豆腐卜紅蘿蔔紅棗矮瓜竹筍冬菇 一啲都唔單調 煲仔飯走飯焦 食得更健康-🧆#水煮牛肉 ($98）材料正統 花椒八角大紅椒木耳樣樣齊 底下有水晶粉同大豆芽 -🧆#豉汁帶子蒸豆腐 ($80）每件用原粒厚身帶子蒸釀大件豆腐 良心老店 要俾個like👍-📍龍德樓何文田勝利道10號地下

踏入11月，天氣開始轉涼，又係時候食煲仔飯了。龍德樓有即叫即製煲仔飯，款式都幾多。例如肉餅類、臘味類、北菇滑雞等等。臘味鴛鴦腸煲仔飯（$78）好足料，臘味好香，飯粒索晒味，好食。章魚肉餅飯（$78）肉餅煲仔飯比較清，味道亦唔差，兩款煲仔飯，兩款口味，各有千秋。金銀蛋浸時蔬（$72）小菜份量都好足，大大碟夠抵食。蒜蓉粉絲蒸鮮魷（$98）好香好惹味，撈白飯都好好食。呢度仲有足料燉湯，分別叫左燉螺頭及杏汁白肺湯，味道滋潤養生，值得一叫！

呢間位於勝利道嘅餐廳，估唔到小店細細，食物質素相當唔錯。呢度主打嘅係煲仔飯。我哋叫咗臘味煲仔飯及章魚肉餅飯。▶️臘味煲仔飯啲飯全部都有臘味味，相當唔錯！秋冬食真係好惹味！臘腸唔會太肥；潤腸又夠香。▶️章魚肉餅飯章魚鹹鹹地，肉餅肉質夠林，飯嘅份量好多，好食！店主話呢度嘅煲仔飯夠健康，所以冇飯焦。▶️白肺湯呢個湯真材實料，而且好好飲，夠滋潤，熱辣辣！另外我哋仲叫咗小菜🤓▶️黃金鮮魷炸得夠香夠金黃，鹹蛋黃味夠濃郁。▶️腐乳時菜炒牛肉牛肉份量夠多又夠滑，不過就多由咗少少。呢度仲有茶飲，茶位$3一位～呢度嘅嘢真係好抵食又好食！

打邊爐已經變咗香港人一年四季都會食嘅菜式，所以嚟到入冬，我自己嘅特色菜就必定係煲仔飯。去到秋冬時節，食返個煲仔飯先至夠有香港特色。今日我哋經過何文田嘅勝利道，見到呢間龍德樓已經宣傳緊有煲仔飯食，即刻令我想整返部煲仔飯食，所以就決定入嚟試吓。呢度除咗煲仔飯之外，仲有燉湯飲，真係啱晒我嘅口味。臘味煲仔飯臘味煲仔飯有兩條臘腸、兩條潤腸、同埋有幾件臘肉。熱辣辣、香噴噴的煲仔飯，驅寒又暖胃，煲仔飯冇飯焦，食落感覺似蒸飯，比較健康。配料揀左油脂較重既臘味，油脂滲入飯粒，添加左米飯油香。章魚肉餅飯食章魚肉餅飯一定要加入煲仔飯既豉油去提鮮增香。將煲仔飯豉油淋喺煲仔飯面之後再焗2分鐘再食，豉油帶甜同鹹香，味道即時提升。西蘭花炒帶子帶子份量勁多，而且口感彈牙。XO醬雜菌炒牛肉XO醬夠香，但係唔辣。配上其他嘅配料令到整到菜式味道非常豐富。除咗有雜菌同埋牛肉之外，廚師仲加咗青椒、紅椒、西芹等等，令到整道菜嘅味道同埋口感都提升不少。

🍴雪梨燉豬展（跟餐） HK$28是日燉湯係雪梨燉豬展，清甜滋潤。🍴杏汁菜膽燉白肺湯 HK$28除左是日燉湯，仲有常設嘅杏汁豬肺湯，豬肺難處理，平時係屋食較少有得飲。湯汁雪白，醇厚香滑，充滿杏仁幽香，豬肺夠軟彈。🍴黃金鮮魷 HK$88黃金鮮魷有唔同做法，有d炸完再撈鹹蛋黃，我嫌果d太鹹太濕。呢度嘅黃金鮮魷鹹蛋黃已經撈左落脆漿，炸得好乾身，而且蛋黃香味突出，唔係死鹹，鮮魷亦鮮甜彈牙，墊底嘅飯焦亦鬆脆可口。🍴水煮牛肉 HK$98牛肉唔韌，亦無醃到過晒龍，湯底有齊麻、辣、香，唔係一味得個辣字，亦唔算油膩，直接飲都得。配料亦都豐富，有豆卜、木耳、薯粉等等，豆卜好軟腍，吸晒湯汁好正。🍴蝦乾排骨飯 HK$78呢度嘅煲仔飯無飯焦，但唔代表唔夠火喉，飯夠乾爽，粒粒分明，有咬口。飯焦癮起，撈左黃金鮮魷果d飯焦落去一齊食，脆得黎唔會黐牙。蝦乾幾香，排骨亦夠腍，肥瘦適中，飯吸到香味，唔洗落豉油都得。🍴蝦醬豬頸肉飯 HK$68蝦醬比蝦乾更香，豬頸肉好腍，豆卜軟熟。📍龍德樓何文田勝利道10號地下

呢間舖頭嘅煲仔飯其實係蒸的煲仔飯，故没有飯焦，更顯健康。『臘味駌鴦腸飯』啲材料好多，睇圖無花無假，有2條臘腸，2條潤腸，2大條菜心同埋好多好多臘肉，啲米粒粒分明，而孖腸及臘味的油香渗入其中，好食到停唔多口。『蝦乾排骨飯』同樣也是材料多多，蝦乾大大隻够鮮甜，排骨腌得好入味，同樣好味。『西芹炒帶子』，估唔到嘅係帶子的覆盖面唔少於西芹，事關喺第二度食，一定係西芹多過帶子，而且帶子亦好大粒同埋好鮮甜，非常之满意佢的量和質。『蒜蓉粉絲鮮魷』同樣當然没有令人失望。『杏汁菜膽炖白肺湯』跟餐只需28蚊就可飲到，杏汁，白肺好配搭令到個湯好濃郁，非常之好飲，因此不作他選，兩人都揀咗呢個湯。

喺勝利道入完油見到有車位就唸住泊左架車先再搵食，咁啱停正喺廳門口，就衝左入去😝，而且天氣涼咗就揀的煲仔飯小菜食下。🔻蝦醬豬頸肉飯$68🔻正🤩，豬頸肉食落爽口但係唔會爆油👍🏻，食落係減少咗平時肥豬肉嘅油膩感😋，加埋蝦醬，直頭係正😆。豆卜充滿蝦醬味，但係唔會過鹹，剛好同煲仔飯醬油好夾😍。‼️‼️的確豬頸肉比平時嘅肥豬肉好食😋，推介大家一試‼️‼️🔻鹹魚肉餅飯$78🔻平時嘅鹹魚係放喺個肉餅面，依個鹹魚係插左半件咗落去肉餅同啲飯裏面🤨，唔知係咪因為咁，就算唔食件鹹魚，啲飯都有鹹魚嘅香味😍，係幾特別。肉餅軟綿但唔鬆散😙，未落醬油都好夠味，當然加埋醬油會再好食啲啦😎煲仔飯套餐加咗兩個湯，一個係🔻花旗參燉雞湯+$28🔻燉湯都清澈，少油👍🏻，仲有少少湯渣，有雞有瘦肉👍🏻，而且都幾好食 ，參味幾濃，同肉味相衡，唔錯。另一個湯係🔻杏汁菜膽燉白肺湯+$28🔻杏汁好香濃🥰，仲有豬肺有豬肉同菜膽，真係好有誠意，湯味濃郁🤤，有杏汁味又有少許嘅肉味😋。🔻海鮮粉絲什菜煲$98🔻啲海鮮幾新鮮，唔係雪藏嘅👍🏻，魷魚🦑同鮮蝦🦐食落爽口，真係有鮮味，仲有啲蝦乾調味，咸味🧂唔重幾好👍🏻。蔬菜粉絲同海鮮嘅比例幾好，好似一半菜一半海鮮咁🤩