龍德樓 (已結業)

/秋天一到 令到你諗起咩嘢食物呢？我自己呢就會諗起暖笠笠嘅煲仔飯🍚所以今次我就同MY BOSS 嚟到何文田嘅龍德樓品嚐佢哋嘅健康煲仔飯 同埋超級正嘅燉湯👍🏻煲仔飯方面 我哋就要左平時好少見嘅蝦醬豬頸肉煲仔飯($68)蝦醬嘅味道好突出 同豬頸肉都幾夾至於另一個煲仔飯就係章魚肉餅煲仔飯($78)肉餅嘅質地好厚實 唔容易散開所以可以一啖肉一啖飯咁食😂至於點解我話好健康 因為煲仔飯係冇飯焦👍🏻除此之外佢哋嘅燉湯都係好出名第一碗就係日月魚蟲草花燉豬展($48)材料益腎補肺 清肺潤咳 啱晒秋天飲另外仲有杏汁菜膽燉白肺 ($48) 香濃美味又滋潤最後仲叫咗兩個小菜食添😆分別係黃金鮮魷($88)同XO醬雜菌炒牛肉($85)兩款小菜都好惹味 配白飯食 簡直一流🤤-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

天氣開始轉涼，我哋一行三人見到我煲仔飯，就試吓！我哋柯打咗2個煲仔飯，2個小菜同可跟飯加錢加咗2個燉湯！燉湯：1）杏汁菜膽白肺湯我出街一定點豬肺湯，因為難處理，屋企唔會煲，個湯好清潤，有3-4舊豬肺，沒有油膩感2）雪梨川貝燉豬𦟌相對沒有豬肺湯咁吸引，但都清甜滋潤，用料十足！煲仔飯：1）臘味雙腸飯用料多到有D誇張，有一孖臘腸加一孖潤腸加臘肉，食臘味飯最好味係靠蒸完臘味嘅油香配合煲得乾身嘅飯，依度絕對做到！2）蝦醬豬頸肉飯蝦醬醃到豬頸肉好入味，但肉質好韌，較失色，但豆卜加分小菜：1）一口脆皮豆腐炸得外脆內軟，值得一試2）蒜茸粉絲金菇蒸鮮魷菜式特別，有炸蒜茸為主要調味，蒜香撲鼻，口感豐富，但略為油膩最為推介係白肺湯加臘味飯！

< 🐉龍德樓 > 📍旺角天氣開始轉涼 又係時候食煲仔飯😆😆 今日就去咗喺勝利道嘅一間老字號中菜館食😛 質素好好好😋 每人食咗一個煲仔飯同兩碟小菜 仲揀咗是日燉湯飲 好滿足😆🦐蝦乾排骨煲仔飯🍚 $78好足料嘅煲仔飯 老闆話佢地嘅煲仔飯特色係健康 冇飯焦為主🤣 排骨有成十幾舊 醃得好入味 舊舊都有肉香 蝦乾夠鹹香 而且好大條🦐 撈埋啲飯同排骨好夾 推薦👍🏻👍🏻🐙章魚肉餅煲仔飯🍚 $78肉飯好大塊🤣 入面嘅章魚切到一粒粒 咬落有層次😛 肉餅唔太肥 加埋秘製豉油同麻油食可以令個肉餅口感更加豐富😋😋 另外飯粒分明 唔會痴埋一舊舊 有飯香 係中上嘅煲仔飯😋👍🏻🥩黑椒牛仔骨 $78一打開就聞到好香😛 牛仔骨有六大塊 每舊都好入味😆 肉質幾淋 雖然黑椒味重但係都冇蓋咗牛肉嘅鮮味👍🏻 其他配料有青紅椒同洋蔥🧅 吸收晒啲黑椒汁 超惹味😆 💛黃金蝦球🍤 $88我嘅至愛😆❤️ 大蝦有六大舊🍤 每舊都炸得好金黃💛 而且仲脆卜卜😋 炸衣好薄 索晒啲鹹蛋黃汁😋 大蝦新鮮炸起仲熱辣辣 蝦肉好爽口彈牙😛😛 色香味俱全👍🏻😋🥣是日燉湯 日月魚蟲草花煲豬展 $28燉湯好足料😋😋 有紅蘿蔔🥕、蟲草花、豬展好鍾意

陪個friend去勝利道睇貓疫情期間勝利道嘅食肆都唔算多人😔呢間餐廳已經係最多客人㗎啦我諗食品應該有保證 所以就入去試下🍄煲仔飯呢排凍咗我哋叫咗兩個煲仔飯佢哋係健康新式煲仔飯有煲仔飯香但係唔會有飯焦因為即叫即整都等咗大約20分鐘✅臘味煲仔飯 臘味唔會太肥 味道適中唔會太鹹分量好多有兩條潤腸兩條臘腸仲有好多粒臘肉加埋條菜飯雖然冇飯焦 但係都係好香軟硬適中 加埋個甜甜地嘅煲仔飯豉油 好有港式風味😍✅章魚肉餅飯肉餅份量好多整到好厚 有得出係粒粒章魚手剁肉餅咬落去仲幾彈牙 唔係用機攪爛啲肉 會散開一樣啲飯整到好出色👍👍🍄燉湯杏汁菜膽白肺湯非常重杏仁味 問老闆係用杏仁新鮮磨製而成重料 目測都見到有好多塊豬肺飲落去好潤喉 冬天潤肺以形補形 好得五指毛桃燉螺頭呢個好好味 一樣係勁重料啲螺頭已經燉到可以食唔會韌證明係 夠曬火候 飲落去湯濃有好香螺頭嘅味道 勁鮮甜🍄豉油王煎蝦呢個好食 啲蝦勁大隻 豉油王勁入味應該放過啲蝦落油鑊 所以咬落去有少少脆脆地師傅手勢非常好夠曬鑊氣味道好最緊要啲蝦係新鮮咬落去超彈牙好味😄😄🍄西檸雞分量好足 即叫即整 非常之脆卜卜個味係酸酸甜甜 味道適中最得意係下面加埋啲炸米一次過

如果你有好多時間，都想同朋友聚一聚，呢度絕對係一個好地方，呢度啲食物都係精心炮製，煲仔飯都要等一個鐘頭，可見當中的細心。我哋一開始嘅時候，叫咗呢度嘅花膠杏汁燉豬肺，個湯都算幾甜，有少少杏仁味。花膠亦都有咬口。之後就係馬拉盞炒時蔬，個菜用左唔少油去炒，所以都算滑身。再之後就係佢哋呢度出名嘅煲仔飯，我本身唔太好飯焦，所以呢度嘅都幾啱我，但如果要求飯焦嘅朋友就可能唔太適合。肉餅蒸得幾香，幾有豬肉味。另外就係呢度嘅蜜桃咕嚕肉，個醬汁都幾香，肉質都幾硬身，有質感。

某晚黎左何文田附近食晚餐，朋友喜歡食健康中菜就帶我黎左龍德樓度話帶我飲靚湯，餐廳環境裝飾别緻好有中國風味，古式古香，我地坐低左叫左一盅花膠杏汁豬肺湯，湯入面有花膠，香濃杏汁味，補肺健康精選，另一盅杏汁豬肺湯同樣杏汁味香，湯水好滋潤，小編好鐘意個湯之後叫左一碟蜜桃咕嚕肉，蜜桃酸甜咕嚕肉肥瘦適中，好好味，一碟一口脆豆腐小食，脆豆腐炸香之後細細粒熱辣辣一啖一口，即叫即炸，份量都幾多主菜煲仔飯，健康無飯焦，我揀左臘味煲仔飯，有臘肉，臘腸同潤腸，臘肉好香，唔會好油，飯粒色澤分明，另一款係蝦醬豬頸肉飯，蝦醬味加豬頸肉又幾創新同特別，如果豬頸肉再淋d更好，豉油可以自己加唔驚太咸，職員服務好好，不停為我地添茶。

好耐無食中餐 就求其入左呢間小店坐低睇下食評 以前好似麻麻 心諗可能中伏 點知係好驚喜餐廳感覺乾淨 服務都好快 店員都有禮而且好多選擇 好似大牌檔咁多天氣凍凍地 就好就係食煲仔飯好大煲飯 同平時個D唔同 呢個係新式的煲仔飯 無飯蕉 我比較鐘意呢款 我個人唔太鐘意太燶太乾的飯B. 蝦乾排骨飯-$78排骨份量都唔少 唔UN 係酒樓水準蝦乾都幾香D.章魚肉餅飯-$78章魚肉餅好鬆軟 入口已經好大陣章魚香 肥瘦都剛好加埋D 甜豉油 超正 五指毛桃燉螺頭湯+$28真材實料的燉湯 超好味好濃無味精 真係食到螺頭肉杏仁菜膽燉白肺湯 +$28平時屋企好少煲豬肺 呢到有得飲充滿杏仁香 加少豬肺的點綴  好滋潤椒鹽鮮魷-$88呢個絕對係超驚喜炸得超級鬆脆香口 魷魚好新鮮好有彈性唔係平時出去食 一咬就覺得霉個D 外表唔會太厚 加埋D 炸米粒同蒜粒 超香口!!!!食下食下好快食哂金姑蒜上湯浸白菜$72呢個就係普通的上湯菜 不過都有好多料 好多雜姑上湯唔會太咸 配飯一流整體來講呢間係高質中菜小店下次唔想煮可以來呢到試下!!

何文田勝利道食肆林立，今天和朋友來到這間頗有歷史的「龍德樓」食飯。秋風起，當然要叫最出名的煲仔飯和燉湯啦！「 蝦乾排骨飯」$78「 章魚肉餅飯」$78煲仔飯上枱時香氣撲鼻，熱騰騰的，簡直令人垂涎欲滴，加入幾滴鼓油混合一起吃，嘩！真是好吃到不得了。而煲仔飯最底的飯焦就是我的最愛。「 海鮮豆腐煲」$88豆腐大大舊，很幼滑，還有鮮蝦、 魷魚、西蘭花……好吃。「 金銀蛋浸白菜仔」$72煲仔飯有咁多肉，當然要叫一些蔬菜，白菜仔非常幼嫩清甜，金銀蛋的份量也很多。「 白肺湯」$28豬肺是很花工夫清洗的，所以在家是不會煲，這個燉湯一定要推介，見到奶白色的湯，已令人非常愉悅，再食一口豬肺，嘩！軟腍幼滑入味，正。「龍德樓」的煲仔飯和燉湯果然名不虛傳。

天氣轉涼，妹妹提議去此店吃好味又价錢實惠的煲仔飯和燉湯，還有精美小菜。此店的煲仔飯，燉湯和小菜的選擇很多，差點令我難以決定吃甚麽。最终我們決定要五指毛桃燉螺頭和杏汁菜膽燉白肺湯。兩個燉湯都真材實料，好飲。白肺湯清熱除痰，螺頭湯滋補。煲仔飯是我們的至愛。蝦干排骨飯和章魚肉餅飯各有特色。飯有飯味，新鲜熱辣有飯香。蝦干配排骨好味，排骨不太肥，蝦干鲜甜。章魚肉餅好夾味，易入口，肉餅肥瘦適中又軟滑。飯的餸份量好足料，鼓油美味!粉絲海鮮雜菜煲好味有營，不比酒樓遜色。茄汁煎中蝦鲜甜有鑊氣，不油膩。我們吃得很飽很滿足，只需420元左右。物有所值，值得再來。店的服務也不錯。

燉湯款式夠多！一入到去就已經聞到好香嘅燉湯味道，好入味不過就細盅左少少。食咗蝴蝶腩煲仔飯，燒得啱啱好個飯好香👍🏻蝴蝶腩夠腍👍🏻仲推介XO醬蘿蔔糕，釀茄子🍆！

勝利道其實無咩餐廳選擇，呢間龍德樓係朋友介紹去食既，話佢既煲仔飯同燉湯不俗就試試佢啦。餐廳唔算大，夜晚8點去到都等左10分鐘到先有位。跟煲仔飯加$28就有是日燉湯，今晚係豬肉雞腳冬瓜湯，都算足料，不過可以淡返少少，落多左鹽鮮蝦燒賣—有兩隻蝦肉係入面，同埋都幾大粒，絕對唔欺場鹿怡島豬豚肉—唔知係落左豬油定因爲本身係豬肉，食到個飯有豬油香，不過一定要落鼓油，本身個飯係無汁既，加左會好食好多，食到最後有飯焦。金銀蒜青衣柳飯—呢個味道比豬豚肉清，個人都係鍾意食濃味d埋單$256，真係好飽，下次再係兩個人食會食個二人set,有一飯兩湯兩點心，咁會食多d唔同野又唔駛頂住個肚🤭🤭

難得有時間出街食lunch...今日同事介紹我食依間煲仔飯。12點到剛剛好唔洗等位，隔左一陣就坐滿人喇。餐廳有點心、有煲仔飯。我就揀左個午膳套餐，一個飯加湯或者菜。間餐廳應該出名湯，所以就叫左個湯喇。是日例湯係木瓜雪耳湯，味道都唔錯。值得下次再試。如果想飲其他湯就要加錢喇。個煲仔飯都幾好食，不過可能因為我果個係鱆魚雞粒飯，所以冇汁，感覺就淡味左少少。不過都代表住幾健康既⋯⋯再自己加豉油就變左好好味喇。$65。另外，要比$3茶錢。下次可飲多幾杯。

我地揀左二人餐$228, 有兩盅湯, 兩個點心同一個煲飯。 有好多野揀呀! 如果一個人, 有呢個餐揀先來個油菜石斛花旗參燉螺頭好香石斛味, 冇乜花旗參味。不過, 好足料架!有螺頭粒, 雞腳...鴛鴦蒸軟糕深啡色嘅係紅棗糕, 味道淡左啲~淺啡色嘅加左薑汁, 好夠薑喎!瑪卡螺頭燉竹絲雞瑪卡係秘魯人參, 好有營養架! 個湯好甜, 連湯渣都食埋蘿蔔糕, 普通啦, 粉多鹿兒島黑豚肉飯檯上有甜鼓油自行加色見其他檯嘅煲都食得一乾二淨, 好期待呀!好可惜,我地個飯似乎過左火, 啲飯黐曬底, 冇飯焦食。味道平平甜品: 起沙紅豆沙另加甜品: 蛋白燉3.6 牛乳佢話雖時, 本以為即燉。不過, 我食嗰羹係暖嘅, 友人食嗰羹係凍嘅。 個味道幾好嘅, 好濃牛奶味。

同友人一齊去圖書館做功課，做到咁上下肚仔餓，就去附近覓食，見到呢間龍德樓就好想食煲仔飯，一於試試。點了北菇滑雞飯，鳳爪排骨飯，都跟湯，仲點左碟蘿蔔糕。滑雞得一粒菇有d失望，d雞亦偏肥，但係好味夠味的。鳳爪無得輸，但排骨肉整體都偏少，遠遠不夠送飯，有點可惜。飯粒粒分明，有咬口，份量都多，喜歡👍，煲仔豉油都剛剛好👍。附上ge湯好好飲，老火湯，應該不是味精湯，讚！蘿蔔糕偏軟，夾就散，料都少，味道正常。

天氣一凍就想食煲仔飯朋友介紹「龍德樓」係正野，即刻去試一試！3個人叫3個煲仔飯-章魚肉餅飯加潤腸-煎肉餅飯-鹿兒島豚肉飯整體而言都好味，我個人最鍾意就係章魚肉餅！另外加左拉絲春卷，真係拉到絲，脆卜卜！