龍門冰室 (已結業)

有時戚起條筋就會好想食D港式扒餐，咁岩個日去紅館睇演唱會，就搵左附近GE龍門冰室過過口癮羅宋湯超大碗，飲完都飽左三分一星級雜扒 - 話到明星級就緊係咩都有，用鐵板熱辣辣上，有西冷牛扒、雞扒、英式腸、煙三文魚、炸帶子，好大份呀，一個人都食唔哂，個雞扒燒得夠哂juicy，唔使一百都好抵食黑松露芝士焗雜菌西蘭花 - 呢個都推薦，芝士份量剛好，不會覺得太滯英式早餐，同行友人要左all day breakfast，佢話個蛋炒得唔錯，嫩滑適中，但大啡菇再熱D就更好本人為雞翼狂熱愛好者，蜜糖雞翼值得encore，外皮好香脆，入面就啖啖肉

老公成日話公司附近間冰室又抵又好食，但地點係香港仔太遠，上網search 一search見紅磡有分店於是就襯假期去試下係咪真係咁正! 冰室係地鐵站行過黎都好近，附近好多餐廳，地點都好易搵!5點幾黎到仲趕得切有下午茶食~仲有卡位坐~Menu好多選擇!叫左兩個餐加兩個小食作為我地既Early Dinner~~鴛鴦汁焗雙扒飯鴛鴦汁係可以自己配撘既~我就揀左黑椒汁同龍蝦汁~雙扒係雞扒同豬扒。一上檯店員千叮萬囑我地要小心唔好碰到碟邊，因為新鮮焗起係好熱!事實上見到碟入面鴛鴦汁滾到起泡既畫面已經知碟飯熱既程度!鴛鴦汁焗得有點微焦，雞扒同豬扒各分佈係左邊既黑椒汁同右邊既龍蝦汁之下，兩塊扒夠厚肉，唔會被焗得過乾。黑椒汁微辣有好香既黑椒味，龍蝦汁好少係出面餐廳食到，味道似杰身既龍蝦湯，咸咸地同飯底一齊食好快清哂碟炸魚柳跟餐可加$14有其他小食，我見隔離檯既炸魚柳好似好正於是就加左。魚柳跟配埋沙律醬上檯，炸得熱辣辣，表面係吉烈口感，好脆既外層，入面既魚肉非常嫩滑，呢$14絕對抵加!黑松露薯條本身我叫黑松露薯條老公係反對既~因為佢唔食黑松露，但我真係好想食於是堅持叫~點知止檯既時候波浪形既薯條同黑松露沙律醬

尋日放工同老公行開黃埔附近， 就去咗呢間冰室食個lunch😋 裏面嘅裝修都幾靚， 同埋啲店員效率好高，做嘢好快手👍👍我地睇餐牌， 諗咗好耐都未諗到食咩好😂😂因為我地發覺實在有太多選擇😍最後我叫咗個常餐: 蜜汁叉燒湯意粉， 配3.6北海道牛乳炒蛋， 同埋厚多士， 都係37蚊，好抵😍😍 蜜汁叉燒好入味， 北海道牛乳炒蛋好滑， 厚多士都好香脆可口， 整體分量好足料， 食完都覺得好滿足😋我老公就叫咗碟蔥油雞髀太陽蛋飯， 雞髀好淋， 醬汁唔會太鹹，味道啱啱好， 佢都覺得份量好足料👍👍我哋另外叫咗兩杯北海道牛乳熱鮮奶， 每杯都只係另外加六蚊，都幾抵， 同埋佢杯熱鮮奶好滑， 飲落去有好濃厚嘅北海道牛乳味😍😍下次可以再試下其他唔同款式嘅食物😋

茶記不嬲都係食晏趕時間之選😏今日晏晝時間唔多，要快快脆食完個lunch，又要去第二度........ 所以是但係咁以搵間茶餐廳食算數..... 咁啱附近有間叫龍門冰室嘅餐廳，之前都聽過呢個名，應該係有分店，咁應該實無死啦😂😂 跟住就入咗去喇💁🏻‍♂️我去到嘅時候已經係下午茶時間，人唔算多....... 叫咗個all-day breakfast 同 羊架撈丁!!!! 得閒食好啲，對自己好啲，心情靚啲，先有動力去做野!!!!!! 雖然個all-day breakfast 比一般茶記食物貴少少，但係睇得出佢用料絕對唔馬虎!!!!! 有smoked salmon 同organic mushroom!!!!! 係我既至愛!!!!! 仲有勁多料嘅羅宋湯!!!!!羊架撈丁🍝

今晚同fd黎到龍冰食野，見到隔離食緊鐵板餐，“咋咋“聲又勁香咁，搞到我地都忍唔住叫返個鐵板餐！鐵板餐係跟餐湯，我地落單果陣冇問係咩湯，等佢上菜果陣先知係羅宋湯，大家下次可以問下有冇白湯。羅宋湯都幾大兜，而且用料好足，勁多蔬菜，希望幫到我食完咁多肉唔會便秘haha我自己就有選擇困難，所以叫個美式離扒，咁就咩都有d，滿足我咩都想食d既欲望。我個雜扒除左冇牛之外，雞豬扒都齊，所以個fd叫個牛扒就可以share岩岩好雜扒配埋煎蛋，個煎蛋勁大塊，個蛋黃仲有少少流心！腸仔得一條，但煙肉都有兩大塊，唔會好咸唔錯！雞扒肉質幾嫩，一d都唔鞋。豬扒就厚度適中，不過不失。除左肉，鐵板餐都有配大大既西蘭花、蕃茄同粟米粒平衡下，唔會一味得肉。薯條份量都多，唔會得果兩三條，而且都睇得出係新鮮炸，抵讚！我地仲叫左個蜜糖雞翼做小食，以三十幾蚊有六隻黎講呢個價錢都幾抵，而且唔會話好細隻又乾爭爭，每隻都好好肉，每隻都立立令，睇落都覺得落左好多蜜糖，但意外地食落唔會話好甜另外野飲我叫左個招牌朱古力，都幾香，幾有咖啡味呢到夜晚都幾旺，想食既話最好六七點黎

住得係紅磡附近，大大小小都食過唔少冰室，龍冰早餐食過幾次，但晚餐就未食過，呢晚決定黎試下！我同朋友都係食肉獸，所以兩個都叫左鐵板餐我叫左紐西蘭羊架拼香草腸，價錢係85蚊，九十蚊唔到嘅價錢但係份量非常之多。首先個餐係跟餐湯嘅，大大碗嘅蕃茄雜菜湯用平時嘅湯麵碗裝住，非常開胃。飲完湯之後個鐵板羊架就啱啱好送到，熱辣辣za za聲咁，入面有兩大塊羊架同一大條香草腸，仲有好多薯菜填滿曬成塊鐵板。羊架配上黑椒汁唔會有咩騷味，反而十分惹味！朋友就叫左黑椒香蒜牛扒拼炸蝦，好少可食鐵板會有炸蝦配，抵讚，本身以為會得兩條炸蝦仔，但竟然足足有四條！雖然d炸蝦上面淋哂黑椒汁，但食落牛仲係脆身，蝦既肉質都幾鮮嫩。牛扒都幾大塊，而且唔會好簿身，牛味都ok。朋友一樣係揀左薯菜，薯菜份量好多，大家最後都食唔哂！朋友仲叫左杯檸檬利賓納，黎到冰室點可以唔叫！一飲利賓納，童年回億即刻返哂黎！

呢間冰室有好多嘢食，而且價錢很便宜，啱晒我哋呢啲打工仔首先我哋叫咗一個忌廉汁帶子意大利飯，忌廉汁香濃，加上沙律生菜、帶子，都只係$65 ，咁便宜喺邊度搵到啦呢個餐係包餐湯，羅宋湯非常足料，有好多唔同種類的蔬菜，例如蘿蔔，生菜，青椒等等然後我哋叫咗一個傳統英式早餐，包括有炒滑蛋、德國紐倫堡腸、茄汁焗豆、薯餅、大啡菇等等，質素都唔差，特別係德國腸，味道香濃有層次，炒滑蛋亦都好香滑而多士配粟米沙津，總括黎講好豐富!日式玉子燒餐，我哋叫咗黑松露雜菌玉子配雞翼，玉子其實係有啲似奄列，但表面淋了醬汁, 啖啖雜菌，好健康最後我哋叫咗一份黑松露炸薯條，我幾欣賞呢個黑松露醬，令到薯條味道昇華另外去冰室點可以少咗紅豆冰同埋杏霜呢

通常冰室呀  茶餐廳呢   都係得港式炒麵飯 港式野多~   而且仲好多油鹽添~   不過呢間唔會. 見到好多次~ 今日一試   真係唔錯!  雖然~ 英式早餐份量 連凍飲 要60幾蚊~ 不過份量呀 味道呀  都真係好抵食唔講小呀!!  即刻睇下有D咩啦!! 當中包括:1. 粟米沙律配多士~    牛油厚多士  烘底好食~   粟米沙律個汁都好好食!~ 唔會好酸   帶點甜  勁正  好想可以1星期食幾次呢個沙律2. 西洋菜湯大大碗~   味道偏酸了丁點 但我自己覺得很對胃口很好飲呢  (((我飲晒成碗架!!  哈哈 但好飽呀 所以冇食埋d菜味  食左小小d菜都好新鮮 鮮甜 <3 3. 主要菜來了~  基本上都係普通野啦  但腸仔唔係普通腸   我都唔知咩腸  但好好食 ，而磨菇 好juicy 帶有牛油香味  鮮甜多汁~  好食*v*仲點左杯凍柚子蜜  都好飲wo   冇叫少甜都唔會太甜   正然後朋友點左 咖哩汁雞脾麵:   (唔洗50$) 正正常常啦 , 朋友話除左雞脾肉乾左dd 都好好食     咖哩汁做得都幾好味呀!  撈起麵上黎好好食   抵食~!經過嘅朋友可以試試佢

今天與友人來到紅磡的龍門冰室，冰室地點很方便，落左地鐵，行幾分鐘就到，地點很就腳。冰室有很多特色飲品供選擇，例如有北海道牛乳，係普通冰室未必有的特色飲品。午餐價錢很合理，選擇也很多。小食選擇也很多，很合我們心水，價錢也很合理。餐湯很濃郁，很香蕃茄味，很好飲的餐湯。我們最愛黑松露薯條，很脆很香口，醬汁也有很濃郁的黑松露味，配搭香脆的薯條，是十分夾的組合，值得推介。蜜糖雞亦，也很好味，雞肉新鮮，很脆口，也值得推介大家一試。升級雜扒餐，我最愛，材料很豐富，有三文魚，牛扒，雞扒，腸仔，炸帶子，很多東西，很好味，價錢也超抵，很抵食。用料新鮮。我朋友叫了雞扒，味道也十分好，雞肉新鮮，也很大份很抵食，必推介。

入左一間紅磡既冰室食飯。吸引之處：1. 冰室入邊有好多漫威既英雄。我諗店主係一個漫威迷。係餐廳擺出黎，覺得都幾型。2. 星級雜扒。平時食開美式雜扒，今次上升級。特別多海鮮，而且份量係超大。鐵板扒上黎既時候，好似成座山。煙三文魚好新鮮，帶子炸得好食。薯條因為鐵板燒一燒，外邊一層特別乾脆，入邊鬆化，口感好。3. 牛扒大份。煎得靓，味道新鮮又甜。黑椒汁好惹味。雞扒都煎得好香。多水份。仲有好多汁既腸仔。呢個腸仔好真材實料，睇落好似好普通，但味道好好。4. 鮮茄豬扒意粉。好大舊豬扒。芝士又夠多。成個意粉好香。甜又新鮮既蕃茄，食左好多都咁開胃。好好食既意粉。5. 椒鹽雞翼。雞翼香得黎又有輕微既鹹味。啱啱整出黎既雞翼好熱，味道好。雞翼水份多，勁爽口既小食。6. 黑松露芝士西蘭花。超多芝士，西蘭花吸曬芝士同黑松露精華，味道好濃郁。新蘭花新鮮，爽口，好食。7. 飲杯熱檸蜜同菠蘿冰。好清新又養生。整體黎講，好多野食同好好味既冰室。出餐快，價錢平，味道好。

先黎餐飲熱奶茶 色水幾好，夠奶，唔會澀口公司三文治（$38）除左正常嘅饀料，例如煎蛋，火腿，芝士，蕃茄，生菜等，特別地用午餐肉除代平時煙肉個類肉，保留咸口味之餘，亦增加左份厚度，增加左份口感。雙層饀料，三塊麵包，抵食！黑松露炒蛋多士（$35）黑松露份量絕不吝嗇，啖啖炒蛋都有黑松露味。麵包烘得剛好，少脆亦有麵包嘅軟熟。煎雞扒（+$12）炒蛋多士可以加$12要塊雞扒。皮脆，厚肉，大大啖咁咬😬芝士汁流心奄列配炸魚柳（$52）有幾款汁揀，鮮茄汁，芝士汁，咖哩汁，黑淑汁同龍蝦汁。芝士控嘅我梗係要芝士汁。芝士汁俾到驚喜我！唔會死咸又唔會太傑成pat醬咁，無論配蛋，撈飯，點魚柳都好正🧀炸魚柳厚切啖啖肉！唔會炸到乾柴咁，不錯。總括黎講，龍門冰室嘅食物選擇多，下午茶嘅嘅份量亦唔細，性價比高。下次會黎試下晚餐，睇下有無驚喜！

媽媽好鍾意食茶餐廳冰室，今日放假就揀咗呢間位於紅磡黃埔的「龍門冰室」同佢食lunch！兩點幾黎到餐廳已經座無虛席，好受歡迎啊餐牌上嘅款式好多元化，中西合璧，除咗有茶餐廳必備的炒粉麵飯同常餐，仲有西式意粉飯類同全日早餐，價格相宜，總有一款啱心水熱奶茶我地點左三個餐，跟餐都會奉送熱飲。熱奶茶好出色，茶夠香濃，奶夠細滑，愛喝港式熱奶茶的媽媽表示好好飲忌廉粟米汁煎龍利柳飯厚薄適中的龍利柳沾上蛋漿後煎香，外微脆內軟，有蛋香同魚肉香！粟米忌廉汁多到睇唔到舊魚😂送飯一流！但略嫌白飯比較黏笠，軟身雪菜肉絲米粉配3.6牛乳炒蛋厚多士牛乳炒蛋的外型像煎蛋，不算很嫩滑，但都充滿蛋香的！厚切方包好鬆軟，充滿麵包香！雪菜肉絲米粉上面佈滿切碎了的小棠菜，好特別，第一次食加入左大量小棠菜的雪菜米😂感覺好健康！米粉好爽口，吸收左雪菜肉絲嘅香氣百搭下午茶餐呢個百搭下午茶餐可以隨意搭配出自己喜愛的茶餐，喺10多款食物裏面任選兩款，我就揀咗紅豆朱古力西多士+瑞士雞翼西多士係用厚切方包沾上蛋漿後炸成的，內裏係好鬆軟的方包，帶有蛋香，感覺亦冇平時薄身的西多士咁油膩，配上紅豆朱古力感覺好新穎，亦冇傳統的牛油糖漿咁甜膩！瑞士雞翼都

為了方便，星期日通常會外出吃午餐，這次朋友說想去冰室，我們就選了在紅磡的龍門冰室。我們大概2點左右到達，餐廳很滿座，但店員服務很有效率，不消3分鐘便安排了座位給我們。傳統英式早餐(炒滑蛋、德國紐倫堡腸、煙三文魚煙肉、大蘑菇、薯餅、焗豆、多士)德國紐倫堡腸，肉味濃，有黑椒味，咬下去有肉汁。大蘑菇賣相相當好，上面一塊牛油溶在蘑菇上，蘑菇吃下去很香牛油味。薯餅很脆口，多士很厚而且外脆內軟。炒蛋是熟蛋，有點像奄列。麻辣湯麵配豬頸肉這個麻辣湯麵可選不同麵，有通粉、意粉公仔麵、米粉、福麵、烏冬、米線，我選了烏冬。麻辣湯底是較甜的不會太辣，感覺比較適合香港人口味。而豬頸肉煮得剛好，很甜而且很有咬口和麻辣湯底很配。飲品紅豆奶茶奶茶很濃很有茶味，而且很滑，意想不到的是紅豆跟奶茶原來是很夾的，這個組合我也是第一次嘗試，好喝，很有水準，是值得推薦的飲品。冰涼飲品菠蘿冰菠蘿冰,甜度剛好，有菠蘿細粒在內，非常解渴。水準高的冰室不是常有，而且價錢非常合理，我想我會多來幾次吧。

嘩！龍門冰室，之前已經聽過讀理工大學嘅friend介紹過話掂👍🏻所以今次未食都知應該唔錯😛😛 紅磡分店地址夠方便，客人多數係附近理工大學學生，所以餐廳都特別俾九折優惠讀理工嘅同學仔👩🏻‍🎓環境都算寬敞，啲位都唔算太迫👍🏻最特別係面牆有好多都係老闆私人珍藏嘅Marvel figures💪🏻一邊食仲有歌聽，大家又估唔估到牆上面邊一個裝飾品係喇叭呢？🤣原來雷神個槌就係喇叭📣超正😂Menu菜式選擇多，中、日、意、美都有。如果想係一餐晚飯入邊食到唔同國家嘅美食又或者係三心兩意嘅朋友嚟呢度就啱晒啦，因為總有一款美食係啱你心水❤如果想飲啲特別小小嘅嘢飲餐廳當然唔少得有冰室傳統飲品紅豆冰同菠蘿冰，仲有黑牛揀😛不過如果想飲翻其他普通茶餐廳都有嘅飲品亦都仲有多款咖啡選擇☕首先上枱嘅就有餐湯一定唔少得嘅羅宋湯啦！好大碗飲完都已經覺得開始飽😋😋意大利代表，芝士忌廉蘑菇煙三文魚🤤食落飯入面有芝士香味，味道啱啱好，正👍🏼必選😍美式鐵板就首選黑椒西冷牛扒加德國肉腸配意粉。黑椒味夠濃，啱晒中意重口味嘅人🐂分量足夠一個男仔食飽飽🤰🏻小食方面我哋今次就帶咗其中一款作為我哋嘅前菜✌🏻就係一定要食薯仔焗青口🥔薯蓉夠多覆蓋着成

同朋友去黃埔睇完戲，諗住係附近搵間平平哋又唔駛等位嘅餐廳，所以去咗冰室，冰室一定唔會係伏先通常，哈哈！雞扒鮮茄汁焗飯 $53雞扒配鮮茄雖然少見，但第一次食覺得味道好似更勝雞扒。唔錯唔錯！茄汁蠻多，連埋焗飯食，好好味！栗米煎龍利柳飯 $47龍利柳一D都唔腥，白汁好夠多，連埋栗米食，每啖都好惹味。而且飯量又夠多，絕對係經濟又實惠嘅dinner。黑松露薯條 $38最近都偏愛食黑松露薯條，覺得比起普通著條蘸茄汁更好味。自己都會試下係屋企整。蜜糖雞翼 $38蜜糖好足料，個底好多蜜糖，每食一隻都會點一點，略厭雞翼細隻D。熱鮮奶 $19牛奶味道較淡，還可以。🍽6/10🔎 龍門冰室 (紅磡)紅磡寶其利街47號銳光中心地下