龍門樓 - 志蓮素齋

营业中

休息中

今年的父親節（21/6）我們到志蓮素齋吃午餐。很久沒有到此用餐。 已忘記上一次來用餐的經驗了。餐廳用餐區在瀑布後面。 看到水流下來，感覺應該會較涼快。這裡有最低消費每人$120。 沒有加一服務收費。 也沒有茶芥費用。這是香煎蘿蔔糕（3件），$40。因為接待處有告示牌寫著不可拍照。 我便以為不能拍食物照片。 看到別人在拍照，便向店員查問清楚。 店員說可以拍自己範圍的東西。蘿蔔糕的味道頗濃郁。 材料也多。金菇菜苗餃，$40。菜苗口感軟滑。 餃子皮口感也不錯。松露百合露筍餃，$45。這餃子皮比較糊口。 松露的味道香。石菌砂窩粥，$75。這粥我們一致認為很好吃。 以腐竹和腰果熬煮。 我們還以為是蛋白。 因為煮得糊爛的腐竹有點像蛋白。 吃起來的口感也像。 粥有一定程度的稠厚度。石菌是第一次吃。 煮粥後口感依然爽滑。整個粥的味道濃郁。虎奶菌蒸飯，$72。虎奶菌也是第一次吃。 但與石菌比較，這虎奶菌比較遜色。 口感是有一點爽滑。石菌豆腐煲，$125。略炸過的豆腐口感嫩滑。 底下有娃娃菜。 醬汁的味道很好。招牌陳皮紅豆沙，$68。紅豆沙甜味不太多。 我們三人點了一碗來分享。最後送上志蓮淨苑內的燦爛小花

今日與家人出開鑽石山，諗起鑽石山附近就係志蓮淨苑，之前聽人講果度啲齋幾好味，於是決定試吓，大約七點鐘去到，見店內也幾多人，在無訂位的情況下，好彩仲有位俾我們，隔多一會，見之後入嚟啲人已開始要等位，一坐低，服務員已遞上熱茶，由於我們係三個人，一開始＂立＂眼見啲餐係四人起，所以無睇，睇散叫，但到落單時，個服務員見我有叫燉湯(散叫$120一位）於是好窩心咁同我講，如果你叫燉湯，不如叫餐會抵好多，一睇，原來餐也有二位份量咁叫，個服務員仲話，都好多人叫二人餐但三個人食也夠，成件事覺得好窩心老實，唔會為賺錢而唔提客人其實可以這樣叫，最後叫了套餐A，二人份量係$480，另外加了白飯、腰果桃膠露及薑汁黑糖千層糕，食物整體來說幾好味，不䶢，唔會有過多芡汁，清清地，其中一個前菜胡麻鮮茄涼皮，D涼皮係粉紅色，幾特別，不過覺得佢個甜品比較貴，要$60 一碗腰果桃膠露，份量比較少🙈但唔甜，適合老人家食，整體來說，幾好，環境優雅、服務幾好，食物也幾好，重點不用加一👍🏻不過真係叫套餐抵過散叫，散叫老實講係貴的🙈

疫情期間，唔知邊啲舖頭有開，邊啲唔開，所以最好打咗電話先，其實今日難得好天氣，又想放鬆吓心情，可以行一下好多羅漢松樹的南蓮園池，又可以吸吓新鮮空氣所以決定來到食齋，呢間都係我其中一間必食之選今次揀咗二人精選套餐，雖然佢有每日為限定消費額，其實都值得，因為唔收10%服務費，而且全數撥南蓮園池，所以絕對值得來消費！其中迷你青瓜仔係最喜愛的一個小菜，新鮮清涼爽口，出面好難搵到呢個菜式另外，其實我蘿蔔麻麻哋，但係佢地嘅胡椒蘿蔔，做得相當入味，不太林也不太硬！而且胡椒少辣，配合腐竹一流非常醒胃！整體菜式我倆十分滿意

好耐冇食過齋菜了，今日既然行到 鑽石山廣場對面的志蓮淨苑， 這裏交通方便 入到志蓮淨苑裏面，令人有種洗滌心靈感覺，有種令人放下嘅感覺。 來到這裡當然要試下的齋菜啦， 通常齋菜都比較油膩嘅但係這間沒有這個感覺，味道亦都相當唔錯，菜式亦都比較有特色。下午的時候有個特價套餐，相當便宜抵食。 套餐裏頭有個 特色就係青瓜苗， 連兩歲的小朋友也愛不釋手， 食到津津有味。非常之野味的香蒲茴香豆腐菌煲，另一個翡翠百福袋，還有香菌炆燒伊麵。 這幾度菜非常出色， 大大改變我對素食的感覺。

今日外甥孫生日，一齊去九龍鑽石山，志蓮淨苑食素齋， 六個大人一個小朋友，叫個四人餐，再加兩個素齋，沒想到素齋這樣好食，一個四位餐好豐富，四位餐菜式，有涼菜，胡麻鮮茄涼皮，香麻羊肚耳青瓜苗，主菜，黃耳金粉羹，香蒲茴香豆腐座頭菇煲，香酥脆奶卷拼酥炸花菜菌，翡翠百福袋， 胡椒繡球浸勝瓜，松菌炆燒伊麵，仲有水果，這個四位餐，只是$88O，沒有想過素菜都這樣多款式，沒有想到份量足夠五至六人都夠食，又有糕點甜品送，落單前還加兩個素齋，食到飽住個肚出門口，真的沒有想過一個食肉獸的人，食素齋菜都話食到好飽好飽。

我與朋友第一次到志蓮淨院參觀，環境清幽舒服，素齋也意想不到的高水準，種類繁多但我選了2人套餐，每位不需加一各$240。頭盤香麻羊肚耳青瓜苗非常驚喜，味道青青的卻很開胃，首次嘗試青瓜苗，沒有普通的草青味。黃耳金粉羹味道出奇好味，用料十足，有別一般只有茨汁沒有靈魂的難吃羮。胡椒繡球浸白玉很特別，有點像胡椒豬肚湯，白色的繡球相信是菇類，爽爽的很好吃。餐廳裝修比我想像中精致，顧客可一邊進餐，一邊隔著玻璃欣賞瀑布流水躍動，仿如置身仙境般別有一番風味。

今天友人約了於志蓮素齋午膳，帶着口罩坐地鐵到鑽石山站，一路呼吸不暢直至進入南園南蓮園池一刻，感覺空氣清新。沿路兩旁的松樹令人舒服，經過榕樹間再走幾步便見到龍門樓前面的瀑布，園內遊人不多，添加寧靜感覺，未吃齋菜已經滿足了心靈的健康。中午食客也很多。每次到志蓮素齋用膳，食物清淡亦不乏美味。今天賣相特別吸引我的是炸素鵝配檸檬醬吃，松脆不油，檸檬醬清淡味不會過濃，好吃。豆腐雜菌菜煲，豆腐外皮嚼口，內裏軟滑非常，芡汁調校得恰好。另外素菜炒飯，粒粒米飯吃來爽口。薑汁西蘭花，健康清爽。素菜包及素菜餃，饀料足做得夠水準。甜品有火龍果蜜瓜士多啤梨倂盤，還有軟滑薑味濃的薑汁糕。今天吃得健康又愉快，亦忘記把美食拍下。

之前從來冇寫過食評，但今次令我不得不分享，希望大家去食小心D其實我好幾年前已經食過呢間，印象中食物味道唔錯，所以今次奶奶生日提議黎呢度食下齋菜。當我點餐時，部長就極力sell我叫個2人套餐，但我哋當時係有4大2細佢仲話好抵呀，個燉湯好靚(散叫好似$120)，個餐兩盅湯，話可以比隻碗我地share(講到感覺好似好大碗咁)，佢仲叫我唔洗叫其他食物住，睇吓之後唔夠先再加，正常2人套餐點夠6個人食??!! 但佢推銷手法令到我哋覺得個餐好似好夠食咁。點知食物嚟到，個portion細到我哋O唒咀，我諗就算兩個人都未必夠食我地懷疑個部長想水咗我哋食咗個貴夾唔飽又可以出餐快嘅餐本來食完如果好食，我地可以再order其他，不過大家食完都唔想叫，因為味道極之普通，係個炒飯叫做好啲啲，完全唔值個價最後6百幾賣單，但全部人餓住走，返屋企要再食第二餐。 最嬲係賣單時個部長仲要笑住咁問我夠唔夠食，真係滴晒汗，咁都問得出口!!!!! 只可以話佢既說話技巧十分勁

晚餐用饍時間只有1小時15分鐘，不論長幼每位最低消費為港幣150元，小童身高1米起需計算最低消費。到了限定用餐時間，我們連追加單都吃清光，只待壽飽便完成用饍。當時一位四眼女部長要求我們「食快啲」，我們即異口同聲表示仍有壽飽未到，如何快啲完成用餐？該女部長表示「已催促上菜、你哋冷靜啲先」，態度非常惡劣！！該女部長未有了解餸菜是否已到齊，便催促客人加快用饍，我們講出事實後，表示已催促，這是什麼處事手法？！服務十分差劣！！食物方面，味道、賣相一般，亦感受不到食材特別新鮮及用心烹調。

餐廳環境不錯，外置流水瀑布，侍應招呼周到，只是位置稍偏僻。四人點了炒飯、蘿蔔糕、黑松露麵、豆腐煲，份量不算多，但蘿蔔榚口感十足、黑松露麵香而不膩，值得推薦。午膳人均消費一百多，然而是沒有加一的。

龍門樓位於南蓮園池內，環境清幽。如提早訂座，可於落地玻璃窗前欣賞瀑布園景用餐；需要留意晚餐有最低消費，每人150HKD。五福拼盤 $125 (細)紅菜頭沙津配黃豆沙律醬，比較似西式沙拉；醬燒菌係醬油燒杏鮑菇，甜甜地好香口；紫甘藍醋粉皮，粉皮配柚子醋酸酸地好開胃；風味碧玉係青瓜仔有Ｄ似露筍；香麻海苔麵根都幾香。野生雜菌砂鍋粥$90雜菌好多料，粥好錦好暖胃。菠蘿咕嚕麥纖 $98炸過既麥纖外脆內韌配上甜甜酸酸咕嚕汁，但佢韌既程度未必人人接受到。松露百合露筍餃 $45餃皮夠薄，松露味香，內含細細粒百合露筍，配搭一流。松茸竹笙浸勝瓜 $100 (半例)竹笙浸上湯，勝瓜好清脆。夕照丹霞 $55甘筍、蘋果、橙汁，顏色配搭令人好開心。腰果桃膠露 $60沒有腰果味，桃膠好少。

昨晚中秋夜，家人突然想去志蓮淨苑食齋菜順便欣賞月光。到場後侍應不斷建議食一個$888的四人套餐，但由於家人都覺得未必食得曬套餐的食物結果決定散叫，此鋪講明每個顧客最少需消費$150元，咁我地就先叫幾樣食物，食物種類請參考所上載的圖片。單從食物的賣相大家可能會覺得有點吸引，但我想說的是味道超差超難食，由於要叫夠個額，我們無奈要再叫其他野食，但就連甜品薑汁膏都可以整到「淋芝芝」好難食。從未試過去一間鋪order 的食物係無一樣野好食，慶幸沒有叫$888的四人套餐，要做要碟碟都唔好食其實都幾高難度。再者，鋪内的侍應態度亦不好，想請佢幫忙拍一張合照，但收到的回復是「我們不會幫客人揸機的。」如此高情操的食店,如果佢所提供的食物品質好的話,我會覺得佢好型，可惜的是食物質素和服務態度都差勁👎🏻 ！本人從未在open rice 發表過食評，今次確實忍唔住要出手係因為感覺實在太差，而且唔止我們覺得難食，亦親耳聽到其他食客在離開鋪頭時講「呢間野係又貴又難食」！希望睇到食評的朋友三思而後行。真心希望龍門樓的老闆、廚師、職員能看到此篇食評而作出改善，地蓮淨苑的環境非常優美，但如此難食的店鋪身在其中是一個污點。

呢間隱世餐廳位於南蓮園池入邊，環境一流，餐廳外面仲有流水做裝飾，好好意境。由於餐廳唔係好多人，所以可以坐耐啲都冇問題。但係記住佢收得比較早，八點幾就last order,九點就關門。齋菜比街邊嘅齋舖價錢稍為貴，但係質素有保證，招牌嘅八寶湯羹同炆伊面就比較淡口，不過食齋菜淡口啲都可以理解。質素真係唔錯👍🏼

平日一班老友每月都要禪一下，今次專程去咗志蓮淨苑內的志蓮素齋一龍門樓，因為是假期關係，所以一早已訂了枱，因時間未到關係，所以我們一班人，在淨苑四周逛咗一陣，來感受一處環境清靜，建設古色古香，帶著襌的味道，令人心境平靜和諧，就好像 吃了第一道菜。我們進入店內，每桌已坐滿人，友人點了四人套餐，內包含醬燒菌、香麻羊肚耳青瓜苗，我第一次食青瓜苗口感好特別，酥炸南瓜拼酥炸丹松、非常香脆而不油膩，而翡翠百福袋入口香菇撲鼻，因我們五人關係可以加一客百福袋，令我們各人都可品嚐，地衣牛肝菌炒飯令我肚子充實咗，最後溫馨提示：店內職員手則是不能 給（幫助）客人拍照。

當晚訂咗檯，首先逛咗一陣志蓮淨苑，第一次嚟，估唔到原來香港有一個咁禪既地方。感覺好似京都夜晚，值得一去㗎～雖然訂咗檯，但都等咗大概十分鐘先有得入座。食到咁上下，就嚟last order，我地就即刻嗌埋甜品。原來餐廳都好早收，無得慢慢坐。講翻食物，整體質素唔錯，所有嘢熱辣辣，同埋都有d特色。有個牛油果芝士春捲，好好味，不過炸南瓜就無咩特別。頭盤都幾特別，有粉皮、紅菜頭同唔知係咩既綠色植物：P黑松露手打麵好creamy，不過真係......carbs，全部都係carbs！糖醋魚就炸到好脆，個人覺得有d太熱氣。整體嚟講，齋鋪嚟講質素唔錯，環境就100分！所以嚟食一定要喺附近行下先。