龍德樓 (已結業)

晚上9點由於車位問題, 只可以向附近開飯, 一行3人坐低, 先上茶是半涼的, 焦香飯我的理解係有飯焦, 點了一個咸蛋肉餅焦香飯同一個立腸排骨焦香飯, 咸蛋居然唔無一齊煲熟而係好似燒味檔咁半隻擺向上面....咸蛋肉餅焦香飯: 飯係濕濕地既, 似屋企煲飯落多左水咁, 何來焦香, 肉餅亦沒有咬感/ 口感, 都幾失望立腸排骨焦香飯: 起碼唔使食軟飯先, 有飯香, 但沒有飯焦, 沒有飯焦, 沒有飯焦!! 立味分開蒸另上既, 偏肥份量唔算多, 但整體OKAY既, 2個點心一係太油, 一係太咸, 又係份量唔多.....最後最出事, 係個杏仁茶, 叫左一個燕窩杏仁茶同一個花膠杏仁茶, 2個都好似向百貨公司買杏仁炒沖出來咁, 帶酸味...花膠有一片手指尾SIZE, 燕窩食唔出只有蛋白....我真係好好好後悔揀中呢間野開飯, 埋單300蚊左右3位....我情願食大家樂

去得勝利道搵食，喺有選擇既情況下都唔會去龍德樓，相信喺附近住或者返工既朋友都會明白。食物質素參差：蒸飯d雞肉唔新鮮，鬆散冇雞味；以前仲有點心嗰陣，蝦餃皮厚蝦肉唔新鮮，食過一輪，除左雲耳蒸雞飯之外，真係冇邊樣係ok。衛生條件差：以前仲有點心嗰陣，我試過去廁所，見到一大盤馬豆糕之類既凍食糕點，就咁攤左喺廁所附近臨近洗手盤既位置，又試過食完肚屙（自認玻璃肚，只要有小小唔乾淨就會嚟料），衛生條件堪憂。由於以上種種原因，作為街坊，都好少再去食，真係想食點心既，寧願行兩步食老點，何況，龍德樓而家都唔做點心。但係今日既經歷，真係令我對呢間野徹底死心。中午時間由於其他鋪實在太多人排隊，我又一枝公，所以諗住求其呢度有位食龍德樓算。入座點左一個臘腸蒸雞飯一個跟餐燉湯，豈料個湯飲到一半，我喺菜乾入面發現一條牙籤長度既蚯蚓，咁我就同一個阿姐講，有蚯蚓喎（如果知道後事發展，我一定會影相，唉，自認蠢左），然後阿姐就話換過個湯俾我。我就話唔要喇下嘛，幫我喺張單度取消個湯算喇。阿姐話換個菜俾你喇，我話唔要喇，佢話唔係呀送俾你，咁我梗係話要喇，心諗，算你喇，大家好來好去。食完俾錢，個阿叔話76蚊，我話阿姐冇同你講取消左

I love 常餐。pork chop.noodle . the soup is Japan style 豬骨湯 但略為鹹左Dd,但米粉好多，我食唔曬呀。 豬扒就比較濃味同鹹，但係超大一。塊，肉質又鬆軟真係幾好味。另有有太陽蛋，但黃就熟了dd無乜蛋汁，蛋白都煎過頭有少少焦，食落比較粗糙同乾啦 麵包烘得好脆，抹上牛油，yummy,加埋火腿正呀。the set included drink as well, only $43 dollar ..

這裏不是什麼大酒樓，其實只是可以容納幾十人的點心鋪，間中會來這裏，主要是因有多款湯可以選擇🍵。點了二人餐，當中可以選擇湯、點心、菜及飯，最後有糖水。如果不是選擇很 heavy 的點心，兩個人不會吃得很飽，但食物質素不俗，湯內湯料也算豐富，飲得出是老火湯並不是有味水，🍚飯是沙煲煮的，並不燒得很焦，與煲仔飯不同。很欣賞這裏製作點心相對其他食肆少油，食物表面並沒有油光閃閃，底部亦沒有1cm油積存。點心也沒有很咸，即使這樣，製作出來的食物也是很可口，餐後並沒有很口渴的感覺，相信味精也不是太多，且吃不出有雪藏肉味，很難得。

Lunch time 好多人開學又好多學生今日試左個奇趣蝦餃！！！！原來係避風塘風味既蝦餃超特別本身諗住佢係蒸蝦餃上面放d炸蒜就算點知原來個蝦餃都係脆面！！！！！仲要係脆得恰到好處，唔會脆到好似春卷咁只係個面簿簿一層脆，裡面都係蝦餃應有既質感超夾！估佢唔到咁夾所以除左食佢個又係超好味既mozzarella 拉芝蝦春卷，可以試下呢個避風塘蝦餃🍤

中午去勝利道買珍珠奶茶，順便食個晏，非龍德樓莫屬，咁多家庭去食，就知道係好野。港式氣氛加中式裝修，感覺不錯。午市套餐連燉湯，都幾抵食。是日燉湯木瓜雪耳燉豬，材料豐富，仲有馬蹄、雞腳，味道清甜而濃郁，感覺很有膠質，非常可口。椒鹽煎肉餅飯($65)的肉餅夠厚，煎得好香，唔會好鹹。肉餅也很扎實，冇咩肥肉，唔會好油，非常好味。蒸飯有嚼勁，不俗。水晶菜苗餃($26)的豆苗爆滿，加碎蝦肉，美味。醬皇蒸鳳爪($24)ok。拉絲芝士鮮蝦春卷($32)，春卷脆脆的，cheese好厚也很chewy，但蝦子有點小。自家XO醬炒蘿蔔糕($32)的XO醬偏辣，炒得多油，可以再炒碟麵。

朋友介紹黎，話呢度既蒸飯同湯都好好。一坐落，職員就即刻為我地加位加餐紙斟茶。我地發現四個位入面有兩隻碗係超污糟，有食物渣滓依附住，都幾嚇人，好在職員立刻為我地換過晒。朋友介紹食套餐，有湯有點心有飯有甜品！居然有杏汁白肺！唔係度度有架！(可惜我唔飲丫！)我點左黑蒜螺頭竹絲雞～第一次食同飲黑蒜，幾特別！湯入面超多料，除左黑蒸同竹絲雞，仲有螺頭、杞除、瑤柱等！矜貴！最重要係，飲完湯同食完全餐飯都唔覺口渴，有料到！蟲草花滑雞飯！雞真係超厚肉同超滑！蟲草花幾有咬口！飯係二人份量既。香煎蘿蔔糕，不過不失啦！

今日中午我們去咗何文田勝利道嘅「龍德樓」食中午飯！我們叫咗北菇滑鷄飯嘅鷄肉肉質都幾嫩滑，份量都算多！鳳爪排骨飯一上碟嗰陣，我們個個都「O晒嘴」，因鳳爪嘅色澤係黑色，真係超級嚇人，而排骨嘅肉質都算爽滑！豉汁蒸大鱔飯嘅大鱔肉質好彈牙，味道有啲腥，而且都幾大件！鹿兒島花魚蒸飯嘅花魚有好多細骨，味道有啲腥，肉質就比較結實！跟餐燉湯：木瓜雪耳燉豬𦟌嘅湯底味道好清甜香濃，湯材都幾豐富！

倆口子去嘗嘗龍德樓的點心，幸好只叫了6樣，因為真的非常不合胃口。1.春卷：又冷又硬，吃下去還有一陣怪味，明顯已放了好久。2:蝦餃：皮厚，挾下去就破了，裏面的蝦子都掉出來，好像蒸了好一會。3:燒賣：不過不失，豬肉有點多。4:流心奶皇包：完全沒有流心，而且奶皇較少。5:瑤柱蒸腸粉：不夠滑，太黏。6:煎蘿蔔糕：沒特別，較油。不想浪費食物最後都堅持吃完（除了春卷），雖然填飽了肚但覺得對不起味蕾，真的太失望

每次黎呢度食都係為左足料靚湯，是日靚湯係木瓜雪耳雞腳湯一打開個蓋已經聞到好香木瓜味，飲落去十分清甜，贊可惜今次點解得半碗，平時係滿的，原本想拎返去換，不過又要行黎行去，最後都係打消念頭除左木瓜雪耳湯呢個主菜外，當然仲有配菜啦呢個鳳爪排骨飯要$52，實在有點貴，這個蒸飯沒什麼特別，不過佢仲有其他特別既蒸飯，有鹿兒島豚肉，鵝肝等等，下次可以試試其他

今晚要獨自在外覓食，尋尋覓覓終於決定食蒸飯。點了北菇滑雞蒸飯，一上碟就已失望透頂。所謂的北菇只有一小塊冬菇，完全聞不到也吃不到冬菇的鮮味。小冬菇底下舖了一堆薑絲，然後就是幾塊零碎的雞件。平心而論雞件蒸得還算入味，可惜全部都是零碎部位，很多雞骨。幸好飯蒸得頗乾身，粒粒分明。但這煲飯絶對不值$53，如果價值$40左右,勉強可以接受，但$53卻做出這種貨色是不能接受。中伏了～

今天很想飲燉湯,見到龍德樓有杏汁白肺湯,馬上便去試一試.其實我地2個人都不太肚餓,所以叫了1. 榨菜牛肉飯 - 榨菜有點咸,牛肉調味啱啱好,本來唔肚餓既我地食完都好唔夠喉. 2. 上湯鮮竹卷 - 鮮竹卷肉及菜既比例剛剛好吃得出菜及肉既鮮甜,而個上湯一點油也沒有所以吃完鮮竹卷再飲埋個上湯感覺很清爽滿意.3. 杏汁白肺湯 - 雖然賣相唔靚,但一飲就知用料十足. 飲到了杏汁味及金華火腿高湯味,而最難得係個肺真係洗得好干淨,亦十分好味.連不吃湯料的我, 也一食就停唔到下來.  對於一個湯精既我來說龍德樓既杏汁白肺湯真係好正.下次一定再來試埋其他既湯及點心.

今晚我們去咗何文田勝利道嘅「龍德樓」食晚飯！我們叫咗川貝茨實燉鱷魚肉、淮杞竹絲鷄燉螺頭、瑤柱蟲草花燉水鴨、剁椒牛仔骨飯、鹿兒島花魚蒸飯同鱆魚鷄粒飯！燉湯類：湯料都幾豐富，湯底都幾濃郁！川貝茨實燉鱷魚肉嘅味道都幾清甜！淮杞竹絲鷄燉螺頭嘅味道都幾清甜香濃！瑤柱蟲草花燉水鴨嘅味道比較芳香濃郁！蒸飯類：米飯好乾身，飯焦相當香脆！剁椒牛仔骨飯嘅肉質都幾嫩滑，但脂肪比較多，比較肥膩，初頭點菜時以為剁椒係新鮮嘅，點知出到嚟係泰式辣醬咁嘅「所謂」剁椒，真係令我們覺得非常失望！鹿兒島花魚蒸飯嘅肉質比較結實，味道有啲腥，而且幼細骨相當多！鱆魚鷄粒飯嘅肉質都幾爽滑彈牙，份量都幾大件！

老細將煎蛋牛肉飯和金針雲耳蒸雞飯(個名大約記得，有錯莫怪> <)擺落張枱到，除咗個煲外形幾靚之外，睇落其實冇乜特別。我跟手將枱上支鼓油，係咁意放少少落個煲到，希望夠味啲。女友平時夜晚好少食咁多飯，都扒咗幾碗，我諗住叫佢，雖然要俾錢，都唔駛chur到咁盡架嘛，跟住見佢都係咁扒，可能餓掛，咁我都費事得佢清晒，咪開動。一食，我都呆咗下，鼓油唔過鹹、唔過甜，最緊要既，就係帶少少酒味，將薑絲啲辣味都中和晒，唔單只咁，連雞油都滲入晒啲飯到，恰恰好，唔似海南雞飯咁得個油字，熱力足夠到，連個煲有一絲裂紋，如果係啲邊位，我都會諗佢懶，唔換好啲生財工具；但條裂紋係個煲底，上枱個陣仲熱既，咁姐係話個師傳成日用大火，keep住個煲既温度，仲要唔係短時間，起碼都大半年，日日咁做先會有紋。埋單個陣，我找少兩蚊，好味既嘢，唔一定要揾米豬蓮，用心既，其實總會有人知道。

Discovered this restaurant from a local TV show so went to Victory Road to try this restaurant and this other restaurant.There were seven soups ranging for $28-$90.★☆★☆★☆★☆★☆★☆★☆★☆★☆★☆★☆★Black chicken and Chinese herb soup:I chose the black chicken soup because of the black chicken.When it arrived, I placed the soup ingredients into another bowl and there were two pieces of whelk, one piece of black chicken and other Chinese herbs.The soup tasted naturally sweet because of the chicken and whelk.